ວັນທີ 14 ກຸມພາ 2025, ເວັບໄຊຂ່າວໄມນິຈິ ລາຍງານວ່າ ເຈົ້າໜ້າທີ່ຕຳຫຼວດໃນເມືອງຟູຄູໂອກະ ທາງພາກໃຕ້ຂອງປະເທດ ໄດ້ຮັບແຈ້ງຈາກພະນັກງານຮ້ານສະດວກຊື້ແຫ່ງໜຶ່ງ ນຳໄປສູ່ການຈັບຕົວແມ່ຍິງຍີ່ປຸ່ນອາຍຸ 40 ປີ ໃນຂໍ້ຫາ “ທຳລາຍຊັບສິນ” ຂອງຮ້ານ ຫຼັງຈາກນາງເຂົ້າມາໃນຮ້ານແບບເຮັດທີ່ຈະເລືອກຊື້ເຂົ້າໜົມ ແລ້ວຍົກຖົງເຂົ້າໜົມປຂຶ້ນມາບີບຈົນເຮັດໃຫ້ເຂົ້າໜົມປັງໃນຫໍ່ເສຍຮູບຊົງ.

ຕຳຫຼວດເປີດເຜີຍວ່າ ຈາກການສອບສວນເບື້ອງຕົ້ນ ຜູ້ກ່ຽວບໍ່ມີເຈດຕະນາທຳລາຍຊັບສິນ ພຽງແຕ່ຢາກຮູ້ວ່າເຂົ້າໜົມແຂງຫຼືນຸ້ມ ຈຶ່ງໄດ້ໃຊ້ນິ້ວກົດເບົາໆເທົ່ານັ້ນ. ຢ່າງໃດກໍຕາມ, ເຖິງແມ່ນຫໍ່ເຂົ້າໜົມຈະຍັງຢູ່ໃນສະພາບດີ ແຕ່ເຂົ້າໜົມ 1 ຊິ້ນໃນຫໍ່ໄດ້ຮັບຄວາມເສຍຫາຍ ເນື່ອງຈາກໃຊ້ນິ້ວໂປ້ຂວາກົດຖົງເຂົ້າໜົມ ເຮັດໃຫ້ຮ້ານບໍ່ສາມາດຂາຍໄດ້ອີກ.

ຕຳຫຼວດຍັງເຊື້ອວ່າ ເຫດການນີ້ເກີດຂຶ້ນທີ່ຮ້ານສະດວກຊື້ລອວສັນ ສາຂາໜຶ່ງ ໂດຍຜູ້ຈັດການຮ້ານຢືນຢັນວ່າ ເຄີຍເຫັນແມ່ຍິງຄົນນີ້ເຂົ້າມາໃນຮ້ານແລ້ວບີບຫໍ່ເຂົ້າໜົມຫຼາຍຄັ້ງ ແລະໃນຄັ້ງນີ້ຕອນທີ່ຜູ້ກ່ຽວບີບເຂົ້າໜົມແລ້ວຍ່າງອອກໄປ ລາວສັງເກດເຫັນວ່າເຂົ້າໜົມໄດ້ຮັບຄວາມເສຍຫາຍ ຈຶ່ງຂໍໃຫ້ຜູ້ກ່ຽວຈ່າຍເງິນຄ່າເຂົ້າໜົມໃນລາຄາ 180 ເຢນ ຫຼືເກືອບ 25,000 ກີບ ແຕ່ຜູ້ກ່ຽວບໍ່ຍອມຈ່າຍແລະຮີບຍ່າງອອກຈາກຮ້ານ. ພະນັກງານຈຶ່ງຕັດສິນໃຈແລ່ນຕາມເປັນໄລຍະທາງ 1 ກິໂລແມັດ ແລ້ວໂທແຈ້ງຕຳຫຼວດໃຫ້ດຳເນີນການຈັບຕົວທັນທີ.

ສະແດງຄຳຄິດເຫັນ