ແພດຍິງ ພູ່ວໍລະວັນ ລາຊະບັນດິດ ສຳນັກວິທະຍາສາດ ສູນຊ່ຽວຊານສະເພາະທາງດ້ານໄວລັສວິທະຍາຄລີນິກ ຄະນະແພດສາດຈຸລາ ໄດ້ໂພສເຟສບຸກກ່ຽວກັບໂຄວິດ 19 ກຳລັງລະບາດຢ່າງຫນັກໃນປະເທດໄທ

ໂດຍລະບຸວ່າ ລະດູການຂອງໂຄວິດ 19 ໄດ້ເລີ່ມຕັ້ງແຕ່ສົງການເປັນຕົ້ນມາ ແລະ ຈະລະບາດຫຼາຍຂຶ້ນອີກເມື່ອນັກຮຽນເປີດເທີມ.

ໃນປີນີ້ ເນື່ອງຈາກຝົນມາໄວ ການລະບາດໃນຊ່ວງນີ້ ຈຶ່ງມີຜູ້ປ່ວຍຈຳນວນຫຼາຍກວ່າປີກາຍ. ຈຳນວນຍອດຜູ້ປ່ວຍທີ່ແທ້ຈິງ ບໍ່ສາມາດຮູ້ໄດ້ ແຕ່ຍອດຈຳນວນຜູ້ປ່ວຍທີ່ນອນໃນໂຮງໝໍ ເຫັນໄດ້ຊັດເຈນຈາກຮູບທີ່ໃຫ້ເບິ່ງ ໃນປີນີ້ຫຼາຍກວ່າປີກາຍ ສີເຂັ້ມຊັດເຈນ ອາທິດລະ ຫຼາຍກວ່າ 5,000 ຄົນ ສີທີ່ເຫັນຈາກຮູບຈຶ່ງເປັນສີເຂັ້ມແດງ.

ເຊື້ອໂຄວິດ 19 ທີ່ພົບໃນຂະນະນີ້ເປັນສາຍພັນ XEC ເປັນສ່ວນໃຫຍ່ ເປັນສາຍພັນ ຫຼານເຫຼນຂອງໂອມິຄຣອນ ແລະ ລົດຄວາມຮຸນແຮງຂອງພະຍາດ ມາໂດຍຕະຫຼອດ.

ຜູ້ທີ່ເຄີຍເປັນມາແລ້ວ ເປັນຊ້ຳໄດ້ອີກ ແລະ ສ່ວນໃຫຍ່ ຈຳນວນຫຼາຍບໍ່ຮູ້ຕົວວ່າຕິດເຊື້ອ ຄືມີອາການນ້ອຍ ແຕ່ແຜ່ກະຈາຍໄດ້ ຈຶ່ງເປັນເຫດໃຫ້ມີການແຜ່ກະຈາຍໄດ້ຢ່າງກວ້າງຂວາງແລະວ່ອງໄວ.

ອັດຕາການເສຍຊີວິດຂອງພະຍາດນີ້ໃນປັດຈຸບັນ ຫຼຸດລົງຢ່າງຫຼວງຫຼາຍ ຄາດວ່າຢູ່ໃນລະດັບຂອງໄຂ້ຫວັດໃຫຍ່ ເຊິ່ງປີນີ້ທັງປີຄາດວ່າຈະມີການເສຍຊີວິດບໍ່ເກີນ 100 ຄົນ ດັ່ງສະແດງໃນຮູບປຽບທຽບໃນແຕ່ລະປີ. ໃນປີນີ້ເຖິງແມ່ນວ່າຈະມີການລະບາດແລະມີຈຳນວນຄົນນອນໂຮງໝໍຫຼາຍກວ່າປີກາຍ ແຕ່ອັດຕາການເສຍຊີວິດໃນຊ່ວງເວລາດຽວກັນກໍ່ນ້ອຍກວ່າປີກາຍ ດັ່ງສະແດງໃນຮູບ

ການຮັກສາ ເປັນການຮັກສາຕາມອາການຄືກັນກັບພະຍາດທາງເດີນຫາຍໃຈທົ່ວໄປ. ໃນຜູ້ທີ່ສູງອາຍຸ ຫຼື ມີຮ່າງກາຍອ່ອນແອຫຼາຍໆທີ່ຈັດວ່າຢູ່ໃນກຸ່ມສ່ຽງ ການໃຫ້ຢາຕ້ານໄວຣັສ ຢູ່ໃນດຸນພິນິດຂອງແພດ ໂດຍຂະນະນີ້ຢາທີ່ໃຊ້ໄດ້ຜົນດີທີ່ສຸດຄື Remdesivir

ສິ່ງສຳຄັນທີ່ສຸດຂະນະນີ້ຄືການປ້ອງກັນການລະບາດໂດຍສະເພາະໃນໂຮງຮຽນ, ໂຮງງານ ຫຼື ທີ່ມີຄົນຫມູ່ຫຼາຍ ດ້ວຍການລ້າງມື ຢູ່ເປັນນິດ ໃຊ້ແອລກໍຮໍ ແລະ ຖ້າປ່ວຍ ຄວນຢຸດຮຽນ.

ໜ້າກາກອະນາໄມແນະນຳໃຫ້ ຜູ້ປ່ວຍທຸກຄົນຈະຕ້ອງໃສ່ ເພື່ອປ້ອງກັນການກະຈາຍແລະລະບາດຂອງພະຍາດ

ສະແດງຄຳຄິດເຫັນ