Google ເປີດໂຕແວ່ນຕາອັດສະຣິຍະໃນງານ I/O ໃຊ້ Android XR ມາພ້ອມກ້ອງ ໄມໂຄໂຟນ ລຳໂພງ ໜ້າຈໍໃນເລນສ໌ ແລະ ຟີເຈີ Gemini ເຊັ່ນ: ແປພາສາແບບເຣຍລໄທມ໌ ໃຊ້ງານຜ່ານສຽງ ດີໄຊນ໌ລຽບ ເໝາະກັບຊີວິດປະຈຳວັນ

 

ສາກ “ໂທນີ ສະຕາກ” ໃສ່ແວ່ນອັດສະຣິຍະແລ້ວສັ່ງການດ້ວຍປັນຍາປະດິດ ໃຜເຫັນກໍຕ້ອງຮ້ອງວ້າວ ວັນນີ້ Google ໄດ້ນຳພາມະນຸດໄປເຖິງຈຸດນັ້ນແລ້ວ ໃນງານ Google I/O ກູເກີນໄດ້ເປີດໂຕ “ແວ່ນຕາອັດສະຣິຍະ” ອັດແໜ້ນດ້ວຍຟີເຈີສຸດລ້ຳ

 

 

ລະບົບປະຕິບັດການ Android XR ຖືກເປີດໂຕໄປແລ້ວຊ່ວງປາຍປີ 2024 ໃນ “ເຮດເຊດຄອບຫົວ” ຂອງ Samsung ລ່າສຸດ ກູເກີນໄດ້ນຳ Android XR ມາໃຊ້ກັບແວ່ນພາຍໃຕ້ Project Aura ຜະລິດຕົ້ນແບບໂດຍ XREAL ແລະ ຮ່ວມພັດທະນາໂດຍ Samsung, Qualcomm

 

ພາຍໃນງານ ກູເກີນໄດ້ນຳຕົ້ນແບບແວ່ນ Android XR ມາໂຊຄວາມອັດສະລິຍະ ໃຫ້ເບິ່ງກັນສົດໆ ແລ້ວຖ້າເຈົ້າໄດ້ເປັນເຈົ້າຂອງແວ່ນອັດສະຣິຍະນີ້ ນີ້ຄືສິ່ງທີ່ເຈົ້າຈະໄດ້ ແວ່ນມາພ້ອມກັບກ້ອງ ໄມໂຄໂຟນ ລຳໂພງໃນຕົວ ແລະ ທີ່ຄັກທີ່ສຸດຄື Project Aura ມີໜ້າຈໍຝັງໃນເລນສ໌ດ້ວຍ

 

 

ເທົ່ານັ້ນຍັງບໍ່ພໍ ແວ່ນ Android XR ຈະມີການນຳຟີເຈີຂອງ Gemini ມາໃຊ້ດ້ວຍ ເຊັ່ນ: ນຳທາງ ຄຳແນະນຳ ແປພາສາ ສຸປຂໍ້ຄວາມ ທັງໝົດນີ້ ບໍ່ຕ້ອງເອົາມືຖືຂຶ້ນມາເລີຍ ເພາະຜູ້ໃຊ້ສາມາດລົມ ແລະ ຕອບໂຕ້ກັບ Gemini ຜ່ານສຽງໄດ້ໂດຍກົງ ແຖມສາມາດເຮັດວຽກຮ່ວມກັບອຸປະກອນ Android ໄດ້ດ້ວຍ

 

ຫນຶ່ງໃນໄຮໄລທ໌ຂອງໂຊວ໌ເຄສແວ່ນນີ້ຄື ທ່ານ Shahram Izadi ແລະ Nishtha Bhatia ສາທິດຟີເຈີແປພາສາແບບສົດໆ ໂດຍທັງຄູ່ເວົ້າພາສາຟາຊີ ແລະ ຮິນດີໃສ່ກັນ

 

ເຮົາຈະເຫັນວ່າແວ່ນຈະແປເປັນພາສາອັງກິດໃຫ້ແບບເຣຍລໄທມ໌ ເຫັນໄດ້ວ່າການໃຊ້ງານຍັງຕິດຂັດຢູ່ໜ້ອຍໜຶ່ງ ແຕ່ກໍມີບາງຊ່ວງທີ່ເຮັດວຽກໄດ້ລາບລື່ນດີ

 

ວ່າກັນໃນແງ່ຂອງຮູບຊົງພາຍນອກ ນີ້ເປັນແວ່ນທີ່ເໝາະສຳລັບໃສ່ໃນຊີວິດປະຈຳວັນ ມີນ້ຳໜັກເບົາ ຄ່ອງໂຕ ເບິ່ງຜ່ານໆ ເກືອບຈະເບິ່ງບໍ່ອອກວ່ານີ້ເປັນແວ່ນທີ່ອັດແໜ້ນໄປດ້ວຍເທັກໂນໂລຊີ ຕ່າງຈາກ Google Glass ຮຸ່ນເກົ່າ ແຕ່ຖ້າເບິ່ງກັນຈິງໆ Project Aura ມີຄວາມຄ້າຍແວ່ນ Ray-Ban Meta ຂອງຄູ່ແຂ່ງຢູ່ບໍ່ນ້ອຍ

ສະແດງຄຳຄິດເຫັນ