ທີມນັກວິທະຍາສາດຈາກມະຫາວິທະຍາໄລວິທະຍາສາດ ແລະ ເທັກໂນໂລຍີແຫ່ງປະເທດຈີນ (USTC) ໄດ້ສາທິດເທັກໂນໂລຍີໃໝ່ທີ່ສາມາດອ່ານຂໍ້ຄວາມຂະໜາດນ້ອຍເທິງເຈ້ຍໄດ້ຈາກລະຍະໄກເຖິງ 1.36 ກິໂລແມັດ ຫຼື ປະມານ 0.85 ໄມລ໌ ຊຶ່ງຖືເປັນກ້າວກະໂດດທາງດ້ານການຖ່າຍພາບລະຍະໄກລ

ນັກວິໄຈພັດທະນາເລເຊີແນວໃດ?

ເທັກໂນໂລຍີນີ້ອາໄສຫຼັກການລົບກວນຄວາມເຂັ້ມຂອງແສງ ຫຼື Intensity interferometry ຊຶ່ງຕ່າງຈາກກ້ອງທົ່ວໄປທີ່ຕຣວດຈັບແສງໂດຍກົງ

ວິທີນີ້ຈະວັດຮູບແບບການສະທ້ອນ ແລະ ການລົບກວນຂອງແສງ ແລ້ວນຳມາສ້າງພາບຂຶ້ນໃໝ່ ເຮັດໃຫ້ສາມາດເບິ່ງເຫັນລາຍລະອຽດທີ່ນ້ອຍຫຼາຍໄດ້ ເຖິງແມ່ນຈາກລະຍະໄກລ

ການທົດລອງໃຊ້ລຳແສງເລເຊີອິນຟາເຣດຈຳນວນ 8 ລຳ ຍິງໄປຍັງເປົ້າໝາຍ ຈາກນັ້ນກ້ອງໂທລະທັດ 2 ຕົວຈະຈັບພາບຄວາມເຂັ້ມຂອງແສງສະທ້ອນກັບ

ໂດຍການປຽບທຽບຂໍ້ມູນລະຫວ່າງກ້ອງທັງສອງ ເຮັດໃຫ້ສາມາດສ້າງພາບຕົວອັກສອນຂະໜາດພຽງ 3 ມິນລິແມັດ ໄດ້ຢ່າງຊັດເຈນ ຊຶ່ງຄວາມລະອຽດນີ້ສູງກວ່າກ້ອງໂທລະທັດທົ່ວໄປເຖິງ 14 ເທົ່າ

ນັກວິໄຈສາມາດອ່ານຂໍ້ຄວາມໄດ້ໃນລະຍະເກືອບໜຶ່ງໄມລ໌ (Liu et al., Physical Review Letters , 2025)

ນອກຈາກຄວາມແມ່ນຍຳແລ້ວ ລະບົບຍັງສາມາດຈັດການກັບບັນຫາທີ່ເກີດຈາກຄວາມປັ່ນປ່ວນໃນຊັ້ນບັນຍາກາດ ແລະ ຂໍ້ຈຳກັດຂອງການຕັ້ງຄ່າກ້ອງ ເຮັດໃຫ້ເໝາະສຳລັບການໃຊ້ງານທີ່ຕ້ອງການຄວາມລະອຽດສູງ ເຊັ່ນ: ກ້ອງໂທລະທັດອະວະກາດ ຫຼື ລະບົບເຊັນເຊີລະຍະໄກລ

ຕົວອັກສອນບາງຕົວທີ່ອ່ານໂດຍການວັດຄວາມເຂັ້ມຂອງແສງ (Liu et al., Physical Review Letters , 2025)

ເທັກນິກຈາກວົງການດາລາສາດຮ່ວມກັບປັນຍາປະດິດ AI

ເທັກນິກນີ້ເຄີຍໃຊ້ໃນຫໍສັງເກດການທາງດາລາສາດມາແລ້ວ ແຕ່ການທົດລອງຄັ້ງນີ້ເປັນໜຶ່ງໃນຄັ້ງທຳອິດທີ່ຖືກນຳມາປະຍຸກໃຊ້ກັບການກວດຈັບວັດຖຸເທິງໂລກ ໂດຍສະເພາະກັບວັດຖຸທີ່ບໍ່ເປ່ງແສງດ້ວຍຕົວເອງ ຊຶ່ງຖືເປັນການຂະຫຍາຍຂອບເຂດການໃຊ້ງານຢ່າງມີໄນຍະສຳຄັນ

ນັກວິໄຈຍັງຊີ້ວ່າການພັດທະນາເພີ່ມເຕີມ ເຊັ່ນ: ການຄວບຄຸມລຳແສງເລເຊີຢ່າງແມ່ນຍຳຫຼາຍຂຶ້ນ ຫຼື ການເສີມດ້ວຍອັນກໍລິທຶມ AI ເພື່ອຊ່ວຍຕີຄວາມຮູບທຣງ ແລະ ຂໍ້ຄວາມ ຈະຍິ່ງເພີ່ມສັກຍະພາບຂອງເທັກໂນໂລຍີນີ້ໃນອະນາຄົດ

Shaurya Aarav ນັກວິໄຈດ້ານ ອອບຕິກຈາກມະຫາວິທະຍາໄລຊໍບອນ ຊຶ່ງບໍ່ໄດ້ມີສ່ວນຮ່ວມໃນການສຶກສາຄັ້ງນີ້

ໃຫ້ຄວາມເຫັນວ່າ “ນີ້ແມ່ນຄວາມກ້າວໜ້າທາງເທັກນິກທີ່ສຳຄັນໃນການຖ່າຍພາບວັດຖຸທີ່ຢູ່ໄກ ແລະ ບໍ່ເປ່ງແສງເອງ”

ຜົນງານວິໄຈເລື່ອງ “Active Optical Intensity Interferometry” ໄດ້ຮັບການຕີພິມໃນວາລະສານ Physical Review Letters ເມື່ອວັນທີ່ 9 ພຶດສະພາ 2025

ສະແດງຄຳຄິດເຫັນ