ຫຼາຍຄົນມັກຄິດວ່າການອອກກຳລັງກາຍທີ່ໄດ້ຜົນ ຈະຕ້ອງໃຊ້ເວລາດົນ ແຕ່ຄວາມຈິງແລ້ວຜູ້ຊາຍສາມາດ ອອກກຳລັງກາຍແຄ່ວັນລະ 15-30 ນາທີ ແລ້ວໄດ້ຜົນລັບທີ່ຫນ້າປະຫລາດໃຈ! ການອອກກຳລັງກາຍທີ່ມີປະສິດທິພາບໃນເວລາສັ້ນໆ ສາມາດຊ່ວຍເສີມສ້າງກ້າມເນື້ອ ລົດໄຂມັນ ແລະ ເຮັດໃຫ້ຮ່າງກາຍ ຟິດຂຶ້ນໄດ້ຢ່າງວ່ອງໄວ ພຽງແຕ່ເຮັດຕາມ 7 ວິທີອອກກຳລັງກາຍວັນລະ 15-30 ນາທີ ຕໍ່ໄປນີ້ເລີຍ

7 ວິທີອອກກຳລັງກາຍວັນລະ 15-30 ນາທີ

1. ອອກກຳລັງກາຍແບບ Tabata

Tabata ແມ່ນການຝຶກທີ່ມີຄວາມເຂັ້ມຂຸ້ນສູງ ດ້ວຍການໃຊ້ເວລາ 20 ວິນາທີເຕັມທີ່ ແລະ ພັກ 10 ວິນາທີ ສະລັບໄປມາໃນຊ່ວງເວລາ 4 ນາທີ ທ່າຝຶກສາມາດເປັນທ່າຫຍັງກໍໄດ້ຫຼາຍແບບ ເຊັ່ນ: ສະຄວອດ, ພຸດອັບ ຫຼື ການກະໂດດເຊືອກ ການຝຶກແບບ Tabata ເຮັດໃຫ້ທ່ານສາມາດເຜົາຜານແຄລໍຣີ່ຫຼາຍໃນເວລາສັ້ນ ທັງຍັງຊ່ວຍເສີມຄວາມແຂງແຮງ ແລະ ເພີ່ມຄວາມຄ່ອງແຄ້ວໄດ້ອີກດ້ວຍ

2. ການຝຶກແບບ Bodyweight

ການຝຶກທີ່ໃຊ້ພຽງຮ່າງກາຍຂອງຕົວເອງ ເຊັ່ນ: ສະຄວອດ, ພຸດອັບ, ລັນ ຫຼື ທ່າຝຶກການຊົງຕົວ ຊ່ວຍກະຕຸ້ນກ້າມເນື້ອທຸກສ່ວນຂອງຮ່າງກາຍ ແລະ ບໍ່ຈຳເປັນຕ້ອງໃຊ້ອຸປະກອນ ການຝຶກແບບນີ້ເຮັດໄດ້ງ່າຍ ແລະ ບໍ່ຕ້ອງໃຊ້ເວລາຫຼາຍ ເໝາະສຳລັບການອອກກຳລັງກາຍຢູ່ເຮືອນ ຫຼື ເມື່ອມີເວລາໜ້ອຍ

3. ການອອກກຳລັງກາຍແບບຕໍ່ເນື່ອງ

ການອອກກຳລັງກາຍແບບຕໍ່ເນື່ອງ ເຊັ່ນ: ການແລ່ນ ຫຼື ການປັ່ນລົດຖີບໃນລະດັບຄວາມໄວຄົງທີ່ ຈະຊ່ວຍກະຕຸ້ນລະບົບການເຜົາຜານໄຂມັນ ການອອກກຳລັງກາຍແບບນີ້ສາມາດເຮັດໄດ້ 20-30 ນາທີ ຊຶ່ງຊ່ວຍລົດໄຂມັນ ແລະ ເພີ່ມຄວາມທົນທານຂອງຮ່າງກາຍໄດ້ດີ ໃຜທີ່ເຮັດເປັນປະຈຳ ກໍ່ຈະຊ່ວຍໃຫ້ຫຸ່ນກະຊັບຂຶ້ນຢ່າງວ່ອງໄວ

4. ການຝຶກ Flexibility ແລະ Mobility

ການຝຶກຍືດຢຽດ ແລະ ເພີ່ມຄວາມຍືດຍຸ່ນຂອງຮ່າງກາຍ ສຳຄັນບໍ່ແພ້ການຝຶກກ້າມເນື້ອ ການຝຶກທີ່ມຸ່ງເນັ້ນການຍືດກ້າມເນື້ອ ເຊັ່ນ: ໂຍຄະ ຫຼື ພິລາທິສ ຊ່ວຍເພີ່ມຄວາມຍືດຍຸ່ນໃຫ້ກ້າມເນື້ອ ແລະ ລົດການບາດເຈັບຈາກການຝຶກຫນັກ ການຝຶກທ່າຍືດຢຽດເບົາໆ ເປັນເວລາ 15-20 ນາທີ ຫຼັງການອອກກຳລັງກາຍ ຍັງຊ່ວຍໃຫ້ຮ່າງກາຍຜ່ອນຄາຍ ແລະ ລົດອາການຕຶງໄດ້ດີເລີຍທີ່ເດຽວ

5. ການແລ່ນໄວ

ການແລ່ນໄວເປັນກິດຈະກຳທີ່ບໍ່ໜັກເກີນໄປ ແລະ ເຮັດໄດ້ທຸກທີ່ ການແລ່ນໃນລະຍະທາງ 30 ນາທີ ຈະຊ່ວຍເຜົາຜລາດແຄລໍຣີ່ໄດ້ດີຫຼາຍ ອີກທັງຍັງເພີ່ມການໄຫຼວຽນຂອງເລືອດໃຫ້ກັບຮ່າງກາຍ ການແລ່ນໄວສາມາດເຮັດໄດ້ທຸກມື້ ເປັນກິດຈະກຳທີ່ເສີມສຸຂະພາບຫົວໃຈ ແລະ ລົດຄວາມຄຽດໃນແຕ່ລະມື້ໄດ້ດີ

6. ການຝຶກແບບ Superset

Superset ແມ່ນການເຮັ 2 ທ່າຝຶກເວທເທຣນນິ່ງຕິດກັນ ໂດຍບໍ່ຢຸດພັກ ເຊັ່ນ: ສະຄວອດຕາມດ້ວຍພຸດອັບ ທ່າຝຶກແບບນີ້ຈະເຮັດໃຫ້ການອອກກຳລັງກາຍມີຄວາມເຂັ້ມຂຸ້ນຫຼາຍຂຶ້ນ ແລະ ຊ່ວຍເພີ່ມມວນກ້າມເນື້ອຢ່າງວ່ອງໄວ ໂດຍທີ່ບໍ່ຕ້ອງໃຊ້ເວລາດົນ ການຝຶກແບບ Superset ເປັນວິທີທີ່ເໝາະສຳລັບຜູ້ທີ່ຕ້ອງການຜົນລັບໄວ ແລະ ມີເວລາອອກກຳລັງກາຍນ້ອຍ

7. ການຝຶກ Core

ການຝຶກກ້າມເນື້ອແກນກາງ ເປັນເລື່ອງທີ່ບໍ່ຄວນເບິ່ງຂ້າມ ເພາະຈະຊ່ວຍເສີມຄວາມໝັ້ນຄົງໃຫ້ກັບຮ່າງກາຍ ຊຶ່ງສຳຄັນໃນການທຳກິດຈະກຳອື່ນໆ ເຊັ່ນ: ການຍົກຂອງໜັກ ຫຼື ການແລ່ນ ການຝຶກທ່າແພລງກ໌, ຊິດອັບ ຫຼື ການເຮັດທ່າສະພານ ຈະຊ່ວຍໃຫ້ກ້າມເນື້ອແກນກາງແຂງແຮງ ແລະ ລົດອາການປວດຫຼັງໄດ້ຫຼາຍຂຶ້ນ

ການອອກກຳລັງກາຍບໍ່ຈຳເປັນຕ້ອງໃຊ້ເວລາດົນ ເພື່ອໃຫ້ຜູ້ຊາຍສາມາດບັນລຸເປົ້າໝາຍເລື່ອງຫຸ່ນດີໄດ້ ພຽງ 15-30 ນາທີຕໍ່ມື້ ແລະ ໃຊ້ວິທີທີ່ຖືກຕ້ອງ ຕາມທີ່ພວກເຮົາໄດ້ແນະນຳໄວ້ ພຽງເທົ່ານີ້ທ່ານກໍ່ສາມາດຟິດ ແລະ ແຂງແຮງໄດ້ທຸກມື້ ເຖິງແມ່ນຈະບໍ່ມີເວລາຫຼາຍ ກໍ່ຍັງສາມາດສ້າງຮ່າງກາຍທີ່ແຂງແຮງ ແລະ ກະຊັບໄດ້ຕາມຕ້ອງການ!

ສະແດງຄຳຄິດເຫັນ