ທະຫານພານ ຫນອງຄາຍ -ນາວິກາໂຍທິນ ເຂດຫນອງຄາຍ ສະກັດຈັບ ໜຸ່ມ ສປປ.ລາວ ຮັບຈ້າງຂັບລົດຂົນຢາບ້າຂ້າມຈັງຫວັດ ກວດຍຶດຢາບ້າກວ່າ 6 ລ້ານເມັດ

 

(12 ມິຖຸນາ 2025) ທີ່ກອງຮ້ອຍທະຫານພານທີ່ 2110 ຫນ່ວຍເສພາະກິດກົມທະຫານພານທີ່ 21 ຕຳບົນ ບ້ານມ່ວງ ອຳເພີ ສັງຄົມ

 

ເຈົ້າໜ້າທີ່ໄດ້ຮ່ວມກັນຈັບກຸມ ທ້າວວັນເພັງ (ສະຫງວນນາມສະກຸນ) ອາຍຸ 25 ປີ ຢູ່ບ້ານກ້ອນຄໍາເມືອງຫມື່ນ ແຂວງວຽງຈັນ ສປປ.ລາວ ພ້ອມຂອງກາງຢາບ້າຈໍານວນ 5,840,000 ເມັດ ລົດຍົນກະບະຍີ່ຫໍ້ ມິດຊູບິຊິໄຕຕັນ ທະບຽນຊົນບຸລີ

 

 

ການຈັບກຸມໃນຄັ້ງນີ້ສືບເນື່ອງຈາກ ຮ້ອຍເອກ  ພ້ອມພາກສ່ວນທີ່ກ່ຽວຂ້ອງ ໃຫ້ຊ່ວຍກວດສອບລົດຍົນກະບະຍີ່ຫ້ອມິດຊູບິຊິໄຕຕັນ ທະບຽນຊົນບຸລີ ທີ່ຂັບຈາກ ຕຳບົນ ຫາດຄັມພີ ອຳເພີ ປາກຊົມ ຈັງຫວັດ ເລີຍ ມາທາງ ຕຳບົນ ບ້ານມ່ວງ ອຳເພີສັງຄົມ ຈັງຫວັດ ຫນອງຄາຍ

 

 

ທ່າທາງມີພິລຸດຄາດວ່າ ຈະມີສິ່ງຜິດກົດໝາຍ ຈຶ່ງໄດ້ລາຍງານໃຫ້ ພ.ອ.ອິນທາວຸດ ທອງຄໍາ ຜບ.ສປ.ທພ.21 ຊາບ ພ້ອມສັ່ງການປະສານຝ່າຍປົກຄອງໃນພື້ນທີ່ອໍາເພີສັງຄົມ,ນາວິກາໂຍທິນເຂດຫນອງຄາຍ(ສະຖານີເຮືອສັງຄົມ) ຕັ້ງຈຸດສະກັດທີ່ບໍລິເວນໜ້າສູນບໍລິການປະຊາຊົນ ຕຳບົນ ບ້ານມ່ວງ (ຖະໜົນທາງຫຼວງໝາຍເລກ211ເລີຍ-ຫນອງຄາຍ)

 

 

ຕໍ່ມາເວລາ 01.40 ນາທີ ເຈົ້າໜ້າທີ່ພົບລົດຍົນກະບະຍີ່ຫໍ້ ມິດຊູບິຊິໄຕຕັນ ທະບຽນຊົນບຸລີ ວິ່ງຜ່ານຈຸດກວດດ້ວຍຄວາມໄວສູງ ເຈົ້າໜ້າທີ່ທີ່ກຽມພ້ອມຢູ່ແລ້ວ ຈຶ່ງໄດ້ຂັບລົດຕິດຕາມ

 

 

ຈົນກະທັ່ງນຳມາທັນທີ່ບ້ານຕາດເສີມ ຕຳບົນ ບ້ານມ່ວງ ອຳເພີ ສັງຄົມ ລົດກະບະໄດ້ເສຍຫຼັກລົງຂ້າງທາງ ເຈົ້າໜ້າທີ່ຈຶ່ງເຂົ້າກວດສອບລົດ ແລະ ຄວບຄຸມຄົນຂັບໄວ້ໄດ້ ຕໍ່ມາຈຶ່ງຮູ້ຊື່ ທ້າວວັນເພັງ ຄົນລາວ ອາຍຸ 25ປີ

 

 

ສະແດງຄຳຄິດເຫັນ