Trump Mobile ກຳລັງມາ ອາດເກີດຂຶ້ນຈິງໂດຍ ປະທານາທິບໍດີໂດນາລ ທຣຳ ກຳລັງວາງແຜນເຂົ້າສູ່ວົງການມືຖື ດ້ວຍການຈົດທະບຽນເຄື່ອງໝາຍການຄ້າ ກະກຽມເປີດເຄືອຂ່າຍມືຖືຂອງຕົນເອງ ພາຍໃຕ້ຊື່ “Trump” ແລະ “T1” ສຳລັບບໍລິການເຄືອຂ່າຍໂທລະສັບມືຖືແລະອຸປະກອນຕ່າງໆ

ຈົດຊື່ “Trump” ແລະ “T1” ຄອບຄຸມທັງມືຖື – ອຸປະກອນເສີມ

ບໍລິສັດ DTTM Operations LLC ຊຶ່ງດູແລເລື່ອງເຄື່ອງໝາຍການຄ້າຂອງທຣຳ ໄດ້ຍື່ນຂໍຈົດທະບຽນກັບຫົວໜ້າງານລັດຂອງສະຫະລັດ ຄອບຄຸມຫຼາຍລາຍການ ເຊັ່ນ:

• ບໍລິການເຄືອຂ່າຍໄຮ້ສາຍ (ມືຖື)
• ໂທລະສັບມືຖື
• ອຸປະກອນເສີມ ເຊັ່ນ ກ່ອງໃສ່ມືຖື, ສາຍສາກ
• ຮ້ານຂາຍສິນຄ້າເຫຼົ່ານີ້

ໂດຍການຍື່ນຈົດແບບນີ້ບໍ່ແມ່ນພຽງແຕ່ “ກັນຊື່ໄວ້ກ່ອນ” ແຕ່ຍັງມີການແນບຄຳປະກາດວ່າມີແຜນຈະໃຊ້ຈິງດ້ວຍ

Trump Mobile ອາດເປັນເຄືອຂ່າຍມືຖືພາຍໃຕ້ຊື່ T1

ຕາມເອກະສານທີ່ Josh Gerben ທະນາຍຄວາມດ້ານເຄື່ອງໝາຍການຄ້າພົບແລະລາຍງານໂດຍ Bloomberg

ການຍື່ນຂໍເຄື່ອງໝາຍການຄ້າບໍ່ໄດ້ເປັນເຄື່ອງຮັບປະກັນວ່າທຸລະກິດໃໝ່ຈະເກີດຂຶ້ນ ຢ່າງໃດກໍຕາມ Gerben ລະບຸໄວ້ໃນບລ໋ອກໂພສຂອງລາວວ່າ ການຍື່ນຂໍເຄື່ອງໝາຍການຄ້ານີ້ຍື່ນພາຍໃຕ້ຫຼັກເກນ “ເຈດຕະນາໃຊ້ງານ” ຊຶ່ງມັກໝາຍຄວາມວ່າບໍລິສັດມີເຈດຕະນາຈິງຈັງທີ່ຈະໃຫ້ບໍລິການເຫຼົ່ານີ້

ຫາກເດີນໜ້າຕໍ່ຈິງ ເຄືອຂ່າຍນີ້ອາດໃຊ້ຊື່ “T1” ຊຶ່ງກໍອາດເກີດບັນຫາໄດ້ ເພາະຊື່ດັນໄປຄ້າຍກັບແບຣນດ໌ດັງຢ່າງ T-Mobile ທີ່ເປັນຜູ້ໃຫ້ບໍລິການມືຖືລາຍໃຫຍ່ໃນສະຫະລັດ

Gerben ກ່າວວ່າ “ເບິ່ງຄືວ່າ T-Mobile ຈະບໍ່ນ່າຈະນິ່ງເສຍແລະປ່ອຍໃຫ້ເຄື່ອງໝາຍການຄ້າ ‘T1’ ດຳເນີນຕໍ່ໄປໂດຍບໍ່ຕໍ່ສູ້ ເພາະການອະນຸຍາດໃຫ້ໃຊ້ເຄື່ອງໝາຍການຄ້າຮູບແບບ ‘T’ ອີກຄັ້ງໃນພື້ນທີ່ໂທລະສັບມືຖືຈະເຮັດໃຫ້ສິດຂອງບໍລິສັດໃນເຄື່ອງໝາຍການຄ້າ T-Mobile ຫຼຸດລົງຢ່າງບໍ່ຕ້ອງສົງໄສ”

ບຸກເບີກໂທລະສັບມືຖື Made in America?

ຂະນະນີ້ຕະຫຼາດສະມາດໂຟນມີການແຂ່ງຂັນກັນຢ່າງໜັກ ສຳລັບຜູ້ຫຼິ້ນລາຍໃໝ່ຈະເຂົ້າສູ່ຕະຫຼາດໄດ້ຍາກ ໂດຍສະເພາະກັບແບຣນດ໌ຈີນຢ່າງ Vivo, Oppo ແລະ Xiaomi ທີ່ນຳສະເໜີໂທລະສັບລາຄາບໍ່ແພງເປັນທາງເລືອກແທນໂທລະສັບເຮືອທຸງຈາກ Apple ແລະ Samsung

ຢ່າງໃດກໍຕາມ ໂທລະສັບທີ່ມີແບຣນດ໌ທຣຳອາດມີເສັ່ນຫ້າດຶງດູດໃຈ ທຣຳສະໜັບສະໜູນໃຫ້ຜູ້ຜະລິດໂທລະສັບ ເຊັ່ນ Apple ຜະລິດ iPhone ໃນສະຫະລັດອາເມລິກາ ຢ່າງໃດກໍຕາມ Apple ເຄີຍລະບຸຫຼາຍຄັ້ງໃນອະດີດວ່າ ການນຳການຜະລິດມາຍັງສະຫະລັດອາເມລິກາເປັນສິ່ງທີ່ເປັນໄປບໍ່ໄດ້ ຢ່າງໜ້ອຍກໍບໍ່ແມ່ນໃນອະນາຄົດອັນໃກ້ນີ້

ລອງຈິນຕະນາການວ່າຖ້າທຣຳເປີດຕົວໂທລະສັບຂອງຕົນເອງ ລາວຈະສາມາດເຂົ້າຫາດ້ວຍມຸມມອງແບບ “Made in America” ໄດ້ ຫາກ T1 ຫຼື Trump Mobile ເກີດຂຶ້ນຈິງ ຖືເປັນກ້າວທຳອິດຂອງແບຣນດ໌ Trump ສູ່ໂລກເທັກໂນໂລຊີ ຈາກທຸລະກິດເດີມຂອງ Trump ທີ່ມຸ່ງເນັ້ນໄປທີ່ການບໍລິການແລະອະສັງຫາລິມະສັບມາໂດຍຕະຫຼອດ

ຂ່າວຈາກ: PC MAG , Bloomberg

ສະແດງຄຳຄິດເຫັນ