ສຳນັກຂ່າວ IRNA ຂອງລັດຖະບານອີຣ່ານ ລາຍງານເມື່ອມື້ວານນີ້ 30 ມິຖຸນາ 2025 ວ່າ ອີຣ່ານໄດ້ປັບເພີ່ມຍອດຜູ້ເສຍຊີວິດຢ່າງເປັນທາງການໃນອີຣ່ານ ໃນ “ສົງຄາມ 12 ວັນ”

 

ກັບອິສຣາເອນເມື່ອເດືອນມິຖຸນາເພີ່ມອີກກວ່າ 300 ຄົນ ເປັນ 935 ຄົນ ຈາກເດີມ 627 ຄົນທີ່ອີຣ່ານເຄີຍລາຍງານໃນເບື້ອງຕົ້ນເມື່ອອາທິດກ່ອນ ໃນຈຳນວນຜູ້ເສຍຊີວິດດັ່ງກ່າວ ເປັນເດັກ 38 ຄົນ ຜູ້ຍິງ 132 ຄົນ ແຕ່ IRNA ບໍ່ໄດ້ແຍກຜູ້ເສຍຊີວິດທີ່ເປັນທະຫານແລະພົນລະເຮືອນອອກຈາກກັນ

 

ຢ່າງໃດກໍຕາມ ເຖິງວ່າແຕ່ຕົວເລກຜູ້ເສຍຊີວິດທີ່ປັບເພີ່ມໃໝ່ນີ້ ກໍຍັງໜ້ອຍກວ່າທີ່ລາຍງານໂດຍກຸ່ມສິດທິມະນຸດຊື່ “Human Rights Activists” ມີຖານຢູ່ໃນສະຫະລັດ

 

ທີ່ໄດ້ລາຍງານເມື່ອທ້າຍອາທິດທີ່ຜ່ານມາ ຈາກຕົວເລກທີ່ທາງກຸ່ມສິດທິມະນຸດລວບລວມເອງຈາກເຄືອຂ່າຍການແພດ ແລະ ອາສາສະໝັກວ່າ ຍອດຜູ້ເສຍຊີວິດໃນອີຣ່ານຈາກສົງຄາມ 12 ວັນ ຢູ່ທີ່ 1,190 ຄົນ

 

ແລະ ແຍກຜູ້ເສຍຊີວິດທີ່ເປັນທະຫານ ແລະ ພົນລະເຮືອນວ່າ ເສຍຊີວິດໃນຈຳນວນເທົ່າໆກັນ ໂດຍທະຫານອີຣ່ານເສຍຊີວິດ 435 ຄົນພົນລະເຮືອນອີຣ່ານເສຍຊີວິດ 436 ຄົນ ສ່ວນອີກ 319 ຄົນຍັງລະບຸບໍ່ໄດ້

 

ຢ່າງໃດກໍຕາມ ກຸ່ມນີ້ມີປະຫວັດມັກລາຍງານຕົວເລກຜູ້ເສຍຊີວິດໃນອີຣ່ານ ສູງກວ່າຕົວເລກທາງການ

 

ສຳລັບສົງຄາມ 12 ວັນເກີດຂຶ້ນລະຫວ່າງວັນທີ່ 13-24 ມິຖຸນາທີ່ຜ່ານມາ ອິສຣາເອນເປັນຝ່າຍໂຈມຕີໂຮງງານນິວເຄລຍອີຣ່ານ ລະບົບປ້ອງກັນໄພປ້ອງກັນຊາດ ແລະ ສັງຫານທະຫານລະດັບສູງ ລວມໄປເຖິງນັກວິທະຍາສາດນິວເຄລຍ ອ້າງເຫດຜົນວ່າອີຣ່ານໃກ້ຜະລິດລະເບີດນິວເຄລຍໄດ້ສຳເລັດ

 

ໃນການໂຕ້ກັບ ອີຣ່ານຍິງຂີປະນາວຸດຖິ້ມຕົວຫຼາຍກວ່າ 550 ລູກຖົ່ມອິສຣາເອນ ແຕ່ສ່ວນໃຫຍ່ຖືກລະບົບປ້ອງກັນໄພທາງອາກາດຂອງອິສຣາເອນຍິງສະກັດໄວ້ໄດ້ ແຕ່ຍັງຄົງມີບາງສ່ວນທີ່ສາມາດເຈາະທະລຸລະບົບປ້ອງກັນຂອງອິສຣາເອນໄປໄດ້ ເຮັດໃຫ້ມີຜູ້ເສຍຊີວິດ 28 ຄົນໃນອິສຣາເອນ ແລະ ສ້າງຄວາມເສຍຫາຍແກ່ສະຖານທີ່ທາງທະຫານຂອງອິສຣາເອນຫຼາຍແຫ່ງ

ສະແດງຄຳຄິດເຫັນ