ຫໍພິພິຕະພັນຫລວງພະບາງ ເລີ່ມເປີດໃຫ້ບໍລິການແກ່ນັກທ່ອງທ່ຽວແລ້ວ

    0
    45

    ຫໍພິພິຕະພັນຫລວງພະບາງ ເລີ່ມເປີດໃຫ້ບໍລິການແກ່ນັກທ່ອງທ່ຽວແລ້ວ

    ຫໍພິພິຕະພັນ ນະຄອນ ຫລວງພະບາງ ໄດ້ເປີດບໍລິການຕໍ່ນັກທ່ອງທ່ຽວທີ່ເຂົ້າມາທ່ຽວຊົມ ທຸກມື້ ເລີ່ມແຕ່ວັນທີ 1 ເມສາ 2022 ເປັນຕົ້ນໄປ ແນໃສ່ໃຫ້ນັກທ່ອງທ່ຽວທີ່ມີເວລາໜ້ອຍໃນການມາທ່ຽວຊົມ ໂດຍສະເພາະແມ່ນວັນເສົາ-ວັນທິດ ໄດ້ເຂົ້າຊົມ ເນື່ອງຈາກໄລຍະຜ່ານມາ ຫໍພິພິຕະພັນໄດ້ປິດໃຫ້ບໍລິການໃນວັນພັກສອງວັນດັ່ງກ່າວ.

    ທ່ານ ສົມໃຈ ຫົງພະຈັນ ຫົວໜ້າຫໍພິພິຕະພັນ ແຂວງຫລວງພະບາງ ໄດ້ໃຫ້ຮູ້ວ່າ: ຫໍພິພິຕະພັນຫລວງພະບາງ ເປັນພະລາດຊະວັງເກົ່າ ສ້າງຕາມແບບສະຖາປັດຕະຍະກຳ ຝຣັ່ງ ໃນປີ 1904 ແລະ ຕໍ່ເຕີມຍອດ ຂອງຜາສາດແບບລາວ ໃນປີ 1930. ປັດຈຸບັນ ໃຊ້ສະແດງສິນລະປະ ແລະ ພຸດທະສາດສະໜາ ເປັນທີ່ປະດິດສະຖານພະບາງ ແລະ ສະ ແດງກ່ຽວກັບປະຫວັດເຈົ້າຊີວິດ ແລະ ຄອບຄົວ, ມີການກໍ່ສ້າງອາຄານໃໝ່ທີ່ສວຍງາມ ສຳ ລັບປະດິດສະຖານພະບາງ ໂດຍໄດ້ເລີ່ມເປີດໃຫ້ບໍລິການນັກທ່ອງທ່ຽວທຸກມື້ແລ້ວ ນັບແຕ່ວັນທີ 1 ເມສາ 2022, ວັນຈັນເຖິງວັນທິດ ໂດຍບໍ່ມີມື້ພັກ (ບໍ່ໄດ້ປິດ)

    ທັງນີ້ກໍເພື່ອແນໃສ່ຕ້ອນຮັບນັກທ່ອງທ່ຽວທີ່ເຂົ້າມມາທ່ຽວນະຄອນຫລວງພະບາງ ໂດຍສະເພາະແມ່ນກຸ່ມນັກທ່ອງທ່ຽວທີ່ມາທ່ຽວໄດ້ແຕ່ ວັນເສົາ-ວັນທິດ ໄດ້ມີໂອກາດເຂົ້າໄປທ່ຽວຊົມທາງໃນຫໍພິພິຕະພັນ. ພ້ອມນີ້, ຍັງເປັນການກະຕຸ້ນໃຫ້ການທ່ອງທ່ຽວພາຍໃນປະເທດ ໃຫ້ມີບັນຍາກາດຄຶກຄື້ນມ່ວນຊື່ນ ລວມເຖິງໂອກາດປີໃໝ່ລາວທີ່ຈະມາເຖິງນີ້ ເຊິ່ງຈະມີຜູ້ຄົນລັ່ງໄຫລກັນເຂົ້າມາທ່ຽວຊົມເມືອງ ມໍລະດົກໂລກຫລວງພະບາງ ນັບມື້ນັບຫລາຍຂຶ້ນ.

    ສະນັ້ນ, ຫໍພິພິຕະພັນ ນະຄອນ ຫລວງພະບາງ ເປີດບໍລິການໃຫ້ແຂກນັກທ່ອງທ່ຽວເຂົ້າຊົມ ໂດຍບໍ່ມີມື້ປິດນັ້ນ ກໍເປັນສ່ວນໜຶ່ງໃນການຕອບສະໜອງດ້ານການທ່ອງທ່ຽວໃນພື້ນທີ່ສີຂຽວ ແລະ ຈະເຮັດໃຫ້ແຂວງຫລວງພະບາງມີລາຍຮັບເພີ່ມຂຶ້ນ ໂດຍສະເພາະ ແມ່ນ ຫໍພິພິຕະພັນ ແຂວງຫລວງພະບາງ ແລະ ນັກທ່ອງທ່ຽວທີ່ມາທ່ຽວຊົມແຂວງດັ່ງກ່າວແຕ່ລະຄັ້ງ ໄດ້ເຂົ້າເບິ່ງທາງໃນຂອງຫໍພິພິຕະພັນ ກໍຍິ່ງຈະມີຄວາມເພິ່ງພໍໃຈຕໍ່ກັບການທ່ອງ ທ່ຽວຂອງເຂົາເຈົ້າ ຕື່ມອີກ
    ທີ່ມາ: ຂປລ

    LEAVE A REPLY

    Please enter your comment!
    Please enter your name here

    This site uses Akismet to reduce spam. Learn how your comment data is processed.