ຍີ່ປຸ່ນ ສົ່ງເສີມກະສິກອນສວນກາເຟ ຢູ່ 8 ບ້ານ ໃນເມືອງໂພນໄຊ ແລະ ເມືອງວຽງຄຳ
ລັດຖະບານຍີ່ປຸ່ນ ໃຫ້ທຶນສະໜັບສະໜູນໂຄງການສ້າງການຄ້ຳປະກັນສະບຽງອາຫານໃຫ້ຊາວກະສິກອນ ແລະ ເຊື່ອມໂຍງທາງດ້ານເສດຖະກິດ ກັບຍີ່ປຸ່ນ (COFFEE-JAPAN) ປະມານ 1 ລ້ານໂດລາສະຫະລັດ ຊຶ່ງໂຄງການນີ້ ແນໃສ່ການສົ່ງເສີມກະສິກອນສວນກາເຟ ຢູ່ 8 ບ້ານ ໃນເມືອງໂພນໄຊ ແລະ ເມືອງວຽງຄຳ ແຂວງຫຼວງພະບາງ ໃນໄລຍະເວລາ 30 ເດືອນ, ພ້ອມທັງຊຸກຍູ້ຄວາມພະຍາຍາມໃນການຜະລິດ, ການຕະຫຼາດ, ສົ່ງເສີມການເຂົ້າເຖິງ ແລະ ຄວາມເຂົ້າໃຈ ກ່ຽວກັບດ້ານໂພຊະນາການທີ່ຈໍາເປັນ ເຊິ່ງກາເຟທີ່ຜະລິດໄດ້ແມ່ນຈະສົ່ງອອກໄປຍັງຕະຫຼາດຍີ່ປຸ່ນ. ທ່ານ ສິລິພອນ ສຸພັນທອງ ຮອງເຈົ້າແຂວງຫຼວງພະບາງ ໄດ້ກ່າວວ່າ: ກາເຟ ເປັນພືດທີ່ມີທ່າແຮງສູງ ໃນການສ້າງໂອກາດທາງເສດຖະກິດໃຫ້ປະຊາຊົນ. ແຕ່ກາເຟທີ່ມີຄຸນນະພາບສູງເພື່ອສາມາດສົ່ງອອກສູ່ຕະຫຼາດສາກົນແມ່ນຍັງຂາດແຄນ ເນື່ອງຈາກກະສິກອນຢູ່ເຂດພາກເໜືອຂອງປະເທດລາວ ຍັງມີທັກສະທີ່ຈຳກັດ ໃນການປູກກາເຟ ທີ່ມີຄຸນນະພາບຕາມຄວາມຮຽກຮ້ອງຕ້ອງການ ຂອງຕະຫຼາດສາກົນ. ການສະໜັບສະໜູນຈາກປະເທດຍີ່ປຸ່ນ ແລະ ການຮ່ວມມືຂອງຫຼາຍພາກສ່ວນໃນຄັ້ງນີ້ ຈະຊ່ວຍສ້າງລາຍຮັບໃຫ້ກະສິກອນສວນກາເຟ, ພ້ອມທັງຮັບປະກັນໃຫ້ເຂົາເຈົ້າໄດ້ຮຽນຮູ້ ກ່ຽວກັບໂພຊະນາການ ແລະ ເຂົ້າເຖິງອາຫານ ເພື່ອສຸຂະພາບຕື່ມອີກ. ທ່ານ ເຄນິຈິ ໂກບາຢາຊິ ເອກອັກຄະຣາຊະທູດຍີ່ປຸ່ນ […]
ສຳປະທານດິນ 3.000 ກວ່າເຮັກຕາ ປູກຫຍ້າ ແລະ ລ້ຽງງົວ ເພື່ອສົ່ງອອກ
ກຸ່ມບໍລິສັດ ດວງຈະເລີນ ກໍ່ສ້າງ ຈຳກັດ ສຳປະທານທີ່ດິນລັດ 3.000 ກວ່າເຮັກຕາ ຢູ່ແຂວງ ບໍ່ແກ້ວ ເພື່ອປູກຫຍ້າ ແລະ ລ້ຽງງົວ ເພື່ອຕອບສະໜອງຄວາມຕ້ອງການຊີ້ນງົວຂອງຕະຫຼາດທັງພາຍໃນ ແລະ ຕ່າງປະເທດ ໂດຍແນໃສ່ຕະຫຼາດຈີນເປັນຕະຫຼາດຫຼັກ. ອີງຕາມການລາຍງານຂອງ ໜັງສືພິມ ເສດຖະກິດ-ການຄ້າ, ທ່ານ ຄຳຝາຍ ສີລາຊາ ປະທານ ກຸ່ມບໍລິສັດ ດວງຈະເລີນ ກໍ່ສ້າງ ຈຳກັດ ໃນນາມຜູ້ພັດທະນາປູກຝັງ ແລະ ລ້ຽງສັດຢູ່ແຂວງບໍ່ແກ້ວ ກ່າວວ່າ: ໂຄງການດັ່ງກ່າວ ເລີ່ມມາແຕ່ປີ 2021 ໄດ້ສຳປະທານດິນທັງໝົດ 5 ຕອນເນື້ອທີ່ລວມ 3.687 ເຮັກຕ້າ ຕັ້ງຢູ່ໃນເນື້ອທີ່ຂອງ 2 ເມືອງໃນແຂວງບໍ່ແກ້ວ, ເນື້ອທີ່ສ່ວນຫຼາຍແມ່ນເປັນເຂດພູດອຍ ສະຫຼັບກັບພູພຽງ ເໝາະສຳລັບການປູກຝັງລ້ຽງສັດ. ໂດຍໂຄງການດັ່ງກ່າວ ໄດ້ທົດລອງລ້ຽງງົວຢູ່ 4 ສາຍພັນ ປະກອບມີ: ສາຍພັນ ແອັງກາສ ວາກິວ ນຳເຂົ້າຈາກ ອົດສະເຕເລຍ […]
ກໍ່ເຫດຂ້າເມຍຕົວເອງ ຍ້ອນເມຍຖາມປະ ແລະ ເມຍບໍ່ໃຫ້ເງິນ
ທ້າວ ແຫຼ້ ລັດສົມບັດ ອາຍຸ 49 ປີ, ອາຊີບເຮັດນາ ຊຶ່ງປະຈຸບັນ ຢູ່ບ້ານ ດົງຄຸງ ເມືອງໜອງບົກ ແຂວງຄຳມ່ວນ ໄດ້ລົງມືກໍ່ເຫດຄາຕະກຳຜູ້ເປັນເມຍ ຊື່ນາງ ບຸນພັກ ລັດສົມບັດ (ແດງ) ອາຍຸ 29 ປີ ສາເຫດຍ້ອນເມຍຖາມປະ ແລະ ຂໍເງິນຈຳນວນ 30 ລ້ານກີບ ແຕ່ເມຍບໍ່ໃຫ້. ໃນວັນທີ 15 ກຸມພາ 2024 ຜ່ານມານີ້, ເຈົ້າໜ້າທີ່ພະແນກຕຳຫຼວດໜ່ວຍງານຄະດີອາຍາ-ເສດຖະກິດ ປກສ ເມືອງໜອງບົກ ແຂວງຄຳມ່ວນ ໄດ້ນຳຕົວທ້າວ ແຫຼ້ ລັດສົມບັດ ໄປເຮັດຈຳລອງເຫດການຄືນ ຫຼັງຈາກກໍ່ເຫດການຄາຕະກຳຜູ້ເປັນເມຍໃນວັນທີ 11 ກຸມພາ 2024 ຜ່ານມານີ້. ທ້າວ ແຫຼ້ ຮັບສາລະພາບໃນເບື້ອງຕົ້ນວ່າ: ໃນຕົ້ນເດືອນກຸມພານີ້ ໄດ້ຂໍເງິນນຳນາງ ບຸນພັກ (ເມຍ) ຈຳນວນ 5 ລ້ານກີບ ເພື່ອໄປແຕ່ງເຄື່ອງສຽງລົດແຕ່ເມຍບໍ່ໃຫ້, […]
ປີ 2024 ເສຍຊີວິດແລ້ວ 1 ຄົນ ຍ້ອນໄຂ້ຍຸງລາຍ
ສະພາບການລະບາດຂອງໄຂ້ຍຸງລາຍ ຍັງມີທ່າອ່ຽງສຶບຕໍ່ແຜ່ລະບາດໃນຂອບເຂດທົ່ວປະເທດ ບໍ່ວ່າຈະຢູ່ໃນໄລຍະລະດູຝົນ ແລະ ລະດູໜາວ, ໂດຍສະເພາະ ປີ 2024 ມີຜູ້ເສຍຊິວິດຍ້ອນໄຂ້ຍຸງລາຍ ແລ້ວ 1 ຄົນ, ເພດຊາຍ ອາຍຸ 33 ປີ, ພັກຢູ່ຫ້ອງແຖວຫໍພັກບຸນເກີດ, ບ້ານສີເກີດ ເມືອງນາຊາຍທອງ ນະຄອນຫຼວງວຽງຈັນ ໃນວັນທີ 20 ກຸມພາ 2024 ຜ່ານມານີ້. ສູນຂ່າວສານການແພດສຸຂະສຶກສາ ໄດ້ລາຍງານວ່າ: ນັບແຕ່ຕົ້ນເດືອນມັງກອນ 2024 ມາຮອດປະຈຸບັນ, ມີຜູ້ປ່ວຍໄຂ້ຍຸງລາຍສະສົມແລ້ວ 1.053 ກໍລະນີ, ໃນນັ້ນ ມີຜູ້ປ່ວຍໄຂ້ຍຸງລາຍຫຼາຍກວ່າໝູ່ແມ່ນແຂວງເຊກອງ 296 ກໍລະນີ, ນະຄອນຫຼວງວຽງຈັນ 217ກໍລະນີ, ຫຼວງນໍ້າທາ 173 ກໍລະນີ ແລະ ແຂວງ ອື່ນໆ ອີກ. ສໍາລັບ ປີ 2023 ທີ່ຜ່ານມາ, ໃນທົ່ວປະເທດລາວ ມີຜູ້ປ່ວຍໄຂ້ຍຸງລາຍທັງໝົດ 35.317 ກໍລະນີຄົນ ແລະ […]
ດວງລາຍວັນປະຈໍາວັນ ອັງຄານ ທີ 20 ກຸມພາ 2024
ຄົນເກີດວັນອາທິດ:ການງານ ກຳລັງວາງແຜນເພື່ອທີ່ຈະຕຽມຕົວໃນການກໍ່ການຄ້າແລ້ວຈະເກີດຄວາມສຳເລັດ ການເງິນ ຊ່ວງນີ້ເຂົ້າສູ່ຊ່ວງການໃຊ້ເງິນແບບປະຢັດ ຄວາມຮັກ ລະວັງເລື່ອງຂອງຄໍາເວົ້າອາດເຮັດໃຫ້ຄົນຮັກນ້ອຍໃຈ ຫາເວລາວ່າງໄປກັນເຂົ້າຮ່ວມກັນມີເວລາໃຫ້ກັນຈະດີ ເຄື່ອງມຸງຄຸນ ໄຂ່ມຸກ ສີມຸງຄຸນ ສີສົ້ມ ເລກນຳໂຊກ 4 ຄົນເກີດວັນຈັນ:ການງານ ເຮັດທຸລະກິດດ້ານແຟຊັ່ນ ການຄ້າອາຫານ ໄດ້ຜົນກຳໄລດີ ການເງິນ ມື້ນີ້ໂຊກດີຈະໄດ້ເງິນເຂົ້າມາເພີ່ມຂຶ້ນ ໃນໄລຍະນີ້ ຄວາມຮັກ ມີໂອກາດໄດ້ສານຄວາມສຳພັນເກີດຄວາມສຸກໃນເລື່ອງຮັກ ເຄື່ອງມຸງຄຸນ ເງິນ ສີມຸງຄຸນ ສີນໍ້າຕານ ເລກນຳໂຊກ 1 ຄົນເກີດວັນອັງຄານ:ການງານ ສາມາດເຮັດທຸລະກິດແບບປະສົບຄວາມສຳເລັດໄດ້ດ້ວຍໂຕເອງ ການເງິນ ຊ່ວງນີ້ໂຊກດີຈະໄດ້ຮັບເງິນກ້ອນໃຫຍ່ເຂົ້າມາໃຊ້ຈ່າຍ ຄວາມຮັກ ມີໂອກາດພົບຮັກກັບຄົົນທີ່ດີ ມີສະເໜ່ ເຄື່ອງມຸງຄຸນ ແຫວນຄໍາ ສີມຸງຄຸນ ສີບົວ ເລກນຳໂຊກ 7 ຄົນເກີດວັນພຸດ:ການງານ ການເຈລະຈາຕໍ່ລອງທາງດ້ານການວຽກງານປະສົບຜົນສໍາເລັດ ການເງິນ ເປັນຊ່ວງທີ່ທ່ານຕ້ອງນໍາເງິນໃນອານາຄົດມານໍາໃຊ້ຕ້ອງລະວັງເລື່ອງຂອງລາຍຈ່າຍ ຄວາມຮັກ ພົບຄົົນທີ່ຈິງຈັງ ແລະ ຈິງໃຈ ມີເກນອາຍຸຫລາຍກວ່າ ເຄື່ອງມຸງຄຸນ ໄຂ່ມຸກ ສີມຸງຄຸນ ສີດໍາ […]
ເມືອງຕົ້ນເຜິ້ງ ຮື້ຖອນປ້າຍໂຄສະນາທີ່ບໍ່ຖືກລະບຽບ
ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ເມືອງຕົ້ນເຜິ້ງ ແຂວງບໍ່ແກ້ວ ລົງຮື້ຖອນປ້າຍໂຄສະນາ, ປ້າຍບອກຊື່, ປ້າຍທີ່ຕິດລາຄາເປັນເງິນຕາຕ່າງປະເທດ ແລະ ປ້າຍອື່ນໆ ທີ່ບໍ່ຖືກຕ້ອງຕາມລະບຽບຂອງ ສປປ ລາວ ເມື່ອມໍ່ໆມານີ້ ພາຍໃນເມືອງຕົ້ນເຜິ້ງ. ການລົງຮື້ຖອນດັ່ງກ່າວໄດ້ຮື້ຖອນປ້າຍຫຼາຍກວ່າ 30 ປ້າຍທີ່ບໍ່ຖືກລະບຽບຂອງ ສປປ ລາວ ເຊັ່ນ: ປາຍທີ່ບໍ່ມີໂຕໜັງສືລາວ (ພາສາຈີນ, ຫວຽດນາມ..), ປ້າຍທີ່ໂຕໜັງສືຕ່າງປະເທດຂື້ນກ່ອນ ພາສາລາວ ແລະ ປ້າຍໂຕໜັງສືໃຫຍ່ກວ່າໂຕໜັງສືລາວ, ປ້າຍທີ່ຕິດລາຄາສິນຄ້າເປັນສະກຸນເງິນຕາຕ່າງປະເທດ ແລະ ປ້າຍອື່ນໆ. ການລົງຮື້ຖອນນີ້ແມ່ນອີງຕາມດຳລັດ 209 ຂອງປະທານປະເທດກ່ຽວກັບການປະກາດໃຊ້ກົດໝາຍວ່າດ້ວຍປ້າຍ, ເນື້ອໃນ, ສີພື້ນ, ສີຕົວໜັງສື ແລະ ຄວາມຮຸ່ງແຈ້ງຂອງປ້າຍ. ແຫຼ່ງຂໍ້ມູນ: ໜັງສືພິມແຂວງບໍ່ແກ້ວ
ພະຍາດຕັບອັກເສບ ສາຍເຫດເຮັດໃຫ້ຕັບແຂງ ແລະ ນຳໄປສູ່ການເສຍຊີວິດ ໄດ້
ພະຍາດຕັບອັກເສບ ແມ່ນການອັກເສບຂອງຕັບ ຊຶ່ງການອັກເສບດັ່ງກ່າວ ສາມາດພາໃຫ້ເກີດເປັນກະດັນຕັບ ຫຼື ຕັບແຂງ, ມະເຮັງຕັບ ແລະ ສາມາດນຳໄປສູ່ການເສຍຊີວິດ ໄດ້. ອີງຕາມສູນຂ່າວສານການແພດສຸຂະສຶກສາ: ພະຍາດຕັບອັກເສບ ແມ່ນເກີດຈາກການຕິດເຊື້ອໄວຣັສຕັບອັກເສບ ເຊິ່ງມີຫຼາຍຊະນິດ, ແຕ່ໄວຣັສຕັບອັກເສບ B ແລະ C ເປັນຊະນິດທີ່ຮ້າຍແຮງກວ່າໝູ່ ແລະ ເປັນສາເຫດໃຫ້ມີຄົນເສຍຊີວິດເຖິງ 1.34 ລ້ານຄົນຕໍ່ປີ ໃນທົ່ວໂລກ, ພ້ອມນັ້ນ ການແຜ່ເຊື້ອໄວຣັສຕັບອັກເສບ ແມ່ນມິດງຽບ, ສາມາດເກີດຂຶ້ນໄດ້ກັບທຸກຄົນ ແລະ ເກີດຂຶ້ນໄດ້ທຸກເວລາ ແບບບໍ່ມີສັນຍານເຕືອນ. ຄົນຕິດເຊື້ອໄວຣັສຕັບອັກເສບ ‘ບໍ່ຮູ້ຕົວ’ ວ່າຕົນເອງຕິດເຊື້ອ,ທ່ານສາມາດປົກປ້ອງຕົນເອງ ແລະ ຄົນທີ່ທ່ານຮັກໄດ້ ໂດຍການເຂົ້າຮັບການກວດຫາເຊື້ອຢູ່ໂຮງໝໍໃກ້ບ້ານທ່ານ, ໂດຍສະເພາະ ແມ່ຍິງຖືພາ, ເນື່ອງຈາກວ່າ ໄວຣັສຕັບອັກເສບ B ສາມາດຕິດຕໍ່ຈາກແມ່ສູ່ລູກໄດ້ງ່າຍໃນເວລາເກີດ, ສັກວັກຊີນປ້ອງກັນໄວຣັສຕັບອັກເສບ B ສໍາລັບທ່ານເອງ ແລະ ລູກນ້ອຍຂອງທ່ານ ຕາມຕາຕະລາງການສັກວັກຊີນແຫ່ງຊາດ ຢູ່ໂຮງໝໍໃກ້ບ້ານທ່ານ,ປຶກສາແພດ ແລະ ເຂົ້າຮັບການປິ່ນປົວ ຖ້າທ່ານກວດພົບວ່າຕົນເອງຕິດເຊື້ອ ເພາະວ່າ ພວກເຮົາມີຕັບພຽງອັນດຽວ […]
ແຂວງສະຫວັນນະເຂດ ສະເຫຼີມສະຫຼອງວັນຖົງຢາງອະນາໄມສາກົນ
ພະແນກສາທາລະນະສຸກແຂວງສະຫວັນນະເຂດ ໄດ້ຈັດພິທີສະເຫຼີມສະຫຼອງວັນຖົງຢາງອະນາໄມສາກົນ ເມື່ອມໍ່ໆມານີ້ ທີ່ຫໍວັດທະນະທຳໄກສອນ ພົມວິຫານ ແຂວງສະຫວັນນະເຂດ ໃຕ້ຄຳຂວັນ ‘’ຮູ້ຈັກປ້ອງກັນຕົວເອງແມ່ນຄົນທີ່ມີສະເໜ່’’. ທ່ານ ດຣ ສຸລິວັນ ເພັງໄຊ ຜູ້ຈັດການ ແລະ ບໍລິຫານຄຸ້ມຄອງມູນນິທິດູແລປິ່ນປົວພະຍາດເອດ ປະຈຳ ສປປ ລາວ ໄດ້ກ່າວມີພິທີວ່າ: ວັນທີ 13 ກຸມພາ ຂອງທຸກປີ ເເມ່ນວັນຖົງຢາງອະນາໄມສາກົນ ຈຸດປະສົງຂອງການຈັດງານຄັ້ງນີ້ແມ່ນເພື່ອສົ່ງເສີມຄວາມ ຮູ້ກ່ຽວກັບຄວາມສຳຄັນຂອງການນໍາໃຊ້ຖົງຢາງອະນາໄມ ເພື່ອຍົກໃຫ້ເຫັນວ່າ ຖົງຢາງອະນາໄມເປັນວິທີທີ່ດີທີ່ ສຸດ ໃນການປ້ອງກັນໂຕທ່ານເອງ ແລະ ຄອບຄົວຈາກການຕິດເຊື້ອເຮສໄອວີ, ພະຍາດຕິດຕໍ່ທາງເພດສຳພັນ ແລະ ການຖືພາໂດຍບໍ່ຕັ້ງໃຈ. ການນໍາໃຊ້ຖົງຢາງອະນາໄມແມ່ນໄດ້ຮັບຜົນດີທີ່ສຸດ ຕໍ່ການປ້ອງກັນການຕິດເຊື້ອເຮສໄອວີ/ເອດໃນທົ່ວໂລກ, ເຮັດໃຫ້ສາມາດປ້ອງກັນບໍ່ໃຫ້ມີການຕິດເຊື່ອເຮສໄອວີໃໝ່ເພີ່ມຂຶ້ນ, ອີງຕາມຂໍ້ມູນຂອງອົງການອະນາໄມໂລກ (WHO), ແມ່ນມີຫຼາຍກວ່າ 1 ລ້ານຄົນ ທີ່ຕິດເຊື້ອພະຍາດຕິດຕໍ່ທາງເພດສຳພັນແຕ່ລະມື້ ແລະ ນັບແຕ່ ປີ 1990 ເປັນຕົ້ນມາ ມີຜູ້ຕິດເຊື້ອໃຫມ່ພຽງແຕ່ 117 ລ້ານຄົນໃນທົ່ວໂລກ ຍ້ອນການນໍາໃຊ້ຖົງຢາງອະນາໄມ ເຖິງເເນວໃດກໍ່ຕາມຍັງມີຄົນຫຼາຍລ້ານຄົນໃນທົ່ວໂລກ ທີ່ຍັງບໍ່ສາມາດເຂົ້າເຖິງການຊົມໃຊ້ຖົງຢາງອະນາໄມໂດຍບໍ່ […]
ເຂດຮ່ວມມືເສດຖະກິດບໍ່ເຕນ-ບໍ່ຫານ ຈະສູມໃສ່ໃນ 5 ໜ້າວຽກທີ່ສໍາຄັນ
ທ່ານ ເລຢີ້ຮຸຍ, ກຳມະການຄະນະພັກ, ຮອງຫົວໜ້າຄະນະກຳມະການຄຸ້ມຄອງເຂດຮ່ວມມືເສດຖະກິດບໍ່ເຕນ-ບໍ່ຫານ ລາວ-ຈີນ ໄດ້ໃຫ້ສຳພາດ ເມື່ອມໍ່ໆມານີ້ ໃນຫົວຂໍ້ “ການເປັນເຫຼົ່າທັບນຳໜ້າໃນການພັດທະນາເສດຖະກິດ- ສັງ ຄົມຂອງແຂວງ ທີ່ດີ” ວ່າ: ປີ 2024, ເຂດຮ່ວມມືເສດຖະກິດບໍ່ເຕນ-ບໍ່ຫານ ຈະສູມໃສ່ໃນ 5 ໜ້າວຽກທີ່ສໍາຄັນ ຄື: ການກໍ່ສ້າງໂຄງການ, ລະດົມການລົງທຶນໃຫ້ເກີດຜົນເປັນຈິງ, ຊີວິດການເປັນຢູ່ ແລະ ສະຫວັດດີການທີ່ດີຂອງປະຊາຊົນ, ເປີດປະຕູສູ່ພາຍ ນອກ ແລະ ການພັດທະນາຂອງພາກພື້ນ,ໃນເບື່ອງຕົ້ນ ໄດ້ວາງ ແຜນ 134 ໂຄງການທີ່ສຳຄັນຢູ່ຕົວເມືອງດ່ານສາກົນບໍ່ຫານ ດ້ວຍມູນຄ່າການລົງທຶນທັງໝົດແມ່ນ 67.846 ຕື້ຢວນ ແລະ ແຜນການລົງທຶນປະຈຳປີແມ່ນ 6 ຕື້ 500 ລ້ານຢວນ. ທ່ານ ເລຢີ້ຮຸຍໄດ້ກ່າວຕື່ມວ່າ: ນອກຈາກນີ້, ເຂດການຮ່ວມມືບໍ່ເຕ່ນ-ບໍ່ຫານ ຍັງຈະເໜັ້ນໜັກ 4 ວຽກງານສຳຄັນຄື: ເລັ່ງລັດການດຶງດູດການລົງທຶນ, ຊຸກຍູ້ບັນດາໂຄງການ, ປັບປຸງສະພາບແວດລ້ອມ ແລະ ຍົກລະດັບຊີວິດການເປັນຢູ່ຂອງປະຊາຊົນ, ໂດຍນຳໃຊ້ບົດບາດຂອງ […]
ດວງລາຍວັນປະຈໍາວັນ ສຸກ ທີ 16 ກຸມພາ 2024
ຄົນເກີດວັນອາທິດ:ການງານ ການເດີນທາງຕິດຕໍ່ການເຈລະຈາກັບລູກຄ້າເພື່ອສ້າງຄອນເນັກຊັນທາງທຸລະກິດຈະປະສົບຄວາມສຳເລັດ ການເງິນ ມີໂອກາດສູນເສຍເງິນໃຫ້ບໍລິວານແບບບໍ່ຄາດຝັນ ຄວາມຮັກ ຈະພົບສະຖານະການທີ່ບໍ່ຊັດເຈນເຂົ້າມາໃຫ້ພົບກ່ຽວກັບເລື່ອງຂອງຄວາມຮັກ ເຄື່ອງມຸງຄຸນ ເງິນ ສີມຸງຄຸນ ສີແດງ ເລກນຳໂຊກ 8 ຄົນເກີດວັນຈັນ:ການງານ ເຮັດທຸລະກິດຂາຍນ້ຳດື່ມເພື່ອສຸຂະພາບຈະເຮັດໃຫ້ໄດ້ຜົນກຳໄລຫຼາຍ ການເງິນ ຈະພົບວ່າລາຍຈ່າຍມີຫຼາຍເປັນພິເສດຕ້ອງຄອບຄຸມລາຍຈ່າຍໃຫ້ຫຼາຍ ຄວາມຮັກ ເກີດການຂັດແຍ້ງປະທະຄາລົມກັບຄົນຮັກ ອາດກໍໃຫ້ເກີດບັນຫາພາຍຫຼັງຕາມມາ ເຄື່ອງມຸງຄຸນ ໄຂ່ມຸກ ສີມຸງຄຸນ ສີດໍາ ເລກນຳໂຊກ 7 ຄົນເກີດວັນອັງຄານ:ການງານ ເຮັດວຽກຮັບເປັນທີ່ປຶກສາ ຫຼື ເຮັດທຸລະກິດຈະການຄ້າທາງດ້ານຊັບສິນຈະໄດ້ຜົນກຳໄລດີ ການເງິນ ຈະພົບເລື່ອງເສຍເງິນແບບບໍ່ຄາດຝັນເຂົ້າມາໃຫ້ທ່ານຕ້ອງໃຊ້ຈ່າຍຫຼາຍກວ່າ ຄວາມຮັກ ສຸກສົມຫວັງໃນຊີວິດຮັກ ເຄື່ອງມຸງຄຸນ ຫິນນໍາໂຊກສີແດງ ສີມຸງຄຸນ ສີມ່ວງ ເລກນຳໂຊກ 9 ຄົນເກີດວັນພຸດ:ການງານ ມີໂອກາດເດີນທາງໄກຕິດຕໍ່ລູກຄ້າປະສົບຄວາມສຳເລັດ ການເງິນ ຈະພົບຄ່າໃຊ້ຈ່າຍເງິນກ່ຽວກັບການທີ່ຈະຕ້ອງມາເບິ່ງແຍງຊ່ອມແຊມຂອງໃຊ້ທີ່ເສຍຫາຍໄປ ຄວາມຮັກ ຍັງບໍ່ໄດ້ຮັບຄວາມຊັດເຈນໃນເລື່ອງຄວາມຮັກ ເຄື່ອງມຸງຄຸນ ແຫວນຄໍາ ສີມຸງຄຸນ ສີຟ້າ ເລກນຳໂຊກ 2 ຄົນເກີດວັນພະຫັດ:ການງານ ເຮັດທຸລະກິດສື່ໂຄສະນາຈະປະສົບຄວາມສຳເລັດ ການເງິນ […]