ການສ້ອມແປງເສັ້ນທາງຫລວງແຫ່ງຊາດ ເສັ້ນທາງສີໄຄ-ສີເກີດ ຄາດວ່າຈະສໍາເລັດພາຍໃນກາງປີ 2025
ການສ້ອມແປງເສັ້ນທາງຫລວງແຫ່ງຊາດ ເລກທີ 13 ເຫນືອ ແຕ່ສີໄຄ-ສີເກີດ ພວມໄດ້ຮັບການຈັດຕັ້ງປະຕິບັດ ຊຶ່ງຄາດຫມາຍຈະໃຫ້ສໍາເລັດພາຍໃນກາງ ປີ 2025 ຫຼັງຈາກໄດ້ມີການໄກ່ເກ່ຍຈ່າຍຄ່າເວນຄືນຜົນກະທົບສິ່ງກີດຂວາງອອກຈາກແລວທາງ ທັງໝົດ 659 ກໍລະນີ ທ່ານ ຄໍາຫລ້າ ອ່າວມັດສາ, ຫົວໜ້າຫ້ອງການໂຍທາທິການ ແລະ ຂົນສົ່ງເມືອງສີໂຄດຕະບອງ, ນະຄອນຫລວງວຽງຈັນ ໃຫ້ສໍາພາດຕໍ່ນັກຂ່າວເມື່ອບໍ່ດົນມານີ້ວ່າ: ຫ້ອງການໂຍທາທິການ ແລະ ຂົນສົ່ງເມືອງສີໂຄດຕະບອງ ໄດ້ປະກອບສ່ວນເຂົ້າຮ່ວມໂຄງການສ້ອມແປງເສັ້ນທາງຫລວງແຫ່ງຊາດ ເລກທີ 13 ເໜືອ ແຕ່ສີໄຕ ຫາ ສີເກີດ ດ້ວຍການອອກແຈ້ງການ ແລະ ຊ່ວຍໂຄສະນາເຜີຍ ແຜ່ກ່ຽວກັບການຈັດຕັ້ງປະຕິບັດໂຄງການດັ່ງກ່າວ, ພ້ອມນີ້ ໄດ້ຊ່ວຍໄກ່ເກ່ຍຈ່າຍຄ່າເວນຄືນຜົນກະທົບສິ່ງກີດຂວາງອອກຈາກແລວທາງ ທັງໝົດ 659 ກໍລະນີ, ໃນນີ້ ໄກ່ເກ່ຍຊົດເຊີຍຄ່າທີ່ດິນ 195 ກໍລະນີ ແລະ ສິ່ງປຸກສ້າງ 464 ກໍລະນີ, ລວມມູນຄ່າຊົດເຊຍ ແລະ ຈ່າຍຄ່າເສຍໂອ ກາດໃຫ້ປະຊາຊົນທີ່ດໍາເນີນທຸລະກິດຢູ່ແຄມເສັ້ນທາງດັ່ງກ່າວ 19,8 ຕື້ກວ່າກີບ ເຮັດໃຫ້ການຊົດເຊີຍຜົນເສຍຫາຍຂອງປະຊາຊົນສໍາເລັດ […]
ທະນາຄານແຫ່ງ ສປປ ລາວ (ທຫລ) ໄດ້ກຳນົດ ແຜນວຽກ ຕັ້ງເປົ້ານຳລາຍຮັບເງິນຕາຕ່າງປະເທດ ເຂົ້າລະບົບທະນາຄານໃຫ້ໄດ້ຢ່າງໜ້ອຍ 70%
ທະນາຄານແຫ່ງ ສປປ ລາວ (ທຫລ) ໄດ້ກຳນົດ ແຜນວຽກຄຸ້ມຄອງເງິນຕາຕ່າງປະເທດ ປີ 2024 ຕັ້ງເປົ້າ ນຳລາຍຮັບເງິນຕາຕ່າງປະເທດຈາກການສົ່ງອອກ ເຂົ້າລະບົບທະນາຄານໃນ ສປປ ລາວ ໃຫ້ໄດ້ຢ່າງໜ້ອຍ 70%. ທ່ານ ເພັດສະຖາພອນ ແກ້ວວົງວິຈິດ ຫົວໜ້າກົມຄຸ້ມຄອງເງິນຕາຕ່າງປະເທດ, ທະນາຄານແຫ່ງ ສປປ ລາວ (ທຫລ) ໄດ້ກ່າວໃຫ້ຮູ້ເມື່ອບໍ່ດົນມານີ້ ກ່ຽວກັບທິດທາງໃນຕໍ່ໜ້າກ່ຽວກັບວຽກງານຄຸ້ມຄອງເງິນຕາຕ່າງປະເທດ ວ່າ: ໃນປີ 2024 ແລະ ໃນຕໍ່ໜ້າ ທຫລ ຈະສືບຕໍ່ຄຸ້ມຄອງແຫຼ່ງເງິນຕາຕ່າງປະເທດໃຫ້ເຂົ້າສູ່ລະບົບທະນາຄານເພີ່ມຂື້ນ, ສ້າງຄວາມສົມດຸນລະຫວ່າງກະແສເງິນຕາເຂົ້າ-ອອກໄປເພື່ອຊຳລະກັບຕ່າງປະເທດ, ສ້າງຄວາມເຂັ້ມແຂງຄັງສຳຮອງເງິນຕາຕ່າງປະເທດສາມາດກຸ້ມການນຳເຂົ້າຫຼາຍກວ່າ 5 ເດືອນ ແລະ ບັນລຸຄາດໝາຍມະຕິສະພາແຫ່ງຊາດກຳນົດ, ນຳລາຍຮັບເງິນຕາຕ່າງປະເທດຈາກການສົ່ງອອກ ເຂົ້າລະບົບທະນາຄານໃນ ສປປ ລາວ ໃຫ້ໄດ້ຢ່າງໜ້ອຍ 70%. ໂດຍ ທຫລ ຈະສ້າງ ແລະ ປັບປຸງນິຕິກຳລຸ່ມກົດໝາຍເປັນຕົ້ນ: ຂໍ້ກຳນົດກ່ຽວກັບການຄຸ້ມຄອງລາຍຮັບເງິນຕາຫົວໜ່ວຍຜູ້ສົ່ງອອກເພື່ອແລກເງິນຕາກັບລະບົບທະນາຄານຕາມສັດສ່ວນຂັ້ນຕ່ຳ, ກຳນົດເປົ້າໝາຍການນຳໃຊ້ເງິນຕາໃນ ສປປລາວ, ການຄຸ້ມຄອງເງິນຕາຈາກລາຍຮັບແຮງງານ, ການທ່ອງທ່ຽວ, ການເປີດບັນຊີເງິນຕາຕ່າງປະເທດຢູ່ພາຍໃນ […]
ວຽກງານ ຖວທ ແມ່ນວຽກງານຊຸກຍູ້ສົ່ງເສີມ, ພັດທະນາຄົນ ແລະ ສັງຄົມ
ກອງປະຊຸມວຽກງານ ຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ທົ່ວປະເທດ ໄດ້ຈັດຂຶ້ນຢ່າງເປັນທາງການໃນຕອນເຊົ້າຂອງມື້ວັນທີ 12 ກຸມພາ 2024 ທີ່ນະຄອນຫຼວງວຽງຈັນໂດຍການເປັນປະທານຂອງທ່ານນາງ ສວນສະຫວັນ ວິຍະເກດ ລັດຖະມົນຕີ ກະຊວງ ຖວທ. ຈຸດປະສົງຂອງກອງປະຊຸມເພື່ອສະຫຼຸບຕີລາຄາສະພາບການຈັດຕັ້ງປະຕິບັດວຽກງານ ຖວທ ທົ່ວປະເທດ ປະຈຳປີ 2023 ແລະ ກໍານົດທິດທາງແຜນການ ປະຈໍາປີ 2024. ທ່ານນາງ ສວນສະຫວັນ ວິຍະເກດ ລັດຖະມົນຕີ ກະຊວງ ຖວທ ໄດ້ກ່າວເປີດກອງປະຊຸມໂດຍມີເນື້ອໃນບາງຕອນທີ່ສໍາຄັນວ່າ: ກອງປະຊຸມວຽກງານ ຖວທ ໃນຄັ້ງນີ້ ຈະໄດ້ດຳເນີນໄປເປັນເວລາ 2 ວັນ, ຈຸດປະສົງຂອງກອງປະຊຸມ ພວກເຮົາຈະໄດ້ພ້ອມກັນສະຫຼຸບຕີລາຄາຄືນການຈັດຕັ້ງປະຕິບັດວຽກງານວຽກງານ ຖວທ ໃນໄລຍະ 1 ປີຜ່ານມາ ແລະ ວາງທິດທາງແຜນການປະຈໍາປີ 2024; ພ້ອມກັນນີ້, ໃນຕອນທ້າຍຂອງກອງປະຊຸມ, ພວກເຮົາຈະໄດ້ພ້ອມກັນຮັບຟັງການໃຫ້ກຽດໂອ້ລົມ ຂອງທ່ານຮອງນາຍົກລັດຖະມົນຕີ, ຜູ້ຊີ້ນຳຂົງເຂດປົກຄອງ ແລະວັດທະນະທຳ – […]
ໂຄງການເຝິກອົບຮົມພາສາອັງກິດຟຣີ! ສ້າງຄວາມໝັ້ນໃຈໃນຕົນເອງຂອງໄວໜຸ່ມລາວໃນຍຸກໃໝ່
ນະຄອນຫຼວງວຽງຈັນ, ວັນທີ 09 ກຸມພາ 2024 – ໂດຍປາດຖະໜາຢາກສະໜັບສະໜູນຊາວໜຸ່ມລາວ ທີ່ພວມດຳລົງຊີວິດໃນຍຸກໃໝ່ໃຫ້ປັບຕົວໃຫ້ດີຂຶ້ນ ແລະ ເຕີບໃຫຍ່ໃນຕໍ່ໜ້າ, ພວກເຮົາແມ່ນກຸ່ມຄູສອນພາສາສາດ ແລະ ອະນາຄົດ, ສະໜັບສະໜູນໂດຍສະຖາບັນສ້າງຂີດຄວາມສາມາດໃຫ້ແກ່ໄວໜຸ່ມທົ່ວໂລກ. (iBC4Y), ອົງການບໍ່ຫວັງຜົນກຳໄລໄດ້ລິເລີ່ມໂຄງການໄລຍະຍາວໄດ້ເລີ່ມຕັ້ງແຕ່ປີ 2023, ເອີ້ນວ່າ “ໂຄງການພັດທະນາຄວາມຫມັ້ນໃຈຕົນເອງໃນພາສາອັງກິດ”. ສັງເກດເຫັນວ່າ ຊາວໜຸ່ມລາວ ມີຄວາມປາຖະໜາຢາກຮຽນ ແລະ ພັດທະນາພາສາອັງກິດ ແລະ ມີຄວາມໝັ້ນໃຈໃນຕົນເອງຫຼາຍດ້ານ ເຊັ່ນ: ເໝາະສົມກັບການຂະຫຍາຍຕົວຂອງປະເທດ ແລະ ໂລກ, ໄດ້ທຶນການສຶກສາ ຫຼື ໄປຮຽນຢູ່ຕ່າງປະເທດ, ມີວຽກເຮັດງານທຳທີ່ດີຂຶ້ນ ແລະ ມີວຽກເຮັດງານທຳຫຼາຍຂຶ້ນ. ໂອກາດໃນຊີວິດຂອງເຂົາເຈົ້າ. ຄວາມເຂົ້າໃຈຈາກທັດສະນະນີ້, ພວກເຮົາໄດ້ລິເລີ່ມໂຄງການເພື່ອປະກອບສ່ວນເພື່ອເຮັດໃຫ້ຄວາມປາດຖະຫນາເຫຼົ່ານີ້ເກີດຂຶ້ນ. ມີ 2 ຄຸນຄ່າທີ່ສຸມໃສ່ນຳເຂົ້າຮ່ວມ. ກ່ອນອື່ນໝົດ, ການເຕີບໂຕດ້ານແນວຄິດ ແລະ ການປັບຕົວໃນຍຸກໃໝ່ຂອງການປ່ຽນແປງ ແລະ ພັດທະນາເຕັກໂນໂລຢີ Ai, ໄວໜຸ່ມຕ້ອງຮຽນຮູ້, ປ່ຽນແປງ ແລະ ປັບຕົວໃຫ້ເໝາະສົມ. ອັນທີສອງ, ຜູ້ເຂົ້າຮ່ວມຈະໄດ້ຮັບການຝຶກອົບຮົມໃຫ້ມີຄວາມຫມັ້ນໃຈຕົນເອງຈາກພາຍໃນສູ່ພາຍນອກ, […]
ລົດໄຟຈີນ – ລາວ ໄດ້ຂົນສົ່ງໂດຍສານ ຫຼາຍກວ່າ 27.800.000 ເທື່ອຄົນແລ້ວ
ນັບແຕ່ຕົ້ນປີນີ້ມາ, ການເດີນທາງດ້ວຍຂະບວນລົດໄຟໂດຍສານຂ້າມຊາດຕາມເສັ້ນທາງລົດໄຟຈີນ-ລາວໄດ້ຮັບຄວາມນິຍົມຊົມຊອບຫຼາຍຈາກນັກທ່ອງທ່ຽວຈີນ ແລະ ຕ່າງປະເທດ. ເດືອນມັງກອນຜ່ານມານີ້,ເສັ້ນທາງລົດໄຟຈີນ-ລາວໄດ້ຂົນສົ່ງ ໂດຍສານ ເຖິງ1.860.000 ເທື່ອຄົນ, ໃນນັ້ນ, ຜູ້ໂດຍສານຂ້າມຊາດມີ 23.000ເທື່ອຄົນ ຖືວ່າໄດ້ເພີ່ມຂຶ້ນຢ່າງຊັດເຈນ. ນັບຕັ້ງແຕ່ຂະບວນລົດໄຟໂດຍສານຂ້າມຊາດຕາມເສັ້ນທາງລົດໄຟຈີນ-ລາວເປີດບໍລິການເມື່ອວັນທີ 13 ເມສາ 2023 ເປັນຕົ້ນມາ. ນັບລວມແລ້ວໄດ້ຂົນສົ່ງໂດຍສານຂ້າມຊາດຈຳນວນ13.000ຄົນຈາກ 83 ປະເທດ ແລະ ເຂດແຄວ້ນ. ຂະນະທີ່ການຂົນສົ່ງສິນຄ້າຕາມເສັ້ນທາງລົດໄຟຈີນ-ລາວໄດ້ປາກົດມີທ່ວງທ່າເຕີບໂຕຂຶ້ນ, ນັບແຕ່ຕົ້ນປີນີ້ມາໄດ້ຂົນສົ່ງສິນຄ້າບັນລຸເຖິງ 2.010.000 ໂຕນ, ໃນນັ້ນ, ສິນຄ້າຂ້າມຊາດ 550.000 ໂຕນ ເພີ່ມຂຶ້ນ 29,7% ຖືວ່າໄດ້ເພີ່ມຂຶ້ນຢ່າງເດັ່ນຊັດເມື່ອທຽບໃສ່ໄລຍະດຽວກັນຂອງປີ 2023. ນັບມາຮອດວັນທີ 7 ກຸມພານີ້, ນັບຕັ້ງແຕ່ເສັ້ນທາງລົດໄຟຈີນ-ລາວເປີດບໍລິການເປັນຕົ້ນມາ, ໄດ້ຂົນສົ່ງໂດຍສານບັນລຸເຖິງ 27.870.000ເທື່ອຄົນ, ຂົນສົ່ງສິນຄ້າ 32.560.000 ໂຕນ, ໃນນັ້ນ, ຂົນສົ່ງສິນຄ້າຂ້າມຊາດບັນລຸຫຼາຍກວ່າ 7.310.000 ໂຕນ. ຂ່າວ: CRI-FM93 ທີ່ມາ VientianeTimes
ອະນາຄົດດັບຍ້ອນຄ້າຂາຍຢາເສບຕິດ
ເຈົ້າໜ້າທີ່ຕຳຫຼວດຈະລາຈອນ ປກສ ແຂວງຈຳປາສັກໄດ້ຈັບ 2 ສ່ຽວ ຄ້າຂາຍຢາເສບຕິດປະເພດຢາບ້າ ພ້ອມຂອງກາງຢາບ້າ 6.000 ເມັດ ເມື່ອມໍ່ໆມານີ້ ຢູ່ເຂດບ້ານຫຼັກ16 ເມືອງບາຈຽງ ແຂວງຈຳປາສັກ. ຜູ້ຖືກຈັບທັງສອງຄົນເປັນສ່ຽວກັນ, ຊື່ ທ້າວແສງດາວ ຫຼື ນ້ອຍ ອາຍຸ 41 ປີ ແລະ ທ້າວ ວັນນີ ຫຼື ແກ ອາຍຸ 42 ປີ ຢູ່ ບ້ານແກແລ ເມືອງປະທຸມພອນ ແຂວງຈໍາປາສັກ. ກ່ອນທີ່ຈະຈັບກຸມຜູ້ຕ້ອງຫາ 2 ຄົນດັ່ງກ່າວ, ເຈົ້າໜ້າທີ່ຕຳຫຼວດຈະລາຈອນ ປກສ ແຂວງຈຳປາສັກ ໄດ້ລົງຕັ້ງຈຸດກວດກາຢູ່ເຂດບ້ານຫຼັກ16 ເມືອງບາຈຽງ ແຂວງຈຳປາສັກ ແລະ ໄດ້ກັກລົດຕູ້ຮຸນໄດ ສີຂາວ ທະບຽນ ກກ 5256 ອຸດົມໄຊ ແລະ ກວດຄົ້ນພົບເຫັນ ຢາບ້າ ຈໍ່ນວນດັ່ງກ່າວ ຊຸກເຊື່ອງໄວ້ຢູ່ໃນລົດ. ທີ່ມາ […]
ປະຊາຊົນ ປູກກາເຟ ສົ່ງອອກໄປຝຣັ່ງ ສ້າງລາຍຮັບກວ່າ 1 ຕື້ກີບ
ໂຄງການພັດທະນາປ່ຽນແທນການປູກຝິ່ນ ໄດ້ຫັນໃຫ້ ປະຊາຊົນບ້ານ ບອນ ເມືອງ ຊຳເໜືອ ແຂວງຫົວພັນ ມາຜະລິດກາເຟເປັນສີນຄ້າເພື່ອສົ່ງອອກ ໄປປະເທດຝຣັ່ງ ຈົນສ້າງລາຍຮັບໄດ້ກວ່າ 1 ຕື້ກີບ. ໂດຍໂຄງການດັ່ງກ່າວໄດ້ເລີ່ມຕັ້ງແຕ່ປີ 2016 ໂດຍໄດ້ຮັບການສະໜັບສະໜູນຈາກລັດຖະບານປະເທດ ລຸກຊຳບວກ, ສະຫະລັດອາເມຣິກາ ແລະ ອົງການ ສະຫະປະຊາຊາດເພື່ອຕ້ານຢາເສບຕິດ ແລະ ອາດສະຍາກຳ (UNODC) ພ້ອມດ້ວຍຄະກຳມະການແຫ່ງຊາດເພື່ອກວດກາ ແລະ ຄວບຄຸມຢາເສບຕິດຂັ້ນສູນກາງ. ໂດຍແນໃສ່ການສົ່ງເສີມ ສ້າງອາຊີບ ສ້າງລາຍຮັບແບບຍືນຍົງ ໃຫ້ປະຊາຊົນ ແລະ ສົ່ງເສີມການປູກກາເຟໃຫ້ກາຍເປັນສິນຄ້າທີ່ສາມາດສົ່ງອອກໄດ້. ທ່ານ ນ. ສົມພອນ ສິນໄຊປັນຍາ ພະນັກງານສົ່ງເສີມຂອງໂຄງການ UNODC ປະຈຳເມືອງ ຊຳເໜືອແຂວງຫົວພັນ ໄດ້ກ່າວວ່າ: ໂຄງການດັ່ງກ່າວໄດ້ຊຸກຍູ້ ສົ່ງເສີມປະຊາຊົນ 12 ບ້ານ ໃນ 4 ເມືອງ ຂອງແຂວງຫົວພັນ, ໂດຍກິດຈະກຳຫຼັກໆ ແມ່ນສົ່ງເສີມການປູກກາເຟ. ສະເພາະໃນບ້ານ ບອນ ເມືອງ ຊຳເໜືອ […]
Vietjet ລາຍງານການເຕີບໂຕຂອງລາຍຮັບໃນປີກາຍນີ້ຢູ່ທີ່ 2,55 ຕື້ໂດລາສະຫະລັດ
ວຽງຈັນ, ວັນທີ 7 ກຸມພາ 2024 ນີ້, ບໍລິສັດຫຸ້ນສ່ວນການບິນ Vietjet (HOSE: VJC) ໄດ້ລາຍງານຜົນການດຳເນີນທຸລະກິດທີ່ໜ້າປະທັບໃຈໃນປີ 2023, ເພີ່ມຄວາມເຊື່ອໝັ້ນໃນຖານະໜຶ່ງໃນບັນດາບໍລິສັດທີ່ໝັ້ນຄົງ ແລະ ຂະຫຍາຍຕົວໄວ. ໃນປີ 2023, Vietjet ໄດ້ໃຫ້ບໍລິການຖ້ຽວບິນ 133.000 ຖ້ຽວ ດ້ວຍຜູ້ໂດຍສານປະມານ 25.3 ລ້ານຄົນ (ບໍ່ລວມ Vietjet ປະເທດໄທ) ເພີ່ມຂຶ້ນ 183% ຈາກປີກ່ອນ, ໃນນັ້ນມີຜູ້ໂດຍສານຈາກຖ້ຽວບິນສາກົນຫຼາຍກວ່າ 7.6 ລ້ານຄົນ. ໃນປີກາຍນີ້, Vietjet ຍັງໄດ້ສືບຕໍ່ຂະຫຍາຍຕາໜ່າງການບິນດ້ວຍ 33 ເສັ້ນທາງການບິນໃໝ່ທັງພາຍໃນ ແລະ ຕ່າງປະເທດ, ເຮັດໃຫ້ຈຳນວນເສັ້ນທາງບິນເພີ່ມຂຶ້ນເປັນ 125 ເສັ້ນທາງ, ໃນນັ້ນມີ 80 ເສັ້ນທາງການບິນສາກົນ ແລະ 45 ເສັ້ນທາງພາຍໃນປະເທດ. ບາງເສັ້ນທາງທີ່ພົ້ນເດັ່ນຄື: ນະຄອນໂຮ່ຈີມິນ-ຊຽງໄຮ້, ນະຄອນໂຮ່ຈີມິນ-ວຽງຈັນ, ຮ່າໂນ້ຍ-ສຽມຣຽບ, ຮ່າໂນ້ຍ-ຮົງກົງ, ຝູກວກ-ໄທເປ, […]
ລົດຕູ້ແຮງງານລາວຢູ່ໄທຕຳທ້າຍລົດສີບລໍ້ ເສຍຊີວິດ 1 ແລະ ເຈັບໜັກ 4 ຄົນ
ເກີດເຫດລົດຕູ້ໂດຍສານໄທພາແຮງງານລາວໄປຕໍ່ໜັງສືຜ່ານແດນແລ້ວເກີດອຸບັດເຫດຕໍາທ້າຍລົດ ສີບລໍ້ ໃນຕອນເຊົ້າຂອງວັນທີ 7 ກຸມພາ 2024 ທີ່ຜ່ານມາ ຢູ່ຈັງຫວັດສະເຊິງເຊົາ ປະເທດໄທໄດ້ເຮັດໃຫ້ແຮງງານລາວເສຍຊີວິດ 1, ເຈັບໜັກ 4 ຄົນ. ໃນລົດຕູ້ໂດຍສານຄັນດັ່ງກ່າວມີຜູ້ໂດຍສານທັງໝົດ 16 ຄົນ, ຫຼັງຈາກເກີດອຸບັດເຫດເຈົ້າໜ້າທີ່ໄດ້ນໍາຕົວຄົນເຈັບທັງໝົດ 15 ຄົນຮັກສາໂຕຢູ່ທີ່ໂຮງໝໍທີ່ປະເທດໄທ. ຮອດປັດຈຸບັນນີ້, ຜູ້ບາດເຈັບຈໍານວນໜຶ່ງໄດ້ອອກຈາກໂຮງໝໍແລ້ວ ແຕ່ຍັງມີຄົນເຈັບຈໍານວນໜຶ່ງຍັງນອນຮັກສາຕົວຢູ່ທີ່ໂຮງໝໍ. ລາຍລະອຽດຕ່າງໆຈະລາຍງານຕາມພາຍຫຼັງ.
ຍັງບໍ່ຮູ້ວ່າແມ່ນໃຜທີ່ເສຍຊີວິດໃນກົງເຫຼັກຖືກໂຍນລົງນໍ້າຄານ
ປະຊາຊົນໄດ້ພົບເຫັນສົບຜູ້ເສຍຊິວິດໜຶ່ງຄົນທີ່ຂົວບ້ານວັງເງິນ ນະຄອນ ຫຼວງພະບາງ ແຂວງຫຼວງພະບາງ ໃນວັນທີ 7 ກຸມພາ 2024 ທີ່ຜ່ານມາ ຄາດວ່າຖືກໂຍນຖິ້ມລົງນໍ້າຄານ. ຜູ້ເສຍຊີວິດເປັນເພດຊາຍ ສະພາບສົບແມ່ນທີ່ຄໍມີເຊືອກຮັດແໜ້ນ ຂັງຢູ່ໃນກົງເຫຼັກ ຊຶ່ງຮອດປັດຈຸບັນຍັງບໍ່ທັນຮູ້ວ່າຊາຍຄົນດັ່ງກ່າວ ແມ່ນໃຜ?, ຊື່ຫຍັງ? ເປັນປະຊາຊົນບ້ານໃດ? ປັດຈຸບັນເຈົ້າໜ້າທີ່ກຳລັງສືບສວນ-ສອບສວນ. ລາຍລະອຽດ ຈະລາຍງານຕາມຫຼັງ.