ຈີນ-ຣັດເຊຍຢູ່ຂ້າງອີຣານເລື່ອງເຈລະຈານິວເຄລຍກັບສະຫະລັດ
ປັກກິ່ງ 14 ມີ.ນາ.- ຈີນແລະຣັດເຊຍຈັບມືກັນຢືນຄຽງຂ້າງອີຣານວ່າ ການຟື້ນການເຈລະຈາຂໍ້ຕົກລົງນິວເຄລຍກັບສະຫະລັດຄວນເກີດຂຶ້ນຕໍ່ເມື່ອມີການໃຫ້ກຽດກັນ ແລະມີການຍົກເລີກມາດຕະການຄວ່ຳບາດອີຣານທັງໝົດ ທ່ານໝ່າ ເຈົາຊູ່ ລັດຖະມົນຕີຊ່ວຍວ່າການກະຊວງການຕ່າງປະເທດຈີນປະກາດພາຍຫຼັງການປະຊຸມກັບທ່ານເຊີເກ ຣຽບຄອຟ ລັດຖະມົນຕີຊ່ວຍຕ່າງປະເທດຣັດເຊຍແລະທ່ານກາເຊມ ກາຣິບ ອາບາດີ ລັດຖະມົນຕີຊ່ວຍຕ່າງປະເທດອີຣານໃນວັນນີ້ວ່າ ຈີນແລະຣັດເຊຍຕ້ອງການສະແດງຈຸດຢືນຄຽງຂ້າງອີຣານໃນການເຈລະຈາວ່າດ້ວຍນິວເຄລຍກັບສະຫະລັດ ວ່າ ການເຈລະຈາທີ່ຈະເກີດຂຶ້ນຄວນຕ້ອງຢູ່ບົນພື້ນຖານການເຄົາລົບຊຶ່ງກັນແລະກັນ ທຸກຝ່າຍທີ່ກ່ຽວຂ້ອງຄວນມຸ່ງໝັ້ນຂະຈັດຕົ້ນຕໍຂອງບັນຫາຂໍ້ຂັດແຍ່ງໃນຂະນະນີ້ ໂດຍລະຖິ້ມການໃຊ້ມາດຕະການຄວ່ຳບາດ ການກົດດັນ ຫຼືການຂົ່ມຂູ່ໃຊ້ກຳລັງ ຈີນ ຣັດເຊຍແລະອີຣານຂໍຍ້ຳວ່າ ຈຳເປັນຕ້ອງຍຸດຕິມາດຕະການຄວ່ຳບາດຕາມອຳເພີໃຈທີ່ຜິດກົດໝາຍທັງໝົດ ອີຣານເຄີຍບັນລຸຂໍ້ຕົກລົງຈຳກັດໂຄງການນິວເຄລຍແລກກັບການຜ່ອນຄາຍມາດຕະການຄວ່ຳບາດ ກັບ 5 ຊາດສະມາຊິກຖາວອນຂອງຄະນະມົນຕີຄວາມໝັ້ນຄົງແຫ່ງສະຫະປະຊາຊາດ (ສະຫະລັດ ຣັດເຊຍ ຈີນ ອັງກິດ ຝຣັ່ງເສດ) ສະຫະພາບຢູໂຣບແລະເຢຍລະມັນໃນປີ 2558 ລັດຖະບານຂອງທ່ານໂດນັລດ໌ ທຣຳປ໌ ສະໄໝແລກໄດ້ຖອນສະຫະລັດອອກຈາກຂໍ້ຕົກລົງນີ້ໃນປີ 2561 ແຕ່ໃນສະໄໝທີ່ສອງນີ້ເພິ່ນໄດ້ສົ່ງຈົດໝາຍໄປຍັງຜູ້ນຳອີຣານສະເໜີໃຫ້ເປີດເຈລະຈາກັນອີກຄັ້ງ.-812(814).-ສຳນັກຂ່າວໄທ
ຜົນການສຳຫຼວດພົບພູເຂົາໄຟຟູຈິສູງຂຶ້ນ 5 ເຊັນຕິແມັດ
ໂຕກຽວ 15 ມີ.ນາ.- ຜົນການສຳຫຼວດຂອງທາງການຍີ່ປຸ່ນພົບວ່າ ພູເຂົາໄຟຟູຈິ ແຫຼ່ງທ່ອງທ່ຽວຊື່ດັງມີຄວາມສູງເພີ່ມຂຶ້ນ 5 ເຊັນຕິແມັດ ເມື່ອທຽບກັບການວັດຄັ້ງກ່ອນໜ້ານັ້ນ ບໍລິສັດກະຈາຍສຽງແລະແຜ່ພາບແຫ່ງຍີ່ປຸ່ນຫຼືເອັນເອຊເຄ (NHK) ລາຍງານອ້າງສຳນັກງານສາລະສົນເທດທາງພູມິສາດຂອງຍີ່ປຸ່ນວ່າ ການວັດເມື່ອເດືອນກໍລະກົດປີ 2567 ພົບວ່າ ຈຸດວັດສາມຫຼ່ຽມຂອງພູເຂົາຫຼືສະຖານີຄົງທີ່ສຳລັບວັດລະດັບຄວາມສູງຂອງພູເຂົາໄຟຟູຈິມີຄວາມສູງທີ່ 3,775 ແມັດ 56 ເຊັນຕິແມັດຈາກລະດັບນ້ຳທະເລ ສູງກວ່າການວັດຄັ້ງກ່ອນ 5 ເຊັນຕິແມັດ. ການວັດຄ່າຄວາມສູງຂອງພູເຂົາໄຟຟູຈິເປັນສ່ວນໜຶ່ງຂອງການວັດລະດັບຄວາມສູງຂອງສະຖານທີ່ຕ່າງໆ ທົ່ວປະເທດວ່າມີການປ່ຽນແປງໄປຢ່າງໃດ ອັນມີສາເຫດມາຈາກການປ່ຽນລັກສະນະຂອງເປືອກໂລກ ການສຳຫຼວດໃນຄັ້ງນີ້ໃຊ້ວິທີການວັດແບບໃໝ່ ໂດຍໃຊ້ຂໍ້ມູນອີເລັກໂທຣນິກຈາກດາວທຽມປະກອບກັບຂໍ້ມູນອື່ນໆ ເນື່ອງຈາກເປັນວິທີການທີ່ໄດ້ຜົນລັບແມ່ນຍຳກວ່າວິທີການແບບເກົ່າ ແລະຕັ້ງແຕ່ວັນທີ 1 ເມສາ ນີ້ເປັນຕົ້ນໄປ ຜົນການສຳຫຼວດນີ້ຈະນຳໄປໃຊ້ສຳລັບການເຮັດແຜນທີ່ແລະໂຄງການກໍ່ສ້າງຕ່າງໆ ພູເຂົາໄຟຟູຈິເປັນແຫຼ່ງທ່ອງທ່ຽວຊື່ດັງ ແຕ່ລະປີມີນັກທ່ອງທ່ຽວມາຢ້ຽມຢາມຫຼາຍລ້ານຄົນ ແລະໄດ້ຮັບການຂຶ້ນທະບຽນເປັນມໍລະດົກໂລກຈາກອົງການສຶກສາ ວິທະຍາສາດແລະວັດທະນະທຳແຫ່ງສະຫະປະຊາຊາດຫຼືຢູເນສໂກເມື່ອວັນທີ 22 ມິຖຸນາ 2556.-816(814).-ສຳນັກຂ່າວໄທ
ນາຍົກຄົນໃໝ່ຂອງການາດາໄດ້ສາບານຕົນເຂົ້າຮັບຕຳແໜ່ງ
ອອດຕາວາ 15 ມີ.ຄ.- ທ່ານມາກ ຄານີ, ອະດີດປະທານທະນາຄານກາງຂອງການາດາ ແລະ ອັງກິດ, ໄດ້ສາບານຕົນເຂົ້າຮັບຕຳແໜ່ງນາຍົກລັດຖະມົນຕີຄົນໃໝ່ຂອງການາດາແລ້ວ ຫຼັງຈາກໄດ້ຮັບເລືອກເປັນຫົວໜ້າພັກລັດຖະບານ. ການສາບານຕົນຂອງທ່ານຄານີ ອາຍຸ 59 ປີ ເກີດຂຶ້ນໃນວັນສຸກຕາມເວລາທ້ອງຖິ່ນ, ເຊິ່ງເປັນການເຂົ້າຮັບຕຳແໜ່ງນາຍົກລັດຖະມົນຕີຕໍ່ຈາກທ່ານຈັສຕິນ ທຣູໂດ ທີ່ໄດ້ລາອອກຈາກຕຳແໜ່ງຫົວໜ້າພັກເສລີນິຍົມທີ່ເປັນມາຕັ້ງແຕ່ປີ 2013 ແລະ ຕຳແໜ່ງນາຍົກລັດຖະມົນຕີທີ່ເປັນມາຕັ້ງແຕ່ປີ 2015. ທ່ານຄານີໄດ້ຖະແຫຼງຂ່າວທັນທີທີ່ເຂົ້າຮັບຕຳແໜ່ງວ່າ ສາມາດເຮັດວຽກຮ່ວມກັບທ່ານໂດນັລ ທຣຳ ປະທານາທິບໍດີຂອງສະຫະລັດໄດ້. ຜູ້ນຳຄົນໃໝ່ຂອງການາດາກ່າວວ່າ ນັບຖືປະທານາທິບໍດີທຣຳ ແລະ ເຄີຍຮ່ວມງານກັບທ່ານທຣຳມາກ່ອນໃນການປະຊຸມລະຫວ່າງປະເທດ. ນອກຈາກນີ້, ປະສົບການບາງສ່ວນຂອງເພິ່ນຍັງມີຄວາມຄ້າຍຄືກັບຂອງປະທານາທິບໍດີທຣຳ ໂດຍສະເພາະເລື່ອງການຮັກສາຜົນປະໂຫຍດຂອງຊາດ ຄິດວ່າການາດາ ແລະ ສະຫະລັດສາມາດຈະຫາທາງອອກຮ່ວມກັນໄດ້ໃນແນວທາງທີ່ຈະເກີດປະໂຫຍດຕໍ່ທັງສອງຝ່າຍ. ຄະນະລັດຖະບານຊຸດໃໝ່ຂອງທ່ານຄານີໄດ້ປັບໂຄງສ້າງໃຫ້ນ້ອຍລົງເຫຼືອພຽງ 24 ຕຳແໜ່ງ, ນ້ອຍກວ່າຄະນະລັດຖະມົນຕີຂອງທ່ານທຣູໂດເກືອບເຄິ່ງໜຶ່ງ. ເຖິງຢ່າງໃດກໍຕາມ, ທ່ານຄານີຍັງບໍ່ມີແຜນຈະເຈລະຈາກັບທ່ານທຣຳ ແລະ ເວົ້າຊັດເຈນວ່າ ການທີ່ລັດຖະບານທ່ານທຣຳເວົ້າເລື່ອງຈະຜະນວກການາດາເຂົ້າເປັນລັດທີ 51 ຂອງສະຫະລັດເປັນເລື່ອງບໍ່ມີສາລະ ເພາະການາດາຈະບໍ່ມີວັນຍອມເປັນສ່ວນໜຶ່ງຂອງສະຫະລັດບໍ່ວ່າຈະໃນຮູບແບບໃດກໍຕາມ.
ອະດີດຜູ້ນຳຟິລິບປິນຂຶ້ນສານ ICC ນັດທຳອິດ
ອະດີດປະທານາທິບໍ ດີໂຣດຣິໂກ ດູເຕີເຕ ຂອງຟິລິບປິນຂຶ້ນສານຜ່ານລະບົບວິດີໂອລິ້ງເມື່ອວານນີ້ ເປັນການໄຕ່ສວນນັດທຳອິດທີ່ສານອາຍາສາກົນຫຼື ICC (ICC) ໃນຄະດີກໍ່ອາຊະຍາກຳຕໍ່ມວນມະນຸດລະຫວ່າງດຳລົງຕຳແໜ່ງ ທ່ານດູເຕີເຕ ຊຶ່ງຈະມີອາຍຸຄົບ 80 ປີ ໃນວັນທີ 28 ມີນາຄົມນີ້ ຖືກເຈົ້າໜ້າທີ່ຈັບກຸມຕາມໝາຍຈັບຂອງ ICC ແລະ ນຳຕົວຂຶ້ນເຄື່ອງບິນຈາກກຸງມະນິລາມາຍັງກຸງເຮັກຂອງເນເທີແລນໃນວັນທີ 12 ມີນາຄົມ. ເພິ່ນຖືກກ່າວຫາວ່າ ກໍ່ອາຊະຍາກຳຕໍ່ມວນມະນຸດ ຈາກການໂຈມຕີຢ່າງເປັນລະບົບຫຼືເປັນວົງກວ້າງຕໍ່ພົນລະເຮືອນ ໃນການເຮັດສົງຄາມປາບປາມຢາເສບຕິດສະໄໝທີ່ດຳລົງຕຳແໜ່ງຜູ້ນຳຟິລິບປິນໃນປີ 2016-2022. ມີຜູ້ທີ່ຖືກອ້າງວ່າເປັນຜູ້ຄ້າແລະຜູ້ເສບ ຖືກສັງຫານຫຼືຖືກຂ້າຕັດຕອນຫຼາຍພັນຄົນ ໂດຍຝີມືໜ່ວຍສັງຫານທີ່ດູເຕີເຕຖືກກ່າວຫາວ່າເປັນຜູ້ຕັ້ງຂຶ້ນ.
ນະຄອນຫລວງພະບາງ ກຽມຈັດງານບຸນປີໃໝ່ລາວ ລະຫວ່າງ ວັນທີ 11-20 ເມສາ 2025
ພູເຂົາໄຟກົວເຕມາລາລະເບີດ
ກົວເຕມາລາ ຊິຕີ້ 13 ມີ.ຄ. – ພູເຂົາໄຟຟູເອໂກ ທາງພາກຕາເວັນຕົກສ່ຽງໃຕ້ຂອງກົວເຕມາລາເກີດການລະເບີດຂຶ້ນເມື່ອວານນີ້ ພົ່ນເອົາຂີ້ເຖົ່າແລະລາວາໄຫລອອກມາຈາກປາກປ່ອງພູເຂົາໄຟ ເຈົ້າໜ້າທີ່ຕ້ອງສັ່ງອົບພະຍົບປະຊາຊົນທີ່ຢູ່ໃນບໍລິເວນໃກ້ຄຽງອອກໄປຢູ່ໃນທີ່ປອດໄພເນື່ອງຈາກມີຄວາມສ່ຽງວ່າພູເຂົາໄຟຈະລະເບີດຢ່າງຕໍ່ເນື່ອງ. ພູເຂົາໄຟຟູເອໂກເປັນໜຶ່ງໃນພູເຂົາໄຟທີ່ມີການເຄື່ອນໄຫວຮຸນແຮງທີ່ສຸດໃນພູມິພາກອາເມລິກາກາງ ແລະ ມີປະຫວັດການລະເບີດຫຼາຍຄັ້ງໃນຊ່ວງ 10 ປີທີ່ຜ່ານມາ, ໂດຍຄັ້ງຮຸນແຮງທີ່ສຸດເກີດຂຶ້ນເມື່ອປີ 2561 ຊຶ່ງເຮັດໃຫ້ມີຜູ້ເສຍຊີວິດໄປກວ່າ 190 ຄົນ.
ເຫດຈັບຜູ້ໂດຍສານລົດໄຟເປັນຕົວປະກັນໃນປາກີສະຖານຍັງບໍ່ຍຸຕິ
ອິສລາມາບັດ 12 ມີນາ – ເຫດກຸ່ມແບ່ງແຍກດິນແດນໃນປາກີສະຖານຈັບຜູ້ໂດຍສານບົນຂະບວນລົດໄຟເປັນຕົວປະກັນເພື່ອກົດດັນໃຫ້ປ່ອຍຕົວນັກໂທດຕັ້ງແຕ່ມື້ວານນີ້ ຈົນຮອດຂະນະນີ້ສະຖານະການຍັງບໍ່ຍຸຕິ ໂດຍສາມາດຊ່ວຍຕົວປະກັນໄດ້ແລ້ວ 155 ຄົນ ແລະມີຕົວປະກັນຖືກສັງຫານແລ້ວ 27 ຄົນ ກອງກໍາລັງປົດປ່ອຍບາລ໊ອດຫຼືບີແອລເອ (BLA) ເຊິ່ງເປັນກຸ່ມແບ່ງແຍກດິນແດນໃນປາກີສະຖານອ້າງຕົວວ່າ ເປັນຜູ້ລົງມືວາງລະເບີດລາງລົດໄຟ ແລະບຸກຍຶດຂະບວນລົດໄຟໂດຍສານພ້ອມກັບຈັບຜູ້ໂດຍສານເປັນຕົວປະກັນເມື່ອຊ່ວງບ່າຍວັນອັງຄານ, ເປັນຂະບວນລົດດ່ວນຈາຟຟາຫ໌ ເອັກສ໌ເພຼສທີ່ເດີນທາງຈາກເມືອງເກຕຕາເມືອງເອກຂອງແຂວງບາໂລຈິສຖານທາງພາກຕາເວັນຕົກເພື່ອໄປຍັງເມືອງເປຊາວາໃນແຂວງໄຄເບີປັກຕຸນຄວາ ທາງພາກຕາເວັນຕົກສ່ຽງເໜືອ. ກຸ່ມບີແອລເອຮຽກຮ້ອງໃຫ້ທາງການປ່ອຍຕົວນັກໂທດແລະນັກເຄື່ອນໄຫວຂອງທາງກຸ່ມທີ່ຖືກຄຸມຂັງຢູ່ໃນເຮືອນຈໍາພາຍໃນເວລາ 48 ຊົ່ວໂມງ ແລະຫ້າມທະຫານປະຕິບັດການຕອບໂຕ້ ບໍ່ດັ່ງນັ້ນຈະລົງມືສັງຫານຕົວປະກັນ ທະຫານປາກີສະຖານ ກຸ່ມບີແອລເອອ້າງວ່າ ຈັບຕົວປະກັນໄວ້ 214 ຄົນ ຂະນະທີ່ເຈົ້າໜ້າທີ່ທາງການເປີດເຜີຍວ່າ ມີຜູ້ໂດຍສານບົນລົດໄຟທັງໝົດ 425 ຄົນ, ຍັງບໍ່ຮູ້ຈໍານວນກຸ່ມຄົນຮ້າຍ ແລະມີຄົນຖືກສັງຫານແລ້ວ 27 ຄົນນັບຈົນຮອດມື້ນີ້. ຫຼ້າສຸດມີຕົວປະກັນໄດ້ຮັບການຊ່ວຍເຫຼືອແລ້ວ 155 ຄົນ ແລະທາງການຍັງຄົງຊອກຫາທາງຊ່ວຍຕົວປະກັນທີ່ເຫຼືອຕໍ່ໄປ.
ສິງກະໂປແກ້ໄຂເຂດເລືອກຕັ້ງກ່ອນການເລືອກຕັ້ງທົ່ວໄປໃນປີນີ້
ສິງກະໂປ 11 ມີນາ – ສໍານັກງານການເລືອກຕັ້ງຂອງສິງກະໂປກ່າວວັນນີ້ວ່າ ສິງກະໂປໄດ້ປັບປຸງແກ້ໄຂເຂດເລືອກຕັ້ງ ເຊິ່ງເປັນຂັ້ນຕອນທີ່ສະແດງໃຫ້ເຫັນວ່າ ລັດຖະບານກໍາລັງກຽມການສໍາລັບການເລືອກຕັ້ງທົ່ວໄປ ສິງກະໂປຈະຕ້ອງຈັດການເລືອກຕັ້ງພາຍໃນເດືອນພະຈິກ 2025 ແຕ່ນາຍົກລັດຖະມົນຕີສາມາດປະກາດໃຫ້ມີການເລືອກຕັ້ງກ່ອນກໍານົດໄດ້. ການເລືອກຕັ້ງຄັ້ງນີ້ຈະເປັນການທົດສອບທາງການເລືອກຕັ້ງຄັ້ງທໍາອິດສໍາລັບນາຍົກລັດຖະມົນຕີລອວ໌ເຣນຊ໌ ຫວ່ອງ ເຊິ່ງເຂົ້າຮັບຕໍາແໜ່ງນາຍົກລັດຖະມົນຕີສືບຕໍ່ຈາກທ່ານລີ ເຊຍນລຸງ ເມື່ອເດືອນພຶດສະພາປີທີ່ຜ່ານມາ. ພັກກິດຈະປະຊາຊົນ ຫຼື ພີເອພີ ຂອງທ່ານຫວ່ອງ ຈະຊະນະການເລືອກຕັ້ງຢ່າງແນ່ນອນທີ່ສຸດແລະກວາດບ່ອນນັ່ງໃນລັດຖະສະພາເປັນສ່ວນໃຫຍ່ ເຊັ່ນເດີມຄືກັບທີ່ປະກົດໃນການເລືອກຕັ້ງທຸກຄັ້ງທີ່ຜ່ານມານັບຕັ້ງແຕ່ໄດ້ເອກະລາດເມື່ອປີ 1965. ລາຍງານເລື່ອງການກໍານົດເຂດເລືອກຕັ້ງໃໝ່ທີ່ປະກາດໃນວັນນີ້ຖືກຈັບຕາມອງຢ່າງໃກ້ຊິດເນື່ອງຈາກວັນເລືອກຕັ້ງໃນການເລືອກຕັ້ງທົ່ວໄປຄັ້ງທີ່ຜ່ານໆມາ ມັກຈະມີຂຶ້ນຫຼັງຈາກທີ່ປະກາດເຂດເລືອກຕັ້ງພຽງບໍ່ເທົ່າໃດເດືອນ. ໂດຍລາຍງານການກໍານົດເຂດເລືອກຕັ້ງຖືກສົ່ງໃຫ້ກັບທ່ານຫວ່ອງເມື່ອວັນສຸກແລະລັດຖະບານຍອມຮັບຂໍ້ສະເໜີຕ່າງໆກ່ອນທີ່ຈະປະກາດອອກມາໃນວັນນີ້. ການເລືອກຕັ້ງທີ່ຈະມີຂຶ້ນ ຈະມີຈໍານວນບ່ອນນັ່ງສະມາຊິກລັດຖະສະພາເພີ່ມຂຶ້ນ 4 ບ່ອນນັ່ງເປັນ 97 ບ່ອນນັ່ງຈາກເດີມ 93 ບ່ອນນັ່ງໃນການເລືອກຕັ້ງຄັ້ງທີ່ແລ້ວເມື່ອປີ 2020
ປະເທດຍີ່ປຸ່ນລໍາລຶກຄົບຮອບ 14 ປີ ຂອງແຜ່ນດິນໄຫວຮຸນແຮງແລະຄື້ນຊຶນາມິ
ໂຕກຽວ 11 ມີນາ – ຍີ່ປຸ່ນຈັດພິທີລໍາລຶກວາລະຄົບຮອບ 14 ປີຂອງເຫດການແຜ່ນດິນໄຫວແລະຊຶນາມິຮຸນແຮງທີ່ເກີດຂຶ້ນໃນປີ 2011 ທີ່ເຮັດໃຫ້ມີຜູ້ເສຍຊີວິດແລະສູນຫາຍກວ່າ 20,000 ຄົນ ແລະຍັງເຮັດໃຫ້ເກີດໄພພິບັດຈາກໂຮງໄຟຟ້ານິວເຄລຍຟູກຸຊິມະນໍາອີກ ປະຊາຊົນທົ່ວເຂດຕາເວັນອອກສຽງເໜືອຂອງຍີ່ປຸ່ນຮວມຕົວກັນໃນເວລາ 14.46 ໂມງ ຕາມເວລາທ້ອງຖິ່ນ ຫຼື ຕົງກັບ 12.46 ໂມງ ຕາມເວລາໃນປະເທດລາວ, ເຊິ່ງຕົງກັບເວລາທີ່ເກີດແຜ່ນດິນໄຫວເມື່ອ 14 ປີກ່ອນ ເພື່ອຢືນສະຫງົບນິ້ງ ແລະ ໄວ້ອາໄລໃຫ້ກັບຜູ້ທີ່ເສຍຊີວິດຈາກໄພພິບັດໃນຄັ້ງນີ້. ນາຍົກລັດຖະມົນຕີຊິເງຣຸ ອິຊິບະ ເຂົ້າຮ່ວມພິທີທີ່ຈັດຂຶ້ນທີ່ເມືອງຟູກຸຊິມະ ເພື່ອສະແດງຄວາມເຄົາລົບເຫຍື່ອຜູ້ເຄາະຮ້າຍ ແລະ ໃຫ້ຄໍາໝັ້ນວ່າຈະເຮັດໃຫ້ຍີ່ປຸ່ນເປັນປະເທດທີ່ມີຄວາມສາມາດໃນການຮັບມືໄພພິບັດໄດ້ດີທີ່ສຸດໃນໂລກ. ທ່ານອິຊິບະກ່າວວ່າ ລັດຖະບານຈະຈັດຕັ້ງໜ່ວຍງານໃໝ່ທີ່ເປັນສໍານັກງານປ້ອງກັນໄພພິບັດ ແລະ ຈະເຮັດຢ່າງເຕັມທີ່ໃຫ້ຍີ່ປຸ່ນເປັນຜູ້ນໍາໃນການປ້ອງກັນໄພພິບັດທີ່ດີທີ່ສຸດໃນໂລກ.
ວ່າທີ່ຜູ້ນຳແຄນາດາປະກາດຈະຄວ້າໄຊຊະນະສົງຄາມການຄ້າກັບ “ທຣຳ”
ອົດຕາວາ 10 ມີນາ – ວ່າທີ່ນາຍົກລັດຖະມົນຕີຄົນໃໝ່ ຂອງແຄນາດາປະກາດວ່າຈະນຳປະເທດໄປສູ່ໄຊຊະນະປະທານາທິບໍດີໂດນັລ ທຣຳ ຂອງສະຫະລັດໃນສົງຄາມການຄ້າ ທ່ານມາກ ຄານີ ໄດ້ຮັບໄຊຊະນະການເລືອກຕັ້ງຫົວໜ້າພັກເສລີນິຍົມຫຼືລິເບີຣັລ ຢ່າງຖະຫລົ່ມທະລາຍ, ເຮັດໃຫ້ລາວກຳລັງຈະກ້າວຂຶ້ນຄອງຕຳແໜ່ງນາຍົກລັດຖະມົນຕີຂອງແຄນາດາຕໍ່ຈາກນາຍົກລັດຖະມົນຕີຈັສຕິນ ທຣູໂດ ທີ່ກຳລັງຈະພົ້ນຕຳແໜ່ງທີ່ຄອງມາເກືອບ 10 ປີ. ທ່ານຄານີ ອາຍຸ 59 ປີ ເປັນອະດີດຜູ້ວ່າການທະນາຄານກາງຂອງແຄນາດາ, ເອົາຊະນະຄູ່ແຂ່ງ 3 ຄົນໄດ້ຢ່າງລາບຄາບ ແລະ ຄາດວ່າຈະສາບານຕົນເປັນນາຍົກລັດຖະມົນຕີໃນອີກບໍ່ເທົ່າໃດມື້ນີ້. ເມື່ອຊາບຜົນເລືອກຕັ້ງແລ້ວທ່ານຄານີໄດ້ກ່າວສຸນທອນພົດ, ເນັ້ນໜັກໄປທີ່ການເຜີຊິນໜ້າກັບທ່ານທຣຳທີ່ໄດ້ໃຊ້ມາດຕະການເກັບພາສີນຳເຂົ້າກັບສິນຄ້າສ່ວນໃຫຍ່ຂອງແຄນາດາ 25 ເປີເຊັນ ແລ້ວຍັງກ່າວວ່າຈະລວມເອົາແຄນາດາເຂົ້າເປັນລັດທີ 51 ຂອງສະຫະລັດ. ໂດຍທ່ານຄານີໄດ້ຕຳນິທ່ານທຣຳວ່າ ໂຈມຕີຄົນງານ, ຄອບຄົວ ແລະ ທຸລະກິດຂອງແຄນາດາດ້ວຍພາສີ, ແຕ່ແຄນາດາຈະຕໍ່ສູ້ຈົນກວ່າລັດຖະບານທ່ານທຣຳຈະສະແດງຄວາມເຄົາລົບແຄນາດາ. ເຖິງຢ່າງໃດກໍຕາມລາວຍອມຮັບແຄນາດາຊຶ່ງເພິ່ງພາການຄ້າກັບສະຫະລັດສູງກຳລັງຢູ່ໃນພາວະລຳບາກ, ສາເຫດຄືສະຫະລັດທີ່ບໍ່ອາດໄວ້ວາງໃຈໄດ້ອີກ ແຕ່ແຄນາດາຈະຝ່າຟັນເພື່ອໄປສູ່ໄຊຊະນະແນ່ນອນ. ນາຍົກລັດຖະມົນຕີຈັສຕິນ ທຣູໂດ ພັກເສລີນິຍົມຕ້ອງຈັດເລືອກຕັ້ງຫົວໜ້າພັກຄົນໃໝ່ ເນື່ອງຈາກທ່ານທຣູໂດ ປະເຊິີນແຮງກົດດັນຈາກບັນຫາເສດຖະກິດຮຸມເລົ້າ ລວມໄປເຖິງພາບລັກສ່ວນຕົວທີ່ຍ່ຳແຍ່ລົງ ຈົນໄດ້ປະກາດລາອອກເມື່ອເດືອນມັງກອນ. ແຕ່ໃນຊ່ວງທີ່ຜ່ານມາທີ່ເພິ່ນຕ້ອງປະເຊີນໜ້າກັບທ່ານທຣຳ ປະກົດວ່າ […]