ມຽນມາເປີດເຜີຍຕົວເລກຜູ້ເສຍຊີວິດຈາກແຜ່ນດິນໄຫວອາດຈະເກີນ 3,000 ຄົນ
ເນປຍີໂດ 1 ເມສາ – ພົນເອກອາວຸໂສ ມິນ ອ່ອງ ຫຼ່າຍ ຜູ້ນຳລັດຖະບານທະຫານມຽນມາ ກ່າວມື້ນີ້ວ່າ ຍອດຜູ້ເສຍຊີວິດຈາກເຫດແຜ່ນດິນໄຫວຮຸນແຮງເມື່ອວັນສຸກທີ່ຜ່ານມາ ຢືນຢັນແລ້ວທີ່ 2,719 ຄົນ ແຕ່ຄາດວ່າຕົວເລກຜູ້ເສຍຊີວິດຈະເກີນ 3,000 ຄົນ ພົນເອກອາວຸໂສ ມິນ ອ່ອງ ຫຼ່າຍ ປະທານສະພາບໍລິຫານແຫ່ງລັດ ກ່າວປາໄສຜ່ານທາງໂທລະພາບຂອງລັດຖະບານວ່າ ຕົວເລກຜູ້ທີ່ໄດ້ຮັບບາດເຈັບຈາກແຜ່ນດິນໄຫວຢູ່ທີ່ 4,521 ຄົນ ແລະ ຍັງມີຜູ້ທີ່ສູນຫາຍອີກ 441 ຄົນ ຈາກແຜ່ນດິນໄຫວຂະໜາດ 7.7 ທີ່ບໍລິເວນໃກ້ກັບເມືອງມັນດະເລ. ດ້ານສຳນັກງານເພື່ອການປະສານງານດ້ານມະນຸດສະທຳແຫ່ງສະຫະປະຊາຊາດ ຫຼື ໂອຊີເຮັສເອ ກ່າວວັນນີ້ວ່າ ຂະນະນີ້ທີ່ພັກອາໄສ, ນ້ຳສະອາດ ແລະ ເວດຊະພັນ ມີບໍ່ພຽງພໍ ຫຼັງຈາກແຜ່ນດິນໄຫວທີ່ສ້າງຄວາມເສຍຫາຍເປັນບໍລິເວນກວ້າງ. ເຈົ້າໜ້າທີ່ຂອງໂອຊີເຮັສເອ ກ່າວທີ່ນະຄອນເຈນີວາ ຂອງສະວິດເຊີແລນ ວ່າຂະນະນີ້ໂອກາດໃນການຄົ້ນຫາ ແລະ ຊ່ວຍເຫຼືອຜູ້ລອດຊີວິດເຫຼືອໜ້ອຍລົງທຸກເທື່ອ. ທີ່ພັກອາໄສ, […]
9 ແນວທາງດູແລສຸຂະພາບຜູ້ຊາຍໄວ 30+ ໃຫ້ແຂງແຮງທັງກາຍແລະໃຈ
ເມື່ອອາຍຸເລີ່ມກາຍວັຍ 30 ປີຂຶ້ນໄປ, ຜູ້ຊາຍຫຼາຍຄົນອາດຮູ້ສຶກວ່າເລີ່ມມີຄວາມປ່ຽນແປງ ທັງເລື່ອງຮ່າງກາຍແລະຈິດໃຈ. ສິ່ງທີ່ເຄີຍເຮັດໄດ້ງ່າຍໆ ອາດເລີ່ມຮູ້ສຶກຍາກຂຶ້ນ, ແຕ່ນີ້ຄືຊ່ວງເວລາສຳຄັນທີ່ຕ້ອງເລີ່ມເອົາໃຈໃສ່ໃນການດູແລຕົນເອງຫຼາຍຂຶ້ນ ເພື່ອໃຫ້ສຸຂະພາບທັງກາຍແລະໃຈແຂງແຮງ, ພ້ອມຮັບມືກັບຄວາມທ້າທາຍຕ່າງໆໃນຊີວິດທີ່ເພີ່ມຂຶ້ນໄດ້ຢ່າງໝັ້ນໃຈ. ດັ່ງນັ້ນ, ການດູແລຕົນເອງໃນໄວ 30+ ເປັນເລື່ອງທີ່ບໍ່ຄວນມອງຂ້າມ. ມາເບິ່ງກັນວ່າ 9 ແນວທາງໃນການດູແລສຸຂະພາບຜູ້ຊາຍໄວ 30+ ຈະມີຫຍັງແດ່. 1. ອອກກຳລັງກາຍເປັນປະຈຳ ການອອກກຳລັງກາຍຄືວິທີທີ່ດີທີ່ສຸດໃນການຮັກສາສຸຂະພາບທີ່ດີ, ໂດຍສະເພາະໃນໄວ 30+ ເຊິ່ງລະບົບການເຜົາຜານເລີ່ມຊ້າລົງ. ການອອກກຳລັງກາຍຊ່ວຍເພີ່ມມວນກ້າມເນື້ອແລະເສີມຄວາມແຂງແຮງຂອງຫົວໃຈ, ຫຼືເລືອກກິດຈະກຳທີ່ມັກ ເຊັ່ນ: ການຍ່າງ, ແລ່ນ, ປັ່ນລົດຖີບ, ຫຼືເຂົ້າຍິມ ເພື່ອເສີມສ້າງສຸຂະພາບໃຫ້ແຂງແຮງທັງຮ່າງກາຍແລະຈິດໃຈ. 2. ກິນອາຫານທີ່ມີຄຸນຄ່າທາງໂພຊະນາການ ອາຫານທີ່ດີຈະຊ່ວຍໃຫ້ຮ່າງກາຍໄດ້ຮັບພະລັງງານແລະສານອາຫານທີ່ຈຳເປັນ, ຈຶ່ງຄວນກິນອາຫານທີ່ມີປະໂຫຍດ ເຊັ່ນ: ຜັກ, ໝາກໄມ້, ເຂົ້າກ້ອງ, ປາ, ແລະໂປຣຕີນຈາກແຫຼ່ງທຳມະຊາດ ເພື່ອຫຼຸດຄວາມສ່ຽງໃນການເກີດພະຍາດທີ່ກ່ຽວກັບການກິນອາຫານທີ່ບໍ່ສົມດຸນ ເຊັ່ນ: ພະຍາດເບົາຫວານ ແລະພະຍາດຫົວໃຈ ເປັນຕົ້ນ. 3. ນອນຫຼັບໃຫ້ພຽງພໍ ການນອນຫຼັບທີ່ພຽງພໍແລະມີຄຸນນະພາບ ເປັນປັດໄຈສຳຄັນໃນການຟື້ນຟູຮ່າງກາຍແລະຈິດໃຈ. ການນອນຫຼັບບໍ່ພຽງພໍຈະເຮັດໃຫ້ລະບົບພູມຄຸ້ມກັນຫຼຸດລົງ ແລະເກີດຄວາມກົດດັນຫຼາຍຂຶ້ນ, ຈຶ່ງຄວນຕັ້ງເວລານອນໃຫ້ໄດ້ […]
ໄຟໄໝ້ທໍ່ສົ່ງແກັສໃນປະເທດມາເລເຊຍ ເຮັດໃຫ້ມີຜູ້ບາດເຈັບແລ້ວ 112 ຄົນ
ກົວລາລຳເປີ 1 ເມສາ- ໄຟໄໝ້ຂະໜາດໃຫຍ່ທີ່ເກີດຈາກທໍ່ສົ່ງແກັສຮົ່ວ, ດຳເນີນການໂດຍເປໂຕຣນາສ ບໍລິສັດພະລັງງານຂອງມາເລເຊຍ ເລີ່ມຄວບຄຸມໄດ້ແລ້ວເມື່ອຊ່ວງບ່າຍມື້ນີ້ ໃນຂະນະທີ່ມີຜູ້ໄດ້ຮັບບາດເຈັບແລ້ວຢ່າງໜ້ອຍ 112 ຄົນ ເຈົ້າໜ້າທີ່ມາເລເຊຍກ່າວວ່າ ໄຟໄໝ້ເກີດຂຶ້ນເມື່ອຊ່ວງເຊົ້າຂອງວັນທີ1 ເມສາ ທີ່ເມືອງພູຊົງ ໃນລັດສະລັງງໍ ຊານກຸງກົວລາລຳເປີ. ຮອງຜູ້ບັນຊາການຕຳຫຼວດຂອງລັດສະລັງງໍ ກ່າວວ່າ ມີຜູ້ໄດ້ຮັບບາດເຈັບຈາກອຸບັດຕິເຫດຄັ້ງນີ້ 112 ຄົນ ແລະ ບ້ານເຮືອນເສຍຫາຍ 49 ຫຼັງ. ສຳລັບຜູ້ທີ່ໄດ້ຮັບບາດເຈັບນັ້ນ ເປັນປະຊາຊົນທີ່ອາໃສຢູ່ໃນເຂດທາມັນ ຮາໂມນີ ແລະ ກຳປົງ ກົວລາ ກົວລາ ສຸໄຫ ບາຮາຣູ. ຜູ້ທີ່ໄດ້ຮັບບາດເຈັບ ແລະ ຖືກນຳຕົວສົ່ງໂຮງໝໍສ່ວນໃຫຍ່ບາດເຈັບຈາກແຜໄຟໄໝ້, ບັນຫາກ່ຽວກັບລະບົບທາງເດີນຫາຍໃຈ ແລະ ອາການບາດເຈັບອື່ນໆ. ສຳນັກຂ່າວເບີນາມາ ລາຍງານວ່າ ນາຍົກລັດຖະມົນຕີອັນວາ ອິບຣາຮິມ ໂພສຂໍ້ຄວາມຜ່ານທາງເຟສບຸກວ່າ ເຂົາສັ່ງການໃຫ້ລັດຖະບານແລະໜ່ວຍງານທີ່ກ່ຽວຂ້ອງຈັດຫາຄວາມຊ່ວຍເຫຼືອທີ່ເໝາະສົມໃຫ້ກັບຜູ້ທີ່ໄດ້ຮັບຜົນກະທົບຈາກເຫດໄຟໄໝ້ທໍ່ສົ່ງແກັສຄັ້ງນີ້.
ເກົາຫຼີໃຕ້ກວດສອບຫາສາເຫດທີ່ເຮັດໃຫ້ເກີດໄຟປ່າຮຸນແຮງພົບແລ້ວ
ໂຊ] 31 ມີນາ. – ຕຳຫຼວດ ເຈົ້າໜ້າທີ່ດັບເພີງ ແລະ ເຈົ້າໜ້າທີ່ທີ່ກ່ຽວຂ້ອງລົງພື້ນທີ່ໃນມື້ນີ້ເພື່ອສອບສວນຮ່ວມກັນເປັນຄັ້ງທຳອິດໃນຈຸດທີ່ຈະເປັນຕົ້ນເຫດທີ່ເຮັດໃຫ້ເກີດໄຟປ່າຄັ້ງຮ້າຍແຮງທີ່ສຸດໃນປະຫວັດສາດຂອງເກົາຫຼີໃຕ້ ເຮັດໃຫ້ພື້ນທີ່ປ່າໄມ້ອັນກວ້າງໃຫຍ່ໃນແຂວງຄຽງຊັງເໜືອທາງຕາເວັນອອກສຽງໃຕ້ກາຍເປັນເຖົ້າຖ່ານເມື່ອອາທິດທີ່ແລ້ວ ສຳນັກຂ່າວຢອນຮັບລາຍງານວ່າ ສຳນັກງານຕຳຫຼວດຈັງຫວັດຄຽງບຸກກ່າວວ່າ ການກວດສອບສະຖານທີ່ເກີດເຫດຄັ້ງທຳອິດ ຮ່ວມກັບສຳນັກງານນິຕິວິທະຍາສາດແຫ່ງຊາດ ສະຖາບັນວິທະຍາສາດປ່າໄມ້ແຫ່ງຊາດ ແລະ ໜ່ວຍງານດັບເພີງ ໄດ້ດຳເນີນການທີ່ບໍລິເວນຂຸມຝັງສົບ ແລະ ເນີນເຂົາໂດຍຮອບ ເຈົ້າໜ້າທີ່ໃຊ້ໂດຣນ ແລະ ວິທີການອື່ນໆ ເພື່ອຢືນຢັນສາເຫດຂອງໄຟໄໝ້ ແລະ ທິດທາງທີ່ແປວໄຟລຸກລາມໄປຕາມລົມ ເຈົ້າໜ້າທີ່ຍັງຄົ້ນຫາບໍລິເວນຮອບຈຸດຕົ້ນເຫດຂອງເພີງໄຟ ເພື່ອຢືນຢັນວ່າມີວັດສະດຸທີ່ຖືກເຜົາໄໝ້ໃດໆ ທີ່ອາດເປັນຕົ້ນເຫດຂອງໄຟປ່າຫຼືບໍ່ ໄຟປ່າຄັ້ງນີ້ຖືກລະບຸວ່າ ເກີດຂຶ້ນໂດຍອຸບັດຕິເຫດຈາກການຈຸດໄຟຂອງຊາຍວັຍ 56 ປີ ເທິງເນີນເຂົາໃນເຂດອັນພຽງ ຂອງເຂດມົນທົນອຶຍຊອງ ແຂວງຄຽງຊັງເໜືອ ເຊິ່ງຢູ່ຫ່າງຈາກກຸງໂຊລໄປທາງຕາເວັນອອກສຽງໃຕ້ປະມານ 180 ກິໂລແມັດ ເມື່ອວັນທີ 22 ມີນາ ໄຟໄດ້ລຸກລາມຢ່າງວ່ອງໄວໄປຍັງເມືອງອັນດົງ ແລະ ອີກສາມເຂດທີ່ຢູ່ຕິດກັນທ່າມກາງລົມແຮງ ແລະ ສະພາບອາກາດແຫ້ງແລ້ງເປັນເວລາເກືອບໜຶ່ງອາທິດ ສົ່ງຜົນໃຫ້ມີຜູ້ເສຍຊີວິດ 26 ຄົນ […]
ມຽນມາປະເຊີນກັບແຜ່ນດິນໄຫວຮອບໃໝ່ ຜູ້ເສຍຊີວິດເພີ່ມຂຶ້ນເຖິງ 1,700 ຄົນ
ເນປີດໍ 31 ມີນາ – ເມືອງມັນດາເລ ເມືອງໃຫຍ່ອັນດັບສອງຂອງມຽນມາ ເຊິ່ງເສຍຫາຍໜັກຈາກແຜ່ນດິນໄຫວຮຸນແຮງຂະໜາດ 7.7 ເມື່ອວັນສຸກ ປະເຊີນແຮງສັ່ນສະເທືອນຈາກແຜ່ນດິນໄຫວຮອບໃໝ່ ຂະໜາດ 5.1 ຊ່ວງບ່າຍມື້ວານນີ້ ຂະນະຄວາມພະຍາຍາມຊ່ວຍເຫຼືອຜູ້ປະສົບໄພຍັງດຳເນີນຕໍ່ເນື່ອງ ສ່ວນຍອດຜູ້ເສຍຊີວິດລ່າສຸດເພີ່ມເກີນ 1,700 ຄົນ ສຳນັກສຳຫຼວດທາງທໍລະນີວິທະຍາຂອງສະຫະລັດ ຫຼື ຢູເອສຈີເອສລາຍງານວ່າ ເກີດແຜ່ນດິນໄຫວຄັ້ງໃໝ່ຂະໜາດ 5.1 ໃນເຂດມັດຕາຣາ ທາງຕາເວັນຕົກສຽງເໜືອຂອງເມືອງມັນດາເລ ເມືອງໃຫຍ່ອັນດັບສອງຂອງມຽນມາ ເມື່ອເວລາ 15.38 ນ. ມື້ວານນີ້ຕາມເວລາທ້ອງຖິ່ນ ປະຊາຊົນໃນເມືອງອຳລາປຸລະ ເຊິ່ງຢູ່ຕິດກັບເຂດມັດຕາຣາ ບອກກັບຜູ້ສື່ຂ່າວບໍລິສັດແຜ່ພາບກະຈາຍສຽງອັງກິດ ຫຼື ບີບີຊີ ພະແນກພາສາມຽນມາວ່າ ແຮງສັ່ນສະເທືອນທີ່ເກີດຂຶ້ນຈາກແຜ່ນດິນໄຫວຮອບນີ້ ຖືວ່າຮຸນແຮງທີ່ສຸດນັບຕັ້ງແຕ່ເຫດແຜ່ນດິນໄຫວໃຫຍ່ຂະໜາດ 7.7 ເມື່ອວັນສຸກທີ່ຜ່ານມາ ແຕ່ບໍ່ມີລາຍງານຄວາມເສຍຫາຍເພີ່ມເຕີ ໃນສ່ວນຂອງຄວາມພະຍາຍາມກູ້ໄພ ແລະ ຄົ້ນຫາຜູ້ສູນຫາຍຈາກຊາກອາຄານທີ່ເສຍຫາຍຈາກແຜ່ນດິນໄຫວຍັງຄົງດຳເນີນຕໍ່ໄປ ໂດຍມື້ວານນີ້ ເຈົ້າໜ້າທີ່ກູ້ໄພມຽນມາສາມາດຊ່ວຍເຫຼືອຜູ້ລອດຊີວິດອອກມາໄດ້ອີກ 4 ຄົນ ຫຼັງຕິດຢູ່ໃຕ້ຊາກອາຄານໂຮງຮຽນທີ່ພັງຖະຫຼົ່ມໃນເຂດທາງເໜືອຂອງພູມິພາກສະກາຍນານເກືອບ 60 ຊົ່ວໂມງ […]
ກອງທັບເຮືອຈີນ-ໄທ ເປີດການຝຶກຮົບຮ່ວມ ປີ 2025
ກວາງໂຈວ, 28 ມີນາ- ຈີນ ແລະ ໄທ ເລີ່ມຕົ້ນການຝຶກຮົບຮ່ວມທາງທະເລທີ່ມີຊື່ລະຫັດວ່າ “ບລູ ສະໄຕຣຄ໌-2025” (Blue Strike-2025) ໃນວັນພຸດທີ່ບໍລິເວນຖານທັບເຮືອໃນເມືອງຈ້ານເຈຍງ ແຂວງກວ່າງຕົງ (ກວາງຕຸ້ງ) ທາງພາກໃຕ້ຂອງຈີນ ສຳນັກຂ່າວຊິນຫົວລາຍງານວ່າ ການຝຶກຮົບຮ່ວມທາງທະເລລະຫວ່າງຈີນກັບໄທຈັດຂຶ້ນເປັນຄັ້ງທີ 6 ຊຶ່ງມີການຂະຫຍາຍຂອບເຂດການຝຶກຮົບຈາກລະດັບກອງນາວິກະໂຍທິນສູ່ລະດັບກອງເຮືອ ໂດຍເຮືອຈາກທັງສອງປະເທດໄດ້ສຳເລັດການລວມກຳລັງໃນວັນອັງຄານ (25 ມີນາ) ທີ່ຜ່ານມາ ການຝຶກຊ້ອມຮ່ວມຄັ້ງນີ້ເປັນວິທີປະຕິບັດທີ່ສຳຄັນໃນການດຳເນີນການຕາມຄວາມເຫັນດີຮ່ວມກັນລະຫວ່າງກອງທັບເຮືອຂອງສອງປະເທດ ເຊິ່ງມຸ່ງສົ່ງເສີມຄວາມຮ່ວມມືໃນທາງປະຕິບັດ, ເພີ່ມຂີດຄວາມສາມາດໃນການປະຕິບັດງານຮ່ວມກັນ ແລະ ມີສ່ວນສົ່ງເສີມຄວາມໝັ້ນຄົງທາງທະເລໃນພາກພື້ນ. ສຳລັບການຝຶກຊ້ອມທາງທະເລຮ່ວມກັນລະຫັດ “ບລູ ສະໄຕຣຄ໌-2025” ລະຫວ່າງຈີນກັບໄທຈະສິ້ນສຸດໃນວັນທີ 2 ເມສາ ນີ້.
ໄຟປ່າໃນຍີ່ປຸ່ນຍັງຄົງເຜົາທຳລາຍພື້ນທີ່ຕໍ່ເນື່ອງເປັນມື້ທີ່ 4 ແລ້ວ
ໂຕກຽວ 26 ມີນາ – ໄຟປ່າທີ່ເລີ່ມຕົ້ນຂຶ້ນທີ່ແຂວງເອຮິເມະ ຂອງຍີ່ປຸ່ນເກີດຂຶ້ນຕໍ່ເນື່ອງເປັນວັນທີ 4 ແລ້ວໃນວັນນີ້ ໂດຍເຜົາທຳລາຍພື້ນທີ່ໄປແລ້ວເກືອບ 2,000 ໄຮ່ ແລະ ສົ່ງຜົນໃຫ້ຕ້ອງອົບພະຍົບປະຊາຊົນຫຼາຍພັນຄົນ ເອັນເອຊເຄ ສື່ສາທາລະນະຂອງຍີ່ປຸ່ນ ລາຍງານວ່າ ປະຊາຊົນເກືອບ 6,000 ຄົນ ໄດ້ຮັບຄຳສັ່ງໃຫ້ອົບພະຍົບອອກຈາກບ້ານເຮືອນໃນເມືອງອິມາບາລິ ເນື່ອງຈາກເພີງໄໝ້ເຜົາຜານອາຄານໄປແລ້ວຫຼາຍຫຼັງນັບຕັ້ງແຕ່ວັນອາທິດທີ່ຜ່ານມາ ກະທົບກັບການຈະລາຈອນ ແລະ ຕ້ອງປິດທາງຫຼວງ ເຈົ້າໜ້າທີ່ດັບເພີງພະຍາຍາມໃນການຄວບຄຸມໄຟປ່າ ຊຶ່ງຍັງບໍ່ມີສັນຍານວ່າຈະຫຼຸດລົງ ຫຼື ຄວບຄຸມໄດ້ ໃນຂະນະດຽວກັນ ເຮລິຄອບເຕີຖືກສົ່ງໄປໃຊ້ໃນການດັບເພີງທາງອາກາດ ໄຟປ່າຍັງເກີດຂຶ້ນອີກຈຸດໜຶ່ງໃນວັນອາທິດທີ່ແຂວງໂອກາຍາມາ ທາງຕາເວັນຕົກສ່ຽງໃຕ້ຂອງຍີ່ປຸ່ນ ເຜີຍທຳລາຍພື້ນທີ່ໄປແລ້ວ 2,645 ໄຮ່ ແລະ ທາງການຕັ້ງສັ່ງອົບພະຍົບປະຊາຊົນຣາວ 2,000 ຄົນ ເອັນເອຂເຄ ລາຍງານວ່າ ອາຄານ 6 ຫຼັງຖືກເຜົາທຳລາຍເສຍຫາຍແຕ່ບໍ່ມີຜູ້ໃດໄດ້ຮັບບາດເຈັບທີ່ແຂວງນີ້ ເມື່ອວັນອັງຄານ ຍັງມີໄຟປ່າອີກຈຸດໜຶ່ງທີ່ແຂວງມິຍາຊາກິ ເຜົາທຳລາຍພື້ນທີ່ໄປ 312 ໄຮ່ ແລະ […]
ຈີນເລີ່ມປະຕິບັດການ “ສກາຍເນັດ 2025” ຕາມລ່າຕົວຄົນໜີຄະດີທຸຈະລິດໃນຕ່າງແດນ
ຈີນສະແດງຄວາມມຸ່ງໝັ້ນຈະສົ່ງເສີມຄວາມຮ່ວມມືຕ້ານການທຸຈະລິດລະຫວ່າງປະເທດ ພ້ອມເດີນໜ້າກົດດັນຢ່າງເຂັ້ມງວດເພື່ອຈັບກຸມຕົວຜູ້ຫຼົບໜີຄະດີຄວາມຜິດທຸຈະລິດທີ່ຢູ່ໃນຕ່າງປະເທດ ສຳນັກຂ່າວຊິນຫົວລາຍງານວ່າ ເມື່ອວັນຈັນທີ່ 24 ມີນາ ທີ່ປະຊຸມຂອງສຳນັກງານການສົ່ງຕົວຜູ້ຫຼົບໜີຄະດີຄວາມຜິດກັບປະເທດ ແລະ ການກູ້ຄືນຊັບສິນ ສັງກັດຄະນະປະສານງານຕ້ານການທຸຈະລິດສ່ວນກາງ ລະບຸວ່າຈີນໄດ້ເປີດຕົວປະຕິບັດການ “ສກາຍເນັດ” (Sky Net) ປີ 2025 ເພື່ອຕາມລ່າຕົວຜູ້ຫຼົບໜີຄະດີຄວາມຜິດ ກູ້ຄືນເງິນລາຍໄດ້ທີ່ຜິດກົດໝາຍ ແລະ ຕໍ່ສູ້ກັບການທຸຈະລິດຂ້າມພົມແດນ (ພາບຊິນຫົວ: ອາຄານມະຫາສາລາປະຊາຊົນ ແລະ ໝູ່ຕຶກສູງສະໄໝໃໝ່ໃນນະຄອນປັກກິ່ງຂອງຈີນ ວັນທີ 11 ມີນາ 2024) ໜ່ວຍງານທາງການຈີນຈະປະຕິບັດການປາບປາມພິເສດ ເຊັ່ນ: ຄະນະກຳມາທິການກຳກັບກວດສອບແຫ່ງຊາດຈະກູ້ຄືນເງິນລາຍໄດ້ຜິດກົດໝາຍຂອງອາຊະຍາກຳທີ່ກ່ຽວກັບພາສີອາກອນ ແລະ ປ້ອງກັນການສູນເສຍ ຫຼື ທະນາຄານປະຊາຊົນຈີນຈະເຮັດວຽກຮ່ວມກັບກະຊວງຄວາມໝັ້ນຄົງສາທາລະນະໂດຍມຸ່ງເປົ້າໄປຍັງການໂອນເງິນຜິດກົດໝາຍຜ່ານບໍລິສັດນອກອານາເຂດ ຫຼື ລະບົບທະນາຄານໃຕ້ດິນໄປຍັງຕ່າງປະເທດ ຈີນດຳເນີນການຜູ້ຫຼົບໜີຄະດີຄວາມຜິດທຸຈະລິດຢ່າງໜັກໜ່ວງຕະຫຼອດມາ ໂດຍລາຍງານຈາກໜ່ວຍງານຕ້ານການທຸຈະລິດລະດັບສູງສຸດຂອງຈີນລະບຸວ່າມີການສົ່ງຕົວຜູ້ຫຼົບໜີຄະດີຄວາມຜິດທຸຈະລິດກັບຈີນລະຫວ່າງປະຕິບັດການສກາຍເນັດ ປີ 2024 ຈຳນວນ 1,597 ລາຍ ແລະ ກູ້ຄືນຊັບສິນຜິດກົດໝາຍກວ່າ 1.82 ໝື່ນລ້ານຢວນ (ລາວ 8.56 ໝື່ນລ້ານບາດ).
ຜູ້ພິພາກສາສານມີຄຳເຫັນເບື້ອງຕົ້ນວ່າ ການສັ່ງປິດ USAID ອາດຈະຂັດຕໍ່ລັດຖະທຳມະນູນ
ແມຣິແລນ 19 ມີນາ.- ຜູ້ພິພາກສາສານແຂວງໃນ ລັດແມຣິແລນ ຂອງສະຫະລັດມີຄຳເຫັນເບື້ອງຕົ້ນວ່າ ການພະຍາຍາມປິດອົງການເພື່ອການພັດທະນາລະຫວ່າງປະເທດຂອງສະຫະລັດ ຫຼື ຢູເອສເອດ (USAID) ອາດຂັດຕໍ່ລັດຖະທຳມະນູນ. ຜູ້ພິພາກສາທີໂອດໍຣ໌ ຊວງ (Theodore Chuang) ມີຄຳເຫັນເບື້ອງຕົ້ນດັ່ງກ່າວ ເມື່ອວັນອັງຄານທີ່ຜ່ານມາ ຕາມເວລາທ້ອງຖິ່ນ ແລະ ມີຄຳສັ່ງໃຫ້ ທ່ານ ອີລອນ ມັສກ໌ ທີ່ປຶກສາຂອງປະທານາທິບໍດີໂດນັລດ໌ ທຣໍາ ແລະ ກະຊວງປະສິດທິພາບລັດຖະບານ ຫຼື ໂດຈ (DOGE) ທີ່ທ່ານມັສກ໌ ເປັນຜູ້ດູແລ ອະນຸຍາດໃຫ້ລູກຈ້າງໂດຍກົງ ແລະ ລູກຈ້າງສັນຍາຈ້າງ ລວມເຖິງຜູ້ທີ່ຖືກພັກງານຫຼາຍພັນຄົນ ສາມາດເຂົ້າເຖິງລະບົບຄອມພິວເຕີຂອງ USAID ອີກຄັ້ງ ການປະທ້ວງເພຶືອ່ອຕໍ່ຕ້ານການປິດ USAIDລູກຈ້າງ USAIDທັງອະດີດ ແລະ ປັດຈຸບັນຈໍານວນ 26 ຄົນ ຮວມຕົວກັນຍື່ນຟ້ອງເມື່ອວັນທີ 13 ກຸມພາວ່າ ການທີ່ທ່ານມັສກ໌ຍຶດການຄວບຄຸມUSAID ແລະ ກະທໍາຄືກັບເປັນເຈົ້າໜ້າທີ່ຂອງສະຫະລັດ ເປັນການລະເມີດຂໍ້ກໍານົດໃນລັດຖະທໍາມະນູນທີ່ວ່າ […]
ອິດສະຣາແອນເປີດການໂຈມຕີເຂດກາຊາຄັ້ງໃຫຍ່ ຫຼັງຈາກການເຈລະຈາຂະຫຍາຍເວລາຢຸດຍິງບໍ່ມີຄວາມຄືບໜ້າ
ເຢຣູຊາເລັມ 18 ມີນາ – ອິດສະຣາແອນກັບມາເປີດການໂຈມຕີຄັ້ງໃຫຍ່ໃນເຂດກາຊາໃນຕອນເຊົ້າມືດຂອງມື້ນີ້ ໂດຍອ້າງວ່າ ກຸ່ມຮາມາສບໍ່ຍອມປ່ອຍຕົວປະກັນທີ່ເຫຼືອ. ຝ່າຍປາເລສໄຕນ໌ເປີດເຜີຍວ່າ ມີຜູ້ເສຍຊີວິດຢ່າງໜ້ອຍ 200 ຄົນ ກອງທັບອິດສະຣາແອນເປີດເຜີຍວ່າ ໃນຊ່ວງກ່ອນຮຸ່ງສາງຂອງມື້ນີ້, ທະຫານອິດສະຣາແອນໄດ້ປະຕິບັດການໂຈມຕີທາງອາກາດຕໍ່ເປົ້າໝາຍຫຼາຍສິບຈຸດທົ່ວເຂດກາຊາຕັ້ງແຕ່ເໜືອຮອດໃຕ້, ແລະ ຈະດຳເນີນການໂຈມຕີຕໍ່ໄປຕາບເທົ່າທີ່ຈຳເປັນ. ນອກຈາກນີ້ ຍັງຈະຂະຫຍາຍການໂຈມຕີໃຫ້ຫຼາຍກວ່າການໂຈມຕີທາງອາກາດພຽງຢ່າງດຽວ. ໃນຂະນະທີ່ກະຊວງສາທາລະນະສຸກຂອງປາເລສໄຕນ໌ລະບຸວ່າ ການໂຈມຕີຄັ້ງນີ້ມີຜູ້ເສຍຊີວິດຢ່າງໜ້ອຍ 200 ຄົນ, ໂດຍມີເດັກນ້ອຍຈຳນວນຫຼາຍລວມຢູ່ນຳ. ສຳນັກນາຍົກລັດຖະມົນຕີເບນຈາມິນ ເນທັນຢາຮູ ຂອງອິດສະຣາແອນອອກຖະແຫຼງການກ່າວຫາວ່າ ກຸ່ມຮາມາສປະຕິເສດຫຼາຍຄັ້ງທີ່ຈະປ່ອຍຕົວປະກັນທີ່ຍັງເຫຼືອອີກ 59 ຄົນ, ລວມທັງຍັງປະຕິເສດຂໍ້ສະເໜີຂອງທ່ານສະຕີຟ ວິດຄອຟຟ໌ ທູດພິເສດດ້ານຕາເວັນອອກກາງຂອງສະຫະລັດ. ນັບຕັ້ງແຕ່ນີ້ໄປອິດສະຣາແອນຈະເພີ່ມການໂຈມຕີກຸ່ມຮາມາສໃຫ້ຮຸນແຮງຍິ່ງຂຶ້ນ. ໂຄສົກທຳນຽບຂາວຂອງສະຫະລັດໃຫ້ສຳພາດສະຖານີໂທລະພາບຟັອກນິວສ໌ວ່າ ອິດສະຣາແອນໄດ້ປຶກສາກັບສະຫະລັດແລ້ວເລື່ອງການໂຈມຕີເຂດກາຊາ, ຊຶ່ງທາງອິດສະຣາແອນລະບຸວ່າເປັນການມຸ່ງເປົ້າໂຈມຕີຜູ້ບັນຊາການລະດັບກາງ ແລະ ເຈົ້າໜ້າທີ່ລະດັບແກນນຳ, ລວມເຖິງສິ່ງອຳນວຍຄວາມສະດວກຕ່າງໆ ຂອງກຸ່ມຮາມາສ. ການໂຈມຕີຂອງອິດສະຣາແອນມີຂຶ້ນໃນຂະນະທີ່ການເຈລະຈາຂະຫຍາຍເວລາຢຸດຍິງຍັງບໍ່ມີຄວາມຄືບໜ້າ. ກຸ່ມຮາມາສກ່າວຫາວ່າ ອິດສະຣາແອນເປັນຝ່າຍລົ້ມຂໍ້ຕົກລົງຢຸດຍິງ, ຊຶ່ງເຮັດໃຫ້ຊາຕາກຳຂອງຕົວປະກັນອີກ 59 ຄົນຕ້ອງເຜີຊິນກັບຄວາມບໍ່ແນ່ນອນ. ເຖິງຢ່າງໃດກໍຕາມ, ຮາມາສຍັງຄົງຢືນຢັນວ່າຈະດຳເນີນການເຈລະຈາເພື່ອໃຫ້ບັນລຸຂໍ້ຕົກລົງຢຸດຍິງຢ່າງຖາວອນ ແລະ ໃຫ້ອິດສະຣາແອນຖອນທະຫານທັງໝົດອອກຈາກເຂດກາຊາຕາມເງື່ອນໄຂຂອງຂໍ້ຕົກລົງຢຸດຍິງທີ່ມີມາແຕ່ເດີມ.