ປະທານປະເທດ ແຫ່ງ ສປປ ລາວ ຈະເດີນທາງຢ້ຽມຢາມ ກຳປູເຈຍ ເພື່ອເພີ່ມທະວີ ແລະ ຮັດແໜ້ນສາຍພົວພັນມິດຕະພາບ
ທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ພ້ອມດ້ວຍພັນລະຍາ ຈະໄດ້ນໍາພາຄະນະຜູ້ແທນຂັ້ນສູງ ເດີນທາງຢ້ຽມຢາມທາງລັດຖະກິດ ຣາຊະອານາຈັກກໍາປູເຈຍ ໃນວັນທີ 23 ເມສາ 2024 ທີ່ນະຄອນຫຼວງພະນົມເປັນ,ໂດຍຕອບສະໜອງຕາມຄໍາເຊີນຂອງ ພະບາດສົມເດັດ ພະບໍລົມມະນຽດ ໂນໂຣດົມ ສີຫາມຸນີ, ພະມະຫາກະສັດ ແຫ່ງ ຣາຊະອານາ ຈັກ ກໍາປູເຈຍ. ການຢ້ຽມຢາມຣາຊະອານາຈັກກໍາປູເຈຍ ຄັ້ງນີ້ ເພື່ອເພີ່ມທະວີ ແລະ ຮັດແໜ້ນສາຍພົວພັນມິດຕະພາບ ອັນເປັນມູນເຊື້ອ ແລະ ເສີມ ຂະຫຍາຍການເປັນ ຄູ່ຮ່ວມມືຍຸດທະສາດ ຮອບດ້ານ ແລະ ໝັ້ນຄົງຍາວນານ ລະຫວ່າງ ລາວ ແລະ ກໍາປູເຈຍ ໃຫ້ເລິກເຊິ່ງ ແລະ ມີປະສິດທິຜົນ ຍິ່ງໆຂຶ້ນ. ທີ່ມາ VientianeTimes
ກຳປູເຈຍ ສົ່ງອອກລົດຖີບ ຫລຸດລົງ 43%
ສຳນັກຂ່າວ ຊິນຮວາ ຂອງ ສປຈີນ, ສຳນັກງານ ພາສີ ທົ່ວໄປຂອງ ກຳປູເຈຍ ລາຍງານວ່າ: ການສົ່ງອອກ ລົດຖີບ ຂອງ ກຳປູເຈຍ ໃນໄຕມາດທຳອິດ (ເດືອນມັງກອນ-ເດືອນມີນາ) ຂອງ ປີນີ້ ຫລຸດລົງ 43% ເມື່ອທຽບໃສ່ປີຕໍ່ປີ. ໃນນັ້ນ ລວມມີ ລົດຖີບ ແລະ ລົດຖີບໄຟຟ້າ, ກວມເອົາ ມູນຄ່າລວມ 96,9 ລ້ານໂດລາ ສະຫະລັດ ຫລຸດລົງ ຈາກ 170 ລ້ານໂດລາ ສະຫະລັດ ໃນໄລຍະດຽວກັນ ຂອງປີກາຍ. ກະຊວງ ການຄ້າ ກຳປູເຈຍ ເປີດເຜີຍວ່າ: ກຳປູເຈຍ ສົ່ງອອກລົດຖີບ ໄປຍັງ ກຸ່ມປະເທດ ເອີຣົບ, ສ.ອາເມລິກາ, ອັງກິດ ແລະ ການາດາ ເປັນຫລັກ. ໂດຍການສົ່ງອອກ ທີ່ຫລຸດລົງ ເນື່້ອງຈາດ ການຢຸດຈຶ້ງ […]
ສປຈີນ ຈັດສັນງົບປະມານ ຊຸກຍູ້ການລົງທຶນ ຫລາຍກວ່າ 2 ແສນລ້ານຢວນ
ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ທ່ານ ຫລີວຊູເຊີ ຮອງຫົວໜ້າ ຄະນະກຳມະ ການ ພັດທະນາ ແລະ ປະຕິຮູບ ແຫ່ງຊາດ ຈີນ ລາຍງານວ່າ: ປັດຈຸບັນ ສປຈີນ ໄດ້ຈັດສັນ ເງິນທຶນ ຈາກ ງົບປະມານ ສ່ວນກາງ ໂດຍມີ ມູນຄ່າ ຫລາຍກວ່າ 3 ແສນລ້ານຢວນ ເພື່ອສົ່ງເສີມ ການລົງທຶນ ໃຫ້ໄດ້ຮັບປະສິດ ທິຜົນ ໃນປີ 2024. ທ່ານ ຫລີວຊູເຊີ ກ່າວວ່າ ບ້ວງເງີນທຶນ ທີ່ ຈັດສັນໄວ້ ກວມເອົາ 30% ຂອງ ຈຳນວນເງິນປະຈຳ ທີ່ວາງແຜນໄວ້ ແລະ ຄະນະ ກຳມະການ ຈະເລັ່ງ ຈັດສັນເງິນທຶນ ທີ່ກ່ຽວຂ້ອງ ເພື່ອຊຸກຍູ້ ໂຄງການ ດັ່ງກ່າວ ແລະ […]
ສປຊ ຮຽກຮ້ອງໃຫ້ຄວາມຊ່ວຍເຫຼືອເຂດກາຊາ ຈຳນວນ ເງິນ 2,8 ຕື້ໂດລາ
ສຳນັກຂ່າວວິທະຍຸ ກະຈາຍສຽງ ແຫ່ງຊາດ ຫວຽດນາມ, ເມື່ອບໍ່ດົນມານົ້, ອົງການ ສະຫະປະຊາຊາດ (ສປຊ) ໄດ້ຮຽກຮ້ອງ ປະຊາຄົມໂລກ ໃຫ້ການ ຊ່ວຍເຫຼືອ ບ້ວງເງິນ 2,8 ຕື້ໂດລາ ສະຫະລັດ ໃນປີ 2024 ນີ້ ໃຫ້ແກ່ ປະຊາຊົນ ເຂດກາຊາ ທີ່ຖືກສົງຄາມ ທຳລາຍ, ກໍຄື ຊາວ ປາແລັດສະຕິນ ຢູ່ໃນເຂດ ຝັ່ງຕາເວັນຕົກ ແມ່ນ້ຳຊອກດານີ ທີ່ຖືກຢືດຄອງ. ທ່ານ ອັງເດຣ ເດີ ໂດເມນີໂກ ຫົວໜ້າ ຫ້ອງການ ຝ່າຍປະສານງານ ກ່ຽວກັບ ບັນຫາ ມະນຸດສະທຳ ຂອງ ສປຊ ປະຈຳ ປາແລັດສະຕິນ ໃຫ້ຮູ້ວ່າ: ບ້ວງເງິນ ດັ່ງກ່າວນີ້ ຈະຊ່ວຍ ແກ້ໄຂ ບັນດາ ຄວາມຕ້ອງການ ດ້ານມະນຸດສະທຳ ໄລ່ຮອດ ທ້າຍປີນີ້ […]
ໄອເອັມເອຟ (IMF) ຍົກລະດັບການຄາດການອັດຕາການເຕີບໂຕເສດຖະກິດໂລກໃນປີ 2024
ຂປລ. ສຳນັກຂ່າວວິທະຍຸ ກະຈາຍສຽງ ແຫ່ງຊາດ ຫວຽດນາມ, ບົດລາຍງານແງ່ຫວັງ ເສດຖະກິດໂລກ ສະບັບ ລົງວັນທີ 16 ເມສາ ລະບຸວ່າ: ກອງທຶນເງິນຕາສາກົນ (IMF) ຄາດວ່າ ລະດັບການເຕີບໂຕ ເສດຖະກິດທົ່ວໂລກ ໃນປີ 2024 ຈະບັນລຸ 3,2%, ເພີ່ມຂຶ້ນ 0,1% ເມື່ອທຽບໃສ່ ຕົວເລກທີ່ກຳນົດໄວ້ ເມື່ອເດືອນມັງກອນ ຜ່ານມາ. ສໍາລັບ ປີ 2025 ອາດຈະຢູ່ໃນ ລະດັບ 3,2%. ສ່ວນອັດຕາໄພເງິນເຟີ້ ຈະຫລຸດລົງ 5,9% ເຫຼືອ 4,5% ໃນປີໜ້າ, ຍ້ອນອັດຕາ ດອກເບ້ຍ ຢູ່ປະເທດຕ່າງໆໃນໂລກ ເພີ່ມສູງຂຶ້ນ ບົດລາຍງານ ຂອງ IMF ໄດ້ສະແດງໃຫ້ເຫັນເຖິງ ຄວາມແຕກຕ່າງກັນ ຢ່າງຈະແຈ້ງກ່ຽວກັບ ແງ່ຫວັງການເຕີບໂຕ ຂອງ ບັນດາ ພື້ນຖານເສດຖະກິດ ພັດທະນາ. IMF […]
ສສ ຫວຽດນາມ ນອນໃນກຸ່ມແຖວໜ້າອາຊີ ກ່ຽວກັບການລົງທຶນພື້ນຖານໂຄງລ່າງ
ວິທະຍຸ ກະຈາຍສຽງ ແຫ່ງຊາດ ຫວຽດນາມ, ໃນຂອບເຂດ “ສັບປະດາ ຍືນຍົງ” ລະຫວ່າງ 15 – 19 ເມສານີ້ ຢູ່ນິວຢອກ ຂອງ ສ.ອາເມລິກາ, ສະມັດຊາໃຫຍ່ ສປຊ ໄດ້ຈັດວາລະປຶກສາຫາລື ຂັ້ນສູງກ່ຽວກັບ ການຊຸກຍູ້ ການພັດທະນາ ແບບຍືນຍົງ ຜ່ານການເຊື່ອມຕໍ່ ພື້ນຖານໂຄງລ່າງ. ໃນໂອກາດນີ້ ທ່ານ ດັັ້ງຮ່ວາງຢາງ, ເອກອັກ ຄະລັດຖະທູດ, ຫົວໜ້າຄະນະ ຜູ້ຕາງໜ້າ ຫວຽດນາມ ປະຈຳ ສປຊ ໄດ້ຢັ້ງຢືນວ່າ: ການຊຸກຍູ້ ການເຊື່ອມຕໍ່ ລະຫວ່າງ ບັນດາປະເທດ ແມ່ນມີຄວາມຈຳເປັນ ເພື່ອພັດທະນາ ເສດຖະກິດ, ສ້າງວຽກເຮັດງານທຳ, ຮັບປະກັນປະສິດທິຜົນ ຂອງລະບົບສະໜອງ ແລະ ເພີ່ມທະວີ ຄວາມຍືນຍົງ. ການສ້າງລະບົບພື້ນຖານ ໂຄງລ່າງ ທັນສະໄໝ ແລະ ຄົບຊຸດແມ່ນໜຶ່ງ ໃນ ສາມບຸກທະລຸ […]
ການຂຸດຄົ້ນບໍ່ແຮ່ ເປັນຂະແໜງການສຳຄັນ ແລະ ເປັນແມ່ແຮງ ດຶງດູດການລົງທຶນມາ ແຂວງຫົວພັນ
ການຂຸດຄົ້ນບໍ່ແຮ່ ເປັນຂະແໜງການສຳຄັນ ແລະ ເປັນແມ່ແຮງ ດຶງດູດການລົງທຶນມາ ແຂວງຫົວພັນ ແຕ່ຂະນະດຽວກັນ ການຄຸ້ມຄອງຍັງພົບບາງຂໍ້ຫຍຸ້ງຍາກ ເພາະການອະນຸຍາດບາງໂຄງການທັບຊ້ອນກັນ. ທ່ານ ຄໍາແພງ ໄຊສົມແພງ ເຈົ້າແຂວງຫົວພັນ ໄດ້ໃຫ້ສຳພາດກັບສື່ມວນຊົນ ເມື່ອບໍ່ດົນມານີ້ວ່າ: ມາຮອດປັດ ຈຸບັນ ມີຫຼາຍບໍລິສັດໃຫ້ຄວາມສົນໃຈເຂົ້າໄປລົງທຶນຂຸດຄົ້ນບໍ່ແຮ່ຢູ່ພາຍໃນແຂວງຫົວພັນ, ຊຶ່ງຂະແໜງການທີ່ກ່ຽວຂ້ອງຂອງແຂວງໄດ້ເອົາໃຈໃສ່ຄຸ້ມຄອງກວດກາ, ໃນນີ້ ໂຄງການບໍ່ເຫັນດີແມ່ນໃຫ້ຢຸດຊົ່ວຄາວ ຫຼື ເຖິງຂັ້ນລົບລ້າງ ເພື່ອເຮັດໃຫ້ການລົງທຶນຖືກຕ້ອງຕາມລະບຽບການ. ນອກຈາກນີ້ ຈະເນັ້ນໃຫ້ຜູ້ປະກອບການມີການປຸງແຕ່ງແຮ່ທາດກ່ອນສົ່ງອອກ ເພື່ອເພີ່ມມູນຄ່າ, ທັງສ້າງວຽກເຮັດງານທໍາໃຫ້ປະ ຊາຊົນພາຍໃນແຂວງ. ສໍາລັບ ປີ 2023 ຜ່ານມາ, ແຂວງຫົວພັນ ສາມາດຂຸດຄົ້ນແຮ່ທາດອະໂລຫະສໍາລັບການກໍ່ສ້າງ (ຫີນກໍ່ສ້າງ) ໄດ້ 61.226ແມັດກ້ອນ, ລວມມູນຄ່າ 4,89ຕື້ກີບ; ຂຸດ ຄົ້ນ-ປຸງແຕ່ງ ແລະຈຳໜ່າຍແຮ່ເຫຼັກ ໄດ້117.092,08 ໂຕນ, ມູນຄ່າ 8,57 ລ້ານ ໂດລາສະຫະລັດ, ຜະລິດ ແລະ ຈໍາໜ່າຍແຮ່ຫາຍາກໄດ້ 6.310 ໂຕນ, ມູນຄ່າ […]
ປະເທດລາວມີແຫຼ່ງຜະລິດໄຟຟ້າ 97 ແຫ່ງທີ່ຂາຍເຂົ້າລະບົບລັດວິສາຫະກິດໄຟຟ້າລາວ
ທົ່ວປະເທດລາວມີແຫຼ່ງຜະລິດພະລັງງານໄຟຟ້າສະໜອງໄຟຂາຍເຂົ້າລະບົບຂອງ ລັດວິສາຫະກິດໄຟຟ້າລາວຈໍານວນ 97 ແຫ່ງ, ມີກຳລັງຕິດຕັ້ງທັງໝົດ 4.499,46 ເມກາວັດ, ໃນນັ້ນ, ເປັນແຫຼ່ງຜະລິດພະລັງງານນໍ້າ ກວມເອົາປະມານ 95%, ພະລັງງານຄວາມຮ້ອນຖ່ານຫີນ ປະມານ 2,24%, 2,22% ແມ່ນມາຈາກພະລັງງານໄຟຟ້າແສງຕາເວັນ ແລະ ພະລັງງານຊີວະມວນຈໍານວນໜຶ່ງ. ປັດຈຸບັນ, ເມືອງມີໄຟຟ້າຊົມໃຊ້ແລ້ວກວມເອົາ 100%, ບ້ານທີ່ມີໄຟຟ້າຊົມໃຊ້ແລ້ວກວມເອົາ 94,35% ແລະ ຄອບຄົວທີ່ມີໄຟຟ້າຊົມໃຊ້ແລ້ວກວມເອົາ 95,78%. ຄຽງຄູ່ກັນນັ້ນ, ລັດວິສາຫະກິດໄຟຟ້າລາວຍັງມີລະບົບສາຍສົ່ງໄຟຟ້າແຮງສູງລະດັບແຮງດັນ 230 ກວ ລວງຍາວທັງໝົດ 1.859 ກມ/ວົງຈອນ ແລະ ລະບົບສາຍສົ່ງໄຟຟ້າ 115 ກວ ລວງຍາວທັງໝົດ 6.985 ກມ/ວົງຈອນ. ລະບົບຕາຂ່າຍແຮງດັນກາງ 22 ກວ/35 ກວ ລວງຍາວທັງໝົດ 37.478ກມ/ວົງຈອນ. ລະບົບຕາຂ່າຍແຮງດັນຕໍ່າ 0.4ກວ ລວງຍາວທັງໝົດ 22.378ກມ/ວົງຈອນ ແລະ ມີສະຖານີໄຟຟ້າແຮງສູງທັງໝົດ 80 ແຫ່ງ. ສໍາລັບການສົ່ງພະລັງງານໄຟຟ້າ […]
ທຳລາຍສວນປູກຝິ່ນ 5 ເຮັກຕາກວ່າ ຢູ່ເມືອງລອງ ແຂວງຫຼວງນ້ຳທາ
ເຈົ້າໜ້າທີ່ ປກສ ເມືອງລອງ ແຂວງ ຫຼວງນ້ຳທາ ໄດ້ລົງທຳລາຍສວນປູກຝິ່ນ ທີ່ປະຊາຊົນລັກປູກຢູ່ຂອບເຂດ 2 ກຸ່ມບ້ານ ຄື ກຸ່ມຈົງກາ ແລະ ກຸ່ມສີວິໄລ ມີບ້ານຫ້ວຍຫຼວງ, ບ້ານນ້ຳໂບ ແລະ ບ້ານພີນຫໍ້ ຊຶ່ງສາມາດກວດພົບສວນຝິ່ນ ຢູ່ 4 ຈຸດ ມີ 16 ຕອນ ໃນເນື້ອທີ່ທັງໝົດ 52.277 ຕາແມັດ ເທົ່າກັບ 5 ເຮັກຕາກວ່າ, ໂດຍໃຊ້ໄມ້ຟາດ, ຫຼົກຕົ້ນອ່ອນ ແລະ ໃຊ້ພ້າຖາງ ເພື່ອບໍ່ໃຫ້ຕົ້ນຝິ່ນປົ່ງ ແລະ ບໍ່ສາມາດເກັບກູ້ຄືນໄດ້. ການລົງທຳລາຍສວນປູກຝິ່ນໃນຄັ້ງນີ້ ແມ່ນຢູ່ໃນລະຫວ່າງຕົ້ນເດືອນ ກຸມພາ 2024 ຫາເດືອນ ມີນາ 2024, ໂດຍການສົມທົບກັນລະຫວ່າງຄະນະກອງບັນຊາການ ປກສ ເມືອງລອງ ແຂວງຫຼວງນ້ຳທາ ກັບພາກສ່ວນທີ່ກ່ຽວຂ້ອງ ຂອງກຳລັງ ປກຊ-ປກສ, 4 ບໍລິສັດປູກພືດແທນການປູກຝິ່ນ ປະຈຳເມືອງລອງ ຄື: […]
ສວນກາເຟໄຮແລນຍັງຂາດແຄນດ້ານແຮງງານເກັບກູ້ກາເຟ
ສວນກາເຟໄຮແລນຕັ້ງຢູ່ບ້ານປາກຊ່ອງ ເມືອງປາກຊ່ອງ ແຂວງຈຳປາສັກຍັງພົບ ຂໍ້ຫຍຸ້ງຍາກດ້ານຂາດແຄນແຮງງານເກັບກູ້ກາເຟ ໂດຍສະເພາະໃນລະດູເກັບກູ້ທີ່ມີຄວາມຕ້ອງການແຮງງານຈຳນວນຫຼາຍ ຫຼື ຫຼາຍກວ່າ 600 ຄົນ. ທ່ານຄຳລານ ແກ້ວບຸບຜາ ທີ່ປຶກສາ ບໍລິສັດປາກຊ່ອງໄຮແລນໄດ້ກ່າວປະຫວັດໂດຍຫຍໍ້ຂອງສວນກາເຟໄຮແລນວ່າ: ສວນກາເຟໄຮແລນໃນໄລຍະເລີ່ມຕົ້ນ ມີເນື້ອທີ່ທັງໝົດ 738 ເຮັກຕາ ແລະ ໃນປີ 2007 ໄດ້ຂະຫຍາຍສວນປູກກາເຟໄດ້ທັງໝົດ 2.117 ເຮັກຕາ ລົງທຶນໃນເບື້ອງຕົ້ນຫຼາຍກວ່າ 300 ລ້ານບາດ, ມາຮອດປີ 2023 ຈົນເຖິງປັດຈຸບັນສາມາດເກັບຜົນຜະລິດກາເຟໄດ້ທັງໝົດ 5.185 ໂຕນ (ໝາກແດງ) ໂດຍສົ່ງຂາຍຕະຫຼາດພາຍໃນໂດຍ ສະເພາະໃຫ້ບໍລິສັດດາວເຮືອງ ແລະ ຕ່າງປະເທດເປັນຕົ້ນປະເທດໄທ, ຢີ່ປຸ່ນ, ເກົາຫຼີ, ເຢຍລະມັນ ແລະ ປະເທດອື່ນໆ. ທ່ານຄຳລານກ່າວໃຫ້ຮູ້ຕື່ມອີກວ່າ: ສະພາບການຂາດແຄນ ແຮງງານນີ້ ຍັງພົບແຕ່ລະປີໂດຍສະເພາະໃນໄລຍະການເກັບກູ້ຜົນຜະລິດໄດ້ເຮັດໃຫ້ການເກັບກູ້ຊັກຊ້າເຮັດໃຫ້ກາເຟສ່ວນໜຶ່ງເສຍຫາຍ. ທີ່ມາ VientianeTimes