ລອງຈິນຕະນາການ ເຖິງຄວາມຮູ້ສຶກທີ່ທ່ານຖືທຸກສິ່ງທີ່ທ່ານຕ້ອງການຢາກຮູ້ກ່ຽວກັບຊະຕາກຳ, ຊີວິດຄວາມຮັກ ແລະ ບຸກຄະລິກພາບຂອງຕົວເອງໄວ້ໃນຝ່າມື. ການອ່ານລາຍມື ຫຼື ທີ່ຮູ້ຈັກກັນໃນນາມ ໂຫລາສາດລາຍມື ຫຼື ຈິໂຣແມນຊີ, ແມ່ນສິລະປະແຫ່ງຄວາມລຶກລັບ ທີ່ໄດ້ຮັບຄວາມນິຍົມທົ່ວໂລກ. ມັນມີຮາກເຫງົ້າມາຈາກໂຫລາສາດອິນເດຍ ແລະ ການທຳນາຍໂຊກຊະຕາຂອງໂຣມັນ—ແຕ່ທ່ານສາມາດເຂົ້າຮ່ວມປະເພນີອັນເກົ່າແກ່ນີ້ໄດ້ໃນປັດຈຸບັນ. ບໍ່ວ່າທ່ານຈະເປັນຜູ້ອ່ານລາຍມືທີ່ຍັງເປັນມືໃຫມ່ ຫຼື ພຽງອ່ານເພື່ອຄວາມບັນເທິງ ເພື່ອເຮັດໃຫ້ໝູ່ຂອງທ່ານປະທັບໃຈ, ອ່ານຕໍ່ເພື່ອເບິ່ງແຜນພູມການອ່ານລາຍມື ແລະ ຄູ່ມືການຕີລາຍມື.

ການແນະນຳການອ່ານຝ່າມື

1 ເລືອກມືເບື້ອງໜຶ່ງ:

ໃນໂຫລາສາດຝ່າມື, ການເລືອກມືທີ່ຈະອ່ານແມ່ນຂັ້ນຕອນທຳອິດທີ່ສຳຄັນ. ຕາມຄວາມເຊື່ອດັ້ງເດີມ:

• ສຳລັບແມ່ຍິງ, ມືຂວາສະແດງສິ່ງທີ່ທ່ານເກີດມາພ້ອມ, ແລະ ມືຊ້າຍສະແດງສິ່ງທີ່ທ່ານໄດ້ສະສົມຕະຫຼອດຊີວິດ.
• ສຳລັບຜູ້ຊາຍ, ແມ່ນກົງກັນຂ້າມ – ມືຊ້າຍສະແດງສິ່ງທີ່ເກີດມາພ້ອມ, ແລະ ມືຂວາສະແດງສິ່ງທີ່ໄດ້ສະສົມມາ.
• ເຊັ່ນດຽວກັນ, ທ່ານສາມາດເລືອກມືທີ່ຖະໜັດໃຫ້ເປັນມືແຫ່ງປັດຈຸບັນ/ອະດີດ, ແລະ ມືທີ່ບໍ່ແມ່ນມືທີ່ຖະໜັດເປັນມືແຫ່ງອະນາຄົດ.
• ມີຄວາມເຊື່ອບາງຢ່າງເວົ້າວ່າມືຊ້າຍສະແດງທ່າສັກກະຍະພາບຂອງທ່ານ ແລະ ສິ່ງທີ່ອາດເປັນໄປໄດ້, ບໍ່ຈຳເປັນຕ້ອງເປັນສິ່ງທີ່ຈະເກີດຂຶ້ນ ແລະ ຄວາມແຕກຕ່າງລະຫວ່າງມືທັງສອງອາດບົ່ງບອກວ່າທ່ານ ກຳລັງຈະລົງມືປ່ຽນແປງຊີວິດຂອງທ່ານ.

ພວກເຮົາໄດ້ສ້າງຄູ່ມືທີ່ຄົບຖ້ວນກ່ຽວກັບຂັ້ນຕອນນີ້, ລວມທັງເຄັດລັບໃນການເລືອກມື ແລະ ການອະທິບາຍກ່ຽວກັບຄວາມແຕກຕ່າງລະຫວ່າງມືອະດີດ/ກຳເນີດ ແລະ ມືປັດຈຸບັນ/ທີ່ສ້າງຂຶ້ນມາ.

2 ກຳນົດເສັ້ນຫຼັກທັງສີ່ເສັ້ນ:

ອາດມີຮອຍຂາດໃນເສັ້ນເຫຼົ່ານີ້ ຫຼື ອາດຈະສັ້ນ, ແຕ່ຢ່າງໜ້ອຍກໍຈະມີສາມໃນສີ່ເສັ້ນທີ່ປາກົດຢູ່ໃນມືຂອງທ່ານ

• (1) ເສັ້ນຫົວໃຈ (Heart Line)
• (2) ເສັ້ນສະໝອງ (Head Line)
• (3) ເສັ້ນຊີວິດ (Life Line)
• (4) ເສັ້ນໂຊກຊະຕາ (Fate Line) (ມີສະເພາະບາງຄົນເທົ່ານັ້ນ)

ການອ່ານເສັ້ນຫົວໃຈ (Heart Line)

ເສັ້ນຫົວໃຈບົ່ງບອກເຖິງຄວາມໝັ້ນຄົງທາງອາລົມ ມຸມມອງເລື່ອງຄວາມຮັກ ພາວະຊຶມເສົ້າ ແລະ ສຸຂະພາບຫົວໃຈ ເສັ້ນນີ້ສາມາດອ່ານໄດ້ທັງສອງທິດທາງ (ຈາກນິ້ວກ້ອຍໄປຍັງນິ້ວຊີ້ ຫຼື ໃນທາງກົງກັນຂ້າມ) ຂຶ້ນຢູ່ກັບແນວທາງທີ່ຍຶດຖື ການຕີຄວາມພື້ນຖານມີດັ່ງນີ້:

• ເລີ່ມຕົ້ນໃຕ້ນິ້ວຊີ້ – ພໍໃຈກັບຊີວິດຮັກ

• ເລີ່ມຕົ້ນເຄິ່ງກາງ – ຕົກຫຼຸມຮັກໄດ້ງ່າຍ

• ເສັ້ນຕົງແລະສັ້ນ – ສົນໃຈເລື່ອງຄວາມຮັກໜ້ອຍລົງ

• ເສັ້ນສຳພັດກັບເສັ້ນຊີວິດ – ຫົວໃຈແຕກສະຫຼາຍໄດ້ງ່າຍ

• ສຳຜັດກັບເສັ້ນຊີວິດ – ຫົວໃຈແຕກສະຫຼາຍໄດ້ງ່າຍ

 

• ຍາວແລະໂຄ້ງ – ສະແດງອອກທາງອາລົມແລະຄວາມຮູ້ສຶກໄດ້ຢ່າງອິດສະຫຼະ

• ເສັ້ນຕົງແລະຂະໜານກັບເສັ້ນສະໝອງ – ຄວບຄຸມອາລົມໄດ້ດີ

• ເສັ້ນເປັນຄື້ນ – ມີຄວາມສຳພັນແລະຄົນຮັກຫຼາຍຄົນ ຂາດຄວາມສຳພັນທີ່ຈິງຈັງ

• ມີວົງກົມເທິງເສັ້ນ – ຄວາມເສົ້າຫຼືພາວະຊຶມເສົ້າ

 

• ເສັ້ນຂາດ – ບາດແຜທາງອາລົມ

• ເສັ້ນນ້ອຍໆ ພາດຜ່ານເສັ້ນຫົວໃຈ – ບາດແຜທາງອາລົມ

 

ການຕີຄວາມໝາຍເສັ້ນສະໝອງ (Head Line)

ເສັ້ນສະໝອງສະແດງເຖິງຮູບແບບການຮຽນຮູ້ຂອງບຸກຄົນ ວິທີການສື່ສານ ຄວາມເປັນປັນຍາຊົນ ແລະຄວາມກະຫາຍໃຄ່ຮູ້ ເສັ້ນໂຄ້ງກ່ຽວຂ້ອງກັບຄວາມຄິດສ້າງສັນ ແລະ ຄວາມເປັນທຳມະຊາດ ໃນຂະນະທີ່ເສັ້ນຊື່ ເຊື່ອມໂຍງກັບຄວາມເປັນຈິງ ແລະ ວິທີການທີ່ມີໂຄງສ້າງ ການຕີຄວາມພື້ນຖານມີດັ່ງນີ້:

• ເສັ້ນສັ້ນ – ມັກຄວາມສຳເລັດທາງດ້ານຮ່າງກາຍຫຼາຍກວ່າທາງດ້ານສະຕິປັນຍາ

 

• ເສັ້ນໂຄ້ງ ລາດລົງ – ຄວາມຄິດສ້າງສັນ

• ແຍກຈາກເສັ້ນຊີວິດ – ການຜະຈົນໄພ ຄວາມກະຕືລືລົ້ນໃນຊີວິດ

• ເສັ້ນເປັນຄື້ນ – ມີຊ່ວງຄວາມສົນໃຈສັ້ນ

• ເສັ້ນລຶກ ຍາວ – ຄວາມຄິດຊັດເຈນ ແລະ ມີສະມາທິ

 

• ເສັ້ນຊື່ – ຄິດຢ່າງສົມຈິງ

 

• ໂດນັດຫຼືກາກາບາດໃນເສັ້ນສະໝອງ – ວິກິດທາງອາລົມ

 

• ເສັ້ນສະໝອງຂາດ – ຄວາມບໍ່ສະໝໍ່າສະເໝີໃນຄວາມຄິດ

 

• ກາກບາດຫຼາຍອັນພາດຜ່ານເສັ້ນສະໝອງ – ການຕັດສິນໃຈທີ່ສຳຄັນຍິ່ງ

 

ການຕີຄວາມໝາຍເສັ້ນຊີວິດ (Life Line)

ເສັ້ນຊີວິດສະທ້ອນເຖິງສຸຂະພາບກາຍ, ຄວາມເປັນຢູ່ໂດຍທົ່ວໄປ ແລະ ການປ່ຽນແປງຄັ້ງສຳຄັນໃນຊີວິດ ຕົວຢ່າງເຊັ່ນ: ສາມາດສະທ້ອນເຫດການພິກຜັນ, ການບາດເຈັບທາງຮ່າງກາຍ ແລະ ການຍ້າຍຖິ່ນຖານ. ເສັ້ນນີ້ເລີ່ມຕົ້ນໃກ້ນິ້ວໂປ້ມື ແລະ ແລ່ນເປັນເສັ້ນໂຄ້ງໄປທາງຂໍ້ມື. ຄວາມຍາວຂອງເສັ້ນບໍ່ໄດ້ກ່ຽວຂ້ອງກັບຄວາມຍາວຂອງຊີວິດ. ການຕີຄວາມພື້ນຖານມີດັ່ງນີ້:

• ເສັ້ນແລ່ນໃກ້ນິ້ວໂປ້ມື – ມັກເມື່ອຍລ້າ

 

• ເສັ້ນໂຄ້ງ – ມີພະລັງງານຫຼາຍ

 

• ຍາວແລະເລິກ – ມີພະລັງຊີວິດ

• ສັ້ນແລະຕື້ນ – ຖືກຊັກຈູງໂດຍຜູ້ອື່ນ

• ໂຄ້ງຮອບເປັນຮູບເຄິ່ງວົງມົນ – ຄວາມແຂງແກ່ງແລະຄວາມກະຕືລືລົ້ນ

• ເສັ້ນຕົງແລະໃກ້ກັບຂອບຝ່າມື – ລະມັດລະວັງເມື່ອກ່ຽວກັບຄວາມສຳພັນ

• ເສັ້ນຊີວິດຫຼາຍເສັ້ນ – ມີພະລັງຊີວິດພິເສດ

• ວົງມົນໃນເສັ້ນ ສະແດງເຖິງ – ການເຂົ້າໂຮງໝໍຫຼືໄດ້ຮັບບາດເຈັບ

• ຮອຍຂາດ – ການປ່ຽນແປງຮູບແບບການໃຊ້ຊີວິດຢ່າງກະທັນຫັນ

 

ການອ່ານເສັ້ນໂຊກຊະຕາ (Fate Line)

ເສັ້ນໂຊກຊະຕາ ຫຼື ເອີ້ນອີກຢ່າງວ່າເສັ້ນແຫ່ງຊະຕາກຳ ເສັ້ນນີ້ບົ່ງບອກເຖິງລະດັບທີ່ຊີວິດຂອງບຸກຄົນໄດ້ຮັບຜົນກະທົບຈາກສະພາວະແວດລ້ອມພາຍນອກທີ່ເໜືອການຄວບຄຸມ. ເສັ້ນນີ້ເລີ່ມຕົ້ນທີ່ຖານຂອງຝ່າມື. ການຕີຄວາມພື້ນຖານມີດັ່ງນີ້:

• ເສັ້ນເລິກ – ຖືກຄວບຄຸມຢ່າງຫຼາຍໂດຍໂຊກຊະຕາ

• ຮອຍຂາດແລະການປ່ຽນທິດທາງ – ມີແນວໂນ້ມທີ່ຈະເກີດການປ່ຽນແປງຫຼາຍຫຼາຍໃນຊີວິດຈາກແຮງກະທົບພາຍນອກ

 

• ເລີ່ມຕົ້ນຕິດກັບເສັ້ນຊີວິດ – ເປັນຄົນທີ່ສ້າງຕົວເອງ; ພັດທະນາຄວາມໃຝ່ຝັນຕັ້ງແຕ່ເນິ່ນໆ

• ເຊື່ອມຕໍ່ກັບເສັ້ນຊີວິດປະມານຕົງກາງ – ສະແດງເຖິງຈຸດທີ່ບຸກຄົນຕ້ອງຍອມສະລະຜົນປະໂຫຍດຂອງຕົນເອງໃຫ້ກັບຜູ້ອື່ນ

• ເລີ່ມຕົ້ນທີ່ຖານນິ້ວໂປ້ມືແລະຕັດຜ່ານເສັ້ນຊີວິດ – ມີການສະໜັບສະໜູນຈາກຄອບຄົວແລະໝູ່ເພື່ອນ

ສະແດງຄຳຄິດເຫັນ