ເປີດຕົວເຕັກໂນໂລຢີ AI ຕົວໃໝ່ທີ່ມີຊື່ວ່າ "Manus" ສາມາດເຮັດວຽກແທນມະນຸດໄດ້ແທ້
ເມື່ອວັນທີ 6 ມີນາ 2025 ບໍລິສັດສະຕາດອັບສັນຊາດຈີນ Monica ເປີດຕົວເຕັກໂນໂລຢີ AI ຕົວໃໝ່ທີ່ມີຊື່ວ່າ “Manus”
ຊຶ່ງສ້າງກະແສໄປທົ່ວໂລກໃນຊົ່ວຂ້າມຄືນ AI ຕົວນີ້ຖືກຂະໜານນາມວ່າເປັນ “AI Agent ອະເນກປະສົງຕົວແລກຂອງໂລກ” ທີ່ສາມາດເຮັດວຽກໄດ້ເອງໂດຍອັດຕະໂນມັດ ບໍ່ແມ່ນແຄ່ຊ່ວຍໃຫ້ຄຳແນະນຳ ຫຼື ລົມກັນເໝືອນແຊັດບອດທົ່ວໄປ
ຄວາມນິຍົມຂອງ Manus ພຸ່ງສູງຂຶ້ນຢ່າງວ່ອງໄວ ຈົນລະຫັດເຊີນເຂົ້າທົດລອງໃຊ້ (invite code) ກາຍເປັນຂອງຫາຍາກຈົນມີການນຳໄປຂາຍໃນຕະຫຼາດມືສອງໃນລາຄາສູງເຖິງ 50,000 ຢວນ (ປະມານ 150,000,000 ກີບ) ຂະນະທີ່ຊາວເນັດຈີນຈຳນວນຫຼາຍຕ່າງພາກັນ “ຂໍລະຫັດ” ກັນທົ່ວໂລກອິນເຕີເນັດ
[email protected] +856 21 417 234 ບໍລິສັດ ດາຕາຄອມ ຈຳກັດ Delivering complete technology solutions
Manus ເປັນຈຸດປ່ຽນສຳຄັນທີ່ຈະເຮັດໃຫ້ AI ກ້າວຂ້າມຈາກ “ເຄື່ອງມື” ໄປສູ່ “ຜູ້ຊ່ວຍທີ່ສາມາດລົງມືເຮັດວຽກແທນມະນຸດໄດ້ແທ້”
Manus ຄືຫຍັງ? ເປັນຫຍັງຈຶ່ງຖືກເວົ້າເຖິງໄປທົ່ວໂລກ?
AI ສ່ວນໃຫຍ່ທີ່ພວກເຮົາຮູ້ຈັກ ເຊັ່ນ: ChatGPT, Claude, Gemini ມັກເຮັດວຽກໃນຮູບແບບຂອງ “ແຊັດບອດ” ທີ່ສາມາດໃຫ້ຄຳຕອບ ຫຼືຊ່ວຍໃຫ້ຄຳແນະນຳແກ່ຜູ້ໃຊ້. ແຕ່ Manus ກ້າວໄປໄກກວ່ານັ້ນ ເພາະຄວາມສາມາດຄິດ, ວິເຄາະ, ວາງແຜນ ແລະ ລົງມືເຮັດວຽກໄດ້ເອງໂດຍອັດຕະໂນມັດ
Manus AI ຜູ້ຊ່ວຍມະນຸດທີ່ໄປໄກກວ່າແຊັດບອດ ຄ່າຍອາເມຣິກັນ ເຊັ່ນ: ChatGPT ແລະ ຂອງຄ່າຍຈີນ ຢ່າງ DeepSeek (ແຟ້ມຮູບພາບຈາກ AFP)
ຈຸດເດັ່ນສຳຄັນທີ່ເຮັດໃຫ້ Manus ແຕກຕ່າງຈາກ AI ອື່ນໆ ມີຢູ່ 3 ຂໍ້ຫຼັກ ໄດ້ແກ່:
- ຈາກ “ແຄ່ທີ່ປຶກສາ” ສູ່ “ຜູ້ລົງມືເຮັດຈິງ”
Manus ສາມາດເຮັດທຸກຢ່າງໃຫ້ສຳເລັດສົມບູນໂດຍອັດຕະໂນມັດ ເຊັ່ນ: ກໍລະນີຝ່າຍບໍລິຫານຊັບພະຍາກອນມະນຸດ ຕ້ອງການຄັດເລືອກຜູ້ສະໝັກວຽກຈຳນວນຫຼາຍ ເຈົ້າໜ້າທີ່ກໍພຽງແຕ່ອັບໂຫຼດໄຟລ໌ເຣຊູເມ່ທີ່ບີບອັດໄວ້ເຂົ້າໄປ ແລະ Manus ຈະເຮັດການແຕກໄຟລ໌ ວິເຄາະຂໍ້ມູນ ຈັດອັນດັບຜູ້ສະໝັກລົງໃນໄຟລ໌ Excel ແລະ ຍັງສາມາດຈົດຈຳຄວາມຕ້ອງການຂອງຜູ້ໃຊ້ ເພື່ອໃຊ້ໃນການຈັດອັນດັບຄັ້ງຕໍ່ໄປໂດຍອັດຕະໂນມັດ
2. “ສະໝອງເທິງຄລາວດ໌” + “ມືດິຈິຕອນ” ທີ່ເຮັດວຽກໄດ້ເອງ
ກໍລະນີທີ່ຜູ້ໃຊ້ຕ້ອງການວິເຄາະແນວໂນ້ມຕະຫຼາດຮຸ້ນ Manus ສາມາດດຶງຂໍ້ມູນຈາກ API ການເງິນ ຂຽນໂຄ້ດ Python ເພື່ອວິເຄາະ ສ້າງກຣາຟຂໍ້ມູນ ແລະ ເປີດເວັບໄຊທ໌ເພື່ອແຊຣ໌ຜົນລັບ ໂດຍທີ່ຜູ້ໃຊ້ບໍ່ຕ້ອງເຮັດຫຍັງເລີຍ ແຄ່ລໍຖ້າຮັບຜົນລັບ
3. “ເໜືອກວ່າ GPT-4 Turbo” ດ້ວຍລະບົບ Multi-Agent
ໃນການທົດສອບ GAIA ຊຶ່ງເປັນມາດຕະຖານທີ່ໃຊ້ວັດຄວາມສາມາດຂອງ AI ໃນການແກ້ໄຂບັນຫາຈິງ Manus ເຮັດຄະແນນແຊງໜ້າ GPT-4 Turbo ດ້ວຍໂຄງສ້າງ “Multi-Agent” ທີ່ແບ່ງ AI ອອກເປັນຫຼາຍສ່ວນເພື່ອເຮັດວຽກຮ່ວມກັນ ໄດ້ແກ່ ຕົວວາງແຜນ (Planner) ຕົວລົງມືເຮັດ (Executor) ແລະ ຕົວກວດສອບຄວາມຖືກຕ້ອງ (Verifier) ຊຶ່ງຊ່ວຍໃຫ້ Manus ສາມາດເຮັດວຽກໄດ້ຢ່າງແມ່ນຢຳ ແລະ ມີປະສິດທິພາບສູງກວ່າຄູ່ແຂ່ງ
Manus ຖືກພັດທະນາໂດຍສ້າງຂຶ້ນໂດຍ ທ່ານ ຊຽວ ຫົງ “(肖弘)” ນັກພັດທະນາເອໄອ ຊາວຈີນໄວ 30 ກວ່າປີ ທີ່ເລີ່ມຕົ້ນສ້າງທຸລະກິດຕັ້ງແຕ່ຍັງເປັນນັກສຶກສາ
Manus AI Agent ອະເນກປະສົງຕົວແລກຂອງໂລກ ທີ່ສາມາດເຮັດວຽກໄດ້ເອງໂດຍອັດຕະໂນມັດ ບໍ່ແມ່ນແຄ່ຊ່ວຍໃຫ້ຄຳແນະນຳຫຼືລົມກັນເໝືອນແຊັດບອດທົ່ວໄປ
ທ່ານ ຊຽວ ຫົງ ເລີ່ມຕົ້ນເສັ້ນທາງທຸລະກິດໃນປີ 2013 ໂດຍພັດທະນາ “WeChat Drift Bottle”
ຊຶ່ງເປັນຟີເຈີເທິງແອັບ WeChat ທີ່ໃຫ້ຜູ້ໃຊ້ສາມາດສົ່ງຂໍ້ຄວາມແບບສຸ່ມຫາກັນ ແລະ ມີຜູ້ໃຊ້ຫຼາຍກວ່າໝື່ນຄົນພາຍໃນວັນດຽວ ຈາກນັ້ນໃນປີ 2015 ລາວກໍ່ຕັ້ງບໍລິສັດ Nightingale Tech ແລະ ສ້າງ “Weiban Assistant” ຊຶ່ງເປັນເຄື່ອງມືຊ່ວຍຈັດການທຸລະກິດເທິງ WeChat ທີ່ມີລູກຄ້າອົງກອນກວ່າ 2 ລ້ານລາຍ
ຕໍ່ມາໃນປີ 2022 ລາວເປີດຕົວ “Monica” ຊຶ່ງເປັນປລັກອິນ ເອໄອ ທີ່ຊ່ວຍໃຫ້ຜູ້ໃຊ້ສາມາດໃຊ້ງານ ເອໄອ ຢ່າງ ChatGPT, Claude, ແລະ DeepSeek ໄດ້ຢ່າງມີປະສິດທິພາບ ຈົນກາຍເປັນໜຶ່ງໃນປລັກອິນ ເອໄອ ທີ່ໄດ້ຮັບຄວາມນິຍົມສູງສຸດ ແລະ ລ່າສຸດໃນປີ 2025 ລາວໄດ້ເປີດຕົວ Manus ທີ່ກຳລັງຈະປ່ຽນແປງໂລກຂອງເອໄອ ໄປຢ່າງສິ້ນເຊີງ
ສະແດງຄຳຄິດເຫັນ
ອັດຕາແລກປ່ຽນ
ປະຈຳວັນທີ Friday, 1 August, 2025
ສະກຸນເງິນ | ຊື້ | ຂາຍ |
|---|---|---|
 USD | 21,441 | 21,717 |
 THB | 658.49 | 668.63 |
 EUR | 23,673 | 24,147 |
 CNY | 2,911 | 2,969 |
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ
ປະຈຳວັນທີ Thursday, 27 March, 2025
ຊະນິດນ້ຳມັນ | ລາຄາ |
|---|---|
 | 28,230 |
 | 22,560 |
 | 18,370 |
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ
ປະຈຳວັນທີ Wednesday, 11 June, 2025
ປະເພດ | ລາຄາຊື້ | ລາຄາຂາຍ |
|---|---|---|
 | 34,990,000 | 35,520,000 |
 | 34,640,000 | 35,629,000 |
ຂໍ້ມູນຈາກ: ຮ້ານຄຳພູວົງ
