ສຶກສາຄົ້ນຄວ້າ “ມະຕິຄະນະບໍລິຫານງານສູນກາງພັກປະຊາຊົນປະຕິວັດລາວ ວ່າດ້ວຍການປັບປຸງກົງຈັກການຈັດຕັ້ງ ສະບັບເລກທີ 03/ຄບສພ ນະຄອນຫຼວງວຽງຈັນ ວັນທີ 12 ມີນາ 2025”.

ຄະນະບໍລິຫານງານສູນກາງພັກ ຕົກລົງປັບປຸງການຈັດຕັ້ງດັ່ງນີ້:

1. ໂຮມກະຊວງແຜນການ ແລະ ການລົງທຶນ ເຂົ້າກັບ ກະຊວງການເງິນ ເອີ້ນຊື່ວ່າ “ກະຊວງການເງິນ”;

2. ໂຮມກະຊວງພະລັງງານ ແລະ ບໍ່ແຮ່ ເຂົ້າກັບກະຊວງອຸດສາຫະກຳ ແລະ ການຄ້າ ເອີ້ນຊື່ວ່າ “ກະຊວງອຸດສາຫະກຳ ແລະ ການຄ້າ”;

3. ໂຮມກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ເຂົ້າກັບ ກະຊວງກະສີກຳ ແລະ ປ່າໄມ້ ເອີ້ນຊື່ວ່າ “ກະຊວງກະສີກຳ ແລະ ສິ່ງແວດລ້ອມ”;

4. ໂຮມກະຊວງ ພາຍໃນ ໄປຂຶ້ນກັບຄະນະຈັດຕັ້ງສູນກາງພັກ,ເອົາວຽກຄຸ້ມຄອງລັດຖະກອນ,ວຽກແຂ່ງຂັນຍ້ອງຍໍ ແລະ ວຽກອື່ນໆທີ່ສອດຄ່ອງກັບພາລະບົດບາດຂອງຄະນະຈັດຕັ້ງສູນກາງພັກ,ພ້ອມທັງຍົກຍ້າຍບຸກຄະລາກອນທີ່ເຮັດວຽກດັ່ງກ່າວໄປຂື້ນກັບຄະນະຈັດຕັ້ງສູນກາງພັກ,ໂອນວຽກປົກຄອງ,ວຽກແຜນທີ່, ວຽກຄຸ້ມຄອງມະຫາພາກດ້ານສາສະໜາ,ວຽກອື່ນໆພ້ອມທັງບຸກຄະລາກອນທີ່ເຮັດວຽກໃນຂົງເຂດດັ່ງກ່າວໄປຂື້ນກັບຫ້ອງວ່າການສຳນັກງານນາຍົກລັດຖະມົນຕີ ແລະ ກະຊວງ, ອົງການອື່ນທີ່ເຫັນວ່າມີຄວາມສອດຄ່ອງ.

5. ໂອນວຽກສື່ມວນຊົນ(ວຽກຖະແຫຼງຂ່າວ)ພ້ອມທັງຍົກຍ້າຍບຸກຄະລາກອນອອກຈາກກະຊວງກະຊວງຖະແຫຼງຂ່າວ,ວັດທະນະທຳແລະທ່ອງທ່ຽວໄປຂຶ້ນກັບຄະນະໂຄສະນາອົບຮົມສູນກາງພັກ ແລະ ປ່ຽນຊື່ກະຊວງຖະແຫຼງຂ່າວ,ວັດທະນະທຳ ແລະ ທ່ອງທ່ຽວເປັນຊື່ໃໝ່ເອີ້ນວ່າ “ກະຊວງ ວັດທະນະທຳ ແລະ ການທ່ອງທ່ຽວ”;

6. ສະເໜີໃຫ້ຄະນະປະຈຳສະພາແຫ່ງຊາດເປັນເຈົ້າການຄົ້ນຄວ້າ,ພິຈາລະນາ,ເພື່ອຫຼຸດຜ່ອນກົງຈັກການຈັດຕັ້ງຂອງສະພາແຫ່ງຊາດທີ່ມີໃນປັດຈຸບັນ ຈາກ09 ໃຫ້ຍັງເຫຼືອ 05 ກຳມາທິການ ແລະ ຫ້ອງວ່າການສະພາແຫ່ງຊາດ;

7. ປັບປຸງກົງຈັກຢູ່ທ້ອງຖິ່ນ(ນະຄອນຫຼວງ,ບັນດາແຂວງແລະເມືອງ)ແມ່ນໃຫ້ປັບປຸງໂຮມເຂົ້າກັນຕາມຂະແໜງສາຍຕັ້ງທີ່ມີການປັບປຸງໂຮມເຂົ້າກັນຢູ່ກະຊວງ,ອົງການທີ່ກ່າວມາຂ້າງເທິງ.

ຫຼຸດຈຳນວນພະນັກງານ-ລັດຖະກອນລົງຢ່າງໜ້ອຍ 6000ຄົນ (ບໍ່ລວມ ປກຊ/ປກສ)