ປະທານາທິບໍດີໂດນັລ ທຣໍາ ຂອງສະຫະລັດ ກ່າວກັບສື່ມວນຊົນ  ເທິງເຄື່ອງບິນ Air Force One ລະຫວ່າງເດິນທາງຈາກລັດຟລໍຣິດາກັບກຸງວໍຊິງຕັນດີ.ຊີ.ວ່າ ລາວຈະຫາລືກັບປະທານາທິບໍດີວລາດິເມຍ ປູຕິນ ຂອງຣັດເຊຍໃນມື້ອື່ນ (18 ມີນາ)

 

 

ເລື່ອງການຢຸດຕິສົງຄາມໃນຢູເຄຣນ. ທຣໍາກ່າວວ່າອາດມີບາງຢ່າງປະກາດອອກມາໃນວັນອັງຄານ ຫຼັງຈາກວຽກຂອງລາວສໍາເລັດໄປເມື່ອຊ່ວງທ້າຍອາທິດ ແລະ ລໍຖ້າເບິ່ງວ່າຈະສາມາດຢຸດຕິສົງຄາມໄດ້ຫຼືບໍ່. ລາວກ່າວດ້ວຍວ່າເປັນໂອກາດທີ່ດີທີ່ຈະສ້າງຂໍ້ຕົກລົງ.

 

ນອກຈາກນີ້, ຄາດວ່າທຣໍາ ແລະ ປູຕິນຈະຫາລືປະເດັນກ່ຽວກັບ “ດິນແດນ” ແລະ “ໂຮງໄຟຟ້າ” ໃນມື້ອື່ນດ້ວຍເຊັ່ນດຽວກັນ ໂດຍຍັງບໍ່ມີລາຍລະອຽດເພີ່ມເຕີມເຜີຍແຜ່ໃນຂະນະນີ້. ແຕ່ທຣໍາອະທິບາຍວ່າມັນຈະເປັນ “ການແບ່ງຊັບສິນບາງຢ່າງ” ລະຫວ່າງຣັດເຊຍ ແລະ ຢູເຄຣນດ້ວຍ.

 

ຄວາມເຄື່ອນໄຫວນີ້ເກີດຂຶ້ນຫຼັງຈາກເມື່ອວານນີ້ (16 ມີນາ) ທຣໍາເປີດເຜີຍລະຫວ່າງການໃຫ້ສໍາພາດກັບສື່ຂອງສະຫະລັດແຫ່ງໜຶ່ງຊຶ່ງເປັນການບັນທຶກເທັບໄວ້ລ່ວງໜ້າ, ໂດຍລາວຍອມຮັບວ່າຖືກຄົນເວົ້າຖາກຖາງກ່ຽວກັບຄໍາສັນຍາທີ່ເຄີຍເວົ້າໄວ້ໜ່ອຍໜຶ່ງທີ່ປະກາດວ່າຈະຢຸດຕິສົງຄາມໃນຢູເຄຣນພາຍໃນ 24 ຊົ່ວໂມງ.

 

ແຕ່ຈົນຮອດຂະນະນີ້ລາວດໍາລົງຕໍາແໜ່ງຜູ້ນໍາສະຫະລັດຜ່ານມາເກືອບ 2 ເດືອນແລ້ວສົງຄາມຍັງເກີດຂຶ້ນຢ່າງຕໍ່ເນື່ອງ.

ສະແດງຄຳຄິດເຫັນ