ກະບົດຮູຕີ (Houthis) ແມ່ນໃຜ? ຈຶ່ງເຮັດໃຫ້ ໂດນັລ ທຣຳ ໃຈຮ້າຍໄດ້ຂະໜາດນີ້.

 

“ເຖິງພວກກະບົດຮູຕີ ເວລາຂອງພວກເຈົ້າຫມົດແລ້ວ ຢຸດການໂຈມຕີໄດ້ແລ້ວ ຖ້າຍັງບໍ່ຢຸດ ນະລົກຈະໂຖມເຂົ້າມາຢ່າງທີ່ພວກເຈົ້າບໍ່ເຄີຍເຫັນມາກ່ອນ” ທຣຳປ໌ ກ່າວໃນໂພສປະກາດໂຈມຕີກະບົດຮູຕີໃນເຢເມນ.

ກະບົດຮູຕີ ແມ່ນໃຜ?

ກ່ອນຈະກາຍເປັນກະບົດ, ຮູຕີແມ່ນຄອບຄົວນ້ອຍໆທາງພາກເໜືອສຸດຂອງເຢເມນ ທີ່ກໍ່ຕັ້ງຂະບວນການທາງສາສະໜາຂຶ້ນມາໃນຊ່ວງປີ 1990.

 

ຄອບຄົວນີ້ຕ້ອງການຟື້ນຄືນນິກາຍຍ່ອຍຊາຍດີ ຂອງນິກາຍຊີອາ ທີ່ເຄີຍປົກຄອງເຢເມນມາກ່ອນ.

ສິ່ງນີ້ກາຍເປັນຄວາມຂັດແຍ້ງ ແລະ ການຕໍ່ສູ້ກັບລັດຖະບານເຢເມນມາໂດຍຕະຫຼອດ.

 

ແຕ່ທີ່ຮູຕີສາມາດກາຍເປັນຂຸມພະລັງສະເທື່ອນໂລກໄດ້ໃນລະດັບນີ້ ມາຈາກຊາຍຄົນນີ້ ຄື ອັບດູລ ມາລິກ ອາລຮູຕີ ຜູ້ນຳກຸ່ມຮູຕີ.

ລາວເຮັດໃຫ້ທຸກມື້ນີ້ ຮູຕີມີກອງກຳລັງຫຼາຍໝື່ນຄົນ, ອາວຸດປະກອບຫຼາຍຊະນິດ, ລວມທັງໂດຣນ ແລະ ຂີປນາວຸດ ເຊິ່ງສະຫະລັດຯ ຊີ້ວ່າອາວຸດເຫຼົ່ານີ້ມາຈາກອິຫຣ່ານ.

 

“ຮູຕີ ແມ່ນຂະບວນການກະບົດທາງພາກເໜືອຂອງເຢເມນ. ກຸ່ມນີ້ເກີດຂຶ້ນມາ 20 ປີແລ້ວ, ແຕ່ເລີ່ມມີບົດບາດໃນຊ່ວງປີ 2015 ຕອນທີ່ຍຶດເອົານະຄອນຊານາໄດ້ ແລະ ກາຍເປັນລັດຖະບານທາງພຶດຕິກຳ ປົກຄອງປະຊາກອນຫຼາຍກວ່າ 80%.” ວູຟ ຄຣິສເຕຍ ເປເອສ ນັກຄົ້ນຄວ້າອາວຸໂສ ສະຖາບັນຄົ້ນຄວ້າຍຸດທະສາດສາກົນ ກ່າວ.

 

ຮູຕີ ຜູ້ປົກຄອງເຢເມນ?

 

ເມື່ອຮູຕີຍຶດຄອງພາກເໜືອ ລວມທັງນະຄອນຊານາຂອງເຢເມນໄດ້ ຊື່ກະບົດຮູຕີທີ່ນາໆຊາດບໍ່ຮັບຮອງ ກໍກາຍເປັນຂຸມພະລັງໃນພູມິພາກຢ່າງຫຼີກລ່ຽງບໍ່ໄດ້ ແລະ ມີບົດບາດໃນສົງຄາມຫຼາຍຈຸດ ທັງ ອິສຣາເອນ-ກາຊາ ລວມເຖິງຄວາມຂັດແຍ່ງ ແລະສູ້ຮົບກັບຊາອຸດີອາຣະເບຍ ແຕ່ທີ່ກະທົບກັບການຄ້າໂລກຢ່າງຮຸນແຮງ ຄື ເມື່ອຮູຕີປະກາດໂຈມຕີເຮືອສິນຄ້າໃນທະເລແດງ ເສັ້ນທາງເດີນເຮືອທີ່ຄຶກຄັກທີ່ສຸດໃນໂລກ

 

ເປັນຫຍັງຈຶ່ງໂຈມຕີເຮືອໃນທະເລແດງ?

 

ຮູຕີ ເຮັດໄປເພື່ອສະໜັບສະໜູນປາເລັສຕິນໃນກາຊາ ອ້າງວ່າ: ເຮືອສິນຄ້າເຫຼົ່ານີ້ ເຊື່ອມໂຍງກັບອິສຣາເອນ ຮູຕີ ໂຈມຕີເຮືອຫຼາຍຮ້ອຍລຳໃນເວລາປີປາຍ ທັງໃນອ່າວເອເດນ ທະເລອາຣາເບຍນ ມະຫາສະໝຸດອິນເດຍ ແລະ ທະເລເມດິເຕີເຣເນຍນ ຈົນສະເທືອນການຄ້າໂລກ ບໍລິສັດຫຼາຍແຫ່ງຕ້ອງປ່ຽນເສັ້ນທາງ ຫຼີກອອກຫ່າງທະເລແດງ ເຮັດໃຫ້ຄ່າໃຊ້ຈ່າຍສູງຂຶ້ນ ລາຄາສິນຄ້າກໍພຸ່ງສູງຂຶ້ນໄປດ້ວຍ

 

ຊ່ວງທີ່ສົງຄາມອິສຣາເອນ-ຮາມາສ ເລີ່ມຄີ່ຄາຍລົງຈາກຂໍ້ຕົກລົງຢຸດຍິງ ກຸ່ມຮູຕີກໍເລີ່ມສະຫງົບລົງ ໂຈມຕີເຮືອສິນຄ້ານ້ອຍລົງ ຈົນກະທັ້ງ 12 ມີນາ ກຸ່ມຮູຕີ ປະກາດກັບມາໂຈມຕີເຮືອສິນຄ້າໃໝ່ອີກຄັ້ງ ນັ້ນເຮັດໃຫ້ປະທານາທິບໍດີໂດນັລ ທຣຳ ປະກາດຖະຫຼົ່ມຮູຕີ ເພື່ອປົດແອກທະເລແດງ

 

ອະນາຄົດຈະເປັນແນວໃດ?

 

ກະບົດຮູຕີປະກາດຕອບໂຕ້ກັບສະຫະລັດ ຊຶ່ງຜູ້ຊ່ຽວຊານປະເມີນວ່າ ຮູຕີຈະໂຈມຕີເຮືອຮົບຂອງສະຫະລັດ ຫຼາຍຂຶ້ນໄປອີກ ຄຳຖາມຄື ລະຍະຍາວຈະເປັນແນວໃດ?

 

ແມ່ນວ່າການໂຈມຕີທາງອາກາດຂອງສະຫະລັດ ຈະສ້າງຄວາມເສຍຫາຍຮຸນແຮງ ແຕ່ກໍຄົງຢັບຢັ້ງບໍ່ໃຫ້ຮູຕີໂຈມຕີເຮືອສິນຄ້າໃນທະເລແດງໄດ້ບໍ່ໝົດ ເພາະທ້າຍສຸດ ມາດຕະການເດັດຂາດ ແລະ ໄດ້ຜົນທີ່ສຸດ ຄື ການສົ່ງທະຫານບຸກໂຈມຕີ ແລະກວາດລ້າງຮູຕີພາກພື້ນດິນ ຊຶ່ງນັ້ນນ່າຈະບໍ່ແມ່ນສິ່ງທີ່ຊາວອາເມຣິກັນຕ້ອງການ

ສະແດງຄຳຄິດເຫັນ