ແຈ້ງການ

ເລື່ອງ: ການປິດນ້ຳປະປາຊົ່ວຄາວ ເພື່ອດຳເນີນການຕັດທໍ່ ຂະໜາດ uPVC DN 150 mm ສຳໃສ່ທໍ່ຂະໜາດ uPVC DN 110 mm

ສະຖານທີ່: ບ້ານ ໄຊ​ສະ​ຫວ່າງ (ຮ່ອມ 09) ເມືອງ ໄຊທານີ ນະຄອນຫຼວງວຽງຈັນ
ລັດວິສາຫະກິດນ້ຳປະປານະຄອນຫຼວງວຽງຈັນ ຂໍຖືເປັນກຽດຢ່າງສູງແຈ້ງມາຍັງ ບັນດາລູກຄ້າຜູ້ຊົມໃຊ້ນ້ຳປະປາ ໃນເຂດບ້ານ ຂອງ ເມືອງ ໄຊທານີ ນະຄອນຫຼວງວຽງຈັນ ຊາບວ່າ: ໃນວັນທີ 20 ມີນາ 2025 ກົງກັບ ວັນພະຫັດ ເລີ່ມແຕ່ເວລາ: 9:00ໂມງ ຫາ 16:00 ໂມງ

ຈະໄດ້ປິດນ້ຳຊົ່ວຄາວ ເພື່ອດຳເນີນການຕັດທໍ່ ຂະໜາດ uPVC DN 150 mm ສຳໃສ່ທໍ່ຂະໜາດ uPVC DN 110 mm ສະຖານທີ່: ບ້ານ ໄຊ​ສະ​ຫວ່າງ (ຮ່ອມ 09) ເມືອງ ໄຊທານີ ນະຄອນຫຼວງວຽງຈັນ,

ໃນລະຫວ່າງການດຳເນີນງານ ຈະສົ່ງຜົນກະທົບເຮັດໃຫ້ ນ້ຳປະປາໄຫຼອອກຄ່ອຍ ຫາ ບໍ່ມີນ້ຳໃນຂອບເຂດພື້ນທີ່ ດັ່ງຕໍ່ໄປນີ້: ບ້ານ ໄຊ​ສະ​ຫວ່າງ, ບ້ານ ດອນ​ໜູນ, ບ້ານ ນາ​ແຄ, ບ້ານ ສະ​ພັງ​ມຶກ ແລະ ບ້ານອື່ນໆທີ່ຢູ່ໃກ້ຄຽງ ຂອງເມືອງ ໄຊທານີ ນະຄອນຫຼວງວຽງຈັນ

ດັ່ງນັ່ນ, ຈຶ່ງແຈ້ງມາຍັງທ່ານເພື່ອຊາບ ແລະ ກະກຽມໂຕ່ງນ້ຳ, ເພື່ອຊົມໃຊ້ຊົ່ວຄາວຈົນກວ່າແຮງດັນນ້ຳມາເປັນປົກກະຕິ ແລະ ຂໍອະໄພໃນຄວາມບໍ່ສະດວກຕໍ່ການຊົມໃຊ້ນ້ຳປະປາ ໃນຄັ້ງນີ້ດ້ວຍ.