ໜີ້ສິນເປັນເລື່ອງທີ່ຫຼາຍຄົນຕ້ອງປະເຊີນ, ບາງຄັ້ງມີໜີ້ຫຼາຍກ້ອນຈົນບໍ່ຮູ້ຈະເລີ່ມຈັດການແນວໃດດີ.

ແຕ່ຖ້າເປົ້າໝາຍຄືການປົດໜີ້ໃຫ້ໄວທີ່ສຸດ ແລະ ຈ່າຍດອກເບ້ຍໜ້ອຍທີ່ສຸດ, ນັກວາງແຜນການເງິນແນະນຳວ່າ “ເທັກນິກຫິມະຖະຫຼົ່ມ” ຫຼື Debt Avalanche Method ອາດເປັນທາງອອກທີ່ດີ.

ຢ່າງໃດກໍຕາມ, ສິ່ງສຳຄັນຄື ຢຸດສ້າງໜີ້ໃໝ່ ແລະ ມີວິໄນທາງການເງິນ, ເພາະຕໍ່ໃຫ້ປົດໜີ້ໝົດ ແຕ່ຖ້າຍັງໃຊ້ຈ່າຍເກີນຕົວ, ວົງຈອນໜີ້ກໍຈະກັບມາອີກ.

ດັ່ງນັ້ນ, ການມີແຜນການເງິນທີ່ດີຈະຊ່ວຍໃຫ້ກ້າວອອກຈາກວັງວົນນີ້ໄດ້ຢ່າງຖາວອນ.

ຮູ້ຈັກເທັກນິກກຳຈັດໜີ້ແບບຫິມະຖະຫຼົ່ມ

ກັນຍະວີ ໂຣດສຸຂພັດທະນາ ນັກວາງແຜນການເງິນ CFP® ເຜີຍແຜ່ບົດຄວາມ ເທັກນິກກຳຈັດໜີ້ແບບຫິມະຖະຫຼົ່ມ ຜ່ານສະມາຄົມນັກວາງແຜນການເງິນໄທ ໂດຍລະບຸວ່າ ບັນຫາໜີ້ສິນເປັນເລື່ອງທີ່ເຮັດໃຫ້ຫຼາຍຄົນເຈັບຫົວ ຈັບຕົ້ນຊົນປາຍບໍ່ຖືກວ່າຈະເລີ່ມເຄລຍໜີ້ແນວໃດ ຊຶ່ງວິທີຈັດການນັ້ນງ່າຍ ແລະ ບໍ່ຍາກ ເລີ່ມຈາກຕັ້ງສະຕິແລ້ວກໍລົງມືເຮັດ

ສຳລັບເທັກນິກກຳຈັດໜີ້ທີ່ຄຸ້ນເຄີຍ ຄື ການປົດໜີ້ແບບໝາກບານຫິມະ (Debt Snowball Method) ທີ່ເລີ່ມຈາກການກຳຈັດໜີ້ກ້ອນທີ່ນ້ອຍທີ່ສຸດກ່ອນຈົນໝົດ ໃນຂະນະທີ່ໜີ້ກ້ອນອື່ນໆ ຈ່າຍພຽງຂັ້ນຕ່ຳເທົ່ານັ້ນ ເມື່ອຈ່າຍໜີ້ກ້ອນທີ່ນ້ອຍທີ່ສຸດໝົດແລ້ວຄ່ອຍໄປຈັດການໜີ້ກ້ອນທີ່ໃຫຍ່ຂຶ້ນລຳດັບຖັດໄປ ຊຶ່ງເປັນວິທີທີ່ພິຈາລະນາພຽງຈຳນວນຍອດໜີ້ທີ່ເຫຼືອເທົ່ານັ້ນ ຈະບໍ່ຄຳນຶງເຖິງອັດຕາດອກເບ້ຍຂອງໜີ້

ດັ່ງນັ້ນ, ຈຶ່ງມີເທັກນິກກຳຈັດໜີ້ທີ່ໜ້າສົນໃຈອີກວິທີໜຶ່ງ ຄື: ການກຳຈັດໜີ້ແບບຫິມະຖະຫຼົ່ມ (Debt Avalanche Method) ເໝາະກັບຜູ້ທີ່ມີໜີ້ສິນຫຼາຍກ້ອນ ໂດຍແຕ່ລະກ້ອນມີອັດຕາດອກເບ້ຍບໍ່ເທົ່າກັນ ແລະ ຕ້ອງການຈັດການໜີ້ທີ່ມີດອກເບ້ຍສູງທີ່ສຸດອອກໄປກ່ອນ

ຕົວຢ່າງການກຳຈັດໜີ້ແບບຫິມະຖະຫຼົ່ມ

ຫາກມີໜີ້ 3 ລາຍການ ແລະ ຍອດເງິນຄົງເຫຼືອທີ່ສາມາດນຳມາຜ່ອນຊຳລະໜີ້ໄດ້ ເດືອນລະ 10,000 ບາດ

• ໜີ້ A : 30,000 ບາດ ອັດຕາດອກເບ້ຍ 5% ຕໍ່ປີ ຍອດຊຳລະຂັ້ນຕ່ຳ 2,000 ບາດ
• ໜີ້ B : 40,000 ບາດ ອັດຕາດອກເບ້ຍ 18% ຕໍ່ປີ ຍອດຊຳລະຂັ້ນຕ່ຳ 4,000 ບາດ
• ໜີ້ C : 50,000 ບາດ ອັດຕາດອກເບ້ຍ 8% ຕໍ່ປີ ຍອດຊຳລະຂັ້ນຕ່ຳ 3,000 ບາດ

ໃນເບື້ອງຕົ້ນ ບໍ່ວ່າຈະເລືອກກຳຈັດໜີ້ດ້ວຍເທັກນິກໃດກໍຕ້ອງຊຳລະຂັ້ນຕ່ຳຂອງໜີ້ທຸກກ້ອນ ແສດງວ່າຕ້ອງຊຳລະໜີ້ A B ແລະ C ຂັ້ນຕ່ຳເປັນຈຳນວນເງິນທັງໝົດ 9,000 ບາດ ແລະ ເຫຼືອເງິນຫຼັງຫັກຄ່າໃຊ້ຈ່າຍທີ່ຈຳເປັນ ແລະ ເງິນສຳຮອງສຸກເສີນອອກແລ້ວ ທີ່ສາມາດນຳມາຊຳລະໜີ້ໄດ້ 1,000 ບາດ ໂດຍຫາກເປັນເທັກນິກກຳຈັດໜີ້ແບບໝາກບານຫິມະຈະເລືອກນຳເງິນ 1,000 ບາດ ໄປໂປະໜີ້ A ຊຶ່ງມີຍອດໜີ້ຕ່ຳທີ່ສຸດ

ສຳລັບເທັກນິກກຳຈັດໜີ້ແບບຫິມະຖະຫຼົ່ມ ຈະເລືອກນຳເງິນ 1,000 ບາດ ໄປໂປະໜີ້ B ທີ່ມີອັດຕາດອກເບ້ຍສູງທີ່ສຸດ,

ແລະ ເມື່ອໜີ້ກ້ອນນີ້ໝົດໄປ ກໍຈະນຳເງິນ 4,000 ບາດທີ່ເຄີຍຊຳລະຂັ້ນຕ່ຳໜີ້ B ມາລວມກັບເງິນ 1,000 ບາດ (ລວມທັງໝົດເປັນ 5,000 ບາດ) ຊຳລະໜີ້ C ເປັນລຳດັບຖັດໄປ,

ເພາະມີອັດຕາດອກເບ້ຍສູງເປັນລຳດັບຮອງລົງມາ ແລະ ເມື່ອຊຳລະໜີ້ C ຈົນໝົດ ກໍນຳຍອດເງິນ 5,000 ບາດ ມາລວມກັບເງິນ 3,000 ບາດ ທີ່ເຄີຍຊຳລະຂັ້ນຕ່ຳໜີ້ C ໃນເດືອນກ່ອນ (ລວມທັງໝົດເປັນ 8,000 ບາດ) ມາຊຳລະໜີ້ A ໄປເລື້ອຍໆ ຈົນໜີ້ໝົດ

ຕາບໃດທີ່ຍັງມີວິໄນເຮັດຕາມແຜນທີ່ວາງໄວ້ ເທັກນິກກຳຈັດໜີ້ແບບຫິມະຖະຫຼົ່ມຈະຊ່ວຍຮ່ນລະຍະເວລາການຊຳລະໜີ້ໃຫ້ສັ້ນລົງ ເພາະອັດຕາດອກເບ້ຍໃນການຄິດຄຳນວນເປັນແບບທົບຕົ້ນ ດັ່ງນັ້ນ ການຈັດການໜີ້ທີ່ມີອັດຕາດອກເບ້ຍສູງທີ່ສຸດກ່ອນ ຈະເຮັດໃຫ້ປະຫຍັດຄ່າໃຊ້ຈ່າຍດ້ານອັດຕາດອກເບ້ຍ

ຢ່າງໃດກໍຕາມ ເທັກນິກນີ້ອາດບໍ່ມີປະສິດທິພາບເທົ່າທີ່ຄວນ ຫາກຜູ້ຊຳລະໜີ້ຢຸດຈ່າຍໜີ້ໃນບາງງວດ ຫຼື ຂາດແຮງບັນດາລໃຈໃນການປົດໜີ້ ຍິ່ງກໍລະນີທີ່ໜີ້ກ້ອນທີ່ມີອັດຕາດອກເບ້ຍສູງສຸດມີຈຳນວນຫຼາຍເມື່ອທຽບກັບໜີ້ກ້ອນອື່ນໆ ກໍຈະຍິ່ງໃຊ້ເວລານານໃນການປົດໜີ້ກ້ອນທຳອິດ

ສະແດງຄຳຄິດເຫັນ