ສຳນັກຂ່າວ ມິຣ໌ເຣີ ແຫ່ງປະເທດອັງກິດ ລາຍງານວ່າ ມາຣ໌ລີ ກາຣ໌ນໄຣແຕຣ໌ (Marly Garnreiter) ຍິງຊາວຝຣັ່ງ ອາຍຸ 27 ປີ

 

ເຄີຍຄິດວ່າອາການຂອງລາວເກີດຈາກຄວາມກົດດັນແລະຄວາມເສົ້າຫຼັງຈາກສູນເສຍພໍ່ໄປ ແຕ່ສຸດທ້າຍລາວກັບພົບວ່າຕົວເອງກຳລັງປະເຊິນກັບໂລກມະເຮັງເລືອດ ຊຶ່ງເປັນ ChatGPT ທີ່ບອກໃບ້ເຖິງໂຣກນີ້ກ່ອນທີ່ແພດຈະວິນິດໄສໄດ້

 

ມາຣ໌ລີ ເລີ່ມມີເຫື່ອອອກຕອນກາງຄືນ ແລະ ອາການຄັນທີ່ຜິວໜັງ ລາວເຊື່ອວ່າອາການເຫຼົ່ານີ້ເກີດຈາກຄວາມເສົ້າໂສກຫຼັງຈາກທີ່ພໍ່ຂອງລາວ ອາຍຸ 58 ປີ ເສຍຊີວິດຈາກມະເຮັງລຳໄສ້ໃຫຍ່ໃນປີ 2024.

 

ນອກຈາກນີ້ ລາວຍັງມີນ້ຳໜັກລົດລົງຢ່າງວ່ອງໄວ ແຕ່ຄິດວ່າເປັນຜົນຈາກຄວາມກົດດັນ ເມື່ອລາວລອງປ້ອນອາການເຫຼົ່ານີ້ລົງໃນ ChatGPT ລະບົບຕອບວ່າລາວອາດເປັນມະເຮັງເລືອດ ເຖິງຢ່າງໃດກໍຕາມ ລາວເລືອກທີ່ຈະບໍ່ໃສ່ໃຈເພາະຄິດວ່າເປັນພຽງການຄາດເດົາຂອງ AI

 

 

ບໍ່ດົນຫຼັງຈາກນັ້ນ ລາວເລີ່ມຮູ້ສຶກເມື່ອຍຢູ່ຕະຫຼອດເວລາ ແລະ ມີແຮງກົດດັນທີ່ໜ້າເອິກ ເຮັດໃຫ້ຕັດສິນໃຈໄປພົບແພດ ເມື່ອແພດເຮັດການສະແກນພົບວ່າມີກ້ອນເນື້ອງອກຂະໜາດໃຫຍ່ທີ່ປອດເບື້ອງຊ້າຍຂອງລາວ ລາວຖືກສົ່ງຕົວໄປພົບແພດສະເພາະທາງດ້ານປອດ ຊຶ່ງເຮັດການກວດຊິ້ນເນື້ອ ແລະ ບົ່ງອາການວ່າລາວເປັນ ມະເຮັງຕ່ອມນ້ຳເຫຼືອງຮອດຈ໌ກິນ (Hodgkin’s lymphoma) ຊຶ່ງເປັນມະເຮັງຊະນິດໜຶ່ງທີ່ເກີດຂຶ້ນໃນລະບົບນ້ຳເຫຼືອງ.

 

ປັດຈຸບັນ, ມາຣ໌ລີ ເລີ່ມເຂົ້າຮັບເຄມີບຳບັດ ຊຶ່ງຄາດວ່າຈະຕ້ອງໄດ້ຮັບທັງໝົດ 4-6 ຮອບ ລາວເປີດເຜີຍວ່າລາວມີໂອກາດເກັບໄຂ່ ແລະ ແຊ່ແຂງໄວ້ກ່ອນເລີ່ມການປິ່ນປົວເພື່ອຮັກສາຄວາມສາມາດໃນການມີລູກຂອງລາວ.

 

 

“ຂ້ອຍຮູ້ສຶກໃຈຮ້າຍ ແລະ ຄິດວ່າມັນບໍ່ຍຸຕິທຳເລີຍ ຂ້ອຍບໍ່ຢາກໃຫ້ຄອບຄົວຕ້ອງປະເຊີນກັບເລື່ອງແບບນີ້ອີກຄັ້ງ” ມາຣ໌ລີ ກ່າວ ພ້ອມຢ້ຳວ່າລາວເລີ່ມກ້າວໄປຂ້າງໜ້າດ້ວຍຄວາມໝັ້ນໃຈ ແລະ ເຊື່ອໝັ້ນວ່າຕົວເອງຈະສາມາດກ້າວຜ່ານຊ່ວງເວລານີ້ໄປໄດ້,

 

ລາວຍັງຝາກຂໍ້ຄິດສຳຄັນວ່າ “ເຮົາຄວນຮັບຟັງຮ່າງກາຍຂອງເຮົາ ບາງຄັ້ງເຮົາອາດຫຼົງລືມຄວາມເຊື່ອມໂຍງລະຫວ່າງຕົວເອງກັບສຸຂະພາບຂອງເຮົາ ມັນສຳຄັນຫຼາຍທີ່ຈະຕ້ອງໃສ່ໃຈ ແລະ ຮັບຮູ້ສັນຍານທີ່ຮ່າງກາຍສົ່ງເຖິງເຮົາ”

ສະແດງຄຳຄິດເຫັນ