ປະທານາທິບໍດີໂດນັລ ທຣັມປ໌ ຂອງສະຫະລັດ ກ່າວວ່າລາວຍິນດີທີ່ຈະຫຼຸດພາສີນຳເຂົ້າໃຫ້ກັບຈີນ ຫາກ “ໄບຕ໌ແດນຊ໌” ບໍລິສັດແມ່ຂອງ TikTok ຍອມຂາຍແອັບວິດີໂອສັ້ນທີ່ຊາວອາເມລິກັນ 170 ລ້ານຄົນໃຊ້

 

 

ໄບຕ໌ແດນຊ໌ມີກຳນົດເສັ້ນຕາຍໃນວັນທີ 5 ເມສາ ໃນການຫາຜູ້ຊື້ TikTok ທີ່ບໍ່ແມ່ນບໍລິສັດຈີນ ບໍ່ສະນັ້ນຈະຕ້ອງປະເຊີນກັບການແບນຂອງສະຫະລັດ ດ້ວຍເຫດຜົນດ້ານຄວາມໝັ້ນຄົງແຫ່ງຊາດ ຊຶ່ງຄວນຈະມີຜົນບັງຄັບໃຊ້ຕັ້ງແຕ່ເດືອນມັງກອນທີ່ຜ່ານມາ

 

ພາຍໃຕ້ກົດໝາຍປີ 2024 ທຣັມປ໌ກ່າວວ່າລາວຍິນດີທີ່ຈະຂະຫຍາຍກຳນົດເສັ້ນຕາຍອອກໄປ ຫາກບໍ່ສາມາດບັນລຸຂໍ້ຕົກລົງກ່ຽວກັບແອັບໂຊຊຽລມີເດຍດັ່ງກ່າວໄດ້

 

ທຣັມປ໌ກ່າວເມື່ອວັນທີ 26 ມີນາ ວ່າ “ໃນສ່ວນຂອງ TikTok ຈີນຈະຕ້ອງມີບົດບາດໃນເລື່ອງນີ້ ອາດຈະໃນຮູບແບບຂອງການອະນຸມັດກໍໄດ້ ແລະ ຂ້ອຍຄິດວ່າພວກເຂົາຈະເຮັດແນວນັ້ນ ບາງທີຂ້ອຍອາດຈະຫຼຸດພາສີໃຫ້ພວກເຂົາເລັກນ້ອຍ ຫຼື ເຮັດຫຍັງບາງຢ່າງເພື່ອໃຫ້ມັນສຳເລັດ” ດ້ານ TikTok ຍັງບໍ່ໄດ້ສະແດງຄວາມຄິດເຫັນໃດໆ ຕໍ່ເລື່ອງນີ້

 

ການຂໍໃຫ້ຈີນຕົກລົງເຮັດຂໍ້ຕົກລົງໃດໆ ເພື່ອຍອມສະລະການຄວບຄຸມ TikTok ທີ່ມີມູນຄ່າຫຼາຍໝື່ນລ້ານໂດລາໂດລານັ້ນຖືເປັນບັນຫາໃຫຍ່ທີ່ສຸດໃນການສະຫຼຸບຂໍ້ຕົກລົງ ທຣັມປ໌ເຄີຍໃຊ້ເລື່ອງພາສີນຳເຂົ້າເປັນເຄື່ອງຕໍ່ລອງໃນການເຈລະຈາ TikTok ມາແລ້ວໃນອະດີດ

 

ເມື່ອວັນທີ 20 ມັງກອນ ຊຶ່ງເປັນມື້ທຳອິດທີ່ເຂົ້າຮັບຕຳແໜ່ງ ລາວເຕືອນວ່າລາວອາດຮຽກເກັບພາສີຈາກຈີນໄດ້ ຫາກຈີນບໍ່ອະນຸມັດຂໍ້ຕົກລົງຂອງສະຫະລັດ ກັບ TikTok ເມື່ອຕົ້ນເດືອນນີ້ ທຣັມປ໌ໄດ້ຂຶ້ນພາສີເພີ່ມເຕີມສຳລັບສິນຄ້າທີ່ນຳເຂົ້າຈາກຈີນທັງໝົດເປັນ 20 ເປີເຊັນ ຈາກເດີມ 10 ເປີເຊັນ ເມື່ອເດືອນກຸມພາ

 

ຮອງປະທານາທິບໍດີ ເຈ.ດີ. ແວນຊ໌ ກ່າວວ່າເຂົາຄາດຫວັງວ່າເງື່ອນໄຂທົ່ວໄປຂອງຂໍ້ຕົກລົງທີ່ແກ້ໄຂຄວາມເປັນເຈົ້າຂອງແພລັດຟອມໂຊຊຽລມີເດຍ ຈະເປັນໄປຕາມນີ້ ເຖິງວັນທີ 5 ເມສາ

 

ອະນາຄົດຂອງ TikTok ແອັບທີ່ຊາວອາເມລິກັນເກືອບເຄິ່ງໃຊ້ຢູ່ນັ້ນ ບໍ່ແນ່ນອນຕັ້ງແຕ່ການຜ່ານກົດໝາຍເມື່ອປີທີ່ແລ້ວດ້ວຍການສະໜັບສະໜູນຢ່າງທ່ວງທ້ນຈາກທັງພັກເດໂມແຄຣດ ແລະ ຣີພັບລິກັນ ທີ່ກຳນົດໃຫ້ ByteDance ຕ້ອງຂາຍ TikTok ພາຍໃນວັນທີ 19 ມັງກອນ

ສະແດງຄຳຄິດເຫັນ