ຫຼັງຈາກການປະທ້ວງຮຸນແຮງກາງສະພາໄທ ໃນມື້ທີ່ຜ່ານມາ (24 ມີນາ), ສົ່ງຜົນໃຫ້ “ທ່ານ ພະຣາດອນ ປະຣິສະນານັນທະກຸນ” ປະທານສະພາ ລຸກຂຶ້ນຢືນເທິງບັນລັງ.

ການຢືນຂຶ້ນໝາຍເຖິງຫຍັງ ແລະ ເພື່ອສົ່ງສັນຍານຫຍັງ?

ການອະພິປາຍບໍ່ໄວ້ວາງໃຈ ນ.ສ.ແພທອງທາ ຊິນວັດ ໂດຍພາບລວມການອະພິປາຍບໍ່ໄວ້ວາງໃຈໃນມື້ທຳອິດ (24 ມີນາ) ມີການອະພິປາຍໃນຫຼາຍປະເດັນເຊັ່ນ: ກໍລະນີຂອງຄຳວ່າ “ກີ້ກີ້” ທີ່ເລີ່ມຕັ້ງແຕ່ທ່ານວິໂຣດ ລັກຂະນາອະດິສອນ ສສ.ບັນຊີລາຍຊື່ ພັກປະຊາຊົນ ແລະ ເປັນຄຳທີ່ຖືກເວົ້າເຖິງຕະຫຼອດໝົດມື້

ຈົນເຮັດໃຫ້ເກີດຄວາມວຸ້ນວາຍຂຶ້ນໃນສະພາເມື່ອກາງດຶກລະຫວ່າງການຕອບໂຕ້ປະເດັນຜູ້ລີ້ໄພຊາວອຸຍກູຣ໌ໂດຍ ທ່ານພູມິທຳ ເວດຊະຍະໄຊ ຮອງນາຍົກລັດຖະມົນຕີ ແລະ ລມວ.ກະຊວງກະລາໂຫມ ໄດ້ມີບາງຊ່ວງທີ່ສວນກັບຝ່າຍຄ້ານວ່າ ຈະພະຍາຍາມຢ່າງດີທີ່ສຸດ ເພາະຕົນເອງກໍບໍ່ເຄີຍໃຊ້ຄຳວ່າ “ກີ້ກີ້” ແທນນາໃຫ້ສຸພາບສະຕີ.

ຢ່າງທີ່ຝ່າຍຄ້ານໄດ້ເວົ້າ ຊຶ່ງເປັນຄຳທີ່ຫຍາບຄາຍ ສົກກະປົກ ຈົນເຮັດໃຫ້ມີການປະທ້ວງ ໂຕ້ຕອບກັນໄປມາ ລະຫວ່າງຝ່າຍລັດຖະບານ ແລະ ຝ່າຍຄ້ານ

ໂດຍ ທ່ານພະຣາດອນ ປະຣິສະນານັນທະກຸນ ຮອງປະທານສະພາຜູ້ແທນລາສະດອນ ຄົນທີສອງ ປະທານໃນທີ່ປະຊຸມຂະນະນັ້ນ ໄດ້ສັ່ງດ້ວຍສຽງໃຫ້ທຸກຄົນນັ່ງລົງເຖິງ 4 ຄັ້ງ ແຕ່ກໍບໍ່ເປັນຜົນ ກ່ອນທີ່ປະທານຢືນຂຶ້ນເທິງບັນລັງ ເພື່ອໃຫ້ທີ່ປະຊຸມຢູ່ໃນຄວາມຮຽບຮ້ອຍ

ປະທານລຸກຂຶ້ນຢືນໝາຍເຖິງຫຍັງ?

ຕາມຂໍ້ບັງຄັບການປະຊຸມສະພາຜູ້ແທນລາສະດອນ ພ.ສ.2562 ໃນຂໍ້ 77 ກຳນົດວ່າ “ຖ້າປະທານໃຫ້ສັນຍານດ້ວຍການເຄາະຄ້ອນຫຼືຢືນຂຶ້ນ ໃຫ້ຜູ້ທີ່ກຳລັງເວົ້າ ຢຸດເວົ້າແລະນັ່ງລົງທັນທີ”

ຊຶ່ງການຢືນຂຶ້ນຂອງປະທານສະພາ ເປັນການໃຫ້ສັນຍານຂອງປະທານໃນທີ່ປະຊຸມ ໃນການຄວບຄຸມການປະຊຸມ ແລະ ເປັນວິທີການຄວບຄຸມການປະຊຸມ.

ການຢືນຂຶ້ນຈະມີຜົນເຮັດໃຫ້ຜູ້ທີ່ອະພິປາຍຕ້ອງຢຸດເວົ້າ ແລະ ນັ່ງລົງທັນທີ. ນອກຈາກການຢືນຂຶ້ນແລ້ວຍັງມີການເຄາະຄ້ອນ ທີ່ມີຄວາມໝາຍດຽວກັນ.

ຕາມເວັບໄຊທ໌ລັດຖະສະພາ ໄດ້ໃຫ້ຄວາມໝາຍ “ເຄາະຄ້ອນ” ໝາຍເຖິງການໃຫ້ສັນຍານໃນການຄວບຄຸມການປະຊຸມຂອງປະທານສະພາໂດຍການນຳຄ້ອນປະທານທີ່ຢູ່ເທິງບັນລັງເຄາະ ແລະ ເປັນວິທີການຄວບຄຸມການປະຊຸມຂອງປະທານໃນທີ່ປະຊຸມສະພາຜູ້ແທນລາສະດອນ, ວຸດທິສະພາ, ລັດຖະສະພາ ແລ້ວແຕ່ກໍລະນີ.

ການເຄາະຄ້ອນມີຜົນເທົ່າກັບການຢືນຂຶ້ນຂອງປະທານ. ດັ່ງນັ້ນ, ເມື່ອປະທານຢືນຂຶ້ນກໍຍ່ອມໝາຍຄວາມວ່າ ສະມາຊິກທຸກຄົນທີ່ຢູ່ໃນຫ້ອງປະຊຸມຕ້ອງນັ່ງລົງ ແລະ ຜູ້ທີ່ກຳລັງເວົ້າ ຫຼື ອະພິປາຍຢູ່ໃນຂະນະທີ່ປະທານເຄາະຄ້ອນຈະຕ້ອງຢຸດເວົ້າ ແລ້ວນັ່ງລົງທັນທີ.

ສຳລັບການຢືນເທິງບັນລັງ ຫຼື ເຄາະຄ້ອນ ເຄີຍເກີດຂຶ້ນໃນສະໄໝ ທ່ານສົມສັກດິ໌ ກຽດຕິສຸລະນົນ ເປັນປະທານສະພາຜູ້ແທນລາສະດອນ ໃນປີ 2554 – 2556 ໄດ້ມີການເຄາະຄ້ອນເພື່ອຢຸດຕິຄວາມວຸ້ນວາຍໃນສະພາ

ສະແດງຄຳຄິດເຫັນ