ກຸ່ມຕໍ່ຕ້ານການລັດຖະປະຫານໃນມຽນມາ ໄດ້ປະກາດຢຸດຍິງບາງສ່ວນເປັນໄລຍະເວລາ 2 ອາທິດ ເພື່ອເປີດທາງໃຫ້ກັບການຊ່ວຍເຫຼືອ ແລະ ປະຕິບັດການກູ້ໄພທີ່ເລີ່ມຂຶ້ນເມື່ອວັນທີ 30 ມີນາ ຫຼັງຈາກເກີດແຜ່ນດິນໄຫວຂະໜາດໃຫຍ່ໃນປະເທດທີ່ປະສົບກັບຄວາມຂັດແຍ່ງມາຢ່າງຍາວນານ

ດ້ານກອງກຳລັງປ້ອງກັນຂອງປະຊາຊົນ (PDF) ກຸ່ມຕິດອາວຸດຕໍ່ຕ້ານລັດຖະບານທະຫານມຽນມາ ປະກາດວ່າ ພວກເຂົາຈະເຮັດວຽກຮ່ວມກັບອົງການສະຫະປະຊາຊາດ ແລະ ອົງກອນຄວາມຊ່ວຍເຫຼືອລະຫວ່າງປະເທດ ພາຍໃນພື້ນທີ່ທີ່ຢູ່ພາຍໃຕ້ການຄວບຄຸມຂອງ PDF ເພື່ອຮັບປະກັນຄວາມປອດໄພໃນການຂົນສົ່ງ ແລະ ຈັດຕັ້ງຄ້າຍກູ້ໄພ ແລະ ການແພດຊົ່ວຄາວ

ລັດຖະບານພັດຖິ່ນກ່າວວ່າຈະ “ຮ່ວມມືກັບສະຫະປະຊາຊາດແລະອົງກອນບໍ່ສະແຫວງຫາກຳໄລ (NGOs) ເພື່ອໃຫ້ແນ່ໃຈໃນຄວາມປອດໄພ ການຂົນສົ່ງ ແລະ ການຈັດຕັ້ງຄ້າຍກູ້ໄພ ແລະ ການແພດຊົ່ວຄາວ” ໃນພື້ນທີ່ທີ່ຢູ່ພາຍໃຕ້ການຄວບຄຸມຂອງພວກເຂົາ ຕາມແຖລງການທີ່ເຜີຍແຜ່ທາງສື່ສັງຄົມອອນລາຍ

ແຜ່ນດິນໄຫວຂະໜາດ 7.7 ແມກນິຈູດ ເກີດຂຶ້ນທາງຕາເວັນຕົກສຽງເໜືອຂອງເມືອງສະກາຍ ໃນພາກກາງຂອງປະເທດເມື່ອວັນສຸກ ແລະ ຍັງສົ່ງຜົນກະທົບເຖິງໄທ ເຮັດໃຫ້ມີຜູ້ເສຍຊີວິດແລ້ວຢ່າງໜ້ອຍ 1,700 ຄົນ ໃນພະມ້າ ຕາມການລະບຸຂອງລັດຖະບານທະຫານ ຂະນະທີ່ມີຜູ້ເສຍຊີວິດອີກປະມານ 18 ຄົນ ໃນກຸງເທບ

ກອງທັບພະມ້າກຳລັງເຮັດສົງຄາມກາງເມືອງໃນຫຼາຍແນວຮົບນັບຕັ້ງແຕ່ໂຄ່ນລົ້ມລັດຖະບານພົນລະເຮືອນຂອງອອງຊານຊູຈີໃນເດືອນກຸມພາ 2021

ກອງທັບພະມ້າຖືກຕໍ່ຕ້ານຈາກທັງກຸ່ມ PDF ແລະ ກຸ່ມຕິດອາວຸດຊົນກຸ່ມນ້ອຍຊາດພັນ ທີ່ຫຼາຍກຸ່ມຕໍ່ສູ້ມານານຫຼາຍທົດສະວັດ ລັດຖະບານເອກະພາບແຫ່ງຊາດສ່ວນໃຫຍ່ປະກອບດ້ວຍສະມາຊິກລັດຖະສະພາທີ່ຖືກຂັບໄລ່ອອກຈາກຕຳແໜ່ງຈາກການລັດຖະປະຫານ ທີ່ກຳລັງເຮັດວຽກເພື່ອໂຄ່ນລົ້ມລັດຖະບານທະຫານ.

ສະແດງຄຳຄິດເຫັນ