ເກີດເຫດໄຟໄໝ້ຄັ້ງໃຫຍ່ທີ່ຍ່ານປຸຕຣາໄຮສ໌ ໃນລັດສະລັງງໍ ປະເທດມາເລເຊຍ ໂດຍແປວໄຟພຸ່ງສູງນັບຮ້ອຍແມັດ ແລະ ສາມາດມອງເຫັນໄດ້ໄກຫຼາຍກິໂລແມັດ ຄາດເກີດຈາກທໍ່ແກັສລະເບີດ

 

ເກີດເຫດໄຟໄໝ້ຄັ້ງໃຫຍ່ທີ່ຍ່ານປຸຕຣາໄຮສ໌ ໃນລັດສະລັງງໍ ປະເທດມາເລເຊຍ ໂດຍແປວໄຟພຸ່ງສູງນັບຮ້ອຍແມັດ ແລະ ສາມາດມອງເຫັນໄດ້ໄກຫຼາຍກິໂລແມັດ ຄາດເກີດຈາກທໍ່ແກັສລະເບີດ

 

ເຈົ້າໜ້າທີ່ສະຖານີດັບເພີງ ແລະ ກູ້ໄພເມືອງຊູບັງຈາຢາ ກ່າວວ່າໄດ້ຮັບແຈ້ງເຫດສຸກເສີນເມື່ອເວລາ 8.10 ນ. ມື້ນີ້ ຕາມເວລາທ້ອງຖິ່ນ ໂດຍໄຟໄໝ້ເກີດຂຶ້ນທີ່ຖະໜົນປຸຕຣາຮາໂມນີ ສາມາດມອງເຫັນໄຟຂະໜາດໃຫຍ່ໄດ້ຈາກໄລຍະທາງຫຼາຍກິໂລແມັດ ໂດຍມີການແຊຣ໌ພາບ ແລະ ວິດີໂອຂອງໄຟໄໝ້ນີ້ຢ່າງແພ່ຫຼາຍເທິງໂຊຊຽວມີເດຍ

 

ດ້ານທ່ານຫວໍ່ ເຊິນ ສ.ສ. ຊູບັງຈາຢາ ຢືນຢັນໃນຖະແຫຼງການວ່າ ໄຟໄໝ້ເກີດຂຶ້ນທີ່ປໍ້ານ້ຳມັນແຫ່ງໜຶ່ງໃນເຂດປຸຕຣາໄຮສ໌ ເຊັ່ນດຽວກັບໜ່ວຍດັບເພີງແລະກູ້ໄພສະລັງງໍ (JBPM) ຢືນຢັນວ່າເກີດໄຟໄໝ້ທໍ່ສົ່ງແກັສຂະໜາດໃຫຍ່ໃນເມືອງຊູບັງຈາຢາ

 

ອາຫມັດ ມຸກຫ໌ລິສ ມຸກຫ໌ຕາຣ໌  ຜູ້ຊ່ວຍຜູ້ອຳນວຍການຝ່າຍປະຕິບັດການຂອງສຳນັກງານດັບເພີງສະລັງງໍ ຢືນຢັນວ່າໄດ້ຮັບແຈ້ງເຫດສຸກເສີນເມື່ອເວລາ 8.10 ນ. ໂດຍເຈົ້າໜ້າທີ່ດັບເພີງມາຮອດທີ່ເກີດເຫດ 12 ນາທີຕໍ່ມາ “ໄຟໄໝ້ເກີດຈາກທໍ່ສົ່ງແກັສຂອງປິໂຕຣນາສຮົ່ວ ໂດຍມີທໍ່ສົ່ງແກັສຍາວປະມານ 500 ມ. ຖືກໄຟໄໝ້”

 

ໄຟຊຶ່ງປະທຸຂຶ້ນໃກ້ກັບພື້ນທີ່ຢູ່ອາໄສ ໄດ້ລຸກລາມໄປຍັງບ້ານຫຼາຍຫຼັງ ເຮັດໃຫ້ປະຊາຊົນຕ້ອງອົບພະຍົບ ທ່ານມຸກຫ໌ຕາຣ໌ຢືນຢັນວ່າສາມາດຊ່ວຍເຫຼືອຜູ້ປະສົບໄພໄດ້ 7 ຄົນ ລວມເຖິງຜູ້ສູງອາຍຸ 2 ຄົນ ແຕ່ຍັງບໍ່ສາມາດລະບຸຈຳນວນຜູ້ໄດ້ຮັບຜົນກະທົບທັງໝົດແລະຂອບເຂດຂອງໄຟທີ່ລຸກລາມໃນພື້ນທີ່ຢູ່ອາໄສໄດ້

 

ເຈົ້າໜ້າທີ່ທັງໝົດ 78 ຄົນ ພ້ອມດ້ວຍລົດດັບເພີງ ໜ່ວຍເກັບວັດສະດຸອັນຕະລາຍ ແລະ ລົດບັນທຸກນ້ຳ ຢູ່ໃນບໍລິເວນທີ່ເກີດເຫດເພື່ອຄວບຄຸມເພີງໄໝ້ ທ່ານມຸກຫ໌ຕາຣ໌ກ່າວອີກວ່າປິໂຕຣນາສ ໄດ້ປິດວາວທໍ່ແລ້ວ ແຕ່ຍັງບໍ່ຊັດເຈນວ່າປິດວາວໄປເຖິງບໍລິເວນຕົ້ນທາງຫຼືບໍ່.

 

ສະແດງຄຳຄິດເຫັນ