site cov (17)
ຄາດວ່າລາຄາໄອໂຟນສູງກວ່າເກົ່າເກືອບເທົ່າຕົວ ຈາກການຂຶ້ນພາສີເຮັດສິນຄ້າໃນສະຫະລັດແພງຂຶ້ນ
ຮຽບຮຽງໂດຍ:Soulinda
ເຜີຍແຜ່: 4 April, 2025
ໝວດ: ຂ່າວ

ມາດຕະການຂຶ້ນພາສີຂອງປະທານາທິບໍດີໂດນັລ ທຣຳ ແຫ່ງສະຫະລັດ ບໍ່ໄດ້ສົ່ງຜົນກະທົບກັບປະເທດຕ່າງໆທົ່ວໂລກເທົ່ານັ້ນ ໂດຍຊາວອາເມລິກາກໍອາດຕ້ອງເຈີແຮງກະແທກບໍ່ຕ່າງກັນ ທ່າມກາງຄວາມຄາດໝາຍວ່າສິນຄ້າທັງຫຼາຍນັ້ນຈະແພງຂຶ້ນຫຼາຍເທົ່າຕົວ ໂດຍສະເພາະໄອໂຟນ ຕາມລາຍງານຂອງລອຍເຕີໃນວັນພະຫັດ 3ເມສາ

 

ປະທານາທິບໍດີໂດນັລ ທຣຳ ກຳນົດມາດຕະການຮີດພາສີຢ່າງກວ້າງຂວາງຫຼິ້ນງານປະເທດຕ່າງໆທົ່ວໂລກ ທີ່ອາດປ່ຽນພູມິທັດຂອງການຄ້າໂລກຢ່າງໜ້າຕົກຕະລຶງ ແລະ ບັນດາສິນຄ້າອຸປະໂພກບໍລິໂພກຕ່າງໆຢ່າງໄອໂຟນ ອາດໄດ້ຮັບຜົນກະທົບໜັກໜ່ວງທີ່ສຸດ ຈາກຄວາມເຫັນຂອງນັກວິເຄາະໃນວັນພະຫັດ 3ເມສາ ໂດຍມີສິດທີ່ລາຄາຈະຖືກປັບຂຶ້ນ 30% ເຖິງ 40% ຫາກວ່າບໍລິສັດແຫ່ງນີ້ເລືອກທີ່ຈະສົ່ງຕໍ່ຕົ້ນທຶນໄປຍັງຜູ້ບໍລິໂພກ

 

ໄອໂຟນສ່ວນໃຫຍ່ຍັງຄົງຜະລິດໃນຈີນ ເຊິ່ງຖືກຂຶ້ນພາສີ 2 ຮອບ ລວມແລ້ວ 54% ຖ້າມາດຕະການຂຶ້ນພາສີນີ້ຄົງຢູ່ເປັນເວລານານ ທາງແອັບເປີ້ນ ອາດຕັດສິນໃຈຢ່າງຍາກລຳບາກ ໃນການເລືອກດູດຊັບຕົ້ນທຶນທີ່ເພີ່ມຂຶ້ນໄວ້ເອງ ຫຼື ສົ່ງຕໍ່ມັນໄປຍັງລູກຄ້າ ທັງນີ້ຮຸ້ນຂອງບໍລິສັດປິດ ລົບ 9.3% ໃນວັນພະຫັດ 3ເມສາ ຖືເປັນມື້ຮ້າຍແຮງ ທີ່ສຸດນັບຕັ້ງແຕ່ເດືອນມີນາ 2020

 

ແອັບເປີ້ນ ມີຍອດຂາຍໄອໂຟນຫຼາຍກວ່າ 220 ລ້ານເຄື່ອງໃນແຕ່ລະປີ ໂດຍຕະຫຼາດໃຫຍ່ຂອງພວກເຂົາ ປະກອບດ້ວຍສະຫະລັດ ຈີນ ແລະ ຢູໂຣບ

 

ສະຕາຣ໌ທໂຟນລຸ້ນທີ່ຖືກທີ່ສຸດ “ໄອໂຟນ16” ທີ່ເປີດຕົວໃນສະຫະລັດ ດ້ວຍລາຄາ 799 ໂດລາ ແຕ່ລາຄາອາດພຸ່ງແຕະລະດັບ 1,142 ໂດລາ ຖ້າຄຳນວນຈາກການຄາດການຂອງພວກນັກວິເຄາະຈາກສະຖາບັນ Rosenblatt Securities ທີ່ມອງວ່າລາຄາອາດສູງຂຶ້ນ 43% ຖ້າແອັບເປີ້ນເລືອກສົ່ງຕໍ່ຄ້າທຶນໄປຍັງຜູ້ບໍລິໂພກ

 

ສ່ວນລຸ້ນທີ່ແພງກວ່າຢ່າງ “ໄອໂຟນ 16 ໂປຣແມັກຊ໌” ເຊິ່ງປັດຈຸບັນລາຄາຢູ່ທີ່ 1,599 ໂດລາ ລາຄາອາດພຸ່ງຂຶ້ນໄປເກືອບໆ 2,300 ໂດລາ ຖ້າເລືອກສົ່ງຕໍ່ຕົ້ນທຶນທີ່ເພີ່ມຂຶ້ນ 43% ໄປຍັງລູກຄ້າ

 

ຕອນດຳລົງຕຳແໜ່ງປະທານາທິບໍດີສະໄໝທຳອິກ ທຣຳໄດ້ກຳນົດມາດຕະການຂຶ້ນພາສີສິນຄ້ານຳເຂົ້າຈາກຈີນຢ່າງກວ້າງຂວາງ ໃນຄວາມພະຍາຍາມ ໂຖມແຮງກົດດັນເຖິງບໍລິສັດສັນຊາດສະຫະລັດທັງຫຼາຍກັບມາດຳເນີນການຜະລິດໃນອາເມລິກາຫຼື ປະເທດຕ່າງໆທີ່ຢູ່ໃກ້ຄຽງ ຢ່າງເຊັ່ນເມັກຊິໂກ ແຕ່ ແອັບເປີ້ນ ໄດ້ຮັບຂໍ້ຍົກເວັ້ນ ແລະ ໄດ້ຮັບກຳມະສິດໃນຫຼາຍຜະລິດຕະພັນ ຢ່າງໃດກໍຕາມຄັ້ງນີ້ ທຣຳ ຍັງບໍ່ໄດ້ອະນຸມັດຂໍ້ຍົກເວັ້ນໃດໆ

 

ໄອໂຟນ 16e ທີ່ເພິ່ງເປີດຕົວໄປເມື່ອເດືອນກຸມພາ ໃນຖານະລຸ້ນຖືກສຸດທີ່ຮອງຮັບບາງຟີເຈີຂອງ Apple Intelligence (AI) ມີລາຄາທີ່ 599 ໂດລາ ແຕ່ຫາກມີການປັບຂຶ້ນ 43% ລາຄາຂອງມັນຈະພຸ່ງໄປແຕະລະດັບ 856 ໂດລາ ໃນຂະນະທີ່ລາຄາອຸປະກອນອື່ນໆຂອງແອັບເປີ້ນ ກໍອາດພຸ່ງຂຶ້ນເຊັ່ນກັນ.

 

ແອັບເປີ້ນ ຍັງບໍ່ອອກມາສະແດງຄວາມຄິດເຫັນຕໍ່ລາຍງານຂ່າວນີ້

 

ແອງເຈໂລ ຊິໂນ ນັກວິເຄາະດ້ານຫຼັກຊັບຂອງສະຖາບັນ CFRA Research ບອກວ່າແອັບເປີ້ນ ຈະເຈີກັບງານທີ່ຍາກລຳບາກໃນການຖ່າຍໂອນຕົ້ນທຶນສູ່ຜູ້ບໍລິໂພກຫຼາຍກວ່າ 5% ເຖິງ 10% “ພວກເຮົາຄາດໝາຍວ່າແອັບເປີ້ນຈະຊະລໍການປັບຂຶ້ນຄັ້ງໃຫຍ່ໃດໆໃນລາຄາສະມາຣ໌ທໂຟນ ຈົນກວ່າຈະເຖິງລະດູແລ້ງ ຕອນທີ່ພວກເຂົາມີຄິວເປີດຕົວໄອໂຟນ 17”

 

ແມ້ມີການໂຍກຍ້າຍການຜະລິດບາງສ່ວນໄປຍັງຫວຽດນາມ ແລະ ອິນເດຍແລ້ວກໍຕາມ ແຕ່ໄອໂຟນສ່ວນໃຫຍ່ຍັງຄົງຜະລິດໃນຈີນ ແລະ ປະເທດເຫຼົ່ານັ້ນເອງກໍບໍ່ລອດຈາກມາດຕະການຂຶ້ນພາສີເຊັ່ນກັນ: ໂດຍ ຫວຽດນາມ ຖືກໄປ 46% ແລະ ອິນເດຍ 26%

 

ນີນ ຊາຣ໌ ຜູ້ກໍ່ຕັ້ງຮ່ວມຂອງ Counterpoint Research ມອງວ່າ ແອັບເປີ້ນ ອາດຈຳເປັນຕ້ອງປັບຂຶ້ນລາຄາຜະລິດຕະພັນໂດຍສະເລ່ຍຢ່າງໜ້ອຍໆ 30% ເຊື່ອຊົດເຊີຍພາສີນຳເຂົ້າ

 

ມີຄວາມເປັນໄປໄດ້ທີ່ການປັບຂຶ້ນລາຄາອາດບັ່ນທອນອຸປະສົງສະມາຣ໌ທໂຟນ ແລະ ເປີດທາງມອບຄວາມໄດ້ປຽບແກ່ຊຳຊຸງ ອິເລັກໂຕຣນິກສ໌ ຂອງເກົາຫຼີໃຕ້ ເນື່ອງຈາກປະເທດແຫ່ງນີ້ເຈີມາດຕະການຮີດພາສີຕ່ຳກວ່າຈີນ ດິນແດນທີ່ເປັນຕົ້ນທາງການຜະລິດຂອງໄອໂຟນທຸກເຄື່ອງທີ່ຈຳໜ່າຍໃນສະຫະລັດ

 

“ຈາກການຄຳນວນຂອງພວກເຮົາຕໍ່ວັນປົດປ່ອຍມາດຕະການຂຶ້ນພາສີຂອງທຣຳ ບົ່ງຊີ້ວ່າມັນອາດເປັນການໂຍນລະເບີດໃສ່ແອັບເປີ້ນ ເປັນໄປໄດ້ວ່າມັນຈະເພີ່ມຕົ້ນທຶນຂອງບໍລິສັດແຫ່ງນີ້ ສູງສຸດ 40,000 ລ້ານໂດລາ” Rosenblatt Securities ລະບຸ ຢ່າງໃດກໍຕາມສະຖາບັນແຫ່ງນີ້ເນັ້ນວ່າມີຄວາມເປັນໄປໄດ້ທີ່ຈະມີການເຈລະຈາກັນລະຫວ່າງແອັບເປີ້ນ ຈີນ ແລະ ທຳນຽບຂາວ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Tuesday, 14 October, 2025
ສະກຸນເງິນ
ຊື້
ຂາຍ
united-states
USD
21,535
21,812
thailand (1)
THB
660.13
672.01
european-union
EUR
23,996
24,476
china
CNY
2,931
2,989
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Wednesday, 8 October, 2025
ຊະນິດນ້ຳມັນ
ລາຄາ
28,650
23,990
19,320
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 8 October, 2025
ປະເພດ
ລາຄາຊື້
ລາຄາຂາຍ
42,720,000
43,250,000
42,370,000
43,359,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
jane - 2025-10-14T154524.753
3 ກອງທັບຊ້ອມກອບກູ້ໄພພິບັດກອງທັບກຳປູເຈຍ-ລາວ-ຫວຽດນາມຝຶກຊ້ອມກອບກູ້ໄພພິບັດຮ່ວມປະສານທຸກ
pele - 2025-10-14T152722.978
ກອງປະຊຸມສໍາມະນາກ່ຽວກັບລະບົບປັນຍາປະດິດລາວ
jane - 2025-10-14T145253.821
ສິ່ງທີ່ຄວນຮູ້ໃຊ້ໄດ້ຈິງໃນຊ່ວງທີ່ຝົນຕົກ ແລະ ພາຍຸເຂົ້າແບບນີ້ ມາເບິ່ງວິທີລອດຊີວິດເມື່ອເກີດພະຍຸຝົນຟ້າຄະນອງ ມີຟ້າຜ່າ
jane - 2025-10-14T144602.971
ເພີ່ມທະວີປຸກຈິດສຳນຶກ ຊາວໜຸ່ມ-ເຍົາວະຊົນ ເຫັນໄດ້ ເຖິງພິດໄພ-ຜົນຮ້າຍຂອງສິ່ງເສບຕິດ ດ້ວຍຫລາຍຮູບການ
pele - 2025-10-14T115952.620
ພະຍາດຄໍຕີບ ເປັນອັນຕະລາຍຕໍ່ເດັກນ້ອຍ
jane - 2025-10-14T104257.431
ແຂວງວຽງຈັນມີແຈ້ງການ ໃຫ້ໂຈະບໍລິການຊົ່ວຄາວ ຮ້ານບັນເທີງ, ຮ້ານກິນດື່ມ ແລະ ຮ້ານຄາຣາໂອເກະ ວັນທີ 14-17 ຕຸລາ 2025
pele - 2025-10-14T101955.044
ແຈ້ງການມອດໄຟ ວັນທີ15/10/2025
jane - 2025-10-14T101748.494
ລາຍງານເຫດການເກີດແຜ່ນດິນໄຫວພາຍໃນປະເທດ ແລະ ບັນດາປະເທດໃກ້ຄຽງປະຈໍາວັນທີ 13 -14 ຕຸລາ 2025
jane - 2025-10-14T094131.337
ສະແດງທົດລອງ ຄັ້ງທີ 2 ການເດີນຂະບວນສວນສະໜາມ ສະຫຼອງວັນຊາດຄົບຮອບ 50 ປີ.
jane - 2025-10-14T091820.873
ສະພາບອາກາດປະຈໍາເຊົ້າວັນທີ 14 ຕຸລາ 2025
ຢ່າລື່ມກົດຕິດຕາມ