ເປີດເຜີຍເຫດຜົນຫຼັກ ເປັນຫຍັງຫຼາຍສາຍການບິນ ຫ້າມສາກພາວເວີແບງກ໌ ຕອນບິນ

ພາວເວີແບງກ໌ ຫຼື ແບັດເຕີຣີສຳຮອງ ໄດ້ກາຍເປັນອຸປະກອນທີ່ຂາດບໍ່ໄດ້ສຳລັບຄົນຍຸກນີ້ ໂດຍສະເພາະເວລາຕ້ອງເດີນທາງໄກ ແຕ່ເຄີຍສັງເກດບໍ່ວ່າຫຼາຍສາຍການບິນເລີ່ມອອກກົດລະບຽບ “ຫ້າມໃຊ້ພາວເວີແບງກ໌ເທິງເຄື່ອງບິນ” ເຖິງວ່າຈະສາມາດພົກຂຶ້ນໄປໄດ້ກໍຕາມ ແລ້ວເປັນຫຍັງຈຶ່ງເປັນແນວນັ້ນ? ມາເບິ່ງເຫດຜົນທີ່ຢູ່ເບື້ອງຫຼັງກົດນີ້ກັນ!

ເປີດເຜີຍເຫດຜົນຫຼັກ ເປັນຫຍັງຫຼາຍສາຍການບິນ ຫ້າມຊາດພາວເວີແບງກ໌ ຕອນບິນ

ການສາດພາວເວີແບງກ໌ ຕອນບິນ ສ່ຽງເກີດຄວາມຮ້ອນສູງແລະໄຟໄໝ້ ອີກທັງພາວເວີແບງກ໌ໃຊ້ແບັດເຕີຣີລິເທຍມໄອອອນ ຊຶ່ງມີໂອກາດເກີດ “Thermal Runaway” ຫຼື ພາວະທີ່ແບັດເຕີຣີຮ້ອນຂຶ້ນຈົນຄວບຄຸມບໍ່ໄດ້ ຫາກເກີດຄວາມເສຍຫາຍຫຼືມີການໃຊ້ງານຜິດວິທີ ອາດນຳໄປສູ່ການລັດວົງຈອນຈົນເກີດໄຟໄໝ້ໄດ້ ຊຶ່ງເປັນເຫດຜົນຫຼັກທີ່ສາຍການບິນຕ້ອງເຂັ້ມງວດກັບອຸປະກອນປະເພດນີ້

ຜົນກະທົບຈາກຄວາມດັນອາກາດເທິງເຄື່ອງບິນມີການປ່ຽນແປງຂອງຄວາມກົດອາກາດແລະອຸນຫະພູມ ຊຶ່ງອາດສົ່ງຜົນຕໍ່ແບັດເຕີຣີ ໂດຍສະເພາະພາວເວີແບງກ໌ທີ່ບໍ່ໄດ້ມາດຕະຖານຫຼືຢູ່ໃນສະພາບຊຳລຸດ ມີໂອກາດສ່ຽງສູງທີ່ຈະເກີດປະຕິກິລິຍາທາງເຄມີທີ່ອັນຕະລາຍ

ຄວາມສ່ຽງຈາກການຊາດໄຟທີ່ບໍ່ສະຖຽນປັກໄຟເທິງເຄື່ອງບິນອາດບໍ່ໄດ້ອອກແບບມາໃຫ້ຮອງຮັບການສາກພາວເວີແບງກ໌ໂດຍກົງ ຫາກມີການໃຊ້ອຸປະກອນທີ່ບໍ່ໄດ້ມາດຕະຖານ ອາດເກີດໄຟຟ້າລັດວົງຈອນ ເຮັດໃຫ້ແບັດເຕີຣີເສຍຫາຍ ແລະອາດນຳໄປສູ່ການເກີດໄຟໄໝ້ໄດ້

ການເກັບຮັກສາທີ່ບໍ່ເໝາະສົມຫຼາຍສາຍການບິນຫ້າມໂຫຼດພາວເວີແບງກ໌ໄວ້ໃຕ້ເຄື່ອງ ເພາະຫາກເກີດບັນຫາຂຶ້ນ ເຈົ້າໜ້າທີ່ຈະບໍ່ສາມາດເຂົ້າເຖິງໄດ້ທັນທີ ແຕ່ເຖິງແມ່ນວ່າຈະພົກຂຶ້ນເຄື່ອງ ການເກັບແບບອັດແໜ້ນໃນກະເປົາຖືກໍຍັງສ່ຽງເຮັດໃຫ້ແບັດເຕີຣີເສຍຫາຍແລະເກີດອຸບັດຕິເຫດໄດ້

ພື້ນທີ່ປິດ ເຮັດໃຫ້ຄວບຄຸມໄຟໄດ້ຍາກຫ້ອງໂດຍສານຂອງເຄື່ອງບິນເປັນພື້ນທີ່ປິດ ແລະເຖິງແມ່ນວ່າເຈົ້າໜ້າທີ່ຈະໄດ້ຮັບການຝຶກມາເພື່ອຮັບມືກັບເຫດສຸກເສີນ ແຕ່ໄຟໄໝ້ເທິງເຄື່ອງບິນນັ້ນອັນຕະລາຍຫຼາຍ ເພາະພື້ນທີ່ຈຳກັດ ບໍ່ມີທາງໜີ ແລະອາດເຮັດໃຫ້ເກີດຄວາມເສຍຫາຍຮ້າຍແຮງ

ຖ້າບໍ່ໃຊ້ສາກແລ້ວເຮົາຈະເຮັດແນວໃດດີ?

• ພົກພາວເວີແບງກ໌ຂຶ້ນເຄື່ອງ ແຕ່ຫ້າມໃຊ້ງານ ຕາມກົດຂອງສາຍການບິນ
• ສາກແບັດໂທລະສັບໃຫ້ເຕັມກ່ອນຂຶ້ນເຄື່ອງ ເພື່ອຫຼຸດຄວາມຈຳເປັນໃນການໃຊ້ພາວເວີແບງກ໌
• ເລືອກພາວເວີແບງກ໌ທີ່ໄດ້ມາດຕະຖານ ແລະກວດສອບສະພາບກ່ອນນຳຂຶ້ນເຄື່ອງ
• ເກັບໄວ້ໃນກະເປົາຖື ແລະບໍ່ອັດແໜ້ນຈົນເກີດແຮງກົດທັບ

ເຖິງແມ່ນຫຼາຍຄົນອາດມອງວ່າກົດນີ້ເປັນເລື່ອງຍຸ້ງຍາກ ແຕ່ທັງໝົດນີ້ກໍເພື່ອຄວາມປອດໄພຂອງຜູ້ໂດຍສານທຸກຄົນ ດັ່ງນັ້ນ ຖ້າຂຶ້ນເຄື່ອງຄັ້ງໜ້າ ຢ່າລືມປະຕິບັດຕາມກົດ ເພື່ອໃຫ້ການເດີນທາງຂອງເຮົາປອດໄພໄຮ້ກັງວົນ!

ສະແດງຄຳຄິດເຫັນ