ໜ່ວຍງານຄວາມໝັ້ນຄົງດ້ານວິທະຍາສາດ ແລະ ເທັກໂນໂລຊີແຫ່ງຊາດ ຫຼື Home Team Science and Technology Agency (HTX) ຮ່ວມກັບມະຫາວິທະຍາໄລເທັກໂນໂລຊີນັນຢາງແຫ່ງສິງກະໂປ ແລະ ບໍລິສັດດ້ານວິສະວະກຳ Klass Engineering and Solutions ຮ່ວມກັນພັດທະນາ “ແມງສາບໄຊບ໋ອກກູ້ໄພ”

ໂດຍໃຊ້ເທັກໂນໂລຊີໃນການຄວບຄຸມການເຄື່ອນໄຫວດ້ວຍກະແສໄຟຟ້າອ່ອນໆ ຜ່ານອຸປະກອນອີເລັກໂທຣນິກ ແຜ່ນຊິບຂະໜາດເທົ່າຫົວໂປ້ມື ແລະ ກ້ອງອິນຟາເຣດຈະຖືກຕິດຕັ້ງບົນຫຼັງຂອງແມງສາບສາຍພັນ “ມາດາກັສກາ”

ຊຶ່ງກ່ອນໜ້ານີ້ສາມາດຄວບຄຸມແມງສາບໄດ້ຄັ້ງລະ 1 ໂຕ ແຕ່ການປະຕິບັດພາລະກິດກູ້ໄພຈາກແຜ່ນດິນໄຫວຈຳເປັນຕ້ອງໃຊ້ການຄວບຄຸມເປັນກຸ່ມເພື່ອເພີ່ມຄວາມວ່ອງໄວ ແລະ ປະສິດທິພາບໃນການຄົ້ນຫາ ແລະ ສຳຫຼວດພື້ນທີ່ ລວມເຖິງລະບຸຕຳແໜ່ງຂອງຜູ້ລອດຊີວິດ ເຮັດໃຫ້ມີການພັດທະນາເທັກໂນໂລຊີສຳລັບຄວບຄຸມການເຄື່ອນໄຫວຂອງແມງສາບເພີ່ມຂຶ້ນ ຈົນສາມາດຄວບຄຸມໄດ້ເຖິງ 20 ໂຕ,

ໃນເວລາດຽວກັນ ນອກຈາກນີ້ແມງສາບບາງໂຕຍັງສາມາດຊ່ວຍພິກໂຕໝູ່ໃນກຸ່ມຫາກພວກມັນຢູ່ໃນສະຖານະການຫງາຍຫຼັງຈົນບໍ່ສາມາດເຮັດຫຍັງໄດ້

ສຳລັບພາລະກິດກູ້ໄພໃນຄັ້ງນີ້ ໜ່ວຍປະຕິບັດການໄລອອນຮາດຂອງກອງກຳລັງປ້ອງກັນພົນລະເຮືອນສິງກະໂປ (SCDF) ໄດ້ລະດົມກຳລັງພົນ ຈຳນວນ 80 ນາຍ ພ້ອມໝາຄົ້ນຫາອີກ 4 ໂຕ,

ເຂົ້າຮ່ວມປະຕິບັດພາລະກິດການຄົ້ນຫາໃນຊາກອາຄານໂຮງໝໍຂະໜາດເທົ່າສອງສະໜາມບານເຕະ ແລະ ເສີມທັບດ້ວຍວິສະວະກອນຈາກໜ່ວຍງານຄວາມໝັ້ນຄົງດ້ານວິທະຍາສາດ ແລະ ເທັກໂນໂລຊີແຫ່ງຊາດຈຳນວນ 2 ຄົນ ແລະ ວິສະວະກອນຈາກບໍລິສັດ Klass Engineering and Solutions ຈຳນວນ 2 ຄົນ ພ້ອມຝູງແມງສາບໄຊບອກກູ້ໄພຈຳນວນ 10 ໂຕ ໂດຍໃຊ້ເວລາປະມານ 45 ນາທີໃນການປະຕິບັດພາລະກິດ

“ແມງສາບໄຊບອກກູ້ໄພ” ເປີດຕົວຄັ້ງທຳອິດໃນງານ Milipol Asia-Pacific and TechX Summit 2024 ແລະມີແຜນຈະນຳມາໃຊ້ງານໃນປີ 2026.

ເຖິງແມ່ນວ່າຈະຍັງຢູ່ໃນຂັ້ນຕອນການວິໄຈ ແລະ ພັດທະນາ ແຕ່ໄພພິບັດທີ່ເກີດຂຶ້ນໃນມຽນມາຜັກດັນໃຫ້ໜ່ວຍງານຄວາມໝັ້ນຄົງດ້ານວິທະຍາສາດ ແລະ ເທັກໂນໂລຊີແຫ່ງຊາດເລັ່ງພັດທະນາໃຫ້ໄວຂຶ້ນເພື່ອເສີມການເຮັດວຽກໃຫ້ກັບໜ່ວຍປະຕິບັດການໄລອອນຮາດຂອງກອງກຳລັງປ້ອງກັນພົນລະເຮືອນສິງກະໂປ ແມ່ນໃນການປະຕິບັດງານຈິງຈະເຈີປັນຫາຕິດຂັດທາງເທັກນິກ ແລະ ບໍ່ຮາບລື່ນໄປບ້າງ ແຕ່ນີ້ກໍເປັນຂໍ້ມູນທີ່ເປັນປະໂຫຍດຕໍ່ການພັດທະນາໃນອະນາຄົດ

ສະແດງຄຳຄິດເຫັນ