site cov (60)
ສີຈິ້ນຜິງ ເປີດແຜນຍຸດທະສາດ ເສີມສ້າງປະຊາຄົມຈີນ-ມາເລເຊຍທີ່ມີອະນາຄົດຮ່ວມກັນ
ຮຽບຮຽງໂດຍ:Soulinda
ເຜີຍແຜ່: 17 April, 2025
ໝວດ: ຂ່າວ

ປະທານາທິບໍດີ ສີ ຈິ້ນຜິງຂອງຈີນ ແລະ ນາຍົກລັດຖະມົນຕີອັນວາຣ໌ ອິບຣາຮິມຂອງມາເລເຊຍ ອອກແຖລງການຮ່ວມຍຸດທະສາດຄວາມຮ່ວມມືເພື່ອເສີມສ້າງປະຊາຄົມຈີນ-ມາເລເຊຍລະດັບສູງທີ່ມີອະນາຄົດຮ່ວມກັນ

 

 

ຫຼັງຈາກສຳເລັດການປຶກສາ-ຫາລືເມື່ອວານນີ້ ທີ່ຕຶກບ້ານພັກຢ່າງເປັນທາງການຂອງນາຍົກລັດຖະມົນຕີອັນວາຣ໌ໃນນະຄອນປຸຕຣາຈາຍາ ເນື່ອງໃນໂອກາດປະທານາທິບໍດີສີຢ້ຽມຢາມມາເລເຊຍ, ປະທານາທິບໍດີສີ ຈິ້ນຜິງຂອງຈີນ ແລະ ນາຍົກລັດຖະມົນຕີອັນວາຣ໌ ອິບຣາຮິມຂອງມາເລເຊຍ ໄດ້ອອກແຖລງການຮ່ວມຍຸດທະສາດຄວາມຮ່ວມມື.

 

ໃນການພົບປະຫາລືກັບນາຍົກລັດຖະມົນຕີອັນວາຣ໌, ປະທານາທິບໍດີສີໄດ້ກະຕຸ້ນການຈັບມືລະຫວ່າງຈີນກັບມາເລເຊຍເພື່ອຕໍ່ຕ້ານສິ່ງເຫຼົ່ານີ້ ຄື: ຄວາມພະຍາຍາມແຍກຫ່ວງໂສ້ອຸປະທານ (decoupling), ການທຳລາຍຫ່ວງໂສ້ອຸປະທານ, “ສະໜາມນ້ອຍແຕ່ຮົ້ວສູງ” (small yard with high fences) ແລະ ການເກັບພາສີ-ອາກອນຕາມອຳເພີໃຈ.

 

ໂອກາດນີ້, ປະທານາທິບໍດີໄດ້ຜັກດັນຂໍ້ສະເໜີຍຸດທະສາດດ້ານຄວາມຮ່ວມມື ເພື່ອເສີມສ້າງປະຊາຄົມຈີນ-ມາເລເຊຍໃນລະດັບສູງທີ່ມີອະນາຄົດຮ່ວມກັນ 3 ຂໍ້ ດັ່ງນີ້:

 

ຂໍ້ໜຶ່ງ

 

ຈີນແລະມາເລເຊຍຄວນປະສານມືກັນຕໍ່ໄປ ເພື່ອເດີນໜ້າພັດທະນາໄປໃນເສັ້ນທາງທີ່ເໝາະສົມກັບເງື່ອນໄຂຂອງຈີນ ແລະ  ມາເລເຊຍເອງ ແລະ ຮັກສາອະນາຄົດຂອງພວກເຮົາໃຫ້ຢູ່ໃນມືຂອງພວກເຮົາ.

 

ປະທານາທິບໍດີສີຂໍໃຫ້ 2 ປະເທດຈັດຕັ້ງກົນໄກການຫາລືແບບ “2+2” (“2+2” dialogue mechanism) ທັງດ້ານການທູດແລະການປ້ອງກັນປະເທດ.

 

ຂໍ້ສອງ

 

ຈີນແລະມາເລເຊຍຄວນຜະນຶກກຳລັງກັນໃນການພັດທະນາ ແລະ ເປັນຕົວຢ່າງຂອງຮູບແບບຄວາມຮ່ວມມືດ້ານການພັດທະນາທີ່ມີຄຸນນະພາບສູງ. ຈີນຍຶດໝັ້ນໃນການເດີນໜ້າສູ່ຄວາມທັນສະໄໝໃນທຸກດ້ານຜ່ານການພັດທະນາທີ່ມີຄຸນນະພາບສູງ ຊຶ່ງສອດຄ່ອງກັບ “ກອບເສດຖະກິດມາດານີແຫ່ງມາເລເຊຍ” (Malaysia’s Madani Economy framework).

 

ໃນດ້ານເສດຖະກິດລ້ຳສະໄໝ 2 ປະເທດຄວນຈັບມືກັນສ້າງການເຕີບໂຕໃນເສດຖະກິດລ້ຳສະໄໝເຊັ່ນ: ເສດຖະກິດດິຈິຕອລ, ເສດຖະກິດສີຂຽວ, ເສດຖະກິດສີນ້ຳເງິນ (blue economy) ແລະ ປັນຍາປະດິດ.

 

ຂະນະດຽວກັນ, ໃນດ້ານເສດຖະກິດດັ້ງເດີມ ຈີນແລະມາເລເຊຍຄວນຍົກລະດັບຄວາມຮ່ວມມືໃນເສດຖະກິດດັ້ງເດີມດ້ວຍການສົ່ງເສີມການລົງທຶນ 2 ທາງ, ຄວນກຽມພ້ອມລ່ວງໜ້າດ້ານການຄົມມະນາຄົມຂົນສົ່ງທາງທະເລແລະທາງລາງລະຫວ່າງ 2 ປະເທດ, ສົ່ງເສີມໂຄງການ “Two Countries, Twin Parks” ແລະ ຍົກລະດັບທ່າເຮືອສຳຄັນໆຂອງມາເລເຊຍ ເພື່ອໃຫ້ເປັນສູນກາງຂອງ “ລະບຽງການຄ້າເຊື່ອມທາງບົກກັບທາງທະເລສາຍໃໝ່” (New International Land-Sea Trade Corridor).

 

ຂໍ້ສາມ

 

ປະທານາທິບໍດີສີຮຽກຮ້ອງ 2 ປະເທດແລກປ່ຽນຮຽນຮູ້ຊຶ່ງກັນແລະກັນໃຫ້ເລິກເຊິ່ງລະຫວ່າງ 2 ອາລິຍະທຳ ຮ່ວມມືກັນໃນການຫາລືລະຫວ່າງອາລິຍະທຳຂົງຈື້-ມຸສລິມ. ຂໍ້ຕົກລົງຍົກເວັ້ນວີຊ່າຊຶ່ງກັນແລະກັນຈະຊ່ວຍສົ່ງເສີມການທ່ອງທ່ຽວແລະດ້ານອື່ນໆລະຫວ່າງ 2 ປະເທດ.

 

ປະທານາທິບໍດີສີກ່າວດ້ວຍວ່າ ຈີນແລະມາເລເຊຍເປັນມິດກັນມາຢ່າງຊ້ານານໃນປະຫວັດສາດ ແລະ ມິດຕະພາບຈີນ-ມາເລເຊຍຢືນຍາວນານນັບພັນປີ. ເມື່ອປີທີ່ແລ້ວ, ທັງ 2 ປະເທດເພິ່ງສະເຫຼີມສະຫຼອງການສະຖາປະນາຄວາມສຳພັນທາງການທູດຄົບ 50 ປີ. ສ່ວນອີກ 50 ປີຕໍ່ຈາກນີ້, ຈີນແລະມາເລເຊຍຈະຮ່ວມກັນສ້າງປະຊາຄົມຈີນ-ມາເລເຊຍທີ່ມີຄຸນນະພາບສູງແລະມີອະນາຄົດຮ່ວມກັນ.

 

 

ຫຼັງຈາກການປຶກສາຫາລືຂອງຜູ້ນຳທັງສອງ ຈີນແລະມາເລເຊຍໄດ້ແລກປ່ຽນເອກະສານຄວາມຮ່ວມມືຫຼາຍກວ່າ 30 ສະບັບ ຄອບຄຸມຄວາມຮ່ວມມືຕັ້ງແຕ່ເສດຖະກິດດິຈິຕອລ, ການຄ້າທາງດ້ານບໍລິການ, ປັນຍາປະດິດ, ທາງລົດໄຟ ໄປຈົນເຖິງການຄຸ້ມຄອງແພນດ້າຍັກ

ຈາກນັ້ນ, ປະທານາທິບໍດີສີ ຈິ້ນຜິງ ເຂົ້າຮ່ວມງານລ້ຽງອາຫານແລງທີ່ນາຍົກລັດຖະມົນຕີອັນວາຣ໌ ເປັນເຈົ້າພາບລ້ຽງຕ້ອນຮັບປະທານາທິບໍດີຈີນເມື່ອຄືນທີ່ຜ່ານມາ.

 

ປະທານາທິບໍດີສີຈະເດີນທາງອອກຈາກມາເລເຊຍ ໄປຢ້ຽມຢາມກຳປູເຈຍໃນມື້ນີ້ (17) ເປັນເວລາ 2 ວັນ. ກຳປູເຈຍຈະເປັນປະເທດສຸດທ້າຍໃນ 3 ປະເທດອາຊີຕາເວັນອອກສຽງໃຕ້ທີ່ປະທານາທິບໍດີສີເດີນທາງຢ້ຽມຢາມໃນຄັ້ງນີ້.

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 18 September, 2025
ສະກຸນເງິນ
ຊື້
ຂາຍ
united-states
USD
21,483
21,759
thailand (1)
THB
672.65
683.41
european-union
EUR
24,437
24,926
china
CNY
2,953
3,012
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
jane (59)
ປະສົບການຈາກສະໜາມຊ້ອມຮົບຮ່ວມ ລາວ-ຣັດເຊຍ "ລາໂຣສ-2025”
pele - 2025-09-18T152050.693
ປິດໂຄງການສ້າງແຜນກິດຈະກໍາ ພັດທະນາຊົນນະບົດ ຢູ່ພາກເໜືອ-ພາກກາງ
jane (57)
ພ້ອມແລ້ວບໍ່ກັບເປີດໂປຣແກຣມພຣີເມຍລີກ ນັດທີ່ 5 ລິເວີພູ-ແມນຢູ ມີຄິວດວນແມັດໃຫຍ່
pele - 2025-09-18T140901.630
ປິດການແຂ່ງຂັນກິລາບານເຕະລີກ 2 ແຂວງເຊກອງ ປະຈໍາປີ 2025
jane (57)
ການພົບປະການນຳຂັ້ນສູງ ລາວ-ຈີນ ໄດ້ເພີ່ມ ກຳລັງແຮງເຂົ້າໃນການສ້າງ ຄູ່ຮ່ວມຊາຕາກໍາລາວ-ຈີນ
jane (56)
ທະນາຄານກາງສະຫະລັດອາເມລິກາ ຫລື Fed ຫລຸດດອກເບ້ຍ 0.25% ເປັນ 4.00% - 4.25% ສົ່ງສັນຍານບວກຕໍ່ຕະຫລາດຫຸ້ນ ແລະ ລາຄາຄຳ
pele - 2025-09-18T132308.874
ຄະນະຄຸ້ມຄອງດ່ານສາກົນນໍ້າເຫືອງມອບເຄື່ອງໃຫ້ທະຫານທີ່ປະຈໍາປ່ອມແນວໜ້າ
jane (55)
ແຂວງຄໍາມ່ວນ ໃຊ້ມາດຕະການເດັດຂາດ ຕໍ່ຜູ້ທີ່ຈອດລົດຊະຊາຍຕາມແຄມທາງ ແລະ ພື້ນທີ່ຫ້າມຈອດ
jane (54)
ປະຊາຊົນສ່ອງແສງ! ຢາກໃຫ້ແກ້ໄຂປະຕູທາງຂຶ້ນຂົວຂ້າມທາງ
jane (53)
ພໍ່ແມ່ຍຸກໃໝ່ຄວນອ່ານ ຊ່ວຍລູກໃນຊ່ວງໄວລຸ້ນຮັບມືກັບຄວາມກັງວົນ ແລະ ຄວາມກົດດັນ
ຢ່າລື່ມກົດຕິດຕາມ