ຄວາມເຊື່ອໂບຮານຂອງຊາວຈີນ ໄດ້ກ່າວເຖິງຂອງ 3 ສິ່ງ ທີ່ວາງໄວ້ໃຕ້ໝອນ ຈະຊ່ວຍດຶງດູດໂຊກລາບ ແລະ ຄວາມສຳເລັດໃນຊີວິດ

 

ເຖິງວ່າບາງຄົນອາດມອງວ່າເປັນເລື່ອງງົມງາຍ ແຕ່ແທ້ຈິງແລ້ວ ນີ້ຄືຄຳສອນທີ່ຄົນລຸ້ນກ່ອນໆທີ່ສັ່ງສົມມາ ເພື່ອສອນໃຫ້ໃຊ້ຊີວິດຢ່າງລາບລື່ນ ທັງເງິນຄຳ ແລະ ຄວາມສຸກທາງໃຈ. ທັງ 3 ສິ່ງທີ່ວ່ານີ້ມີຫຍັງແດ່ ມາເບິ່ງກັນ:

 

ຫຼຽນ

 

ໃນສະໄໝກ່ອນ ຜູ້ຄົນມັກຈະເກັບເງິນໄວ້ໃນທີ່ລັບໆ ເຊັ່ນໃຕ້ໝອນ ເພື່ອປ້ອງກັນເງິນຫາຍ ແລະ ເພື່ອຄອຍເຕືອນຕົນເອງໃຫ້ຮູ້ຈັກປະຢັດອົດອອມ ແລະ ຮູ້ຈັກຄຸນຄ່າຂອງເງິນ. ແລະ ໃນປັດຈຸບັນ ການວາງຫຼຽນໄວ້ໃຕ້ໝອນນັ້ນເປັນສັນຍາລັກຂອງຄວາມໝັ້ງຄັ່ງ ແລະ ຄວາມປາຖະໜາທີ່ຈະມີໂຊກລາບທາງການເງິນ.

 

ໜັງສື

 

“ຄວາມຮູ້ປ່ຽນຊາຕາຊີວິດ” ການວາງໜັງສືໄວ້ໃຕ້ໝອນ ຈຶ່ງເປັນການກະຕຸ້ນໃຫ້ເກີດການຮຽນຮູ້ ແລະ ພັດທະນາຕົນເອງ. ການອ່ານໜັງສືຊ່ວຍເປີດໂລກ ແລະ ເພີ່ມພູນປັນຍາ ຊຶ່ງເປັນຮາກຖານສຳຄັນຂອງຄວາມສຳເລັດ.

 

ຂຽນຂໍ້ຄວາມ

 

ການຂຽນຂໍ້ຄວາມໃຫ້ກຳລັງໃຈ ຫຼື ເປົ້າໝາຍໃນຊີວິດແລ້ວວາງໄວ້ໃຕ້ໝອນ ເປັນການສື່ສານກັບຕົວເອງ ແລະ ເຕືອນໃຈໃຫ້ມຸ່ງໝັ້ນສູ່ຄວາມສຳເລັດ. ເປັນການສະທ້ອນຕົວຕົນແລະເປັນການຕັ້ງເປົ້າໝາຍໃນຊີວິດ.

 

ແມ້ວ່າສິ່ງຂອງທີ່ວາງໄວ້ໃຕ້ໝອນຈະເປັນພຽງສັນຍາລັກ ແຕ່ສິ່ງທີ່ສຳຄັນກວ່າ ຄື “ຈິດໃຈ” ຂອງພວກເຮົາເອງ.

 

ຄວາມມຸ່ງໝັ້ນ, ຄວາມພະຍາຍາມ ແລະ ການພັດທະນາຕົນເອງຢ່າງຕໍ່ເນື່ອງ ຄືກຸນແຈສຳຄັນທີ່ຈະນຳໄປສູ່ຄວາມສຳເລັດແລະຄວາມໝັ້ງຄັ່ງທີ່ແທ້ຈິງ.

ສະແດງຄຳຄິດເຫັນ