site cov (80)
ຂອງດີໃນຕອນເຊົ້າ! ເຄື່ອງດື່ມທີ່ຊ່ວຍ "ຈັບ" ໄຂມັນຮ້າຍ ບໍ່ໃຫ້ເຂົ້າສູ່ກະແສເລືອດ ແລະ ດີຕໍ່ຫົວໃຈນຳ
ຮຽບຮຽງໂດຍ:Soulinda
ເຜີຍແຜ່: 22 April, 2025

“ໂອ໊ດມິວຄ໌ ຫຼື ນົມເຂົ້້າໂອ໊ດ” ເຄື່ອງດື່ມຂອງດີໃນຕອນເຊົ້າ ດັກຈັບຄໍເລສເຕີຣໍກ່ອນເຂົ້າສູ່ເລືອດ ພ້ອມດີຕໍ່ຫົວໃຈ ແລະ ສິ່ງແວດລ້ອມ

 

ໂອ໊ດມິວຄ໌ ຖືເປັນທາງເລືອກທີ່ດີຕໍ່ສຸຂະພາບ ຫຼາຍຄົນສາມາດເລືອກດື່ມແທນນົມງົວ ເພາະອຸດົມດ້ວຍ ເບຕ້າກລູແຄນ (Beta-glucan) ເຊິ່ງເປັນໃຍອາຫານຊະນິດລະລາຍນ້ຳໄດ້.

 

[email protected] +856 21 417 234 ບໍລິສັດ ດາຕາຄອມ ຈຳກັດ Delivering complete technology solutions

 

ໂດຍໃຍອາຫານຊະນິດນີ້ຈະສ້າງເນື້ອເຈວໃນລະບົບຍ່ອຍອາຫານ, ຊ່ວຍຈັບຄໍເລສເຕີຣໍ ແລະ ປ້ອງກັນບໍ່ໃຫ້ດູດຊຶມເຂົ້າສູ່ກະແສເລືອດໂດຍກົງ.

 

ຜົນວິໄຈຫຼ້າສຸດຢືນຢັນປະສິດທິພາບໂອ໊ດມິວຄ໌ ວ່າເຄື່ອງດື່ມຊະນິດໜຶ່ງທີ່ພົບໄດ້ເລື້ອຍໃນຕອນເຊົ້າຢ່າງ “ໂອ໊ດມິວຄ໌” ຫຼື “ນົມເຂົ້າໂອ໊ດ” ອາດເປັນຕົວຊ່ວຍສຳຄັນໃນການຫຼຸດລະດັບຄໍເລສເຕີຣໍໃນຮ່າງກາຍ, ໂດຍສະເພາະຄໍເລສເຕີຣໍຊະນິດບໍ່ດີ (LDL) ທີ່ເປັນປັດໄຈສ່ຽງຕໍ່ພະຍາດຫົວໃຈ.

 

ໂດຍການສຶກສາໃນຜູ້ຊາຍ 66 ຄົນທີ່ມີພາວະຄໍເລສເຕີຣໍສູງ ພົບວ່າການດື່ມໂອ໊ດມິວຄ໌ວັນລະ 3 ຈອກ (ປະມານ 750 ມລ.) ຕິດຕໍ່ກັນ 5 ອາທິດ ເຮັດໃຫ້ລະດັບຄໍເລສເຕີຣໍລວມຫຼຸດລົງ 3% ແລະ LDL ຫຼຸດລົງ 5%.

 

ນອກຈາກນີ້, ຍັງມີການທົບທວນງານວິໄຈ 58 ສະບັບ ພົບວ່າການຮັບປະທານເບຕ້າກລູແຄນປະມານ 3.5 ກຣາມຕໍ່ວັນ, ເປັນເວລາ 5-6 ອາທິດ ຊ່ວຍຫຼຸດລະດັບ LDL ລົງໄດ້ 4% ແລະ ຫຼຸດລະດັບ Apolipoprotein B ໄດ້ 2% ເຊິ່ງເປັນໂປຣຕີນຫຼັກຂອງ LDL ແລະ ເປັນຕົວບົ່ງຊີ້ຄວາມສ່ຽງພະຍາດຫົວໃຈໄດ້ແມ່ນຢຳກວ່າລະດັບ LDL ພຽງຢ່າງດຽວ.

 

ສອດຄ່ອງກັບງານວິໄຈໃນປີ 2018 ທີ່ຕີພິມໃນວາລະສານ Food and Function ເຊິ່ງຍັງພົບອີກວ່າ ການດື່ມເຄື່ອງດື່ມຈາກເຂົ້າໂອ໊ດອາດໃຫ້ຜົນໃນການຫຼຸດຄໍເລສເຕີຣໍທີ່ຍາວນານ ຍິ່ງກວ່າການຮັບປະທານຂ້າວໂອ໊ດແບບທຳມະດາອີກ!

 

ບໍ່ພຽງແຕ່ນັ້ນ, ນອກຈາກຫຼຸດຄໍເລສເຕີຣໍແລ້ວ, ໂອ໊ດມິວຄ໌ຍັງມີປະໂຫຍດໃນດ້ານອື່ນໆ ອີກຫຼາຍຢ່າງ ເຊັ່ນ:

 

  • ຊ່ວຍຍ່ອຍອາຫານ ແລະ ຄວບຄຸມລະດັບນ້ຳຕານໃນເລືອດ ເນື່ອງຈາກໃຍອາຫານໃນໂອ໊ດມິວຄ໌ຊ່ວຍຊະລໍການດູດຊຶມຄາໂບໄຮເດຣດ
  • ມີວິຕາມິນ B, ແຄລຊຽມ, ວິຕາມິນ D ແລະ A ເຊິ່ງເສີມສ້າງກະດູກ
  • ມີໂພແທສຊຽມ, ແມກນີຊຽມ ແລະ ສັງກະສີ ເຊິ່ງເປັນແຮ່ທາດຈຳເປັນຕໍ່ຮ່າງກາຍ
  • ມີໄຂມັນອິ່ມຕົວຕ່ຳກວ່ານົມງົວ ແລະ ມີໃຍອາຫານສູງ ຊ່ວຍໃຫ້ອິ່ມນານ ຄວບຄຸມນ້ຳໜັກໄດ້ດີ
  • ເປັນທາງເລືອກທີ່ດີສຳລັບຜູ້ແພ້ນົມຫຼືບໍ່ສາມາດຍ່ອຍແລັກໂຕສ

 

ເຖິງຢ່າງໃດກໍ່ຕາມ, ດຖິງແມ່ນວ່າໂອ໊ດມິວຄ໌ຈະມີປະໂຫຍດຫຼາຍຢ່າງ,

 

ແຕ່ກໍ່ມີບາງປະເດັນທີ່ຄວນລະວັງ ໂດຍສະເພາະໃນຜະລິດຕະພັນເຊີງພານິດບາງຍີ່ຫໍ້ທີ່ອາດມີການເຕີມນ້ຳຕານໃນປະລິມານສູງ, ເຊິ່ງອາດສົ່ງຜົນເສຍຕໍ່ສຸຂະພາບໄດ້.

 

ຈຶ່ງແນະນຳໃຫ້ເລືອກສູດບໍ່ເຕີມນ້ຳຕານ.

 

ນອກຈາກນີ້, ຄວນບໍລິໂພກໂອ໊ດມິວຄ໌ຮ່ວມກັບອາຫານທີ່ຫຼາກຫຼາຍ ເຊັ່ນ: ຜັກ, ໝາກໄມ້, ທັນຍະພືດບໍ່ຂັດສີ ແລະ ແຫຼ່ງໂປຣຕີນໄຂມັນຕ່ຳ ເພື່ອໃຫ້ໄດ້ຄຸນຄ່າທາງໂພຊະນາການຄົບຖ້ວນ.

 

ຫາກທ່ານມີພະຍາດປະຈຳຕົວ ຫຼື ກຳລັງກິນຢາຫຼຸດຄໍເລສເຕີຣໍ, ຄວນປຶກສາແພດກ່ອນປັບປ່ຽນພຶດຕິກຳການບໍລິໂພກອາຫານ.

 

ໂອ໊ດມິວຄ໌ບາງຍີ່ຫໍ້ອາດບໍ່ໄດ້ຮັບຮອງວ່າ “ປາສະຈາກກລູເຕນ” ເຊິ່ງອາດບໍ່ເໝາະກັບຜູ້ທີ່ມີອາການແພ້ກລູເຕນ.

 

ໃນຂະນະທີ່ໂອ໊ດມິວຄ໌ແບບເຮັດເອງທີ່ບ້ານ ເຖິງແມ່ນຈະເປັນທາງເລືອກທີ່ປະຍັດ ແລະ ຄວບຄຸມສ່ວນປະສົມໄດ້ ແຕ່ກໍ່ມັກບໍ່ມີການເສີມວິຕາມິນ ແລະ ແຮ່ທາດຄືກັນກັບຜະລິດຕະພັນທາງການຄ້າ.

 

ໂອ໊ດມິວຄ໌ຍັງມີປະລິມານພະລັງງານ ແລະ ຄາໂບໄຮເດຣດສູງກວ່ານົມອັລມອນດ໌ ແຕ່ໃຫ້ໂປຣຕີນນ້ອຍກວ່ານົມງົວ ແລະ ນົມຖົ່ວເຫຼືອງ, ເຊິ່ງອາດສົ່ງຜົນຕໍ່ຄວາມຮູ້ສຶກອິ່ມ ແລະ ຄວາມສົມດຸນຂອງສານອາຫານ.

 

ນອກຈາກນີ້, ບໍ່ຄວນໃຊ້ໂອ໊ດມິວຄ໌ເປັນອາຫານຫຼັກແທນນົມ ຫຼື ອາຫານສຳລັບເດັກນ້ອຍ ແລະ ເດັກອ່ອນໂດຍບໍ່ໄດ້ຮັບຄຳແນະນຳຈາກແພດ ເພາະອາດບໍ່ພຽງພໍຕໍ່ຄວາມຕ້ອງການດ້ານໂພຊະນາການໃນການຈະເລີນເຕີບໂຕ.

 

ທ້າຍທີ່ສຸດ, ຢ່າລືມວ່າ ເຖິງແມ່ນໂອ໊ດມິວຄ໌ເປັນເຄື່ອງດື່ມທາງເລືອກທີ່ມີປະໂຫຍດຕໍ່ຫົວໃຈ ແລະ ສຸຂະພາບໂດຍລວມ ໂດຍສະເພາະໃນເລື່ອງການຫຼຸດຄໍເລສເຕີຣໍຊະນິດບໍ່ດີ ແຕ່ການເລືອກຜະລິດຕະພັນທີ່ດີຕໍ່ສຸຂະພາບ ແລະ ບໍລິໂພກຢ່າງພໍດີ ຍັງຄົງເປັນສິ່ງສຳຄັນ.

 

ຫາກກຳລັງຊອກຫາເຄື່ອງດື່ມເພື່ອສຸຂະພາບທີ່ຄົບຄຸນຄ່າທາງໂພຊະນາການ ແລະ ເປັນມິດກັບສິ່ງແວດລ້ອມ, ໂອ໊ດມິວຄ໌ອາດເປັນຄຳຕອບທີ່ດີສຳລັບທ່ານ!

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 31 July, 2025
ສະກຸນເງິນ
ຊື້
ຂາຍ
united-states
USD
21,434
21,710
thailand (1)
THB
660.13
670.30
european-union
EUR
23,692
24,166
china
CNY
2,911
2,969
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
pele - 2025-07-31T105455.142
ບັນດາປະເທດ ອາຊຽນ ແລະ ຈີນ ຫາລືກ່ຽວກັບ ສິດທິມະນຸດ ແລະ ການພັດທະນາ ພາຍໃຕ້ຂອບການຮ່ວມມືແມ່ນໍ້າຂອງ-ແມ່ນໍໍ້າລ້ານຊ້າງ
pele - 2025-07-31T091726.690
ສົກຮຽນ 2024-2025 ນວ ມີນັກຮຽນ ມປ ເສັງໄດ້ໃບປະກາດແດງ 79 ຄົນ
ເປີດນໍາໃຊ້ຢ່າງເປັນທາງການ ລະບົບຄຸ້ມຄອງ ແລະ ບັດປະຈໍາຕົວພົນລະເມືອງ ດີຈີຕ໋ອນ
_cover - 2025-07-30T170201.892
ທຣຳປ໌ເອີ້ນຕົວເອງວ່າ "ປະທານາທິບໍດີແຫ່ງສັນຕິພາບ" ອ້າງຢຸດຕິຂັດແຍ້ງທົ່ວໂລກພາຍໃນ 6 ເດືອນ
pele - 2025-07-30T164239.877
ສພຂ ຄໍາມ່ວນ ໄຂກອງປະຊຸມສະໄໝສາມັນ ເທື່ອທີ 9
_cover - 2025-07-30T155110.966
ນະຄອນຫຼວງພະບາງ ກະກຽມຈັດງານບຸນຫໍ່ເຂົ້າປະດັບດິນ ບຸນຊ່ວງເຮືອເດືອນເກົ້າ ທີ່ຍຶ່ງນ້ຳຄານ ວັນທີ 14-23 ສິງຫາ 2025
pele - 2025-07-30T160430.943
ຫ້ອງການເມືອງກອງພົນທີ 4 ສຳເລັດການປັກດຳເຂົ້ານາປີ ປະຈຳປີ 2025
pele - 2025-07-30T144220.491
ຮອງລັດຖະມົນຕີກະຊວງປ້ອງກັນຄວາມສະຫງົບລາວ ຕ້ອນຮັບຄະນະຜູ້ແທນຂັ້ນສູງກະຊວງປ້ອງກັນຄວາມສະຫງົບຫວຽດນາມ
_cover - 2025-07-30T142826.587
"ໝວກ AI" ຖອດລະຫັດຄື່ນສະໝອງ ຕໍ່ຍອດສູ່ການຄຸມອຸປະກອນດ້ວຍຄວາມຄິດ.
_cover - 2025-07-30T134559.075
ສປປ ລາວ ເປັນເຈົ້າພາບ ກອງປະຊຸມກວດກາແຮງງານອາຊຽນ ຄັ້ງທີ 13 (The 13th ASEAN Labour Inspection Conference)
ຢ່າລື່ມກົດຕິດຕາມ