ຟູ້ດແພນດ້າ ປະກາດຢຸດການໃຫ້ບໍລິການໃນປະເທດໄທ ມີຜົນ 23 ພຶດສະພາ 2025

ບໍລິສັດ ຟູ້ດແພນດ້າ (ປະເທດໄທ) ປະກາດຢ່າງເປັນທາງການວ່າຈະຢຸດການໃຫ້ບໍລິການແອັບພລິເຄຊັນຟູ້ດແພນດ້າໃນປະເທດໄທ ໂດຍຈະມີຜົນຕັ້ງແຕ່ວັນທີ 23 ພຶດສະພາ 2025ເປັນຕົ້ນໄປ.

ຕະຫຼອດໄລຍະເວລາທີ່ດຳເນີນທຸລະກິດໃນປະເທດໄທ, ຟູ້ດແພນດ້າໄດ້ສະແດງຄວາມພາກພູມໃຈທີ່ເປັນສ່ວນໜຶ່ງໃນການສົ່ງມອບຄວາມສຸກໃຫ້ແກ່ລູກຄ້າຜ່ານການຈັດສົ່ງອາຫານແລະບໍລິການຕ່າງໆ ພ້ອມທັງຂອບໃຈລູກຄ້າ, ຮ້ານຄ້າ, ພາດເນີ ແລະ ໄລເດີທຸກທ່ານ ທີ່ມີສ່ວນຮ່ວມໃນການຂັບເຄື່ອນຄວາມສຳເລັດຂອງບໍລິສັດ.

ຖະແຫຼງການລະບຸວ່າ ການຕັດສິນໃຈຄັ້ງນີ້ເກີດຈາກສະພາບຕະຫຼາດໃນປັດຈຸບັນທີ່ບໍ່ສອດຄ່ອງກັບກົນລະຍຸດໄລຍະຍາວຂອງບໍລິສັດ ສົ່ງຜົນໃຫ້ຟູ້ດແພນດ້າຈຳເປັນຕ້ອງຢຸດການດຳເນີນງານໃນປະເທດໄທ.

“ພວກເຮົາຮູ້ສຶກເສຍໃຈເປັນຢ່າງຍິ່ງທີ່ການເດີນທາງຂອງພວກເຮົາຕ້ອງສິ້ນສຸດລົງ ແລະ ຂໍຂອບໃຈລູກຄ້າທຸກທ່ານທີ່ໄວ້ວາງໃຈ ແລະ ສະໜັບສະໜູນຟູ້ດແພນດ້າມາໂດຍຕະຫຼອດ” ຟູ້ດແພນດ້າ ປະເທດໄທ ກ່າວໃນຖະແຫຼງການເທິງເຟສບຸກ.

ຟູ້ດແພນດ້າ (foodpanda) ເປັນບໍລິສັດຈັດສົ່ງອາຫານ ແລະ ບໍລິການເດລິເວີຣີ່ອອນລາຍທີ່ຢູ່ພາຍໃຕ້ກຸ່ມ Delivery Hero ຈາກເຢຍລະມັນ ໂດຍໃນຊ່ວງທີ່ມີການຂະຫຍາຍຕົວສູງສຸດ ຟູ້ດແພນດ້າເຄີຍໃຫ້ບໍລິການໃນຫຼາຍກວ່າ 10 ປະເທດ ສ່ວນໃຫຍ່ໃນພາກພື້ນອາຊີ.

ມາທຳຄວາມຮູ້ຈັກ ຟູ້ດແພນດ້າ (foodpanda)

ຟູ້ດແພນດ້າ (foodpanda) ເປັນບໍລິສັດຈັດສົ່ງອາຫານ ແລະ ບໍລິການເດລິເວີຣີ່ອອນລາຍທີ່ຢູ່ພາຍໃຕ້ກຸ່ມ Delivery Hero ຈາກເຢຍລະມັນ ໂດຍໃນຊ່ວງທີ່ມີການຂະຫຍາຍຕົວສູງສຸດ ຟູ້ດແພນດ້າເຄີຍໃຫ້ບໍລິການໃນຫຼາຍກວ່າ 10 ປະເທດ ສ່ວນໃຫຍ່ໃນພາກພື້ນອາຊີ ປະເທດທີ່ເຄີຍຫຼືຍັງໃຫ້ບໍລິການໂດຍຟູ້ດແພນດ້າ (ຂໍ້ມູນໂດຍປະມານ ນະ ປາຍປີ 2024) ໄດ້ແກ່:

• ໄທ (ປະກາດຍຸດຕິບໍລິການ 23 ພຶດສະພາ 2568)
• ສິງກະໂປ
• ມາເລເຊຍ
• ຟິລິບປິນ
• ບັງກະລາເທດ
• ປາກິດສະຖານ
• ລາວ
• ກໍາປູເຈຍ
• ມຽນມາ (ມີບາງຊ່ວງທີ່ຢຸດບໍລິການເນື່ອງຈາກສະຖານະການທາງການເມືອງ)
• ຮ່ອງກົງ (ຍຸດຕິບໍລິການແລ້ວ)
• ໄຕ້ຫວັນ (ຍຸດຕິບໍລິການແລ້ວ)

ນອກຈາກນີ້, ບາງປະເທດມີການປ່ຽນຊື່ແບຣນ ຫຼື ຮວມເຂົ້າກັບບໍລິການໃນເຄືອຂອງ Delivery Hero ຊຶ່ງອາດບໍ່ໃຊ້ຊື່ “ຟູ້ດແພນດ້າ” ອີກຕໍ່ໄປ ເຊັ່ນ: ໃນຢູໂຣບ ຫຼື ບາງປະເທດໃນຕາເວັນອອກກາງ.

ສະແດງຄຳຄິດເຫັນ