ເອົາໃຈສາວໆ ທີ່ກຳລັງປະສົບບັນຫາໃນການເລືອກສີບລັຊ, ຊື້ບລັຊອອນຕາມຣີວິວແຕ່ພໍປັດອອກມາແລ້ວສີບໍ່ຕົງປົກ, ເຮັດໃຫ້ໜ້າດຣອບ ບໍ່ເຂົ້າກັບເຮົາເລີຍ. ຈະບອກວ່າບັນຫາເຫຼົ່ານັ້ນເກີດຈາກການເລືອກສີບລັຊອອນທີ່ບໍ່ເຂົ້າກັບສີຜິວຂອງຕົວເອງນັ້ນເອງ. ສຳລັບສາວໆ ຄົນໃດທີ່ບໍ່ຢາກເຈັບໃຈໃນການເລືອກຊື້ເຄື່ອງສຳອາງແບບຜິດໆ ຕາມມາອ່ານໃນບົດຄວາມນີ້ໄດ້ເລີຍຄ່ະ. ຖ້າຢາກຮູ້ວ່າຈະຕ້ອງເລືອກບລັຊອອນໃຫ້ເຂົ້າກັບສີຜິວແນວໃດກໍຮີບຕາມມາເບິ່ງກັນເລີຍ.

ວິທີເລືອກບລັຊອອນ ໃຫ້ເຂົ້າກັບສີຜິວ

ບລັຊອອນທີ່ເໝາະກັບຄົນຜິວຂາວອົມຊົມພູ ເລີ່ມກັນທີ່ສີຜິວແລກ. ສຳລັບຄົນຜິວຂາວອົມຊົມພູ, ຄົນສີຜິວນີ້ເໝາະສຳລັບບລັຊອອນໂທນສີອ່ອນໆ ເພາະຫາກເລືອກສີເຂັ້ມໄປ, ລົງກັບຜິວທີ່ຂາວຢູ່ແລ້ວອາດຈະເຮັດໃຫ້ເບິ່ງຫຼອກຕາ. ຄວນເລືອກປັດບລັຊອອນໂທນອ່ອນໆ ນວນໆ ເຊັ່ນ: ສີຊົມພູອ່ອນ, ສົ້ມອ່ອນ ແລະ ພີຊອົມສົ້ມ ເພາະຈະເຮັດໃຫ້ໄດ້ລຸກທີ່ບໍ່ເບິ່ງແດງຈົນເກີນໄປ ແລະ ໃຫ້ຜິວເບິ່ງລະເລື່ອ ເປັນທຳມະຊາດ. ໂທນສີພວກນີ້ຈະລະມຸນໄປກັບຜິວ ເບິ່ງບໍ່ຫຼອກຕາ.

ບລັຊອອນທີ່ເໝາະກັບຄົນຜິວສອງສີ ສຳລັບສາວໆ ທີ່ມີສີຜິວໄປໃນໂທນຜິວສອງສີ ແນະນຳໃຫ້ເລືອກໂທນສີຕຸ່ນໆ ບໍ່ເຂັ້ມໄປຫຼືບໍ່ອ່ອນໄປ ເຊັ່ນ: ສົ້ມອົມນ້ຳຕານກໍກຳລັງດີ ໂທນສີຊົມພູອົມນ້ຳຕານ ຫຼື ສີສົ້ມອົມນ້ຳຕານ ເພາະຈະຊ່ວຍຂັບຜິວໃຫ້ເບິ່ງມີຊີວິດຊີວາເບິ່ງແພງ ແລະ ໃຫ້ໄດ້ລຸກທີ່ເປັນທຳມະຊາດທີ່ສຸດ.

ບລັຊອອນທີ່ເໝາະກັບຄົນຜິວແທນ ສຳລັບສາວຜິວແທນ ເປັນໂທນສີຜິວທີ່ເບິ່ງອົບອຸ່ນ, ສີບລັຊອອນທີ່ເໝາະສົມ ແລະ ເຮັດໃຫ້ໄດ້ລຸກເບິ່ງເປັນທຳມະຊາດຫຼາຍ ຈຶ່ງຄວນໃຊ້ບລັຊອອນໂທນຊົມພູກະປິ, ພີຊອົມນ້ຳຕານ ຫຼື ມ່ວງອົມເບີຣີ່ ຫຼື ສີນ້ຳຕານທອງ. ສີນ້ຳຕານຈະເຂົ້າກັນໄດ້ເປັນທຳມະຊາດກັບສີຜິວ ແລະ ສີປະກາຍທອງຈະຊ່ວຍໃຫ້ແກ້ມເບິ່ງເປັ່ງປັ່ງ ບໍ່ເວີມາກເຣິດຄ່ະ.

ບລັຊອອນທີ່ເໝາະກັບຄົນຜິວເຂັ້ມ ຄວນໃຊ້ບລັຊອອນໂທນສີຊົມພູເຂັ້ມ, ມ່ວງອົມຊົມພູ, ນ້ຳຕານອົມແດງ, ແດງອົມສົ້ມບົ່ມແດດ ເພື່ອໃຫ້ເບິ່ງມີສີສັນຫຼາຍຂຶ້ນ ຫຼື ເລືອກບລັຊອອນສີຈັດຈ້ານໄປເລີຍ. ແຖມຍັງເໝາະສຳລັບການປັດບລັຊອອນທີ່ປະສົມຊິມເມີສີທອງເພື່ອຈະເຮັດໃຫ້ຜິວອອກມາເບິ່ງໂກລວ໌ມີສຸຂະພາບດີສຸດໆ ໄປເລີຍຄ່າາາ.

ຕຳແໜ່ງການປັດບລັຊອອນເຮັດໃຫ້ຮູບໜ້າປ່ຽນຫຼາຍລຸກ ປັດແບບທີ 1: ປັດບໍລິເວນໜ້າແກ້ມຊ່ວຍໃຫ້ໃບໜ້າເບິ່ງອ່ອນໄວ ເບິ່ງເດັກລົງທັນຕາ. ປັດແບບທີ 2: ປັດບໍລິເວນໂຫນກແກ້ມດ້ານເທິງ ຊ່ວຍເນັ້ນໂຄງໜ້າໃຫ້ເດັ່ນຊັດຂຶ້ນ. ປັດແບບທີ 3: ປັດຕ່ຳກວ່າແກ້ມ ເນັ້ນຮູບໜ້າທີ່ຊັດ ເໝາະແກ່ສາວໆທີ່ໂຄງໜ້າໃຫຍ່ ຊ່ວຍຫຼຸດໃບໜ້າໃຫ້ເບິ່ງນ້ອຍລົງ. ປັດແບບທີ 4: ປັດໃກ້ກັບຄິ້ວ ຊ່ວຍໃຫ້ໜ້າເບິ່ງມີຊີວິດຊີວາ ປັດແລ້ວເບິ່ງບໍ່ແກ່ ໃບໜ້າເບິ່ງມີມິຕິ.

ແລະ ທັງໝົດນີ້ກໍເປັນທຣິກເລັກໆ ນ້ອຍໆ ທີ່ທາງເຮົານຳມາໃຫ້ສາວໆ ໄດ້ອ່ານກັນ. ສຳລັບໃຜທີ່ມີທຣິກ ຫຼື ວິທີເລືອກສີບລັຊແບບໃດຢາກມາແຊຣ໌ ກໍສາມາດຄອມເມັນໄວ້ດ້ານລຸ່ມໄດ້ເລີຍ ເພື່ອເປັນປະໂຫຍດກັບຄົນທີ່ເຂົ້າມາອ່ານ.

ສະແດງຄຳຄິດເຫັນ