ເວໂປຣຕີນ ເປັນອາຫານເສີມທີ່ຊ່ວຍເສີມສ້າງກ້າມເນື້ອໃຫ້ກັບຜູ້ທີ່ອອກກຳລັງກາຍ ອີກທັງຍັງຊ່ວຍໃຫ້ລະບົບພູມຕ້ານທານດີຂຶ້ນ, ປ້ອງກັນການເກີດພະຍາດຫົວໃຈ ແລະ ເບົາຫວານ, ແລະ ອີກຫຼາຍປະໂຫຍດດ້ານສຸຂະພາບ.

ຂະນະທີ່ ເວໂປຣຕີນ ໄດ້ມາຈາກນົມສັດ ຫຼື ຈາກພືດ ເຊັ່ນ: ຖົ່ວ ແລະ ນຳໄປສະກັດເອົາສານປະກອບອື່ນໆ ອອກ ໃຫ້ເຫຼືອແຕ່ໂປຣຕີນ ຈາກນັ້ນກໍນຳໄປສູ່ຂັ້ນຕອນອົບແຫ້ງຜະລິດອອກມາເປັນຮູບແບບຜົງ ໃຫ້ຮັບປະທານໄດ້ງ່າຍຂຶ້ນ ແລະ ເກັບໄວ້ໄດ້ດົນ. ແຕ່ລະຍີ່ຫໍ້ລາຄາກໍຈະຄ່ອນຂ້າງຕ່າງກັນ ຂຶ້ນຢູ່ກັບຂັ້ນຕອນການຜະລິດ ແລະ ວັດຖຸດິບຕົ້ນກຳເນີດ.

ເທຣນເນີຈັນ-ອານັນ ອະພິນັນທະນ໌ ໃຫ້ຄຳແນະນຳກ່ຽວກັບຊ່ວງເວລາຂອງການກິນເວີຍວ່າ ສຳລັບຊ່ວງທີ່ເວີຍໂປຣຕີນອອກລິດໄດ້ດີທີ່ສຸດນັ້ນ ຄືຊ່ວງເວລາທີ່ຮ່າງກາຍເຮົາມີກົດອະມິໂນໃນລະດັບຕ່ຳ ຊຶ່ງກໍຄືຊ່ວງກ່ອນນອນ ຫຼື ຊ່ວງຕື່ນນອນໃໝ່ໆ ລວມທັງຊ່ວງຫຼັງອອກກຳລັງກາຍ ແລະ ຊ່ວງທີ່ຮູ້ສຶກຫິວຫຼາຍໆ ນັ້ນເອງ.

ຄົນສ່ວນຫຼາຍມັກຈະທານເວໂປຣຕີນກັບອາຫານຄາບຫຼັກ ເພື່ອຊ່ວຍໃນການດູແລສຸຂະພາບຮ່າງກາຍ ແລະ ຫຼຸດຮູບຮ່າງໃຫ້ເບິ່ງດີ ເພາະການທານອາຫານຄົບ 5 ໝູ່ຈະຊ່ວຍໃຫ້ຮ່າງກາຍເຜົາຜານໄຂມັນໄດ້ດີຂຶ້ນ ຊຶ່ງເຮົາສາມາດທານອາຫານຄາບຫຼັກຄູ່ກັບເວໂປຣຕີນໄດ້ໂດຍບໍ່ເກີດຜົນຂ້າງຄຽງໃດໆ ທັງສິ້ນ.

ການຮັບປະທານອາຫານທີ່ມີປະໂຫຍດພຽງພໍ ແລະ ທານເວໂປຣຕີນຮ່ວມດ້ວຍ ກໍຈະຊ່ວຍໃຫ້ຮ່າງກາຍໄດ້ຮັບສານອາຫານທີ່ມີປະໂຫຍດ ແລະ ຈຳເປັນ ຊຶ່ງບໍ່ຄວນຢ່າງຍິ່ງທີ່ຈະທານເວີຍໂປຣຕີນແທນອາຫານຫຼັກ ເພາະເວໂປຣຕີນເປັນແຄ່ອາຫານເສີມທີ່ຈະຊ່ວຍໃຫ້ນ້ຳໜັກຂອງເຮົາຫຼຸດລົງໄດ້ ແລະ ສ້າງກ້າມເນື້ອຂຶ້ນມາແທນ.

ແຕ່ການຈະມີສຸຂະພາບຮ່າງກາຍທີ່ດີ ສົມບູນ ແຂງແຮງໄດ້ນັ້ນຕ້ອງໄດ້ຮັບສານອາຫານທີ່ພຽງພໍທັງ 5 ໝູ່ ແລະ ບໍ່ຄວນທານແຕ່ໂປຣຕີນແຄ່ພຽງຢ່າງດຽວ. ຄວນຈະທານອາຫານຄາບຫຼັກ ແລະ ອາຫານເສີມເວໂປຣຕີນຄວບຄູ່ກັນໄປ ເພື່ອໃຫ້ມີສຸຂະພາບດີ, ຮ່າງກາຍແຂງແຮງ, ແລະ ບໍ່ທໍລະມານຮ່າງກາຍນັ້ນເອງ.

ຊ່ວງກ່ອນນອນ – ຈະເປັນຊ່ວງທີ່ສຳຄັນພໍໆ ກັບຊ່ວງອື່ນໆ ເພາະໃນລະຫວ່າງທີ່ຮ່າງກາຍເຮົາກຳລັງພັກຜ່ອນ ຮ່າງກາຍກໍຕ້ອງການໂປຣຕີນໄປຊ່ອມແຊມຮ່າງກາຍສ່ວນທີ່ກ້າມເນື້ອຈີກຂາດ ແລະ ສຶກຫໍຈາກການໃຊ້ງານທັງມື້ ແລະ ເຮັດໃຫ້ຮ່າງກາຍມີໂປຣຕີນພຽງພໍໃນການຊ່ອມແຊມຂະນະທີ່ເຮົາຫຼັບ.

ຊ່ວງເວລາທີ່ເຮົາຫິວ – ເປັນຊ່ວງເວລາທີ່ຮ່າງກາຍມີສານອາຫານບໍ່ພຽງພໍ ຫາກເຮົາຕ້ອງການທານເວີຍໂປຣຕີນໃນຊ່ວງເວລານີ້ໃຫ້ລອງປັ່ນຮວມກັບໝາກໄມ້ກໍເປັນອີກວິທີໜຶ່ງທີ່ສະດວກ ແລະ ວ່ອງໄວ.

ຊ່ວງຕື່ນນອນ – ຈະເປັນຊ່ວງເວລາທີ່ຮ່າງກາຍຂອງເຮົາພັກຜ່ອນເປັນເວລາດົນໂດຍທີ່ບໍ່ມີສານອາຫານມາຫຼໍ່ລ້ຽງ ຫາກກິນເວີຍໂປຣຕີນໃນຊ່ວງຕື່ນນອນຈະສາມາດຊ່ວຍປ້ອງກັນການສະຫຼາຍຂອງກ້າມເນື້ອໄດ້ດີ ແລະ ຮ່າງກາຍຈະດູດຊຶມໄດ້ດີກວ່າຊ່ວງເວລາອື່ນເພາະທ້ອງຍັງວ່າງຢູ່ນັ້ນເອງ.

ຊ່ວງຫຼັງອອກກຳລັງກາຍ – ຈະເປັນຊ່ວງທີ່ສຳຄັນທີ່ສຸດເພາະຮ່າງກາຍຈະໄດ້ພັກຈາກການໃຊ້ກ້າມເນື້ອຢ່າງໜັກໃນການຝຶກ ຫາກທານໃນຊ່ວງເວລານີ້ຈະເຮັດໃຫ້ຮ່າງກາຍດູດຊັບເອົາເວໂປຣຕີນເຂົ້າໄປເສີມສ້າງ ແລະ ຊ່ອມແຊມສ່ວນທີ່ສຶກຫໍໄດ້ໄວຂຶ້ນ.

ສະແດງຄຳຄິດເຫັນ