• ອັລໄຊເມີ ເປັນພະຍາດທີ່ບໍ່ສາມາດປິ່ນປົວໃຫ້ຫາຍຂາດໄດ້ ແຕ່ຫາກຄົນໃນຄອບຄົວຄອຍສັງເກດຄວາມຜິດປົກກະຕິຂອງຜູ້ສູງອາຍຸໄດ້ໄວ ລວມເຖິງການດູແລເອົາໃຈໃສ່ຈະຊ່ວຍຄວບຄຸມພະຍາດອັລໄຊເມີໃນໄລຍະເລີ່ມຕົ້ນ ຊະລໍໃຫ້ເກີດພະຍາດຊ້າລົງ ຫຼືອາດບໍ່ເກີດພະຍາດເລີຍໄດ້.

 

• ຜົນການສຶກສາພົບວ່າການມີວິຖີຊີວິດທີ່ມີສຸຂະພາບດີ ໄດ້ແກ່ ອອກກຳລັງກາຍ ອາຫານ ອາລົມ ແລະ ການນອນຫຼັບທີ່ດີ ຊ່ວຍປົກປ້ອງສະໝອງຈາກຄວາມເສື່ອມ ຫຼື ຊະລໍການເກີດພະຍາດອັລໄຊເມີໄດ້ເຖິງ 40%.

 

• ການກວດພະຍາດອັລໄຊເມີສາມາດເຮັດໄດ້ຫຼາຍປີກ່ອນທີ່ຜູ້ປ່ວຍຈະເລີ່ມສະແດງອາການ ຊ່ວຍກວດຄົ້ນຫາກ່ອນທີ່ຈະເກີດພາວະສະໝອງເສື່ອມໃນອະນາຄົດ ແລະ ຊະລໍການດຳເນີນພະຍາດຂອງພາວະສະໝອງເສື່ອມທີ່ເກີດຂຶ້ນແລ້ວໃຫ້ຊ້າລົງໄດ້.

 

ແມ້ອາຍຸທີ່ຫຼາຍຂຶ້ນຈະເປັນໜຶ່ງໃນປັດໄຈສ່ຽງພະຍາດອັລໄຊເມີ ເນື່ອງຈາກຄວາມເສື່ອມຂອງທຸກອະໄວຍະວະໃນຮ່າງກາຍ ລວມເຖິງສະໝອງ ແຕ່ບໍ່ໄດ້ໝາຍຄວາມວ່າຜູ້ສູງອາຍຸທຸກຄົນຈະຕ້ອງເປັນ “ອັລໄຊເມີ“.

 

ອັລໄຊເມີ ເປັນພະຍາດທີ່ບໍ່ສາມາດປິ່ນປົວໃຫ້ຫາຍຂາດໄດ້ ແຕ່ຫາກຄົນໃນຄອບຄົວຄອຍສັງເກດຄວາມຜິດປົກກະຕິຂອງຜູ້ສູງອາຍຸໃນເຮືອນໄດ້ໄວ ກວດພົບຕັ້ງແຕ່ເນິ່ນໆ ລວມເຖິງການດູແລເອົາໃຈໃສ່ຈາກລູກຫຼານ ຈະຊ່ວຍຄວບຄຸມພະຍາດໃນໄລຍະເລີ່ມຕົ້ນ ຊະລໍໃຫ້ເກີດພະຍາດຊ້າລົງ ຫຼື ອາດບໍ່ເກີດພະຍາດເລີຍກໍໄດ້.

 

ສັນຍານເຕືອນອັລໄຊເມີ

 

ອາການເລີ່ມຕົ້ນຂອງຜູ້ປ່ວຍອັລໄຊເມີຄືການສູນເສຍຄວາມຈຳລະຍະສັ້ນ ຊຶ່ງເປັນອາການໃກ້ຄຽງກັບອາການຂີ້ຫຼົງຂີ້ລືມຕາມທຳມະຊາດໃນຜູ້ສູງອາຍຸ ແຕ່ເມື່ອເວລາຜ່ານໄປຜູ້ປ່ວຍ 80-90% ຈະມີອາການທາງພຶດຕິກຳຫຼືທາງຈິດຮ່ວມດ້ວຍ.

 

ອາການຂອງ ພະຍາດອັລໄຊເມີ ຈະດຳເນີນໄປເລື້ອຍໆ ກິນເວລາຫຼາຍປີ ໂດຍຈະສະແດງອາການຕາມລະຍະເສື່ອມຂອງສະໝອງ 3 ລະຍະ ດັ່ງນີ້:

 

• ລະຍະເລີ່ມຕົ້ນ ຫຼົງລືມ ຖາມຊ້ຳໆ ເວົ້າຊ້ຳໆ ໃນເລື່ອງເດີມ ອາລົມປ່ຽນແປງ ຫງຸດຫງິດງ່າຍ ແຕ່ສາມາດເຮັດກິດຈະວັດປະຈຳວັນໄດ້

 

• ລະຍະກາງ ຄວາມຈຳຮ້າຍແຮງລົງ ສັບສົນ ລືມວັນເວລາ ນອນບໍ່ຫຼັບ ແລະ ທີ່ພົບບໍ່ຄື ຫຼົງທາງ ບາງຄັ້ງພົບອາລົມປ່ຽນແປງງ່າຍ ຫຼື ເກີດພາວະຊຶມເສົ້າ

 

• ລະຍະທ້າຍ ເລີ່ມຕອບສະໜອງຕໍ່ສິ່ງອ້ອມຂ້າງໜ້ອຍລົງ ເກີດພາບຫຼອນ ຮຽກຮ້ອງຄວາມສົນໃຈ ຫຼື ກ້າວຮ້າວຂຶ້ນ. ອາການທາງກາຍ ເຊັ່ນ ຮັບປະທານອາຫານໜ້ອຍລົງ ເຄື່ອນໄຫວຊ້າ ຫຼື ບໍ່ສາມາດຍ່າງເອງໄດ້ ປັດສະວະ ຫຼືອາຈົ່ມ ເລັດ ເນື່ອງຈາກກັ້ນບໍ່ຢູ່ ແລະ ສູນເສຍຄວາມສາມາດໃນການໃຊ້ຊີວິດປະຈຳວັນ. ພູມຄຸ້ມກັນຄ່ອຍໆ ອ່ອນແອລົງ ນຳໄປສູ່ການຕິດເຊື້ອແລະເສຍຊີວິດ.

ສະແດງຄຳຄິດເຫັນ