ລັດເຊຍປະກາດຢຸດຍິງໃນຢູເຄຣນຊົ່ວຄາວເປັນເວລາ 3 ວັນ ຫຼື 72 ຊົ່ວໂມງ

 

ໃນຊ່ວງລະຫວ່າງວັນທີ 8 – 11 ພຶດສະພາ ນີ້ ໂດຍກົງກັບຊ່ວງການສະຫຼອງວັນແຫ່ງໄຊຊະນະຂອງອະດີດສະຫະພາບໂຊວຽດແລະສຳພັນທະມິດ ຈາກສົງຄາມໂລກຄັ້ງທີ 2 ເຊິ່ງປີນີ້ຄົບຮອບ 80 ປີ

 

ວລາດິເມຍ ປູຕິນ ປະທານາທິບໍດີຣັດເຊຍ ຖະແຫຼງປະກາດຢຸດຍິງໃນຢູເຄຣນຊົ່ວຄາວເປັນເວລາ 3 ວັນ ຫຼື 72 ຊົ່ວໂມງ ໂດຍທຳນຽບປະທານາທິບໍດີຣັດເຊຍ ລະບຸວ່າ ການຢຸດຍິງຈະເກີດຂຶ້ນລະຫວ່າງວັນທີ 8 – 11 ພຶດສະພາ ນີ້ ໂດຍກົງກັບຊ່ວງການສະຫຼອງວັນແຫ່ງໄຊຊະນະຂອງອະດີດສະຫະພາບໂຊວຽດແລະສຳພັນທະມິດ ຈາກສົງຄາມໂລກຄັ້ງທີ 2 ເຊິ່ງປີນີ້ຄົບຮອບ 80 ປີ

 

ພ້ອມລະບຸດ້ວຍວ່າ ການຕັດສິນໃຈດັ່ງກ່າວພິຈາລະນາຈາກເຫດຜົນດ້ານມະນຸດສະທຳ ແລະ ຢູເຄຣນຄວນຍຶດເອົາລັດເຊຍເປັນຕົວຢ່າງ.

ລັດເຊຍໂຈມຕີກຸງຄີວ ຂີປະນາວຸດ-ໂດຣນຖະຫລົ່ມໜັກສຸດໃນຮອບ 9 ເດືອນ ເສຍຊີວິດ 12 ຄົນ

 

ລັດເຊຍໂຈມຕີກຸງຄີວດ້ວຍຂີປະນາວຸດ ແລະ ໂດຣນ ເປັນການໂຈມຕີທີ່ໜັກທີ່ສຸດໃນຮອບ 9 ເດືອນ ສົ່ງຜົນໃຫ້ມີຜູ້ເສຍຊີວິດ 12 ຄົນ

 

ທ່າທີດັ່ງກ່າວເຮັດໃຫ້ຢູເຄຣນຮຽກຮ້ອງໃຫ້ການຢຸດຍິງເກີດຂຶ້ນຕໍ່ເນື່ອງຢ່າງໜ້ອຍ 30 ວັນແລະໃຫ້ມີຜົນທັນທີ ເຊິ່ງໂວໂລດິເມຍ ເຊເລນສະກີ ປະທານາທິບໍດີຢູເຄຣນ ລະບຸວ່າ ໂລກບໍ່ຕ້ອງການລໍການຢຸດຍິງຈົນເຖິງວັນທີ 8 ພຶດສະພານີ້

 

ຂະນະທີ່ທຳນຽບຂາວລະບຸວ່າ ໂດນັລ ທຣຳ ປະທານາທິບໍດີສະຫະລັດ ຕ້ອງການເຫັນການຢຸດຍິງຖາວອນ ແລະ ຍັງເປີດເຜີຍດ້ວຍວ່າ ຜູ້ນຳສະຫະລັດຮູ້ສຶກຫົວເສຍກັບຜູ້ນຳລັດເຊຍຫຼາຍຂຶ້ນເລື້ອຍໆ

 

ເມື່ອບໍ່ດົນມານີ້ ຣັດເຊຍເພິ່ງປະກາດຢຸດຍິງເປັນໄລຍະສັ້ນໆ ນານ 30 ຊົ່ວໂມງມາແລ້ວຄັ້ງໜຶ່ງເມື່ອຊ່ວງມື້ອີສເຕີ້

 

ແຕ່ທັງຣັດເຊຍແລະຢູເຄຣນຕ່າງກ່າວຫາວ່າ ອີກຝ່າຍລະເມີດປະກາດຢຸດຍິງ ໂດຍມີຄວາມພະຍາຍາມຢຸດຍິງໃນສົງຄາມທີ່ຍືດເຍື້ອຫຼາຍກວ່າ 3 ປີນີ້ແລ້ວກວ່າ 20 ຄັ້ງ ແຕ່ລະຄັ້ງມັກລົ້ມເຫຼວພາຍໃນໄລຍະເວລາອັນສັ້ນ ຫຼືເກີດການລະເມີດຂໍ້ຕົກລົງກັນພາຍໃນຫຼັກນາທີ

 

ຄວາມເຄື່ອນໄຫວນີ້ເກີດຂຶ້ນບໍ່ດົນຫຼັງເກົາຫຼີເໜືອປະກາດວ່າ ສົ່ງທະຫານເຂົ້າຮ່ວມຮົບໃນສົງຄາມຢູເຄຣນຄຽງຂ້າງຣັດເຊຍຈິງ ໂດຍສື່ທາງການເກົາຫຼີເໜືອ ລາຍງານວ່າ ປະຕິບັດການຂອງກຳລັງພົນເກົາຫຼີເໜືອໃນພູມິພາກຄູສຄ໌ສຳເລັດລົງແລ້ວດ້ວຍໄຊຊະນະ ເຊິ່ງນັບເປັນການອອກມາຍອມຮັບການມີສ່ວນຮ່ວມເປັນຄັ້ງທຳອິດ

 

ກ່ອນໜ້ານີ້ຢູເຄຣນລະບຸວ່າ ເກົາຫຼີເໜືອສົ່ງທະຫານຮ່ວມຮົບທັງໝົດ 14,000 ນາຍ ໃນຈຳນວນນີ້ແບ່ງເປັນຜັດແລກ 11,000 ນາຍ ແລະອີກ 3,000 ນາຍສົ່ງໄປເສີມກຳລັງເມື່ອເພ່ຍງພ້ຳໃນສົມລະພູມິ.

ສະແດງຄຳຄິດເຫັນ