site-cover (26)
ລັດຖະບານທຣຳຖືກຟ້ອງຮ້ອງກວ່າ 200 ຄະດີໃນຊ່ວງ 100 ມື້ທຳອິດຂອງການເຮັດວຽກ
ຮຽບຮຽງໂດຍ:Soulinda
ເຜີຍແຜ່: 30 April, 2025
ໝວດ: ຂ່າວ

ລັດຖະບານປະທານາທິບໍດີໂດນັລ ທຣຳ ຂອງສະຫະລັດ ເຮັດວຽກຄົບ 100 ວັນທຳອິດໃນວັນອັງຄານທີ 29 ເມສາທີ່ຜ່ານມາ. ຕາມປົກກະຕິແລ້ວ, ການເຮັດວຽກ 100 ວັນທຳອິດຂອງລັດຖະບານສະຫະລັດ ຄືຊ່ວງຂອງການປະເມີນຄວາມກ້າວໜ້າໃນການເຮັດວຽກຂອງປະທານາທິບໍດີຕາມທີ່ໄດ້ຫາສຽງເລືອກຕັ້ງເອົາໄວ້.

 

ແຕ່ມີລາຍງານຂ່າວວ່າ ລັດຖະບານທຣຳໄດ້ຖືກຟ້ອງຮ້ອງແລ້ວຫຼາຍກວ່າ 200 ຄະດີໃນສະຫະລັດ ໃນຊ່ວງ 100 ວັນທຳອິດຂອງການເຮັດວຽກຂອງລັດຖະບານ, ໃນຄະດີທີ່ກ່ຽວກັບພາສີສຸນລະກາກອນ, ນະໂຍບາຍຄົນຕ່າງດ້າວ, ການສຶກສາ ແລະ ການປົດພະນັກງານພາກລັດ ນັບຕັ້ງແຕ່ລັດຖະບານທຣຳເລີ່ມຕົ້ນການເຮັດວຽກເປັນຕົ້ນມາ.

Digital Marketing Agency in Laos - Emerging Digital Solutions

 

ທັງນີ້, ຈາກການລາຍງານຂອງສື່ດິຈິຕອນຊື່ “Just Security” ສື່ດິຈິຕອນອິດສະຫຼະບໍ່ຝັກໃຝ່ຝ່າຍໃດທາງດ້ານກົດໝາຍແລະນະໂຍບາຍ.

ບໍລິສັດ ດາຕາຄອມ ຈຳກັດ Delivering complete technology solutions

 

ຊີຊີທີວີລະບຸວ່າ ນະໂຍບາຍຕ່າງໆຂອງທຣຳໄດ້ສ້າງຄວາມແຕກແຍກຕັ້ງແຕ່ໃນຊ່ວງ 100 ວັນທຳອິດທີ່ເລີ່ມກັບເຂົ້າທຳນຽບຂາວອີກຄັ້ງ ແລະ ໄດ້ເລີ່ມໃຊ້ນະໂຍບາຍຫຼາຍຢ່າງ, ລວມເຖິງມາດຕະການເກັບພາສີນຳເຂົ້າຢ່າງຖ້ວນໜ້າ, ຜັກດັນການເນລະເທດຄົນຕ່າງດ້າວ, ປົດພະນັກງານລັດຖະບານກາງຄັ້ງໃຫຍ່ ແລະ ປິດສຳນັກງານລັດຖະບານເປັນຈຳນວນຫຼາຍ.

 

ໂດຍສະເພາະຢ່າງຍິ່ງ, ການຟ້ອງຮ້ອງທາງກົດໝາຍໃນຄະດີທີ່ກ່ຽວກັບນະໂຍບາຍພາສີສຸນລະກາກອນຂອງທຣຳນັ້ນ ກຳລັງເພີ່ມຂຶ້ນອີກ. ຫຼ້າສຸດຄືໃນວັນທີ 14 ເມສາທີ່ຜ່ານມາ, ທຸລະກິດຂະໜາດນ້ອຍໃນສະຫະລັດຫຼາຍແຫ່ງຟ້ອງຮ້ອງລັດຖະບານທຣຳກ່ຽວກັບນະໂຍບາຍພາສີອາກອນ.

 

ມີ 12 ລັດແລ້ວໃນສະຫະລັດ ລວມທັງລັດໃຫຍ່ຄືແຄລິຟໍເນຍ ໄດ້ຮ່ວມກັນຟ້ອງຮ້ອງລັດຖະບານກາງສະຫະລັດ ຮຽກຮ້ອງໃຫ້ລັດຖະບານທຣຳປ໌ຢຸດມາດຕະການພາສີອາກອນຕອບໂຕ້ (reciprocal tariff) ໂດຍກ່າວຫາວ່າເປັນການກະທໍາທີ່ຜິດກົດໝາຍ.

 

ສ່ວນການປົດພະນັກງານພາກລັດຄັ້ງໃຫຍ່ຂອງທຣຳປ໌ທົ່ວໜ່ວຍງານລັດຖະບານກາງ ກໍ່ໃຫ້ເກີດຄື້ນການຟ້ອງຮ້ອງຕາມມາຫຼາຍຄະດີ.

 

ດ້ານການສຶກສາ, ມະຫາວິທະຍາໄລຮາເວີດເພິ່ງກ່າວຫາລັດຖະບານທຣຳປ໌ ພະຍາຍາມເຂົ້າຄວບຄຸມຄວາມເປັນອິດສະຫຼະໃນການຕັດສິນໃຈໃນເຊິງວິຊາການຂອງຮາເວີດ ດ້ວຍການແຊ່ແຂງເງິນທຶນຂອງລັດຖະບານກາງທີ່ໃຫ້ແກ່ຮາເວີດ.

 

ກ່ຽວກັບນະໂຍບາຍຄົນຕ່າງດ້າວ, ທຣຳປ໌ໄດ້ລົງນາມຄໍາສັ່ງບໍລິຫານຕັ້ງແຕ່ມື້ທໍາອິດຂອງການເຮັດວຽກ ຍົກເລີກສິດການເປັນພົນລະເມືອງສະຫະລັດຈາກການເກີດໃນສະຫະລັດ ແຕ່ຖືກຜູ້ພິພາກສາລັດຖະບານກາງຫຼາຍຄົນມີຄໍາສັ່ງຂັດຂວາງຄໍາສັ່ງຂອງທຣຳປ໌ນີ້.

 

ນິວຢອກ ໄທມສ໌ລາຍງານເມື່ອວັນເສົາທີ່ຜ່ານມາ (26 ເມສາ) ວ່າ ໂດຍລວມແລ້ວ ຝ່າຍຕຸລາການສະຫະລັດໄດ້ອອກຄໍາສັ່ງສານແລ້ວຢ່າງໜ້ອຍ 108 ຄໍາສັ່ງ ຂັດຂວາງລັດຖະບານທຣຳປ໌ບໍ່ໃຫ້ປະຕິບັດຕາມນະໂຍບາຍຕ່າງໆ ຫຼາຍນະໂຍບາຍໃຫ້ລຸລ່ວງໄດ້.

 

ນັກວິເຄາະຫຼາຍຄົນຊີ້ວ່າ ການທີ່ລັດຖະບານທຣຳປ໌ໃຊ້ວິທີຜັກດັນຢ່າງໜັກໃນການໃຊ້ນະໂຍບາຍຕ່າງໆ ນັ້ນ ສະທ້ອນຄວາມຕັ້ງໃຈຂອງລັດຖະບານທຣຳປ໌ ທີ່ຕັ້ງໃຈເຮັດໃຫ້ອໍານາດຂອງຝ່າຍບໍລິຫານກາຍເປັນອາວຸດ ຈຶ່ງໄດ້ຈຸດຊົນວນໃຫ້ເກີດການຟ້ອງຮ້ອງທາງກົດໝາຍຕາມມາຢ່າງຫຼວງຫຼາຍ.

 

ປະກົດການ “ສະຫະລັດຟ້ອງຕົວເອງ” ນີ້ ບໍ່ພຽງແຕ່ເນັ້ນໃຫ້ເຫັນຄວາມຂັດແຍ່ງທີ່ເພີ່ມສູງຂຶ້ນລະຫວ່າງຝ່າຍບໍລິຫານແລະຝ່າຍຕຸລາການຂອງສະຫະລັດ ແຕ່ຍັງເຜີຍວ່າ ການຟ້ອງຮ້ອງທາງກົດໝາຍໃນສະຫະລັດໄດ້ກາຍເປັນສະໜາມຫຼັກໃນສົງຄາມລະຫວ່າງຝັກຝ່າຍຕ່າງໆໃນສະຫະລັດ.

 

ການປະທະທີ່ເພີ່ມຂຶ້ນຢ່າງຕໍ່ເນື່ອງລະຫວ່າງຝ່າຍບໍລິຫານແລະຕຸລາການຂອງສະຫະລັດ ລວມໄປເຖິງສົງຄາມລະຫວ່າງຝັກຝ່າຍຕ່າງໆທີ່ເພີ່ມສູງຂຶ້ນນີ້ ເປັນການຕື່ມເຊື້ອເພີງລົງສູ່ກອງໄຟແຫ່ງຄວາມບໍ່ພໍໃຈຂອງປະຊາຊົນ ແລະ ຍັງຊ່ວຍເພີ່ມຄວາມຕາສະຫວ່າງໃຫ້ແກ່ສາທາລະນະຊົນຕໍ່ນະໂຍບາຍຕ່າງໆຂອງທຣຳປ໌.

 

ຄວາມບໍ່ພໍໃຈຂອງຊາວອາເມລິກາໄດ້ສະທ້ອນອອກມາຜ່ານການປະທ້ວງທີ່ລະເບີດຂຶ້ນຫຼາຍກວ່າ 1,000 ຄັ້ງໃນທັງ 50 ລັດທົ່ວສະຫະລັດ ນັບສະເພາະໃນເດືອນນີ້ເດືອນດຽວ (ເມສາ).

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 1 August, 2025
ສະກຸນເງິນ
ຊື້
ຂາຍ
united-states
USD
21,441
21,717
thailand (1)
THB
658.49
668.63
european-union
EUR
23,673
24,147
china
CNY
2,911
2,969
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-08-01T155504.108
"ທຣໍາ" ປະກາດເກັບພາສີນຳເຂົ້າສິນຄ້າລາວ 40% ເລີ່ມມີຜົນ 1 ສິງຫາ 2025 ນີ້
_cover - 2025-08-01T115812.240
ຂ່າວລື ! iPhone 17 Pro ມາພ້ອມກັບໜ້າຈໍປ້ອງກັນແສງສະທ້ອນ ແລະ ກ້ອງຊູມ 8x ຄັ້ງທຳອິດຂອງ Apple
pele - 2025-08-01T113820.089
ກອງພັນໃຫຍ່ 703 ເຝິກແອບມອດໄຟໄໝ້ລາມປ່າ ແລະ ຍົກ-ຢ່ອນກອບກູ້ຜູ້ປະສົບໄພ ດ້ວຍເຮືອບິນຂຶ້ນຊື່ MI-17 ປະຈໍາປີ 2025
_cover - 2025-08-01T111442.512
ທ່ານ​ ທອງລຸນ ສີ​ສຸ​ລິດ ປະທານ​ປະ​ເທດ​ລາວຢ້ຽມຢາມຣັດເຊຍຢ່າງເປັນທາງການ ແຕ່ວັນທີ 30 ກໍລະກົດ-1 ສິງຫາ 2025 ເພື່ອສືບຕໍ່ຮັດແໜ້ນສາຍພົວພັນມິດຕະພາບ
pele - 2025-08-01T102941.120
ອົບຮົມດົນຕີພື້ນເມືອງລາວ ໃຫ້ເດັກອາສາສະໝັກ ຂອງສູນວັດທະນະທໍາເດັກ ແຂວງເຊກອງ
_cover - 2025-08-01T100247.382
ພົບເຫັນໂບມໃຫຍ່ 1,000 ປອນ ລະເບີດຕົກຄ້າງປາງສົງຄາມ ຢູ່ ບ້ານນ້ຳພາວ ເມືອງຄຳເກີດ ແຂວງບໍລິຄຳໄຊ
pele - 2025-08-01T095435.032
ພິມຄຳເຕືອນສຸຂະພາບຮູບແບບໃໝ່ໃສ່ຊອງ ແລະ ຕຸດຢາສູບ
_cover - 2025-08-01T093115.966
ແຈ້ງການມອດໄຟ ວັນທີ 01,02,03 ສິງຫາ 2025 ບາງເຂດໃນນະຄອນຫຼວງ
_cover - 2025-08-01T085749.133
ທຣຳປະກາດເກັບພາສີ 25% ສິນຄ້ານຳເຂົ້າຈາກອິນເດຍ ເລີ່ມ 1 ສິງຫາ ພ້ອມລົງໂທດເສີມ ເພາະຄ້າພະລັງງານແລະອາວຸດຈາກຣັດເຊຍ
pele - 2025-07-31T161421.096
ງານສັບປະດາແຟຊັ່ນລາວ 2025 "ຄືນແຫ່ງແຟຊັ່ນ ແລະ ວັດທະນະທຳ"
ຢ່າລື່ມກົດຕິດຕາມ