VP LANDSCAPE COVER (94)
ໝໍເຕືອນ "ພາວະສະໝອງເສື່ອມ" ບໍ່ແມ່ນພຽງແຕ່ພະຍາດຂອງຄົນເຖົ້າ
ຮຽບຮຽງໂດຍ:patthana
ເຜີຍແຜ່: 1 May, 2025

ໝໍເຕືອນ “ພາວະສະໝອງເສື່ອມ” ບໍ່ແມ່ນພຽງແຕ່ພະຍາດຂອງຄົນເຖົ້າ ແນະນຳໃຫ້ເຮັດ 3 ຂໍ້ນີ້ ປ້ອງກັນໄດ້ຕັ້ງແຕ່ໄວໜຸ່ມ ອະນາຄົດທ່ານຈະຂອບໃຈຕົນເອງ

ຄວາມສ່ຽງຂອງພະຍາດສະໝອງເສື່ອມອາດເລີ່ມສະສົມຕັ້ງແຕ່ຊ່ວງອາຍຸ 20 ປີ. ຈາກການຄົ້ນຄວ້າລ່າສຸດຂອງມະຫາວິທະຍາໄລໂຄລຳເບຍ, ສະຫະລັດອາເມຣິກາ ພົບວ່າ ປັດໄຈສ່ຽງຂອງພະຍາດອັລໄຊເມີ ເຊັ່ນ: ຄວາມດັນເລືອດສູງ, ໄຂມັນໃນເລືອດຜິດປົກກະຕິ ແລະ ການຂາດການອອກກຳລັງກາຍ ມີຜົນກະທົບຕໍ່ການເຮັດວຽກຂອງສະໝອງໃນກຸ່ມຄົນໄວໜຸ່ມ ເຖິງແມ່ນວ່າຍັງບໍ່ປາກົດອາການຊັດເຈນກໍຕາມ.

ນພ.ເຈິ້ງ ຊຸນອວີ່ ແພດຜູ້ຊ່ຽວຊານດ້ານປະສາດວິທະຍາ ໄດ້ໂພສຂໍ້ຄວາມຜ່ານເຟສບຸກ ລະບຸວ່າ ຄວາມສ່ຽງຂອງພະຍາດສະໝອງເສື່ອມອາດເລີ່ມສະສົມຢ່າງງຽບໆ ຕັ້ງແຕ່ຊ່ວງອາຍຸ 20 ປີ. ຫຼາຍຄົນມັກເຂົ້າໃຈວ່າພະຍາດນີ້ເປັນເລື່ອງຂອງຜູ້ສູງອາຍຸເທົ່ານັ້ນ ແຕ່ຄວາມຈິງແລ້ວ ສັນຍານເບື້ອງຕົ້ນອາດປາກົດຕັ້ງແຕ່ອາຍຸພຽງແຕ່ 24 ປີ.

ອ້າງອີງຈາກການຄົ້ນຄວ້າຊິ້ນໃໝ່ຂອງທີມມະຫາວິທະຍາໄລໂຄລຳເບຍທີ່ຕີພິມໃນວາລະສານ The Lancet Regional Health – Americas ເມື່ອເມສາ 2025 ພົບວ່າ ປັດໄຈສ່ຽງຂອງພະຍາດອັລໄຊເມີ ບໍ່ວ່າຈະເປັນຄວາມດັນເລືອດສູງ, ໄຂມັນໃນເລືອດຜິດປົກກະຕິ, ການບໍ່ອອກກຳລັງກາຍ ຫຼື ພາວະອັກເສບຊຳເຮື້ອ ລ້ວນສົ່ງຜົນກະທົບຕໍ່ສະໝອງຕັ້ງແຕ່ອາຍຸຍັງນ້ອຍ.

ນອກຈາກນີ້, ການສຶກສາຍັງພົບວ່າ ສະຖານະສຸຂະພາບຫົວໃຈແລະຫຼອດເລືອດ, ຕົວຊີ້ວັດຂອງການອັກເສບໃນຮ່າງກາຍ ແລະ ສານບົ່ງຊີ້ທາງຊີວະພາບທີ່ກ່ຽວຂ້ອງກັບພະຍາດອັລໄຊເມີ ລ້ວນມີຄວາມສຳພັນກັບຄວາມສາມາດດ້ານຄວາມຈື່ຈຳແລະການຄິດ ແມ່ນແຕ່ໃນກຸ່ມຄົນໜຸ່ມສາວ. ແລະ ທີ່ໜ້າສົນໃຈກໍຄື ໃນຜົນການທົດສອບສະໝອງ ຍັງພົບການປ່ຽນແປງພຽງເລັກນ້ອຍໃນກຸ່ມໄວລຸ່ນ ຊຶ່ງອາດເປັນສັນຍານເລີ່ມຕົ້ນຂອງຄວາມເສື່ອມທາງສະໝອງກ່ອນທີ່ອາການທາງຄລີນິກຈະປາກົດ.

[email protected] +856 21 417 234 ບໍລິສັດ ດາຕາຄອມ ຈຳກັດ Delivering complete technology solutions

ໝໍເຈິ້ງ ໄດ້ເຕືອນປະຊາຊົນວ່າ ການປ້ອງກັນພະຍາດສະໝອງເສື່ອມຄວນເລີ່ມຕັ້ງແຕ່ຕອນນີ້ ໂດຍແນະນຳໃຫ້ຫຼີກລ້ຽງເຄື່ອງດື່ມທີ່ມີນ້ຳຕານສູງ, ເຂົ້າຈີ່ ແລະ ເບເກີຣີແປຮູບ ເພາະສິ່ງເຫຼົ່ານີ້ສົ່ງຜົນເສຍຕໍ່ສະໝອງໂດຍກົງ. ພຶດຕິກຳໃນຊີວິດປະຈຳວັນ ເຊັ່ນ: ການຄວບຄຸມຄວາມດັນເລືອດ, ຄວາມຖີ່ໃນການອອກກຳລັງກາຍ, ການເລືອກອາຫານ, ການນອນຫຼັບ ແລະ ການຫຼຸດການອັກເສບໃນຮ່າງກາຍ ລ້ວນເປັນກຸນແຈສຳຄັນໃນການຮັກສາສຸຂະພາບສະໝອງແລະຊະລໍການເສື່ອມຂອງສະໝອງ.

ເພິ່ນເນັ້ນວ່າ “ການກິນໃຫ້ຖືກ, ນອນໃຫ້ພໍ ແລະ ລຸກຂຶ້ນເຄື່ອນໄຫວຮ່າງກາຍ” ບໍ່ໄດ້ເຮັດເພື່ອຊິກແພັກ ແຕ່ເພື່ອຮັກສາຄວາມຈື່ຈຳຂອງພວກເຮົາ. “ວາງຈອກຊານົມໄຂ່ມຸກແລະຂະໜົມລົງ ສະໝອງຂອງທ່ານຈະຂອບໃຈທ່ານເອງ”

ທ້າຍບົດຄວາມ, ນພ.ເຈິ້ງຍັງເສີມວ່າ ການຄົ້ນຄວ້ານີ້ອ້າງອີງຈາກການວິເຄາະຂໍ້ມູນໃນໂຄງການຄົ້ນຄວ້າລະດັບຊາດຂອງສະຫະລັດຯ ຊື່ວ່າ “ການສຶກສາໄລຍະຍາວດ້ານສຸຂະພາບຈາກໄວລຸ່ນສູ່ໄວຜູ້ໃຫຍ່” (Add Health) ໂດຍມີການຕິດຕາມກຸ່ມຕົວຢ່າງກວ່າ 10,000 ຄົນ ຕັ້ງແຕ່ໄວລຸ່ນຈົນເຖິງໄວຜູ້ໃຫຍ່ ໂດຍແບ່ງຊ່ວງອາຍຸເປັນ 24–34 ປີ ແລະ 34–44 ປີ ດຳເນີນການຜ່ານແບບສອບຖາມ, ການກວດສະມັດຕະພາບສະໝອງ, ການກວດຮ່າງກາຍ ແລະ ການວິເຄາະເລືອດ ເຮັດໃຫ້ໄດ້ຂໍ້ມູນທີ່ສຳຄັນກ່ຽວກັບຄວາມເສື່ອມຂອງສະໝອງຕັ້ງແຕ່ໄວໜຸ່ມ.

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Tuesday, 29 July, 2025
ສະກຸນເງິນ
ຊື້
ຂາຍ
united-states
USD
21,417
21,693
thailand (1)
THB
660.53
670.70
european-union
EUR
24,119
24,602
china
CNY
2,913
2,971
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-07-29T162928.540
"ປັກກິ່ງ" ໄດ້ຮັບຜົນກະທົບຈາກນ້ຳຖ້ວມ ແລະ ດິນເຈື່ອນ ຝົນຕົກໜັກທຸບສະຖິຕິ ສັ່ງອົບພະຍົບນັບແສນຄົນ
pele - 2025-07-29T160321.622
ກຕສ ເຂົ້າຮ່ວມງານສັບປະດາ ແລກປ່ຽນການຮ່ວມມືດ້ານການສຶກສາ ຈີນ-ອາຊຽນ2025.
_cover - 2025-07-29T153440.776
ງານວິໄຈຊີ້ໃຫ້ເຫັນວ່າ ການລະບາດຂອງໂຄວິດ19 ເຮັດໃຫ້ສະໝອງເຮົາແກ່ໄວຂຶ້ນ ເຖິງວ່າຈະບໍ່ໄດ້ຕິດເຊື້ອກໍຕາມ
pele - 2025-07-29T151151.995
ຍົກລະດັບຄວາມຮູ້ກ່ຽວກັບ ການນຳໃຊ້ໂດຣນ ເຂົ້າໃນການຜະລິດກະສິກຳ
_cover - 2025-07-29T150713.549
ເຈົ້າໜ້າທີ່ໄທຍຶດຢາບ້າໄດ້ເກືອບ 1 ລ້ານເມັດ ທີ່ດ່ານມິດຕະພາບລາວ-ໄທ ໜອງຄາຍ ສ່ວນຄົນຂັບຫຼົບໜີໄປໄດ້
pele - 2025-07-29T140154.759
ລມຕ ກະຊວງການຕ່າງປະເທດລາວ- ຫວຽດນາມ ພົບປະທາງໄກ
_cover - 2025-07-29T142159.636
ຈີນສະເໜີເງິນ 3,600 ຫຍວນ ໃຫ້ພໍ່ແມ່ ເພື່ອກະຕຸ້ນອັດຕາການເກີດທີ່ຫຼຸດລົງ
pele - 2025-07-29T111810.940
ໂຮງຮຽນ ຫຼວງປະເສີດ ບັນລຸຜົນສຳເລັດການຮຽນການສອນ ພ້ອມຄວ້າ 4 ຫຼຽນຄຳ ຈິນຕະຄະນິດ ຕາເວັນອອກສ່ຽງເໜືອ
_cover - 2025-07-29T105511.468
ແຈ້ງການມອດໄຟເພີ່ມຕື່ມ ວັນທີ 29, 30 ແລະ 31 ກໍລະກົດ 2025
_cover - 2025-07-29T104537.511
ກອງທັບພາກ 2 ຂອງໄທ ເປີດເຜີຍ ກຳປູເຈຍ ລະເມີດຂໍ້ຕົກລົງຢຸດຍິງ ພົບ ຍັງກໍ່ກວນ-ໂຈມຕີໄທຫຼາຍພື້ນທີ່
ຢ່າລື່ມກົດຕິດຕາມ