ອາລີບາບາ (Alibaba) ເປີດຕົວປັນຍາປະດິດໃໝ່ “Qwen3” ເຄື່ອງມື AI ຕົວຫລ້າສຸດທີ່ທ້າທາຍເຈົ້າຕະຫລາດຢ່າງແຊັດຈີພີທີ (ChatGPT) ແລະ ກູເກິລເຈມິໄນ (Google Gemini)

ຍັກໃຫຍ່ແຫ່ງເອເຊຍຢ້ຳວ່າ Qwen3 ເປັນຮຸ່ນຫລ້າສຸດຂອງໂມເດວພາສາຂະໜາດໃຫຍ່ແບບໂອເພັນຊອສທີ່ບໍ່ທຳມະດາ ເພາະສາມາດເຮັດ “Hybrid Reasoning” ຫລື ການໃຊ້ເຫດຜົນແບບປະສົມປະສານ ເຊິ່ງເປັນຄັ້ງທຳອິດທີ່ Alibaba ພ້ອມໃຫ້ບໍລິການ

ຈາກຖະແຫຼງການ Alibaba ຊີ້ວ່າ Hybrid Reasoning ຄືການປະສົມປະສານລະຫວ່າງ 2 ໂໝດການເຮັດວຽກ ທັງໂໝດທຳອິດຄື “thinking mode” ຫລື ໂໝດການຄິດເປັນຂັ້ນເປັນຕອນ ແລະ ໂໝດທີສອງ “non-thinking mode” ຫລື ໂໝດການໃຊ້ສັນຊາດຕະຍານ ເຊິ່ງເປັນລັກສະນະການຄິດຄ້າຍຄືກັບສະໝອງມະນຸດ ທີ່ບາງຄັ້ງກໍຄິດຢ່າງຮອບຄອບ ເປັນຂັ້ນເປັນຕອນ ແຕ່ບາງຄັ້ງກໍໃຊ້ສັນຊາດຕະຍານຕອບສະໜອງຢ່າງວ່ອງໄວ

Alibaba ຊີ້ວ່າ Qwen3 ສາມາດສັບປ່ຽນໄປມາລະຫວ່າງ 2 ໂໝດນີ້ໄດ້ຕາມຄວາມເໝາະສົມຂອງວຽກ ແລະ ມີຫລາກຫລາຍຮຸ່ນໃຫ້ເລືອກໃຊ້.

ສະຖິຕິຫລ້າສຸດພົບວ່າມີທັງໝົດ 8 ໂມເດວ, ແບ່ງເປັນ 6 ໂມເດວແບບ dense ແລະ 2 ໂມເດວແບບ MoE ຫລື Mixture-of-Experts

ອີກສິ່ງທີ່ໜ້າສົນໃຈກໍຄື

ໂມເດວຂະໜາດໃຫຍ່ທີ່ສຸດຂອງ Alibaba ຢ່າງ Qwen3-235B-A22B MoE ສາມາດຫຼຸດຕົ້ນທຶນການໃຊ້ງານໄດ້ຢ່າງຫຼວງຫຼາຍເມື່ອທຽບກັບໂມເດວລະດັບດຽວກັນ.

ໂດຍ Qwen3 ໄດ້ຮັບການຝຶກຫຼືເທຣນດ້ວຍຂໍ້ມູນຂະໜາດມະຫຶມາເຖິງ 36 ລ້ານລ້ານໂທເຄັນ, ເຊິ່ງຫຼາຍກວ່າຮຸ່ນກ່ອນໜ້າເຖິງ 2 ເທົ່າ

4 ຄວາມສາມາດອັນອົດສະລິຍະຂອງ AI ໃໝ່ຈາກ Alibaba ປະກອບດ້ວຍ:

1. ການຮອງຮັບ 119 ພາສາຫຼັກແລະພາສາທ້ອງຖິ່ນ
2. ສາມາດເປັນເອເຈນອັດສະລິຍະທີ່ໃຊ້ເຄື່ອງມືແລະຟັງຊັນຕ່າງໆໄດ້ຢ່າງມີປະສິດທິພາບ
3. ມີຄວາມສາມາດດ້ານການໃຊ້ເຫດຜົນຂັ້ນສູງ, ທັງຄະນິດສາດ, ການຂຽນໂຄດ, ແລະ ຕັກກະ
4. ມີຄວາມເປັນທຳມະຊາດໃນການສື່ສານ, ທັງການຂຽນເຊິງສ້າງສັນແລະການສົນທະນາໂຕ້ຕອບ

ສະແດງຄຳຄິດເຫັນ