ເປັນຄໍາຖາມທີ່ວົນຢູ່ຊ້ໍາໆ ຕາມທີ່ ນົນ ທະນົນ ໄດ້ຮ້ອງໄວ້ເລີຍ ເມື່ອຮັກແຮກບໍ່ວ່າຈະເປັນໃນຮູບແບບໃດ ສວຍງາມ ຫວານຈັບໃຈ ຫຼື ເຈັບປວດຈົນເກືອບຕາຍ ປະຕິເສດບໍ່ໄດ້ເລີຍວ່າມັນຢູ່ໃນຄວາມຊົງຈໍາ ທີ່ແມ່ນຜ່ານໄປນານປານໃດກໍ່ບໍ່ເຄີຍລືມ

ເນື່ອງໃນວັນທີ 18 ກັນຍາຂອງທຸກປີ ເປັນວັນຮັກແຮກ ພວກເຮົາຂໍຊວນທຸກຄົນຍ້ອນຄືນເຖິງຄວາມຮັກຄັ້ງແຮກ ເປີດວິທະຍາສາດແຫ່ງຄວາມຊົງຈໍາ ຊອກຫາຄໍາຕອບໄປພ້ອມກັນ ‘ຮັກແຮກເປັນຫຍັງຈຶ່ງລືມຍາກ’

ຮັກແຮກຂອງທຸກຄົນເກີດຂຶ້ນຕອນໃດ

ຮັກແຮກເກີດແລະມີພຽງຄັ້ງດຽວ ຫຼາຍຄົນເກີດໃນຊ່ວງໄວຮຽນ ຮັກທີ່ແສນສົດໃສ ບາງຄົນເກີດໃນຊ່ວງໄວໜຸ່ມເຕັມໄປດ້ວຍຄວາມໂຣແມນຕິກ ຮັກທີ່ລອງຜິດຖືກ ຫຼື ບາງຄັ້ງຮັກແຮກກໍ່ມາຊ້າໜ້ອຍເປັນໃນໄວເຮັດວຽກ

ຄວາມພິເສດຢູ່ທີ່ບໍ່ວ່າຈະເກີດໄວໃດ ພວກເຮົາຕ່າງບໍ່ເຄີຍລືມເພາະແຕ່ລະຊ່ວງມີຄວາມພິເສດສະເພາະຕົວ ເປັນປະສົບການທີ່ເຮັດໃຫ້ພວກເຮົາເຕີບໃຫຍ່ຂຶ້ນ ສົ່ງຜົນໃຫ້ຄວາມຊົງຈໍາຝັງເລິກໂດຍທີ່ພວກເຮົາບໍ່ຮູ້ຕົວ

ຍ້ອນໄປໄວຮຽນ ຄວາມຮັກແບບ Puppy Love ມັນຄືຄວາມຮູ້ສຶກ ອາລົມ ຄວາມບໍ່ຮູ້ ບໍ່ຄິດຫຍັງເພາະບໍ່ເຄີຍມີປະສົບການທີ່ເຈັບປວດ ພວກເຮົາຮູ້ສຶກມັນສົດໃໝ່ ຄືຮັກທີ່ບໍ່ຫວັງຫຍັງ

ພໍຊ່ວງໄວໜຸ່ມມັນຄືຄວາມຢາກຮູ້ຢາກລອງ ຮໍໂມນທີ່ພົ້ນພ່ານເຮັດໃຫ້ໄດ້ລົດຊາດອີກແບບ ເຊັ່ນດຽວກັນກັບໄວຜູ້ໃຫຍ່ ຮັກແຮກອາດມີປັດໄຈອື່ນໆ ເຂົ້າມາເຮັດໃຫ້ພວກເຮົາຄິດຫຼືມີມຸມມອງທີ່ຕ່າງອອກໄປ

ແຕ່ທັງໝົດຄືປະສົບການທີ່ບໍ່ເຄີຍເກີດຂຶ້ນມາກ່ອນ ຄືການປ່ຽນແປງຄັ້ງໃຫຍ່ໃນຊີວິດ ມີອິດທິພົນຕໍ່ການປ່ຽນແປງຂອງຕົວພວກເຮົາ ເລີຍເປັນເຫດຜົນແຮກວ່າເປັນຫຍັງຈຶ່ງລືມຍາກ

ຮັກແຮກ ຄືການເຮັດວຽກຂອງເຄມີສະໝອງອັນບ້າຄັ່ງ

ຮັກແຮກສໍາພັນກັບການເຮັດວຽກອັນບ້າຄັ່ງຂອງເຄມີໃນສະໝອງ ຢ່າງ ອ໋ອກໂຕຊິນ ໂດປາມີນ ເຊໂຣໂຕນິນ ພວກມັນເຮັດໜ້າທີ່ຄືກັບສານເສບຕິດໂດຍສະເພາະເມື່ອຮັກແຮກຂອງໃຜຫຼາຍຄົນຈົບລົງດ້ວຍການລາຈາກ ສານເຄມີພວກນີ້ເຮັດໃຫ້ພວກເຮົາຄິດເຖິງ ໂຫຍຫາ ຝັງເລິກຈົນເປັນຮ່ອງຮອຍແຫ່ງຄວາມຊົງຈໍາໃນສະໝອງ ເຮັດໃຫ້ພວກເຮົາບໍ່ລືມມັນເສຍທີ

ບໍ່ໄດ້ຮູ້ສຶກໄປເອງ ແລະ ບໍ່ໄດ້ຮູ້ສຶກຄົນດຽວ

ທຸກຢ່າງທີ່ໄດ້ກ່າວມາມັນບໍ່ແມ່ນແຄ່ຄວາມຮູ້ສຶກ ແຕ່ມັນເປັນວິທະຍາສາດທີ່ຈັບຕ້ອງໄດ້ ມີການສຶກສາຂອງມະຫາວິທະຍາໄລຮາຣ໌ວາດທີ່ຊີ້ວ່າ ‘ຄວາມຮັກຄັ້ງແຮກເປັນຄວາມຮັກທີ່ໃຊ້ເວລາປົວຍາວນານທີ່ສຸດ ບາງຄັ້ງມັນກໍ່ປະຮອຍໄວ້ໃນຄວາມຊົງຈໍາຕະຫຼອດຊີວິດຂອງພວກເຮົາ’

Rose Bear ກໍ່ເຄີຍເວົ້າເຖິງປະເດັນນີ້ໄວ້ຢ່າງໜ້າສົນໃຈ ຜົນກະທົບທີ່ເກີດຂຶ້ນມັນຝັງລົງຢູ່ໃນບໍລິເວນປະສາດຂອງສະໝອງ ເຮັດໃຫ້ເວລາພວກເຮົາໄດ້ເຫັນເຂົາຫຼືເທິງຢູ່ບົນໂຊຊຽວມີເດຍ ໄດ້ຍິນເພງສັກເພງ ມັນກໍ່ພຽງພໍທີ່ຈະກະຕຸ້ນຄວາມຊົງຈໍາອອກມາ ແລະ ສິ່ງເຫຼົ່ານີ້ມີໂອກາດເກີດຂຶ້ນກັບທຸກຄົນທີ່ເຄີຍມີຮັກແຮກ

ສະຫຼຸບ ຮັກແຮກລືມຍາກແທ້ ເພາະເປັນຄັ້ງແຮກທີ່ພວກເຮົາໄດ້ຮູ້ຈັກຄວາມຮັກ ພວກເຮົາອາດບໍ່ສາມາດລືມມັນໄດ້ເລີຍ ແຕ່ພວກເຮົາກ້າວຂ້າມມັນໄປໄດ້ແນ່ນອນ

ສະແດງຄຳຄິດເຫັນ