ແພດຈີນເປີດເຜີຍວິທີສັງເກດ “ສານພິດສະສົມໃນອະໄວຍະວະພາຍໃນ” ເບິ່ງໄດ້ຈາກອະໄວຍະວະພາຍນອກ ບ່ອນໃດສື່ເຖິງສິ່ງໃດ

ຮ່າງກາຍສົ່ງສັນຍານ! 5 ອາການເຕືອນ “ສານພິດສະສົມໃນອະໄວຍະວະພາຍໃນ” ຈາກມຸມມອງແພດແຜນຈີນ

ແພດຈີນເປີດເຜີຍ 5 ອາການຜິດປົກກະຕິ ທີ່ອາດບົ່ງບອກວ່າອະໄວຍະວະພາຍໃນກຳລັງສະສົມສານພິດ ເຖິງແມ່ນວ່າພາຍນອກຈະເບິ່ງຄືປົກກະຕິ ແຕ່ຮ່າງກາຍກຳລັງສົ່ງສັນຍານຂໍຄວາມຊ່ວຍເຫຼືອ!

ທ່ານ ໝໍ ເຊິນ ເຊົ້າ-ຈົງ (陳潮宗) ແພດແຜນຈີນຈາກໄຕ້ຫວັນ ເປີດເຜີຍຜ່ານລາຍການສຸຂະພາບວ່າ ການເຮັດວຽກຜິດປົກກະຕິຂອງ ອະໄວຍະວະພາຍໃນທັງ 5 ໄດ້ແກ່ ຕັບ, ຫົວໃຈ, ມ້າມ, ປອດ ແລະ ໝາກໄຂ່ຫຼັງ ມັກສະແດງອອກຜ່ານສັນຍານນ້ອຍໆ ຢູ່ເທິງຮ່າງກາຍ ຫາກສັງເກດໃຫ້ດີອາດຊ່ວຍປ້ອງກັນພະຍາດໃຫຍ່ໄດ້ທັນເວລາ

1. ຕັບ: ສັງເກດຈາກ “ເລັບ” ຫາກເລັບຂອງທ່ານເລີ່ມ ບໍ່ຮຽບ ຫຼື ມີພື້ນຜິວຂຸຂະ ອາດເປັນສັນຍານວ່າ “ຕັບ” ມີການສະສົມສານພິດ ຫຼື ມີພະລັງງານຕິດຂັດໃນລະບົບຕັບ ຕາມຫຼັກຈີນ “ຕັບຄວບຄຸມເສັ້ນເອັນແລະສະແດງອອກທາງເລັບ” ນອກຈາກນີ້ ຫາກມີ “ຈັນເລັບ” (ເຄິ່ງວົງມົນສີຂາວ) ໜ້ອຍກວ່າ 3 ຈາກ 10 ນິ້ວ ກໍ່ອາດເປັນສັນຍານຂອງພາວະສຸຂະພາບບໍ່ສົມດຸນ

2. ຫົວໃຈ: ສັງເກດຈາກ “ລີ້ນ” ຫາກມີແຜຮ້ອນໃນບໍລິເວນລີ້ນ ຫຼື ມີຈຸດແດງທີ່ປາຍລີ້ນ ຮ່ວມກັບອາການໃຈສັ່ນ ນອນບໍ່ຫຼັບ ຝັນບ່ອຍ ອາດໝາຍເຖິງ “ໄຟຫົວໃຈ” ກຳລັງພຸ່ງສູງ ຊຶ່ງໃນແພດແຜນຈີນເຊື່ອວ່າເກີດຈາກອາລົມສະສົມແລະຄວາມຮ້ອນໃນຮ່າງກາຍ

3. ມ້າມແລະກະເພາະອາຫານ: ສັງເກດຈາກ “ແຂນຂາ” ມ້າມກ່ຽວຂ້ອງກັບການຍ່ອຍແລະດູດຊຶມສານອາຫານ ຫາກມີອາການເບື່ອອາຫານ ຮູ້ສຶກໜັກຕົວ ແຂນຂາອ່ອນແຮງ ຫຼື ນ້ຳໜັກຂຶ້ນແມ່ນກິນໜ້ອຍ ອາດສະທ້ອນວ່າມ້າມເຮັດວຽກໄດ້ບໍ່ດີ ແລະ ມີພາວະ “ຄວາມຊຸ່ມສະສົມໃນຮ່າງກາຍ”

4. ປອດ: ສັງເກດຈາກ “ຜິວໜັງແລະເສັ້ນຂົນ” ຫາກຜິວແຫ້ງໝອງ ບໍ່ສົດໃສ ມີແນວໂນ້ມທ້ອງຜູກ ຫຼື ຕິດເຊື້ອງ່າຍ ເຊັ່ນ ເປັນຫວັດບ່ອຍ ອາດໝາຍເຖິງປອດເຮັດວຽກຜິດປົກກະຕິ ຊຶ່ງແພດຈີນເຊື່ອວ່າ “ປອດຄວບຄຸມຜິວໜັງແລະຂົນ”

5. ໝາກໄຂ່ຫຼັງ: ສັງເກດຈາກ “ລະບົບຂອງແຫຼວທົ່ວຮ່າງ” ໝາກໄຂ່ຫຼັງຄືອະໄວຍະວະສຳຄັນໃນການຄວບຄຸມສົມດຸນນ້ຳແລະພະລັງຊີວິດ ຫາກມີອາການບວມນ້ຳ ເຈັບແອວ ເຈັບສົ້ນຕີນ ຫຼື ໃນແມ່ຍິງມີປະຈຳເດືອນໜ້ອຍ ສີຄ້ຳ ໃນຜູ້ຊາຍອາດມີພາວະຄວາມຕ້ອງການທາງເພດຫຼຸດລົງ ຫຼື ສະເປີມໜ້ອຍລົງ ລວມເຖິງມີສິວຂຶ້ນບໍລິເວນຄາງ ສິ່ງເຫຼົ່ານີ້ອາດເປັນສັນຍານເຕືອນວ່າ “ໝາກໄຂ່ຫຼັງອ່ອນແອ”

ສະຫຼຸບ: ຫາກທ່ານພົບອາການເຫຼົ່ານີ້ອັນໃດອັນໜຶ່ງ ຄວນໝັ່ນສັງເກດຕົນເອງແລະປຶກສາຜູ້ຊ່ຽວຊານດ້ານສຸຂະພາບ ແພດແຜນຈີນເຊື່ອວ່າການຮູ້ທັນຮ່າງກາຍຄືກຸນແຈສຳຄັນໃນການປ້ອງກັນພະຍາດຮ້າຍທີ່ມາຈາກພາຍໃນ

ສະແດງຄຳຄິດເຫັນ