ສະຖານະທີ່ເກີດໄຟໄໝ້ສາງເກັບສິນຄ້າ ບໍລິສັດເຟີນິເຈີຫ້ອງຄົວທີ່ມີຊື່ສຽງ ພາຍໃນຊອຍສະຫຼອງກຸງ 55 ໄຟລຸກລາມເປັນເວລາກວ່າ 6 ຊົ່ວໂມງ ເຈົ້າໜ້າທີ່ກວ່າ 100 ຄົນ ພ້ອມດ້ວຍລົດດັບເພີງເລັ່ງສີດນໍ້າ ຄວບຄຸມສະຖານະການ

https://www.facebook.com/watch/?v=1405187700682238

ວັນທີ່ 11 ພຶດສະພາ ເວລາ 16.10 ນ. ສູນວິທະຍຸພຣະຣາມ 199 ໄດ້ຮັບແຈ້ງເຫດໄຟໄໝ້ພາຍໃນເຮືອນສາງ ຊອຍສະຫຼອງກຸງ 55 ຖະໜົນສະຫຼອງກຸງ ແຂວງລຳປາທິວ ເຂດລາດກະບັງ ກຸງເທບ ປະເທດໄທ

ເຈົ້າໜ້າທີ່ສະຖານີດັບເພີງແລະກູ້ໄພລາດກະບັງ ແລະອາສາດັບເພີງໃກ້ຄຽງຫຼາຍໜ່ວຍງານ ນຳລົດນໍ້າດັບເພີງກວ່າ 20 ຄັນໄປກວດສອບທີ່ເກີດເຫດເປັນອາຄານເກັບສິນຄ້າ 2 ຫຼັງ ຂອງບໍລິສັດເຄື່ອງຄົວ ຊື່ “KING kitchen”

ລັກສະນະເປັນເຮືອນສາງຊັ້ນດຽວຂະໜາດໃຫຍ່ ເກັບສິນຄ້າປະເພດພລາສຕິກ, ເຟີນິເຈີຫ້ອງຄົວ ແລະ ບານຊິງ

ໂດຍຕົ້ນໄຟໄດ້ໄໝ້ລຸກລາມທີ່ຊັ້ນໃຕ້ດິນທາງເຊື່ອມອາຄານ 1 ແລະອາຄານ 2 ເຈົ້າໜ້າທີ່ກວ່າ 100 ຄົນ ລະດົມສີດນໍ້າຄວບຄຸມສະຖານະການໂດຍແສງເພີງແລະກຸ່ມຄວັນທີ່ໜາ ກ່ອນລຸກລາມໄປອີກ 2 ໂກດັງຢ່າງວ່ອງໄວ

ເນື່ອງຈາກມີວັດສະດຸປະເພດພລາສຕິກແລະໄມ້ເຊີຣາ ຊຶ່ງເປັນເຊື້ອເພີງຢູ່ຊັ້ນໃຕ້ດິນ ກວດສອບບໍລິເວນພື້ນມີຮອຍແຕກລ້າວ ເນື່ອງຈາກມີສິນຄ້າທີ່ມີນໍ້າໜັກຫຼາຍວາງຢູ່ ເຈົ້າໜ້າທີ່ຈຶ່ງຖອນກຳລັງອອກມາພ້ອມລະດົມເລັ່ງສີດນໍ້າດ້ວຍຄວາມລະມັດລະວັງຢູ່ດ້ານນອກອາຄານ ຈົນຮອດຂະນະນີ້ຜ່ານໄປຮ່ວມ 6 ຊົ່ວໂມງ ເຈົ້າໜ້າທີ່ຍັງບໍ່ສາມາດຄວບຄຸມເພີງໄດ້

ສະແດງຄຳຄິດເຫັນ