ພາວະສຸຂະພາບຈິດທີ່ພົບໄດ້ໃນຊ່ວງນີ້ “ພະຍາດຢ້ານການຂຶ້ນເຄື່ອງບິນ”

 

ຄລິບເຄື່ອງບິນຕົກຫຼຸມອາກາດ ແລະ ສຽງຮ້ອງຈາກຜູ້ໂດຍສານທີ່ຖືກແຊຣ໌ຕໍ່ກັນໃນໂລກອອນລາຍ

ຊ່ວງມໍລະສຸມຂອງທຸກປີ ມັກມາພ້ອມກັບຂ່າວພາຍຸ ບາງຄົນເບິ່ງຄລິບພຽງແຕ່ 15 ວິນາທີ ແຕ່ກາຍເປັນພາບຕິດຕາໄປຫຼາຍປີ ບໍ່ແມ່ນແຄ່ຮູ້ສຶກຫວາດສຽວ ຫຼື ຕົກໃຈຊົ່ວຄາວ ແຕ່ເປັນອາການຈິງຈັງທີ່ຮຽກວ່າ Aerophobia ຫຼື “ພະຍາດຢ້ານການຂຶ້ນເຄື່ອງບິນ”

 

ງານວິໄຈພົບວ່າ ປະຊາກອນ ປະມານ 6.5% ມີອາການຢ້ານການຂຶ້ນເຄື່ອງບິນໃນລະດັບທີ່ກະທົບຊີວິດປະຈຳວັນ

ໂດຍສະເພາະເມື່ອມີປັດໄຈກະຕຸ້ນ ເຊັ່ນ: ພາຍຸ, ຄລິບອຸບັດຕິເຫດ ຫຼື ສຽງກັບຕັນປະກາດ “ຂໍໃຫ້ຮັດເຂັມຂັດແໜ້ນ” ໃນມຸມຈິດເວດ Aerophobia ຈັດຢູ່ໃນກຸ່ມຂອງພະຍາດຢ້ານ (Specific Phobia) ຊຶ່ງມີລັກສະນະຄື ຄວາມຢ້ານທີ່ຮຸນແຮງເກີນເຫດ ແລະ ຄວບຄຸມບໍ່ໄດ້ ເຖິງຂັ້ນຫຼີກລ້ຽງກິດຈະກຳທີ່ກ່ຽວຂ້ອງ ແມ່ນຕ້ອງເສຍງານ ເສຍໂອກາດ ຫຼື ແມ່ນກະທັ້ງເສີ່ຍແຕກຫັກກັບຄົນຮັກທີ່ຢາກທ່ຽວຕ່າງປະເທດ

 

 

ມີເຄສໜຶ່ງທີ່ໝໍຈື່ໄດ້ດີ…ຍິງໄວສາມສິບ ຫາກໍເລີ່ມຕົ້ນງານໃໝ່ທີ່ຕ້ອງບິນໄປປະຊຸມທີ່ຕ່າງປະເທດ ຄືນກ່ອນເດີນທາງ ລາວໄດ້ເບິ່ງຄລິບເຫດການ turbulence ທີ່ແຊຣ໌ກັນເທິງ TikTok ແລ້ວນອນບໍ່ຫຼັບໝົດຄືນ

ພໍເຖິງສະໜາມບິນ ລາວມີອາການໃຈສັ່ນ, ເຫື່ອອອກ, ປວດຮາກ ແລະ ສຸດທ້າຍກໍຮ້ອງໄຫ້ອອກມາ…ກ່ອນຈະຂໍຍົກເລີກທຸກໄຟລ໌

“ໝໍ…ຂ້ອຍບໍ່ໄດ້ຢ້ານເຄື່ອງບິນຕົກຂ້ອຍຢ້ານ ຄວາມຮູ້ສຶກທີ່ຄວບຄຸມຫຍັງບໍ່ໄດ້ເລີຍ ຕອນນັ້ນຫຼາຍກວ່າ”

 

ສິ່ງທີ່ຄວນຮູ້ຄື ການຢ້ານເຄື່ອງບິນ ບໍ່ແມ່ນຄວາມອ່ອນແອ ແລະ ບໍ່ຕ້ອງລໍໃຫ້ຫາຍເອງ

 

ປັດຈຸບັນມີວິທີຊ່ວຍບັນເທົາອາການ ເຊັ່ນ: Exposure Therapy ແບບຄ່ອຍເປັນຄ່ອຍໄປລວມເຖິງການໃຊ້ຈິດບຳບັດແບບ CBT (Cognitive Behavioral Therapy) ຫຼື ແມ່ນກະທັ້ງຢາຄາຍຄວາມກັງວົນໃນບາງລາຍ

ສະແດງຄຳຄິດເຫັນ