8 ກັບດັກການເງິນທີ່ເຮັດໃຫ້ຫຼາຍຄົນພົບເຈີກັບບັນຫາໜີ້ ພ້ອມບອກວິທີແກ້ໄຂ

ໃນຍຸກທີ່ເສດຖະກິດຍັງບໍ່ໜ້າໄວ້ວາງໃຈ ແລະ ຄ່າຄອງຊີບສູງຂຶ້ນຢ່າງຕໍ່ເນື່ອງ, ການວາງແຜນການເງິນທີ່ດີຈຶ່ງເປັນເລື່ອງສຳຄັນທີ່ບໍ່ຄວນເບິ່ງຂ້າມ.

ກັບດັກທາງການເງິນທີ່ຫຼາຍຄົນພົບຢູ່ອາດນຳໄປສູ່ບັນຫາໜີ້ສິນ, ການຂາດສະຖຽນລະພາບທາງການເງິນ, ແລະ ຄວາມຄຽດໃນການດຳເນີນຊີວິດ.

ຢ່າງໃດກໍຕາມ, ຫາກເຂົ້າໃຈແລະຮູ້ເທົ່າທັນກັບດັກເຫຼົ່ານີ້ ພ້ອມທັງມີແນວທາງແກ້ໄຂທີ່ຖືກຕ້ອງ, ກໍສາມາດພິກວິກິດໃຫ້ເປັນໂອກາດ ແລະ ສ້າງຮາກຖານທາງການເງິນທີ່ໝັ້ນຄົງສູ່ອິດສະຫຼະພາບທາງການເງິນທີ່ຍືນຍົງໄດ້.

ການຂາດເປົ້າໝາຍທາງການເງິນທີ່ຊັດເຈນ

ຫຼາຍຄົນອາດເຄີຍຮູ້ຄຶກຳລັງບໍ່ມີເປົ້າໝາຍທາງການເງິນທີ່ຊັດເຈນ ຫຼື ອາດຫາເງິນໄປແຕ່ລະວັນ ໂດຍບໍ່ຮູ້ວ່າຕ້ອງການອັນໃດໃນອະນາຄົດ.

ວິທີແກ້ໄຂ:

• ຂຽນແຜນທີ່ເປົ້າໝາຍການເງິນ ເລີ່ມຈາກຂຽນເປົ້າໝາຍໄລຍະສັ້ນທີ່ຕ້ອງເຮັດຮີບດ່ວນ ເຊັ່ນ: ການເກັບເງິນເພື່ອສຸກເສີນ
• ຂຽນເປົ້າໝາຍລົງເທິງເຈ້ຍແລະຕິດໄວ້ໃນບ່ອນທີ່ເບິ່ງເຫັນໄດ້ທຸກມື້
• ທົບທວນແລະປັບເປົ້າໝາຍທຸກໆ 3-6 ເດືອນ
• ແບ່ງເປົ້າໝາຍໃຫຍ່ເປັນເປົ້າໝາຍຍ່ອຍໆທີ່ຈັບຕ້ອງໄດ້

ການປະເມີນຄວາມສ່ຽງຜິດພາດ

ຫຼາຍຄົນມັກປະເມີນຄວາມສ່ຽງຜິດພາດໄປທັງສອງດ້ານ – ບາງຄົນກັງວົນຫຼາຍເກີນໄປຈົນເກັບເງິນໄວ້ແຕ່ໃນບັນຊີອອມຊັບທີ່ໃຫ້ດອກເບ້ຍຕ່ຳ, ໃນຂະນະທີ່ບາງຄົນກ້າສ່ຽງຫຼາຍເກີນໄປຈົນລົງທຶນໃນຊັບສິນສ່ຽງສູງເກີນຄວາມສາມາດໃນການຮັບຄວາມສ່ຽງ.

ວິທີແກ້ໄຂ:

• • ເຮັດແບບປະເມີນຄວາມສ່ຽງທີ່ຍອມຮັບໄດ້
  • ກະຈາຍການລົງທຶນຕາມຫຼັກ Asset Allocation
  • ສ້າງພອດລົງທຶນທີ່ສົມດຸນ
  • ສຶກສາແລະເຂົ້າໃຈຜະລິດຕະພັນການລົງທຶນ

ການລະເລີຍການເກັບເງິນສຳຮອງເພື່ອສຸກເສີນ

ວິກິດໂຄວິດ-19 ເຮັດໃຫ້ເຫັນຊັດວ່າເຫດການບໍ່ຄາດຝັນສາມາດເກີດຂຶ້ນໄດ້ທຸກເມື່ອ. ຫຼາຍຄົນຕົກງານກະທັນຫັນແຕ່ກັບບໍ່ມີເງິນສຳຮອງພໍທີ່ຈະປະຄອງຊີວິດໄດ້ແມ່ນແຕ່ 1 ເດືອນ.

ວິທີແກ້ໄຂ:

• • • ມີເງິນສຳຮອງຢ່າງໜ້ອຍ 6-12 ເດືອນຂອງຄ່າໃຊ້ຈ່າຍປະຈຳລາຍເດືອນ
    • ແຍກບັນຊີເງິນສຳຮອງອອກຈາກບັນຊີໃຊ້ຈ່າຍປະຈຳວັນ
    • ຕັ້ງລະບົບອອມເງິນອັດຕະໂນມັດ 

       

       

ການຈັດການໜີ້ຢ່າງບໍ່ມີປະສິດທິພາບ

ເປັນບັນຫາທີ່ພົບເລື້ອຍ​​​​​​​​​​​​ໆ  ໂດຍສະເພາະການມີໜີ້ຫຼາຍປະເພດພ້ອມກັນ ເຊັ່ນ: ໜີ້ບັດເຄຣດິດ, ສິນເຊື່ອສ່ວນບຸກຄົນ, ໜີ້ນອກລະບົບ ຊຶ່ງມັກເກີດຈາກການຂາດການວາງແຜນທາງການເງິນທີ່ດີ.

ວິທີແກ້ໄຂ:

• • • • ກຳຈັດໜີ້ກ້ອນນ້ອຍທີ່ສຸດກ່ອນ ເພື່ອສ້າງກຳລັງໃຈ ຫຼື ກຳຈັດໜີ້ທີ່ມີດອກເບ້ຍສູງສຸດກ່ອນ
      • ລວມໜີ້ນຳໜີ້ຫຼາຍກ້ອນມາລວມກັນເປັນກ້ອນດຽວ
      • ຕັ້ງງົບປະມານແລະຕິດຕາມຄ່າໃຊ້ຈ່າຍ
      • ຫຼີກລ້ຽງການກໍ່ໜີ້ເພື່ອຊື້ສິນຄ້າຟຸມເຟືອຍ 

ການຂາດການວາງແຜນພາສີ

ພາສີ ຄື ການລົງທຶນເພື່ອສັງຄົມ ແຕ່ການຈ່າຍພາສີເກີນຄວາມຈຳເປັນ ຄື ການຂາດທຶນໂດຍບໍ່ຈຳເປັນ. ຫຼາຍຄົນມອງຂ້າມການວາງແຜນພາສີ ທັງທີ່ມີເຄື່ອງມືຫຼຸດຜ່ອນພາສີຫຼາຍຢ່າງ.

ວິທີແກ້ໄຂ:

• • • • • ວາງແຜນຫຼຸດຜ່ອນພາສີຕັ້ງແຕ່ຕົ້ນປີ
        • ສຶກສາສິດທິປະໂຫຍດທາງພາສີທີ່ລັດໃຫ້ການສະໜັບສະໜູນ
        • ຈັດພອດລົງທຶນໃຫ້ເກີດປະໂຫຍດທາງພາສີສູງສຸດ

ການລະເລີຍການວາງແຜນກະສຽນ

ເປັນບັນຫາສຳຄັນທີ່ມັກເບິິ່ງຂ້າມ. ຫຼາຍຄົນຄິດວ່າຍັງມີເວລາອີກດົນ ຈຶ່ງເລື່ອນການເລີ່ມອອມແລະລົງທຶນເພື່ອໄວກະສຽນອອກໄປເລື້ອຍໆ.

ວິທີແກ້ໄຂ:

• • ຄຳນວນເປົ້າໝາຍເງິນກະສຽນ
  • ເລີ່ມລົງທຶນເພື່ອກະສຽນຕັ້ງແຕ່ເລີ່ມເຮັດວຽກ
  • ກະຈາຍການລົງທຶນໃນຊັບສິນຫຼາກຫຼາຍປະເພດ
  • ທົບທວນແລະປັບແຜນບຳນານທຸກປີ

ການຂາດຄວາມຫຼາກຫຼາຍໃນການລົງທຶນ

“ຢ່າເອົາໄຂ່ທຸກໜ່ວຍໃສ່ໃນກະຕ່າໜ່ວຍດຽວ” ຫຼັກການນີ້ຍັງຄົງໃຊ້ໄດ້ດີສະເໝີ. ແຕ່ຫຼາຍຄົນຍັງຄົງລົງທຶນແບບ “ທຸ້ມສຸດ ຫຼື ບໍ່ທຸ້ມເລີຍ”.

ວິທີແກ້ໄຂ:

• • ສ້າງພອດລົງທຶນຕາມຫຼັກ Modern Portfolio Theory (MPT)
  • ກະຈາຍການລົງທຶນທັງໃນແງ່ປະເພດຊັບສິນ, ພູມິພາກ, ແລະ ອຸດສາຫະກຳ
  • ປັບສັດສ່ວນການລົງທຶນສະໝ່ຳສະເໝີ
  • ບໍ່ລົງທຶນໃນສິ່ງທີ່ບໍ່ເຂົ້າໃຈ

ການບໍ່ປັບແຜນການເງິນຕາມການປ່ຽນແປງຂອງຊີວິດ

ຊີວິດ ຄື ການປ່ຽນແປງ. ແຜນການເງິນກໍເຊັ່ນກັນ. ການບໍ່ປັບແຜນການເງິນຕາມການປ່ຽນແປງຂອງຊີວິດ ເປັນຄວາມສ່ຽງທາງການເງິນທີ່ຫຼາຍຄົນເບິ່ງຂ້າມ.

ວິທີແກ້ໄຂ:

• • ທົບທວນແຜນການເງິນຢ່າງໜ້ອຍປີລະຄັ້ງ
  • ສ້າງຄວາມຍືດຫຍຸ່ນໃນແຜນການເງິນ
  • ປັບເປົ້າໝາຍແລະກົນລະຍຸດການລົງທຶນ
  • ກຽມແຜນສຳຮອງ

ການເອົາຊະນະກັບດັກທາງການເງິນທັງ 8 ປະການ ອາດເບິ່ງເປັນເລື່ອງທ້າທາຍ ແຕ່ດ້ວຍຄວາມມຸ່ງໝັ້ນ, ວິໄນ, ແລະການວາງແຜນທີ່ດີ, ທຸກຄົນສາມາດກ້າວຂ້າມອຸປະສັກເຫຼົ່ານີ້ໄດ້.

ການເລີ່ມຕົ້ນມື້ນີ້ ເຖິງຈະເປັນກ້າວນ້ອຍໆ ກໍມີຄ່າຫຼາຍກວ່າການບໍ່ເລີ່ມຕົ້ນເລີຍ. ແນ່ນອນຄວາມໝັ້ງຄັ່ງບໍ່ໄດ້ວັດຈາກຈຳນວນເງິນທີ່ຫາມາໄດ້ ແຕ່ຢູ່ທີ່ຄວາມສາມາດໃນການບໍລິຫານຈັດການເງິນທີ່ມີປະສິດທິພາບ ເພື່ອສ້າງອິດສະຫຼະພາບທາງການເງິນທີ່ຍືນຍົງໃນອະນາຄົດ.

ສະແດງຄຳຄິດເຫັນ