ແທ້ບໍ່! ການຫຸງເຂົ້າໃສ່ນ້ຳມັນໝາກພ້າວຊ່ວຍຫຼຸດແຄລໂລລີໄດ້ 50%? ນັກວິຊາການເຕືອນ ຢ່າຫຼົງເຊື່ອສູດໄວຣັລ

ໃນຊ່ວງນີ້ຕາມສື່ສັງຄົມອອນລາຍມີການແຊຣ໌ຄລິບທີ່ອ້າງວ່າ “ການຫຸງເຂົ້າໃສ່ນ້ຳມັນໝາກພ້າວຊ່ວຍຫຼຸດຄາໂລລີລົງໄດ້ເຖິງ 50%” ເຮັດໃຫ້ຫຼາຍຄົນເຂົ້າໃຈຜິດຄິດວ່າເປັນສູດຫຼຸດຄວາມອ້ວນແບບໃໝ່ທີ່ໄດ້ຜົນຈິງ. ຫຼ້າສຸດ ຮສ. ດຣ. ເຈດສະດາ ເດັນດວງບໍລິພັນ ນັກວິຊາການຈາກຈຸລາລົງກອນມະຫາວິທະຍາໄລ ໄດ້ອອກມາໂພສຊີ້ແຈງວ່າ ຂໍ້ມູນດັ່ງກ່າວບໍ່ເປັນຄວາມຈິງ ແລະ ມີການບິດເບືອນຈາກງານຄົ້ນຄວ້າຕົ້ນສະບັບ.

ຄລິບໄວຣັລທີ່ກຳລັງແຜ່ກະຈາຍນີ້ ອ້າງອີງຈາກການນຳສະເໜີງານຄົ້ນຄວ້າຂອງນັກສຶກສາປະລິນຍາເອກຊາວສີລັງກາ ໃນງານປະຊຸມທາງວິທະຍາສາດຂອງ American Chemical Society ເຊິ່ງທົດລອງຫຸງເຂົ້າດ້ວຍການເຕີມ ນ້ຳມັນໝາກພ້າວ 1 ບ່ວງໂຕະ ແລ້ວນຳໄປແຊ່ເຢັນ 12 ຊົ່ວໂມງ ພົບວ່າປະລິມານຄາໂລລີໃນເຂົ້າຫຼຸດລົງປະມານ 10-12% ເທົ່ານັ້ນ ຂຶ້ນຢູ່ກັບສາຍພັນເຂົ້າ.

ເຖິງຢ່າງໃດກໍຕາມ, ງານຄົ້ນຄວ້າດັ່ງກ່າວ ຍັງບໍ່ໄດ້ຖືກຕີພິມໃນວາລະສານວິຊາການ ແລະ ເປັນພຽງຜົນການທົດລອງໃນ ຫ້ອງປະຕິບັດການເຄມີ ຍັງບໍ່ມີຫຼັກຖານທາງຊີວະວິທະຍາ ຫຼື ການທົດລອງໃນມະນຸດ ທີ່ຢືນຢັນວ່າ ເມື່ອກິນເຂົ້າດ້ວຍວິທີນີ້ຈະເຮັດໃຫ້ຮ່າງກາຍໄດ້ຮັບຄາໂລລີໜ້ອຍລົງຈິງ.

ໂຄງສ້າງແປ້ງປ່ຽນ ແຕ່ບໍ່ໄດ້ແປວ່າຄາໂລລີຫາຍໄປເຄິ່ງໜຶ່ງ ແນວຄິດຂອງງານຄົ້ນຄວ້ານີ້ຄື ການເຮັດໃຫ້ແປ້ງໃນເຂົ້າກາຍເປັນ “Resistant Starch” ຫຼື ແປ້ງຕ້ານທານການຍ່ອຍ ເຊິ່ງຮ່າງກາຍຈະດູດຊຶມໄດ້ໜ້ອຍລົງແລະຊ້າລົງ ສົ່ງຜົນໃຫ້ຄ່າດັດຊະນີນ້ຳຕານ (GI) ຫຼຸດລົງ ເໝາະສຳລັບຜູ້ປ່ວຍເບົາຫວານໃນທາງທິດສະດີ.

ແຕ່ການກ່າວອ້າງວ່າ “ຫຼຸດຄາໂລລີໄດ້ເຖິງ 50%” ເປັນພຽງ ການຄາດເດົາຂອງຜູ້ວິໄຈເອງ ເຊິ່ງ ຍັງບໍ່ມີການທົດລອງພິສູດຈິງ ແລະ ທີ່ສຳຄັນຄື ຍັງບໍ່ມີການທົດສອບກັບເຂົ້າສາຍພັນໄທ ຫຼື ການຫຸງດ້ວຍໝໍ້ຫຸງເຂົ້າແບບທີ່ໃຊ້ກັນໃນຊີວິດປະຈຳວັນ.

ເພີ່ມນ້ຳມັນ = ເພີ່ມໄຂມັນ! ແມ່ນວ່າໂຄງສ້າງແປ້ງຈະປ່ຽນໄປ ແຕ່ການໃສ່ນ້ຳມັນໝາກພ້າວລົງໄປຫຸງ ກໍເທົ່າກັບວ່າເຮົາເພີ່ມໄຂມັນເຂົ້າສູ່ຮ່າງກາຍ ເຊິ່ງກໍມີຄາໂລລີສູງເຊັ່ນກັນ ຫາກບໍ່ຄວບຄຸມປະລິມານ ກໍອາດໄດ້ພະລັງງານຫຼາຍກວ່າທີ່ຕ້ອງການອີກ.

ອ.ເຈດສະດາ ຢ້ຳວ່າ ຂ່າວທີ່ອ້າງວ່າການຫຸງເຂົ້າໃສ່ນ້ຳມັນໝາກພ້າວສາມາດຫຼຸດຄາໂລລີໄດ້ເຄິ່ງໜຶ່ງ ບໍ່ເປັນຄວາມຈິງ ແລະ ບໍ່ຄວນນຳໄປປະຕິບັດຕາມໂດຍບໍ່ມີຂໍ້ມູນທີ່ຖືກຕ້ອງ.

ວິທີຫຼຸດຄາໂລລີທີ່ໄດ້ຜົນຈິງ ຄືການ:

• ຫຼຸດປະລິມານເຂົ້າທີ່ກິນໃນແຕ່ລະຄາບ
• ອອກກຳລັງກາຍເປັນປະຈຳ
• ເລືອກກິນອາຫານທີ່ມີກາກໃຍສູງແລະ GI ຕ່ຳຢ່າງພໍເໝາະ

ສະແດງຄຳຄິດເຫັນ