ເຖິງແມ່ນໄຂມັນມີຄວາມຈໍາເປັນຕໍ່ຮ່າງກາຍ ແຕ່ຫາກມີຫຼາຍເກີນໄປກໍ່ອາດມີໂທດໄດ້ຄືກັນ ເຊັ່ນດຽວກັນກັບຄວາມດັນເລືອດທີ່ຫາກມີຄວາມດັນເລືອດສູງກໍ່ອາດສົ່ງຜົນໃຫ້ເກີດໂລກຫົວໃຈ ແລະ ຫຼອດເລືອດ ເຊັ່ນ: ຫຼອດເລືອດສະໝອງແຕກ ແລະ ອາດຮ້າຍແຮງເຖິງຂັ້ນເສຍຊີວິດ ເພາະສະນັ້ນການເລືອກກິນອາຫານທີ່ມີປະໂຫຍດ ໂດຍສະເພາະຜັກ ແລະ ໝາກໄມ້ບາງຊະນິດທີ່ມີຄຸນສົມບັດຊ່ວຍຫຼຸດການດູດຊຶມໄຂມັນ ແລະ ຫຼຸດຄວາມດັນເລືອດ ຍ່ອມຊ່ວຍໃຫ້ສຸຂະພາບດີໃນລະຍະຍາວ

 

ຜັກ ແລະ ໝາກໄມ້ທີ່ຊ່ວຍຄວບຄຸມຄວາມດັນເລືອດ

 

• ກະທຽມ

ມີສານອັລລິຊິນ (Allicin) ຊຶ່ງເປັນສານຕ້ານອະນຸມູນອິສະລະ ນອກຈາກນີ້ສາມາດຫຼຸດການຊຶມຜ່ານຂອງຄໍເລັສເຕໍຣໍຈາກລະບົບທາງເດີນອາຫານເຂົ້າສູ່ກະແສເລືອດ ອີກທັງຊ່ວຍຕ້ານການແຂງຕົວຂອງເກັດເລືອດ

 

ດັ່ງນັ້ນຈຶ່ງມີຜົນເຮັດໃຫ້ເກັດເລືອດບໍ່ຈັບຕົວເປັນກ້ອນເມື່ອພາຍໃນຫຼອດເລືອດເກີດການອັກເສບ ຫຼື ເປັນແຜນ ແຕ່ຢ່າງໃດກໍ່ຕາມສານອັລລິຊິນມັກພົບໃນກະທຽມສົດ ການຮັບປະທານອາຫານເສີມໃນຮູບແບບກະທຽມເມັດຄວນປຶກສາແພດກ່ອນຮັບປະທານ

 

• ຜັກບົ້ງ

ໂພແທດເຊຍມໃນບົ້ງມີຄຸນສົມບັດສໍາຄັນໃນການຫຼຸດຄວາມດັນເລືອດ ດັ່ງນັ້ນຜູ້ທີ່ປ່ວຍເປັນຄວາມດັນເລືອດສູງຈຶ່ງຄວນຮັບປະທານຜັກບົ້ງເປັນປະຈໍາ

 

ແຕ່ໃນກໍລະນີທີ່ຜູ້ປ່ວຍເປັນໂລກໄຕເຣື້ອລັງ ບໍ່ແນະນໍາໃຫ້ຮັບປະທານ ເພາະໂພແທດເຊຍມອາດເຮັດໃຫ້ໄຕເສື່ອມໄວຂຶ້ນໄດ້ ຊຶ່ງຜັກບຸ້ງ 100 ກຣາມຈະໃຫ້ພະລັງງານປະມານ 22 ກິໂລແຄລໍລີ ແລະ ໂພແທດເຊຍມສູງເຖິງ 312 ມິນລິກຣາມ

 

• ໝາກເລັ່ນ

ໄລໂຄປີນ ແລະ ວິຕາມິນເອໃນໝາກເລັ່ນ ຊ່ວຍຕ້ານອະນຸມູນອິດສະລະ ແລະ ຫຼຸດການອັກເສບຂອງຫຼອດເລືອດ ຄວນເຮັດໃຫ້ໝາກເຂືອສຸກດ້ວຍຄວາມຮ້ອນກ່ອນຮັບປະທານ ເພື່ອໃຫ້ຮ່າງກາຍນໍາໄປໃຊ້ໄດ້ດີ ນອກຈາກນີ້ຫາກປຸງໝາກເລັ່ນດ້ວຍນ້ໍາມັນ ຮ່າງກາຍຈະຍິ່ງດູດຊຶມວິຕາມິນເອ ຊຶ່ງເປັນວິຕາມິນທີ່ລະລາຍໃນນ້ຳໄດ້ດີຂຶ້ນ

 

• ຫົວຫອມ

ມີສານຕ້ານອະນຸມູນອິດສະລະຊະນິດຟີໂນລິກ ຊຶ່ງສາມາດຫຼຸດການອັກເສບໃນຮ່າງກາຍລວມເຖິງພາຍໃນຫຼອດເລືອດ ຊ່ວຍຫຼຸດປັດໄຈສ່ຽງຕໍ່ຫຼອດເລືອດຕີບແຄບ ມີຜົນຕໍ່ລະດັບຄໍເລັສເຕໍຣໍ ດັ່ງນັ້ນຈຶ່ງສາມາດຮັບປະທານເປັນປະຈໍາ ທີ່ໜ້າສົນໃຈຄືມີຂໍ້ມູນຈາກນັກວິໄຈໃນປະເທດສະຫະລັດອາເມລິກາລະບຸວ່າ ນອກຈາກຫອມຫົວໃຫຍ່ຈະຊ່ວຍຫຼຸດລະດັບຄໍເລັສເຕໍຣໍໃນເລືອດຍັງຊ່ວຍເພີ່ມຄໍເລັສເຕໍຣໍຊະນິດດີໄດ້ດ້ວຍ

 

• ໝາກສີດາ

ໝາກສີດາເປັນຜົນໄມ້ທີ່ມີວິຕາມິນຊີ ຊຶ່ງເປັນສານຕ້ານອະນຸມູນອິດສະລະ ແລະ ມີເສັ້ນໃຍອາຫານສູງ ກາກໃຍອາຫານຈະຊ່ວຍຍັບຍັ້ງການດູດຊຶມຄໍເລັສເຕໍຣໍ ແລະ ຂັບຖ່າຍຄໍເລັສເຕໍຣໍອອກທາງອາຈົມ ດັ່ງນັ້ນການຮັບປະທານໝາກສີດາຄວນເລືອກຮັບປະທານທັງຜົນສົດແທນການດື່ມເປັນນ້ຳໝາກໄມ້

 

• ແອປເປິ້ນ

ແອປເປິ້ນເປັນໝາກໄມ້ທີ່ມີເສັ້ນໃຍອາຫານສູງ ຊຶ່ງມີທັງໃຍອາຫານທີ່ລະລາຍນ້ຳແລະ ບໍ່ລະລາຍນ້ຳ ມີສານຕ້ານອະນຸມູນອິສະລະທັງຟີໂນລິກ ແລະ ສານຟລາໂວນອຍດ໌ສູງໂດຍສະເພາະທີ່ເປືອກ ການຮັບປະທານອາຫານທີ່ມີໃຍອາຫານສູງຈະຊ່ວຍຫຼຸດການດູດຊຶມຄໍເລັສເຕໍຣໍ ຊ່ວຍປ້ອງກັນໂລກທີ່ກ່ຽວກັບຄໍເລັສເຕໍຣໍ ໂດຍສະເພາະຫຼອດເລືອດອຸດຕັນ ແນະນໍາໃຫ້ຮັບປະທານແອປເປິ້ນທັງເປືອກເພື່ອຈະໄດ້ປະໂຫຍດສູງສຸດ

 

ນອກຈາກການຮັບປະທານຜັກແລະໝາກໄມ້ທີ່ຊ່ວຍຫຼຸດຄວາມດັນ ແລະ ຄໍເລັສເຕໍຣໍແລ້ວ ການເລືອກຮັບປະທານອາຫານທີ່ດີຕໍ່ສຸຂະພາບ ພັກຜ່ອນໃຫ້ພຽງພໍ ອອກກໍາລັງກາຍເປັນປະຈໍາຄືສິ່ງສໍາຄັນ ລວມເຖິງການກວດສຸຂະພາບເປັນປະຈໍາທຸກປີ ແລະ ກວດສຸຂະພາບຫົວໃຈ ຫາກພົບເຈີ ຄວາມຜິດປົກກະຕິເພື່ອຈະໄດ້ເບິ່ງແຍງຮັກສາໄດ້ທັນທີ

ສະແດງຄຳຄິດເຫັນ