ເມື່ອບໍ່ດົນມານີ້ ພາສີ-ອາກອນຄຸນຫມິງ ແລະ ພາສີ-ອາກອນເມືອງຫນານຫນິງ ໄດ້ກວດພົບສານແຄດເມຍມ (Cadmium) (ສານກໍ່ໃຫ້ເກີດມະເຮັງ) ເກີນຄ່າມາດຕະຖານໃນໝາກຖົ່ວລຽນ ແລະ ໝາກມິີ້ ນຳເຂົ້າຈາກຫວຽດນາມອີກຄັ້ງ

 

 

ຊຶ່ງປັນຫານີ້ເກີດຂຶ້ນຢ່າງຕໍ່ເນື່ອງ ແລະ ຍັງບໍ່ໄດ້ຮັບການແກ້ໄຂຢ່າງເໝາະສົມ ຈີນແລະຫວຽດນາມໄດ້ຈັດທຳພິທີສານໃນການໃຊ້ມາດຕະການກວດທີ່ເຂັ້ມງວດຂຶ້ນ

 

ສຳລັບການນຳເຂົ້າໝາກຖົ່ວລຽນ ແລະ ໝາກມີ້ ຈາກຫວຽດນາມທຸກລັອດ ລະຫວ່າງວັນທີ່ 1 ທັນວາ 2024ເຖິງ 1 ມິຖຸນາ 2025 ເພື່ອຄວາມປອດໄພຂອງອາຫານ

 

ມາດຕະການດັ່ງກ່າວ ກຳນົດໃຫ້ໝາກຖົ່ວລຽນ ແລະ ໝາກມີ້ ຈາກຫວຽດນາມຕ້ອງຜ່ານການທົດລອງໃນຫ້ອງປະຕິບັດການທີ່ໄດ້ຮັບອະນຸມັດ

 

 

ໂດຍຜະລິດຕະພັນທີ່ຜ່ານການທົດລອງ ແລະ ຕົງຕາມມາດຕະຖານທີ່ກຳນົດເທົ່ານັ້ນທີ່ຈະໄດ້ຮັບອະນຸຍາດໃຫ້ນຳເຂົ້າສູ່ຕະຫຼາດຈີນ ແລະ ຕ້ອງຕິດຄັດຜົນການທົດລອງດ້ວຍ

 

ທັງນີ້ ພາສີ-ອາກອນຈີນຈະມີການດຳເນີນການກວດການນຳເຂົ້າຢ່າງເຄັ່ງຄັດ ດັ່ງນີ້:

 

1. ຈະກວດໝາກຖົ່ວລຽນ ແລະ ໝາກມີ້ ນຳເຂົ້າທຸກລັອດ
2. ເພີ່ມຄວາມເຂັ້ມງວດໃນການກວດປະເມີນ ນະ ສະຖານທີ່ ເພື່ອໃຫ້ແນ່ໃຈວ່າປະຕິບັດຕາມມາດຕະຖານຂອງ GACC
3. ສິນຄ້າທີ່ບໍ່ມີໃບສະແດງຜົນການທົດລອງຈາກຫ້ອງປະຕິບັດການທີ່ໄດ້ຮັບການຍອມຮັບ ຫຼື ມີຄ່າໂລຫະໜັກເກີນກວ່າທີ່ກຳນົດ ຈະຖືກຕີກັບ ຫຼື ທຳລາຍ
4. ຈະກວດການຮັບຮອງຜົນການທົດລອງຈາກຫ້ອງປະຕິບັດການຂອງຫວຽດນາມຢ່າງລະອຽດ ຫາກຈີນທົດລອງສິນຄ້າລັອດດຽວກັນ ແລ້ວພົບວ່າບໍ່ຜ່ານເກນກໍຈະເພີກຖອນການຮັບຮອງຫ້ອງປະຕິບັດການນັ້ນ

 

ມາດຕະການໃໝ່ນີ້ຈະສົ່ງຜົນໃຫ້ເກີດຄວາມຊັກຊ້າ ແລະ ເຮັດໃຫ້ສິນຄ້າຄ້າງສົ່ງ ອີກທັງຍັງເພີ່ມຕົ້ນທຶນໃນການທົດລອງສຳລັບການສົ່ງອອກໝາກໄມ້ຂອງຫວຽດນາມຢ່າງຫຼວງຫຼາຍ

 

ຊຶ່ງອາດເີັດໃຫ້ເກີດຄວາມຈຳເປັນໃນການປັບປຸງໂຄງສ້າງອຸດສາຫະກຳໝາກໄມ້ສົ່ງອອກຂອງຫວຽດນາມ ບໍ່ເຊັ່ນນັ້ນແລ້ວຫວຽດນາມອາດຈະຕ້ອງສູນເສຍສ່ວນແບ່ງທາງການຕະຫຼາດໃນຈີນ ແລະ ເກີດຜົນກະທົບຕະຫຼອດຫ່ວງໂຊ່ອຸປະທານໝາກໄມ້ສົ່ງອອກຂອງຫວຽດນາມ

ສະແດງຄຳຄິດເຫັນ