ເກົາຫຼີເໜືອໄດ້ອອກມາກ່າວວິພາກວິຈານ ແຜນການສ້າງໂກນເດນໂດມ ຊຶ່ງເປັນລະບົບປ້ອງກັນຂີປະນາວຸດ ມູນຄ່າ 1.75 ແສນລ້ານດອນລາ ຂອງປະທານາທິບໍດີ “ໂດນາລດ ທຣຳ” ຜູ້ນຳຂອງອາເມລິກາ

 

 

ໂດຍກ່າວວ່າ “ໂຄງການໂກນເດນໂດມ ສະແດງເຖິງຄວາມທະນົງຕົນ ເຍີຫຍິ່ງ ຍະໂສໂອຫັງ ແລະ ກະທຳຕາມອຳເພີໃຈ…” ແລະ “ໂຄງການດັ່ງກ່າວເປັນແຜນ ກໍ່ສົງຄາມນິວເຄລຍ ຕໍ່ເກົາຫຼີເໜືອ…”

 

 

ກ່ອນໜ້ານີ້ ໂຄສົກກະຊວງການຕ່າງປະເທດ “ເຫມົາ ຫນິງ” ຂອງຈີນ ເຄີຍກ່າວໄວ້ວ່າ “ອາເມລິກາລະເມີດຫຼັກການ ການໃຊ້ອະວະກາດຢ່າງສັນຕິ” ແລະ “ໂຄງການໂກນເດນໂດມຈະຈຸດຊະນວນ ໃຫ້ເກີດການແຂ່ງຂັນດ້ານອາວຸດ”

 

 

ເມື່ອບໍ່ເທົ່າໃດມື້ກ່ອນໜ້ານີ້ “ໂດນາລດ ທຣຳ” ກ່າວເອົາໄວ້ວ່າ “ຂ້ອຍໄດ້ເລືອກຮູບແບບຂອງໂກນເດນໂດມ ແລະ ແຕ່ງຕັ້ງຜູ້ບັນຊາການກອງທັບອະວະກາດ ໃຫ້ດູແລໂຄງການດັ່ງກ່າວແລ້ວ” ແລະ “ໂກນເດນໂດມຈະໃຊ້ງານໄດ້ໃນຊ່ວງໃກ້ໝົດວາລະຂອງຂ້ອຍ” ແລະ “ລະບົບດັ່ງກ່າວຈະຊ່ວຍປົກປ້ອງອາເມລິກາ ຈາກໄພຂົ່ມຂູ່ຕ່າງໆ

 

ຕັ້ງແຕ່ຂີປະນາວຸດ ຂີປະນາວຸດໄຮເປີໂຊນິກ ແລະ ຂີປະນາວຸດຮ່ອນຂັ້ນສູງ ທີ່ຖືກຍິງມາຈາກປະເທດຕ່າງໆ ເຊັ່ນ: ຈີນ, ອີຣານ, ເກົາຫຼີເໜືອ ແລະ ຣັດເຊຍ”

 

ສະແດງຄຳຄິດເຫັນ