ສານລັດຖະບານກາງສະຫະລັດ ພິພາກສາເມື່ອວັນພຸດ (28 ພຶດສະພາ 2025) ຫ້າມບັງຄັບໃຊ້ພາສີສຸນອາກອນ “Liberation Day” ຫຼື ພາສີປົດປ່ອຍສະຫະລັດ

 

ທີ່ປະກາດຂຶ້ນເມື່ອວັນທີ່ 2 ເມສາ 2025 ໂດຍໃຫ້ເຫດຜົນວ່າ ປະທານາທິບໍດີໂດນາລ ທຣຳ ໄດ້ໃຊ້ອຳນາດເກີນຂອບເຂດໜ້າທີ່ໃນການກຳນົດພາສີອກອນສິນຄ້ານຳເຂົ້າຈາກປະເທດທີ່ຂາຍສິນຄ້າໃຫ້ສະຫະລັດຫຼາຍກວ່າທີ່ສະຫະລັດຊື້

 

ສານການຄ້າລະຫວ່າງປະເທດໃນແມນຮັດຕັນ ລະບຸວ່າ ລັດຖະທຳມະນູນສະຫະລັດມອບອຳນາດພິເສດແກ່ລັດສະພາໃນການຄວບຄຸມການຄ້າກັບປະເທດອື່ນໆ

 

ທີ່ບໍ່ຢູ່ພາຍໃຕ້ການຄວບຄຸມອຳນາດສຸກເສີນຂອງປະທານາທິບໍດີໃນການປົກປ້ອງເສດຖະກິດສະຫະລັດ

 

ຄະດີດັ່ງກ່າວຍື່ນຟ້ອງຮ້ອງໂດຍສູນຍຸດຕິທຳລິເບີຕີທີ່ບໍ່ຝັກໃຝ່ຝ່າຍໃດ ແລະ ຍື່ນໃນນາມຂອງທຸລະກິດຂະໜາດນ້ອຍຂອງສະຫະລັດ 5 ແຫ່ງ ທີ່ນຳເຂົ້າສິນຄ້າຈາກປະເທດທີ່ຖືກກຳນົດພາສີອາກອນ

 

ຊຶ່ງຄະດີນີ້ຖືເປັນການຍື່ນຟ້ອງພາສີອາກອນຂອງທຣຳຄະດີໃຫຍ່ຄັ້ງທຳອິດ

 

ບັນດາບໍລິສັດຕ່າງໆ ຕັ້ງແຕ່ບໍລິສັດນຳເຂົ້າໄວນ໌ ແລະ ແອລກໍຮໍໃນນິວຢອກ ໄປຈົນເຖິງບໍລິສັດຜະລິດສິນຄ້າດ້ານການສຶກສາ ແລະ ເຄື່ອງດົນຕີໃນເວີຈີເນຍ ກ່າວວ່າ ພາສີອາກອນດັ່ງກ່າວຈະສົ່ງຜົນກະທົບຕໍ່ຄວາມສາມາດໃນການດຳເນີນທຸລະກິດຂອງພວກເຂົາ

 

ທັ້ງນີ້ ຄະດີດັ່ງກ່າວເປັນໜຶ່ງໃນ 7 ຄະດີທີ່ສານສະຫະລັດທ້າທາຍນະໂຍບາຍພາສີອາກອນຂອງທຣຳ ນອກເຫນືອຈາກຄະດີຂອງ 13 ລັດໃນສະຫະລັດ ແລະ ຄະດີຄວາມຈາກກຸ່ມທຸລະກິດຂະໜາດນ້ອຍອື່ນໆ

ສະແດງຄຳຄິດເຫັນ