ບັນດາໄອຍະການບຣາຊີລ ຍື່ນຟ້ອງ BYD ຜູ້ຜະລິດລົດຍົນໄຟຟ້າລາຍໃຫຍ່ສັນຊາດຈີນ ແລະ ບໍລິສັດຜູ້ຮັບເໝົາ 2 ແຫ່ງ ໂທດຖານຄ້າມະນຸດ ແລະ ມີສະພາບແວດລ້ອມແຮງງານທາດ

 

ຢູ່ໂຮງປະກອບແຫ່ງໜຶ່ງ ຕາມລາຍງານຂອງ AFP ໃນວັນພະຫັດ (29 ພຶດສະພາ) ອ້າງອິງເອກະສານທາງກົດໝາຍທີ່ພົບເຫັນ

 

ຄະດີນີ້ກ່ຽວຂ້ອງກັບແຮງງານຊາວຈີນ 220 ຄົນ ທີ່ຖືກພົບໃນສະພາບ “ຄ້າຍກັບເປັນທາດ” ຢູ່ໂຮງງານຂອງ BYD ແຫ່ງໜຶ່ງ ທີ່ຢູ່ລະຫວ່າງການກໍ່ສ້າງໃນເມືອງກາມາຄາຣີ ລັດບາເຢຍ ທາງຕາເວັນອອກສຽງເໜືອຂອງບຣາຊີລ ເມື່ອເດືອນທັນວາປີກ່ອນ

 

ກະຊວງແຮງງານຂອງລັດບາເຢຍ ລະບຸເມື່ອເດືອນທັນວາ ວ່າພວກເຂົາພົບສະພາບແວດລ້ອມການເຮັດວຽກທີ່ເສື່ອມໂທຣມ ຢູ່ໄຊຕ໌ກໍ່ສ້າງ ທີ່ຄາດໝາຍວ່າຈະເປັນໂຮງງານລົດຍົນໄຟຟ້າທີ່ໃຫຍ່ທີ່ສຸດຂອງ BYD ນອກເອເຊຍ.

 

“ແຮງງານຕ້ອງນອນໂດຍບໍ່ມີບ່ອນນອນ ແລະ ໃນອີກກໍລະນີໜຶ່ງ ມີແຮງງານ 31 ຄົນ ຕ້ອງໃຊ້ຫ້ອງນ້ຳຮ່ວມກັນ” ກະຊວງແຮງງານຂອງລັດບາເຢຍລະບຸ.

 

ຂະນະທີ່ຕາມຮ່າງກາຍຂອງພວກແຮງງານ ພົບເຫັນຄວາມເສຍຫາຍທາງຜິວໜັງຢ່າງເຫັນໄດ້ຊັດ ຈາກການເຮັດວຽກພາຍໃຕ້ແສງແດດຮ້ອນຈ້າເປັນເວລາຫຼາຍຊົ່ວໂມງ.

 

ນອກຈາກນີ້ແລ້ວ ທາງກະຊວງແຮງງານຂອງລັດບາເຢຍ ຍັງສົງໄສກ່ຽວກັບກໍລະນີ “ແຮງງານບັງຄັບ” ມີຂໍ້ກຳໜົດໃນສັນຍາຈ້າງທີ່ຂັດຕໍ່ກົດໝາຍ ຫຼື ບໍ່ເປັນທຳມະຊາດຕ່າງໆນານາ

 

ມີການຍຶດພາດສະປອດ ແລະ ນາຍຈ້າງຈະຫັກເງິນເດືອນຂອງພວກເຂົາສູງສຸດ 70% ຂະນະດຽວກັນພວກຄົນງານເຫຼົ່ານີ້ ຍັງຖືກຈັບຕາເບິ່ງຢູ່ຕະຫຼອດ ຈາກພວກເຈົ້າໜ້າທີ່ຮັກສາຄວາມປອດໄພຕິດອາວຸດ.

 

ຫຼັງຈາກຄຳກ່າວຫານີ້ຖືກເຜີຍແຜ່ຕໍ່ສາທາລະນະ ທາງບໍລິສັດລູກສາຂາບຣາຊີລຂອງ BYD ລະບຸວ່າ ພວກເຂົາໄດ້ຈີກສັນຍາທີ່ເຮັດກັບບໍລິສັດຜູ້ຮັບເໝົາ “ຈິນຈຽງ” ທີ່ຮັບຜິດຊອບການເຮັດວຽກ ຢູ່ໄຊຕ໌ກໍ່ສ້າງດັ່ງກ່າວແລ້ວ. ໃນຂະນະທີ່ ຈິງຈຽງ ປະຕິເສດຄຳກ່າວຫາ ຢືນຢັນວ່າບໍ່ມີການໃຊ້ແຮງງານທາດແຕ່ຢ່າງໃດ.

 

ເວລານີ້ທາງກະຊວງແຮງງານຂອງລັດບາເຢຍ ກຳລັງເຮັດໃຫ້ເສຍເງິນຊົດເຊີຍ 257 ລ້ານເຣຍນ (ປະມານ 45.3 ລ້ານໂດລາສະຫະລັດ) ສຳລັບຄວາມເສຍຫາຍທາງຈິດໃຈທີ່ເກີດຂຶ້ນກັບກຸ່ມບຸກຄົນ ຫຼື ສັງຄົມໂດຍລວມ ເຊັ່ນດຽວກັບເງິນຊົດໃຊ້ສຳລັບແຮງງານແຕ່ລະຄົນ.

 

ການຍື່ນຟ້ອງແພ່ງໃນຄັ້ງນີ້ກັບ BYD, ຈິນຈຽງ ແລະ Tonghe Intelligent Equipment (ເວລານີ້ປ່ຽນຊື່ເປັນ Tecmonta) ມີຂຶ້ນ

 

ຫຼັງຈາກບໍລິສັດເຫຼົ່ານີ້ ປະຕິເສດລົງນາມໃນ “ຂໍ້ຕົກລົງປັບປຸງພຶດຕິກຳ” ທີ່ສະເໜີໂດຍພວກເຈົ້າໜ້າທີ່ບຣາຊີນ.

 

ໃນວັນພະຫັດ (29 ພຶດສະພາ) ທາງ BYD ລະບຸໃນຖະແຫຼງການວ່າ ພວກເຂົາໃຫ້ຄວາມຮ່ວມມືກັບກະຊວງແຮງງານຂອງລັດບາເຢຍ ແລະ ເນັ້ນຢ້ຳວ່າ ພວກເຂົາມີຄວາມໝັ້ນໃຈທີ່ບໍ່ອາດຕໍ່ລອງໃດຕໍ່ສິດທິມະນຸດ ແລະ ສິດທິແຮງງານ ດຳເນີນກິດຈະກຳຕ່າງໆພາຍໃຕ້ຄວາມເຄົາລົບຕໍ່ກົດໝາຍຂອງບຣາຊີລ ແລະ ມາດຕະຖານການຄຸ້ມຄອງແຮງງານລະຫວ່າງປະເທດ.

 

ເຫົມາ ຫນິງ ໂຄສົກກະຊວງການຕ່າງປະເທດຈີນ ບອກກັບພວກຜູ້ສື່ຂ່າວວ່າ ປັກກິ່ງໃຫ້ຄວາມສຳຄັນຢ່າງສູງສຸດກັບການປົກປ້ອງ ແລະ ພິທັກສິດທິໂດຍຊອບທຳ ແລະ ຜົນປະໂຫຍດຂອງແຮງງານ ແລະ ກຳໜົດໃຫ້ບໍລິສັດສັນຊາດຈີນທັງຫຼາຍ ປະຕິບັດຕາມກົດໝາຍ ແລະ ຂໍ້ບັງຄັບທັງຫຼາຍ.

 

ສະແດງຄຳຄິດເຫັນ